ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒂᔅᒋᓂᒧᐛᐅᒡ ᐊᓂᔭ ᑕᑈᐅᓂᔪᐤ ᒋᓴᒪᓂᑐᐛ ᑲ ᐱᔅᑎᓂᒥᔨᒋ ᒐᒋ ᒋᔅᒐᔨᑕᑭᓄᐎᒡ᙮ ᒥᔅᑯᒡ ᒪᒃ ᑭᑭᒋᔭᐅᓂᔪᐤ ᒋ ᑕᑈᑎᒧᒡ᙮ ᐃᔅᐱᔅ ᐎ ᐊᓂᔭᔪᐛ ᐊᐛᔪᐛ ᒥᓯᐛ ᒐᒂᔪᐤ ᑲ ᐅᓯᑕᔨᒋ ᒐᒋ ᐊᔭᒥᐊᔅᑐᐛᒡ, ᐊᓂᔭᔪᐛ ᒐᒂᔪᐛ ᑲ ᐅᓯᑕᔨᒋ ᐊᐅᑯᓂ ᐊᓂᔭᔪᐛ ᐊᔭᒥᐊᔅᑕᒡ᙮ ᒋᓴᒪᓂᑐᐤ ᒪᒃ ᐊᐅᒄ ᑕᑈ ᑎᔭᐱᒐᔨᑕᑯᓯᑦ ᑲᒋᒡ ᒐᒋ ᒪᒥᒋᒪᑭᓄᐅᑦ᙮ ᐊᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:25 Iomraidhean Croise

ᑎᐱᑦ ᐅᓂᑭᒧᐅᓇ 72:19

ᑭᔭ ᒋᑭ ᐎ ᒪᒥᒋᒥᑕᑭᓄᐎᔪᐤ ᐅᒋᔅᑕᔨᑕᑯᓱᐅ ᐃᓯᓂᐧᑲᓱᐅᓐ ᑲᒋᒡ: ᐊᑯᔅ ᒪᒃ ᒥᓯᐛ ᐊᔅᒋᒡ ᒋᑭ ᓴᑭᔅᒋᓇᔪᐤ ᐅᒋᔅᑕᔨᑕᑯᓱᐅᓐ᙮ ᐊᒥᓐ, ᑭᔭ ᐊᒥᓐ᙮

ᒪᑎᔪᐤ 10:37

“ᐊᐛᓐ ᐅᔅᑕ ᐅᑕᐎᔭ ᑭᔭ ᒪᒃ ᐅᑲᐎᔭ ᓴᒋᐊᒐ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮ ᑭᔭ ᐊᐛᓐ ᐅᔅᑕ ᓴᒋᐊᒐ ᐅᑯᓴ ᑭᔭ ᒪᒃ ᐅᑕᓂᓴ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮

ᒪᑎᔪᐤ 6:24

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ, ᐛᔅ ᐸᐃᒄ ᐊᓂᔭ ᒋᑭ ᓴᒋᐊᐤ, ᑭᔭ ᑯᑎᑲ ᒋᑭ ᐛᐧᑲᑕᐤ᙮ ᑭᔭ ᒪᒃ ᒋᑭ ᒋᔅᑕᔨᒪᐤ ᐊᓂᔭ ᐸᐃᒄ, ᑯᑎᑲ ᒪᒃ ᒋᑭ ᐊᑐᐛᔨᒪᐤ, ᓇᒪ ᒋᑭ ᒋ ᐊᑐᔅᑯᐛᐤ ᒋᓴᒪᓂᑐᐛ ᐊᔪᐤ ᒪᒃ ᓱᒃ ᐊ ᐊᑐᔅᒐᑦ ᐊ ᐎ ᐛᔪᑎᓯᑦ᙮”

ᒠᓐ 2:8

ᐊᑯ ᒥᓐ ᒂ ᐃᑕᑦ, “ᒂᐸᐊᒥᒄ ᐊᐱᓯᔅ ᒐ ᐃᑐᑐᐛᒄ ᐊᓐ ᒥᑯᓴᐅᒋᒪᐤ᙮” ᐊᐅᑯᓐ ᑭᑈ ᑲ ᐃᑎᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:18

ᐛᔅ ᐊᐅᑯᐤ ᐊ ᓄᑯᑕᑦ ᒋᓴᒪᓂᑐᐤ ᒋᒋᒋᓯᑯᒡ ᐅᒡ ᑕᓐ ᐊᔅᐱᔅ ᒥᔅᑎ ᒋᔄᐃᑯᑦ ᒥᓯᐛ ᐊᐛᔪᐛ ᐊᓂᔭ ᐅᒋ ᐊ ᒥᒐᑎᓯᔨᒋ ᑭᔭ ᐊᓂᔭ ᐊᑲ ᓇᔅᒡ ᐊᐱᑕᔨᒥᑯᑦ᙮ ᐛᔅ ᐊᓂᔭ ᐊ ᒥᒐᑎᓯᒡ ᐊᐛᓐᒋ ᓇᑲᐊᒧᒡ ᐊᑐᐎᔅ ᒐᒋ ᒋᔅᒐᔨᑕᑭᓄᐎᒡ ᑕᑈᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:23

ᐃᔅᐱᔅ ᐎ ᒐᒋ ᐊᔭᒥᐊᔅᑐᐛᒡ ᑲ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭ ᑲᒋᒡ ᒐ ᑕᔨᒋ, ᐃᔭᐱᒡ ᐊᓂᔭᔪᐛ ᒥᓂᑐᐧᑲᓇ ᒐ ᓂᓱᐅᓇᑎᓯᔨᒋ ᐊᔭᒥᐊᔅᑐᐛᐅᒡ, ᐊᓂᔭᔪᐛ ᐎᔨᐛᐤ ᑎᐱᔨᐛ ᐊᒋ ᐅᓯᐊᒡ ᒥᔅᑎᑯᒡ ᑭᔭ ᐊᓯᓂᒡ ᐅᒡ᙮ ᐊᓂᔭᔪᐛ ᒪᒃ ᒥᓂᑐᐧᑲᓇ ᑲ ᐅᓯᐊᒡ ᒧᔭᒻ ᓇᐸᐛ ᒪᒃ ᐱᔭᓯᓴ ᒪᒃ ᐊᐛᓯᓴ ᒪᒃ ᓂᓇᐧᑯᐤ ᐊ ᐃᓯᓇᑯᓯᔨᒋ ᒥᓐᑐᓴ ᐊᐅᑯᓐ ᑲ ᐃᓯᓇᑯᐊᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:5

ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ᐱᒪᑎᓯᑦ ᐃᔅᐱ ᓇᐸᐛ ᑲ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐱᒥᐱᔨᑕᑦ, ᑲᒋᒡ ᒋᑭ ᐎ ᒪᒥᒋᒪᑭᓄᐤ᙮ ᐊᒥᓐ᙮

2 ᑯᕆᓐᑎᔭᓇ 11:31

ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᐅᑕᐎᔭ ᒋᔅᒐᔨᑎᒻ ᐊᑲ ᑭᑭᒋᔭᐅᒡ᙮ ᐎᔾ ᑲᒋᒡ ᒋᑭ ᒪᒥᒋᒪᑭᓄᐤ᙮

ᐃᐱᓯᔭᓇ 3:21

ᐎᔾ ᒋᓴᒪᓂᑐᐤ ᑲᒋᒡ ᒋᑭ ᒋᔅᑕᔨᑕᑯᐊᑭᓄᐤ ᒪᒂᒡ ᐅᒪᒧᐊᔭᒥᐊᐛ ᐊ ᑕᔨᒋ ᒋᓴᔅ ᙭ᑕ ᐅᒡ᙮ ᐊᒥᓐ᙮

1 ᑕᓴᓗᓂᔭᓇ 1:9

ᑕᓐᑕ ᒥᒄ ᑲ ᐊᑎ ᐃᑐᑕᔭᒡ ᐊᔨᒧᑎᒧᒡ ᐊᐛᓐᒋ ᐊᒋ ᐸᑕᒡ ᑕᓐ ᑲ ᐃᓯ ᒥᔪᐧᑯᐅᔭᒡ ᒋᔨᐛᐤ ᑕᓴᓗᓇᐃᑲ ᑲ ᐅᒋᔭᒄ ᑲ ᓂᑐᐛᐱᒥᑕᒡ᙮ ᐊᔨᒧᑎᒧᒡ ᑭᔭ ᑕᓐ ᑲ ᐃᓯ ᐳᓂᐛᒄ ᐊ ᐊᔭᒥᐊᔅᑐᐛᒄ ᒥᓂᑐᐧᑲᓐ ᒐᒋ ᓂᓇᐃᑐᒪᑯ ᑭᔭ ᒐᒋ ᐊᑐᔅᑯᒪᑯ ᐊᓂᔭᔪᐛ ᑕᑈ ᒐᓴᒪᓂᑐᔨᒋ ᑭᔭ ᑕᑈ ᐸᒪᑎᓯᔨᒋ,

1 ᑎᒧᑎ 1:11

ᐅ ᒥᔪ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ᑕᑦ ᐊᑯᑕ ᐛᒋᐱᔨᒡ᙮

1 ᑎᒧᑎ 1:17

ᐊᑯ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ ᑭᔭ ᐎᔾ ᓇᔅᒡ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓐ ᑲᒋᒡ ᑲ ᒋᓴᐅᒋᒪᐅᑦ, ᐊᓐ ᒐ ᐊᑲ ᓂᑕ ᓂᐱᑦ, ᐊᑲ ᓄᑯᓯᑦ ᑭᔭ ᐊᓐ ᒥᒄ ᐱᔭᐃᑯᓯᑦ ᒋᓴᒪᓂᑐᐤ᙮ ᐊᒥᓐ᙮

2 ᑎᒧᑎ 3:4

ᓇᔅᒡ ᒋᑭ ᐎᒋ ᐛᐎᔭᓯᐊᐅᒡ ᐅᐎᒐᐛᑭᓄᐛᐛ, ᓇᒪ ᓇᔅᒡ ᒋᑭ ᐅᒋ ᓂᓇᑭᑐᐛᔨᑎᒧᒡ ᑕᓐ ᐊ ᐃᑎᒡ, ᑭᔭ ᓇᔅᒡ ᑕᑈ ᒥᔅᑎ ᒋᑭ ᐃᑕᔨᒥᓱᐅᒡ᙮ ᐅᔅᑕ ᒋᑭ ᓴᒋᑕᐅᒡ ᐊᓂᔭ ᐎᔨᐛᐤ ᐊ ᐃᓯ ᒧᒋᒐᔨᑎᒥᐃᑯᒡ ᒐᒂᔪᐤ ᐃᔅᐱᔅ ᐎ ᒋᓴᒪᓂᑐᐛ ᐊᑐᐎᔅ ᒐᒋ ᓴᒋᐊᒡ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮