ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐊᑲ ᐊᐱᑕᔨᑕᒡ ᐊᐛᓐᒋ ᑕᓐ ᐊᓂᔭᔪᐤ ᑯᐃᔅᒄ ᒋᐸ ᐃᓯ ᒋᔅᒐᔨᒪᐅᒡ ᒋᓴᒪᓂᑐᐛ ᑭᔭ ᐊᑲ ᐎ ᐊᐱᑕᔨᑕᒡ ᐅᐱᒪᑎᓯᐅᓄᐛᒡ ᐊᑯ ᒂ ᐃᑐᑕᑯᒡ ᓇᔅᒡ ᒐ ᐊᑲ ᒋ ᑯᐃᔅᑯᓇᑯᓂᔨᒡ ᑕᓐ ᐊ ᐃᑕᔨᑕᒡ ᒐᒋ ᐃᑎᒡ᙮ ᐊᑯ ᒪᒃ ᐊ ᐃᑐᑕᒡ ᐊᓂᔭᔪᐤ ᒐᒂᔪᐤ ᐊᑲ ᒋᐸ ᐅᒋ ᐃᑐᑎᒧᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:28 Iomraidhean Croise

ᒐᓂᓯᔅ 6:5

ᐊᑯ ᑎᐸᔨᒋᒐᓱᐤ ᒂ ᐛᐱᒪᑦ ᐃᔪᐛ ᓇᔅᒡ ᐊ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ᐃᑕᔨᑎᒧᐅᓂᔪᐤ ᒥᒄ ᒋ ᑎᑯᓂᔪᐤ ᐅᑕᐃᐛᒡ᙮

ᑎᐱᑦ ᐅᓂᑭᒧᐅᓇ 69:27

ᑕᐧᑯᑕ ᒥᒐᑎᓯᐅᓐ ᐅᒥᒐᑎᓯᐅᓄᐛᒡ: ᐊᑲ ᑭᔭ ᓇᐊᔨᒥᒡ ᒐᒋ ᐱᒐᒡ ᒋᑯᐃᔅᑯᑕᑎᓯᐅᓂᒡ᙮

ᐊᑈᔅᑕᓇᒡ 17:23

ᐊ ᐱᒧᑕᔭᓐ ᐊᓐᑕ ᒋᐅᑕᓇᒧᐛᒡ, ᓂᒋ ᐛᐸᑕᓐ ᐊᓐᑕ ᐊᔭᒥᐊᔭᒄ᙮ ᓂᒋ ᐛᐸᑕᓐ ᓂᓇᐧᑯᐤ ᐊ ᐃᓯᓇᒂᒋ ᐊᓐᑕ ᑲᒋ ᐊᔭᒥᐊᔭᒄ᙮ ᐊᑯ ᒂ ᐛᐸᑎᒪᓐ ᐸᐃᒄ ᐊᓐᑕ ᑲ ᐊᔭᒥᐊᔭᒄ ᐊ ᒥᓯᓇᑕᒡ ᐊᑎᔅᑕᒡ, ‘ᐊᑯᑕ ᐅᑕ ᒐ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ ᐊᓐ ᐊᔅᒄ ᐊᑲ ᒋᔅᒐᔨᑕᑯᓯᑦ᙮’ ᐊᑯ ᒪᒃ ᐛ ᐊᔨᒧᑎᒪᑎᑯᒡ ᒋᓴᒪᓂᑐᐤ ᐊᓐ ᐛ ᐊᔭᒥᐊᔅᑐᐛᒄ ᐊᑎ ᒪᒃ ᐊᑲ ᒋᔅᒐᔨᒪᒄ᙮”

ᐊᑈᔅᑕᓇᒡ 17:32

ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:18

ᐛᔅ ᐊᐅᑯᐤ ᐊ ᓄᑯᑕᑦ ᒋᓴᒪᓂᑐᐤ ᒋᒋᒋᓯᑯᒡ ᐅᒡ ᑕᓐ ᐊᔅᐱᔅ ᒥᔅᑎ ᒋᔄᐃᑯᑦ ᒥᓯᐛ ᐊᐛᔪᐛ ᐊᓂᔭ ᐅᒋ ᐊ ᒥᒐᑎᓯᔨᒋ ᑭᔭ ᐊᓂᔭ ᐊᑲ ᓇᔅᒡ ᐊᐱᑕᔨᒥᑯᑦ᙮ ᐛᔅ ᐊᓂᔭ ᐊ ᒥᒐᑎᓯᒡ ᐊᐛᓐᒋ ᓇᑲᐊᒧᒡ ᐊᑐᐎᔅ ᒐᒋ ᒋᔅᒐᔨᑕᑭᓄᐎᒡ ᑕᑈᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:21

ᐛᔅ ᒪᐅ ᑲ ᐃᓯᓇᒂᒡ᙮ ᒋ ᒋᔅᒐᔨᑎᒧᒡ ᑕᑈ ᐊ ᑕᔨᒋ ᒋᓴᒪᓂᑐᐛ, ᒥᒄ ᓇᒪ ᐅᒋ ᐎ ᒋᔅᑕᔨᒪᐅᒡ ᑕᓐ ᒋᐸ ᐃᓯ ᒋᔅᑕᔨᒪᐅᒡ ᑭᔭ ᓇᒪ ᐅᒋ ᐎ ᓂᓇᔅᑯᒪᐅᒡ᙮ ᐅᔭ ᐊ ᐃᑎᒡ ᓇᒪ ᐱᐸᔅᐱᓇ ᐅᒋ ᐃᑕᔨᑕᑯᓂᔪᐤ ᑕᓐ ᑲ ᐃᑕᔨᑕᒡ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᑯᐃᔅᒄ ᐅᒋ ᐃᓯ ᑭᓄᐛᐸᑎᒧᒡ ᒐᒂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:24

ᓇᒪ ᐅᒋ ᐊᐱᑕᔨᒪᐅᒡ ᒋᓴᒪᓂᑐᐛ᙮ ᐊᐅᒄ ᐛᒋ ᓇᔅᒡ ᒋ ᐱᔅᑕᔨᒥᑯᒡ ᐎᓂᓱᐅᓂᒡ ᐃᔅ, ᒐᒋ ᐊᑎ ᐃᑐᑕᒡ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᐅᑕᐃᐛᐛ᙮ ᐎᓂᐃᑐᐅᒡ ᒪᒃ ᐊᓂᔭ ᓇᔅᒡ ᓂᑐᐎᔾ ᐊ ᐃᑐᑕᑐᒡ ᐎᓂᓱᐅᓂᒡ ᐃᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:26

ᐅᔭ ᒪᒃ ᐊ ᐃᑎᒡ ᐊᐛᓐᒋ, ᐊᑲ ᐎ ᒋᔅᑕᔨᒪᒡ ᑭᔭ ᐊᑲ ᐎ ᓂᓇᔅᑯᒪᒡ ᒋᓴᒪᓂᑐᐛ ᐊᑯ ᐊᓐᑕ ᑲ ᐃᓯ ᐱᔅᑕᔨᒥᑯᒡ ᐅᐎᓂᓱᐤ ᒥᒋ ᓂᑐᐛᔨᑎᒧᓂᐛᒡ ᐃᔅ᙮ ᐛᐛᒡ ᐃᔎᐅᒡ ᒋ ᒂᔅᒋᐱᔨᑕᐛᐅᒡ ᑕᓐ ᐊᓂᔭᔪᐤ ᒋᓴᒪᓂᑐᐛ ᑲ ᐃᑎᔅᑕᔨᒋ ᐊ ᒥᔪᓇᑯᓂᔨᒡ ᒐ ᐃᓯ ᒋᔅᒐᔨᒥᑐᔨᒋ ᓇᐸᐛ ᑭᔭ ᐃᔎᐛ ᐊᓐᑕ ᓂᐳᐅᓂᒡ᙮

1 ᑯᕆᓐᑎᔭᓇ 15:34

ᐎ ᐛᔅᑭᒪᔨᑎᒧᒄ ᒪ᙮ ᐊᑯᓐ ᐊᑯ ᐃᔅᐱᔅ ᒥᒋᑐᑎᒧᒄ᙮ ᒋᐸ ᓴᒂᔨᒧᓇᐛᐤ ᐊ ᐃᑎᑎᑯᒡ ᐱᔅᒐ ᐊᓐᑕ ᐊ ᑎᓯᔭᒄ ᐊᑲ ᒋᔅᒐᔨᒪᒄ ᒋᓴᒪᓂᑐᐤ᙮

2 ᑯᕆᓐᑎᔭᓇ 10:5

ᒥᒄ ᓂᑦ ᐃᑎᓇᓐ ᒐᒋ ᓂᒋᐛᐸᐊᒪᒡ ᑕᓐ ᐊ ᐃᓯ ᐎᔭᓯᒧᐛᐤ ᑭᒐᑕᐛᑕᑯᐃᓯᒡ ᐊᓐᒡ ᐊᑲ ᒧᔭᒻ ᑲ ᐃᓯ ᐊᔨᒧᒪᒡ ᒋᓴᒪᓂᑐᐛ ᑭᔭ ᑲ ᓂᑲᐅᐛᒡ ᒐᒋ ᒋᔅᒐᔨᒪᑭᓄᔨᒋ ᒋᓴᒪᓂᑐᐛ᙮ ᓂ ᐎ ᐃᑐᑐᐛᓇᓂᒡ ᒐᒋ ᐱᔅᑕᔨᒥᑎᓱᔅᑎᒧᐛᒡ ᙭ᑕ ᐅᒥᑐᓇᔨᒋᑭᓄᐛᐛ ᒐᒋ ᐅᒋ ᓂᓇᐃᑐᐛᒡ᙮

ᐃᐱᓯᔭᓇ 5:4

ᓇᒪ ᑯᐃᔅᑯᓇᑯᓂᔪᐤ ᒋᓴᒪᓂᑐᐤ ᐅᑦ ᐃᔨᒪ ᒐᒋ ᒥᒋᑕᑯᓂᔨᒡ ᐅᑦ ᐃᔨᒧᐅᓂᔪᐤ ᒪᒃ ᒐᒋ ᒋᔎᐤ ᐃᔨᒥᔨᒋ ᒪᒃ ᓂᑎᒥᒄ ᒐᒋ ᐃᓯ ᐅᐎᑥᔨᒋ᙮ ᐃᔭᐱᒡ ᒧᔅ ᒋᐸ ᓂᓇᔅᑯᒪᐅᒡ ᐅᑎᐸᔨᒋᒐᐛ ᒥᓯᐛ ᒐᒂᔪᐤ ᐅᒡ᙮

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

2 ᑎᒧᑎ 3:8

ᓂᔅᑯᔅᑎᒧᒡ ᑕᑈᐅᓂᔪᐤ ᐅᒡ ᓇᐸᐅᒡ ᒧᔭᒻ ᑕᓐ ᑲ ᐃᑎᔨᒋ ᐊᓂᔭᐧᑲ ᒐᓂᔅ ᑭᔭ ᒐᒻᐳᕆᔅ ᐊᒋ ᓂᔅᑯᔅᑐᐛᔨᒋ ᒧᓱᓴ᙮ ᓇᔅᒡ ᑕᑈ ᓇᒪ ᑯᐃᔅᑯᑯᑕᔪᐛ ᐅᒥᑐᓇᔨᒋᑭᓄᐛᐛ ᑭᔭ ᐅᑕᑈᑎᒧᐅᓄᐛᐤ ᓇᒪ ᑯᐃᔅᒄ ᐃᓯᓇᑯᓂᔪᐤ᙮

ᑕᐃᑕᔅ 1:16

ᐃᔅᒋᔄᐅᒡ ᐊ ᒋᔅᒐᔨᒪᒡ ᒋᓴᒪᓂᑐᐛ ᒥᒄ ᒪᒃ ᐊᓂᔭ ᐊ ᐃᑕᑎᓯᒡ ᓄᑯᓂᔪᐤ ᐊᑲ ᑕᑈ ᒋᔅᒐᔨᒪᒡ ᒋᓴᒪᓂᑐᐛ ᐛᔅ ᓇᔅᒡ ᒥᒐᑎᓯᐅᒡ᙮ ᓇᒪ ᓇᔅᒡ ᓂᓇᐃᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᐃᑕᔨᑕᑯᓱᐅᒡ ᒐᒋ ᒥᔪᑐᑕᒡ᙮

ᐸᐃᓕᒪᓐ 1:8

ᐊᐅᒄ ᒪᒃ ᐛᒋ ᐎ ᑯᒂᒋᒥᑕᓐ ᒐᒂᓐ ᐊ ᒋᔅᒐᔨᒥᑕᓐ ᐊᔅᐱᔅ ᓴᒋᐃᑥᐤ ᐊᐛᓐᒋ᙮ ᐊᑈᔅᑕᓐ ᐊ ᑕᔭᓐ ᒋᐸ ᒋ ᐎᓱᐛᑎᑎᓐ ᑕᓐ ᒐ ᐃᑎᔨᓐ᙮

2 ᐱᑕᕐ 3:5

ᑎᑯᓂᔪᐤ ᒪᒃ ᑕᓐ ᐊᓂᔭᔪᐛ ᒐᒂᔪᐛ ᓇᔅᒡ ᐊᑲ ᐃᔭᐱᑕᔨᑕᒡ ᐅᔭ ᐊ ᐃᑎᒡ ᑭᔭ ᐅᔭ ᐊ ᐃᔅᒋᔄᒡ ᐅᒡ᙮ ᐛᔅᑭᒡ ᐊᓐᑕ ᑕᑈ ᒋᓴᒪᓂᑐᐤ ᒥᒄ ᒋ ᐃᓯ ᐃᔅᒋᔄᐤ ᒐᒋ ᑎᑯᓂᔨᒡ ᐊᔅᒋᔪᐤ ᑭᔭ ᒥᓯᐛ ᐊᓐᑕ ᒋᓯᑯᔪᐤ, ᐊᐅᑯᓐ ᒪᒃ ᐊᓐ ᑲ ᐃᓯᓇᑯᓂᔨᒡ᙮ ᐛᔅ ᓂᐱᒡ ᒋ ᐅᒋ ᐅᓯᑕᑭᓄᐤ ᐊᔅᒋᔾ ᑭᔭ ᓂᐱᔾ ᒋ ᐊᐱᑎᓐ ᑲ ᐅᐛᔨᔅᑭᒥᒋᓂᑭᓄᐅᒡ᙮