ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐛᔅ ᑕᐸ ᓂ ᐱᒪᒥᓯᑐᑕᓐ ᒥᔽᒋᒧᐅᓐ᙮ ᐊᐅᒄ ᐅᔭ ᒥᔽᒋᒧᐅᓂᔪᐤ ᓱᒃ ᐃᔭᐱᒋᑕᑦ ᒋᓴᒪᓂᑐᐤ ᒐᒋ ᐊᔭᔨᒋ ᐱᒪᒋᐃᑯᓯᐅᓂᔪᐤ ᒥᓯᐛ ᐊᐛᔪᐛ ᑲ ᑕᑈᑎᒥᔨᒋ᙮ ᓂᔅᑎᒻ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒋ ᐛᐎᑎᒧᐛᑭᓄᐅᔪᐛ ᒐᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒂ ᐛᐎᑎᒧᐛᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:16 Iomraidhean Croise

ᑎᐱᑦ ᐅᓂᑭᒧᐅᓇ 110:2

ᑎᐸᔨᒋᒐᓱᐤ ᒋᑭ ᒋᑎᓴᐊᒻ ᒋ ᒪᔅᑲᓱᐎ ᒥᔅᑎᑯᒥᔪᐤ ᓴᐃᔭᓂᒡ ᐅᒡ: ᑎᐸᔨᒋᒐ ᐊᓐᑕ ᐊ ᐃᑕᒡ ᑲ ᐛᐧᑲᑎᔅᒡ᙮

ᑎᐱᑦ ᐅᓂᑭᒧᐅᓇ 119:46

ᓂᑭ ᐊᔨᒧᑕᓐ ᒋᑎᐸᒋᒧᐅᓇ ᑭᔭ ᐅᑎᔅᑯᐤ ᒋᓴᐅᒋᒪᐅᒡ, ᓇᒪ ᑭᔭ ᓂᑭ ᓴᒂᔨᒧᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:38

ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”

ᓗᒃ 9:26

ᐊᐛᓐ ᒪᒃ ᓴᒂᔨᒧᒐ ᓂᔾ ᐅᒋ ᑭᔭ ᓂᑦ ᐃᔨᒧᐅᓂᔪᐤ ᐅᒋ ᐊᐅᒄ ᒐ ᓴᒂᔨᒧᐊᑦ ᐃᔪᐤ ᐅᑯᓯᓴᓐ ᐃᔅᐱ ᒥᓐ ᑎᑯᓯᓂᔨᒐᓂ ᐅᒋᔅᑕᔨᑕᑯᓱᐅᓂᔨᒡ᙮ ᐊᑯᑕ ᒐ ᒋᔅᒐᔨᑕᒡ ᐊᐛᓐᒋ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ ᐛᔅ ᒋᑭ ᐛᐸᑎᔨᐛᐅᒡ ᐅᑕᐎᒪᐤ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐃᔅᐱᔅ ᒋᔅᑕᔨᑕᑯᓯᔨᒋ᙮

ᒠᓐ 7:35

ᐊᑯ ᐊᓐᒡ ᒍᐤ ᑲ ᓂᑲᓂᔅᑯᐛᒡ ᑲ ᑯᒂᒋᒥᑐᒡ, “ᑕᓐᑕ ᒐ ᐃᑐᑕᑦ ᒐ ᐅᒋ ᐊᑲ ᒥᔅᑯᐛᐧᒄ ? ᒂᔄᓐ ᑯᒂᑕᔨᑎᒧᒐ ᐊᓐᑕ ᑯᑎᑲ ᒍᐤ ᐊ ᑕᔨᒋ ᒐᒋ ᐃᑐᑕᑦ ᒐᒋ ᒋᔅᑯᑎᒧᐛᑦ ᐊᓂᔭ ᑯᕆᒃ ᑲ ᐃᑎᔅᑲᓇᓯᔨᒋ᙮

ᐊᑈᔅᑕᓇᒡ 3:26

ᒋ ᐅᑎᓇᐤ ᒪᒃ ᒋᓴᒪᓂᑐᐤ ᐅᔭ ᐅᑦ ᐊᐱᒋᐊᑭᓇ ᒋᔨᐛᐤ ᒪᐅᒡ ᓂᔅᑎᒻ ᒐᒋ ᐃᑎᓴᐊᒪᑕᒄ᙮ ᒋᑭ ᓱᐛᔨᒥᑯᐛᐤ ᐊ ᐃᑐᑕᑯᐅᔭᒄ ᒥᓯᐛ ᐊ ᑎᓯᔭᒄ ᒐᒋ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:17

ᐊ ᐸᑕᒡ ᐊᐛᓐᒋ ᙭ᑕ ᐊ ᐊᔨᒧᒪᑭᓄᔨᒋ ᐊᑯᑕ ᐛᒋ ᑕᑈᑕᒡ᙮ ᐊ ᑭᒐᔅᒋᒧᓇᓄᐅᒡ ᒪᒃ ᐊᑯᑕ ᐊ ᐊᔨᒧᒪᑭᓄᐅᑦ ᙭᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:29

ᓂ ᒐᔅᑎᓇᐅᓐ ᒪᒃ ᑎᑯᓯᓂᔭᓇ ᐊᓐᑕ ᐊ ᑕᔭᒄ ᒐ ᐃᑐᑕᑎᑯᒡ ᓇᔅᒡ ᒐᒋ ᓱᐛᔨᒥᑕᒄ ᙭᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:9

ᒥᓯᐛ ᐊᓐᒡ ᑲ ᒥᒐᑎᓯᒡ ᒥᔅᑎ ᒋᑭ ᐅᑎᑕᐅᑯᐅᒡ ᓂᓇᐧᑲᑕᔨᒧᐅᓂᔪᐤ ᑭᔭ ᒋᑭ ᒪᑎᑯᔅᑲᑯᐅᒡ ᐊᔨᒪᔨᑎᒧᐅᓂᔪᐤ᙮ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂᔅᑎᒻ ᒋᑭ ᑎᐸᔅᑯᓇᑭᓄᐎᒡ ᐊᑯ ᒥᓐ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:11

ᐸᑎᒪ ᒋ ᒋᔅᒋᓄᐛᒋᔄᑭᓄᐤ᙮ ᐊᓂᔭ ᒪᒃ ᐊᒋ ᒋᔅᒋᓄᐛᒋᔄᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑕᑯᑕᑭᓄᐎᒡ ᐊ ᑕᑈᔭᔨᒪᑦ ᒋᓴᒪᓂᑐᐛ, ᓴᔅ ᑯᐃᔅᑯᑕᑎᓯᐅᓂᒡ ᐊᒋ ᐃᓯ ᑭᓄᐛᐱᒥᑯᑯᐱᓇ ᒋᓴᒪᓂᑐᐛ᙮ ᓴᔅ ᑯᐃᔅᑯᑕᑎᓯᐅᓂᒡ ᒋ ᐃᓯ ᑭᓄᐛᐱᒥᑯᑯᐱᓇ ᐊᔅᒄ ᐊᑲ ᐛᐛᒡ ᐅᒋ ᒋᔅᒋᓄᐛᒋᔄᑭᓄᐅᑦ᙮ ᐊᑯ ᒪᒃ ᐊ ᐊᑎ ᐃᓯᓇᑯᓯᑦ ᐊ ᐅᑕᐎᒪᐅᑐᑕᑯᑦ ᒥᓯᐛ ᐊᓂᔭᔪᐛ ᑲ ᑕᑈᔭᔨᒪᔨᒋ ᒋᓴᒪᓂᑐᐛ, ᐊᓂᔭᔪᐛ ᑯᐃᔅᑯᑕᑎᓯᐅᓂᒡ ᑲ ᐃᓯ ᑭᓄᐛᐱᒥᑯᔨᒋ ᒋᓴᒪᓂᑐᐛ, ᐊᑎ ᐊᑲ ᐅᒋ ᒋᔅᒋᓄᐛᒋᔄᑭᓄᔨᒋ᙮

1 ᑯᕆᓐᑎᔭᓇ 15:2

ᐊᐅᒄ ᒥᔽᒋᒧᐅᓐ ᒋᓴᔅ ᑲ ᐊᔨᒧᒪᑭᓄᐅᑦ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ᙮ ᐊᐅᒄ ᒐ ᐱᒪᒋᐃᑯᔭᒄ ᓱᒃ ᒥᒪᒋᒥᓂᒪᒂ᙮ ᐊᑲ ᒪᒃ ᐅ ᑎᔭᒂ ᐊᑯ ᑭᑈ ᒐᔅᑲ ᐊᒋ ᑕᑈᑎᒪᒄ ᒐ ᐃᓯᓇᒂᒡ ᐊᑲ ᐱᒪᒋᐃᑯᔭᒂ᙮

1 ᑯᕆᓐᑎᔭᓇ 2:2

ᓂᒋ ᐎᔭᔨᑕᓐ ᒥᒄ ᐸᐃᒄ ᒐᒂᓐ ᒐ ᐊᔨᒧᑎᒪᓐ ᐊᐅᒄ ᒋᓴᔅ ᙭ ᑭᔭ ᐊᓂᔭ ᐊᒋ ᒋᔅᑕᔎᑕᑭᓄᐅᑦ᙮

1 ᑯᕆᓐᑎᔭᓇ 2:4

ᒪᒂᒡ ᑲᒋ ᐃᔨᒥᐃᑎᑯᒡ ᑭᔭ ᑲᒋ ᑭᒐᔅᒋᒥᑎᑯᒡ ᓇᒪ ᓂ ᐅᒋ ᐎ ᐃᑎᑕᑯᐃᓱᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᐊᓐᑕ ᒐᒋ ᐅᒋ ᑕᑈᑎᒪᒄ᙮ ᒋᓴᒪᓂᑐᐤ ᐅᑦ ᐊᒐᒂ ᐅᓱᐧᑲᑎᓯᐅᓂᔪᐤ ᐊᐅᒄ ᑲ ᐃᑐᑕᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᐛᐎᑎᒪᓐ᙮

1 ᑯᕆᓐᑎᔭᓇ 9:12

ᓇᒪᐎᔾ ᒐᒂᓐ ᒋᑦ ᐃᑕᔨᑕᓇᓄᐤ ᑯᑎᑭᒡ ᐊᐛᓐᒋ ᐊ ᐱᒪᒋᐊᑯᒡ᙮ ᐊᑐᐎᔅ ᒪᒃ ᐃᑕᔨᑕᑯᓐ ᓂᔭᓐ ᒐᒋ ᐱᒪᒋᐃᔭᒡ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑕᒡ ᒐᒋ ᐎᒋᐃᔨᐊᒡ ᓇᒪ ᐃᔭᐱᒡ ᒋ ᐅᒋ ᑯᒂᒋᒥᑎᓇᓐ᙮ ᐊᑯ ᒪᒃ ᓂᔭᓐ ᐸᒥᐱᔨᐃᓱᔭᒡ ᐛᔅ ᑕᐸ ᓇᓂᑐᐛᔨᑕᓇᓐ ᒐᒂᓐ ᒐᒋ ᒋᐱᔅᑲᑯᔭᒡ ᐊ ᐎ ᐛᐎᑎᒪᒡ ᒥᔽᒋᒧᐅᓐ᙮

1 ᑯᕆᓐᑎᔭᓇ 9:18

ᒐᒄ ᑎᐸᐊᒪᑯᓯᐅᓐ ᒪᒃ ᒪᔨᑯᐅᔭᓐ᙮ ᐊᓐ ᓴᒐᔾ ᐊ ᑭᒐᔅᒋᒧᔭᓐ ᐊ ᐛᐎᑎᒪᓐ ᒥᔽᒋᒧᐅᓐ ᐊᐅᑯᓐ ᐊᓐ ᓂᑎᐸᐊᒪᑯᓯᐅᓐ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑎᑯᒡ ᒐᒋ ᐱᒪᒋᐃᔭᒄ ᐊ ᐛᐎᑎᒪᓐ ᒥᔽᒋᒧᐅᓐ ᓇᒪ ᒋ ᑯᒂᒋᒥᑎᓇᐛᐤ ᒐᒋ ᐛᐎᒋᐃᔭᒄ᙮

2 ᑯᕆᓐᑎᔭᓇ 2:12

ᑐᕈᐊᔅ ᐊ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ᐛᐎᑎᒧᒡ ᙭ ᐅᒥᔽᒋᒧᐅᓐ᙮ ᑲ ᐸᐱᔭᓐ ᒪᒃ ᐊᓐᑕ ᓇᔅᒡ ᒋ ᓂᔅᑐᓇᑯᓐ ᐅᑎᐸᔨᒋᒐᐤ ᓴᔅ ᐊᒋ ᐊᔭᔅᑯᔅᑕᑯᐱᓇ ᐊᓐᑕ ᒐᒋ ᑭᒐᔅᒋᒧᐅᒡ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 9:13

ᑭᔭ ᒋᑭ ᒋᔅᑕᒋᒪᐅᒡ ᒋᓴᒪᓂᑐᐛ ᐛᐸᑕᒂᐛ ᐊ ᓄᑯᓂᔨᒡ ᑕᑈ ᐊ ᑕᑈᑎᒪᒄ ᑭᔭ ᐊ ᓂᓇᐃᑎᒺᒄ ᒋᓴᔅ ᙭ ᐅᒥᔽᒋᒧᐅᓐ᙮ ᑭᔭ ᒋᑭ ᒋᔅᑕᒋᒪᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᔅᐱᔅ ᐎᒋᐊᑯᒡ ᑭᔭ ᑕᓐ ᑲ ᐃᔅᐱᔅ ᐎᒋᐃᒪᑯ ᑯᑎᑲ ᐊᐛᔪᐛ᙮

ᑲᓚᓯᔭᓇ 1:7

ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮

1 ᑕᓴᓗᓂᔭᓇ 2:13

ᒪᐅ ᒥᓐ ᐛᒋ ᒧᔅ ᓂᓇᔅᑯᒥᒋᒡ ᒋᓴᒪᓂᑐᐤ᙮ ᐃᔅᐱ ᑲ ᐸᒋ ᐛᐎᑎᒪᑕᒡ ᑕᓐ ᑲ ᐃᓯ ᒥᔨᑯᔭᒡ ᒋᓴᒪᓂᑐᐤ ᒐᒋ ᐃᓯ ᐛᐎᑎᒪᒡ ᐃᔭᒂ ᔅᒋ ᓂᑐᑕᓇᐛᐤ ᑭᔭ ᔅᒋ ᑕᑈᑕᓇᐛᐤ᙮ ᓇᒪ ᐎᔾ ᓇᐸᐤ ᐅᑦ ᐃᔨᒧᐅᓐ ᒋ ᐅᒋ ᐃᑕᔨᑕᓇᐛᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑕᑈ ᒪᒃ ᒋᓴᒪᓂᑐᐤ ᐅᔭ ᐅᑦ ᐃᔨᒧᐅᓐ᙮ ᑎᑯᓐ ᒪᒃ ᐊ ᐃᓯ ᐊᑐᔅᒐᒥᑲᒡ ᒋᐱᒪᑎᓯᐅᓄᐛᒡ ᐊᓐ ᑲ ᐃᓯ ᐛᐎᑎᒪᑕᒡ᙮

1 ᑎᒧᑎ 1:11

ᐅ ᒥᔪ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ᑕᑦ ᐊᑯᑕ ᐛᒋᐱᔨᒡ᙮

2 ᑎᒧᑎ 1:12

ᐊᐅᒄ ᒪᒃ ᐅ ᓇᓂᑯᑎᓂᔾ ᐛᒋ ᓂᓇᐧᑲᑕᔨᒧᔭᓐ, ᒥᒄ ᒪᒃ ᓇᒪ ᑎᑯᓐ ᑕᓐ ᒐᒋ ᐃᓯ ᐳᓂᒪᒥᓯᑐᑎᒪᓐ ᐅ ᒥᔽᒋᒧᐅᓐ, ᐛᔅ ᓂ ᒋᔅᒐᔨᒪᐤ ᐊᓐ ᐊᐛᓐ ᑲ ᑕᑈᔭᔨᒥᒃ ᑭᔭ ᓇᔅᒡ ᓂ ᒐᔅᑎᓇᑕᔨᑕᓐ ᒐ ᒥᔪ ᑭᓄᐛᔨᑕᐧᒃ ᐊᓂᔭ ᑕᓐ ᑲ ᐃᓯ ᐱᔅᑎᓂᓱᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒥᓐ ᒐ ᑎᑯᓯᐧᒃ᙮

2 ᑎᒧᑎ 1:16

ᓂᑦ ᐊᔭᒥᐊᔅᑎᒧᒪᔪᐛ ᐅᓂᓯᑈᕋᔅ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᒐᒋ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᐛᔅ ᒧᔅ ᒋ ᑎᑯᓂᔪᐤ ᑕᓐ ᑲᒋ ᐃᓯ ᐸᒋ ᐛᐎᒋᐃᑦ ᐅᓂᓯᐳᕋᔅ, ᓇᒪ ᓇᔅᒡ ᐅᒋ ᓴᒂᔨᒧᐃᑯᐤ ᐊ ᒋᐸᐅᑯᐎᒡ᙮

2 ᑎᒧᑎ 1:8

ᐊᑲᐎᔾ ᒪᒃ ᒋᑭ ᐅᒋ ᓇᓂᑲᐎᔅᑎᒺᓐ ᒋᑎᐸᔨᒋᒐᓯᒥᓄᐤ ᐅᒥᔽᒋᒧᐅᓐ ᒐᒋ ᐊᔨᒧᑎᒧᑦ᙮ ᑭᔭ ᐊᑎ ᐅ ᒪᒂᒡ ᐊ ᒋᐸᐅᑯᐅᔭᓐ ᙭ ᐅᒋ ᐊᑲᐎᔾ ᒋᑭ ᐅᒋ ᓴᒂᔨᒧᓐ ᐊ ᐎᒐᐛᑭᓂᑕᑕᓐ᙮ ᐊᔭᔅᑯᐎᔅᑕ ᐃᔭᐱᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᓐ ᐊ ᐛᐎᑎᒥᓐ ᒥᔽᒋᒧᐅᓐ ᐛᔅ ᒋᑭ ᒥᔨᒄ ᒋᓴᒪᓂᑐᐤ ᒥᔅᑯᓯᐅᓂᔪᐤ᙮

ᐃᑉᕈᐛ 4:12

ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐸᑎᓂᔪᐤ᙮ ᓱᒃ ᐊᑐᔅᒐᒥᑭᓂᔪᐤ᙮ ᐅᔅᑕ ᑲᓴᔪᐤ ᐃᔅᐱᔅ ᓂᑐᐱᔪᐅ-ᒧᐧᑯᒪᓂᔪᐤ ᐊ ᐃᑐᐤ ᐊ ᐃᓯ ᑲᓴᔨᒡ᙮ ᓇᔅᒡ ᒋᑦ ᐊᒐᐧᑯᓇᒡ ᑭᔭ ᒋᒥᑐᓇᔨᒋᑭᓇᒡ ᐃᓯ ᐊᑐᔅᒐᒥᑭᓂᔪᐤ᙮ ᓇᔅᒡ ᑭᔭ ᐊ ᓴᓴᐳᑎᓂᔨᒡ ᐊᓂᔅᑯᑭᓇᓂᒡ ᑭᔭ ᐅᔅᑭᓐ ᐱᒥᒡ ᐊᐅᑯᓐ ᐊ ᐃᑕᔨᑕᑯᓂᔨᒡ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᓇᔅᒡ ᐎᔭᐸᑎᔨᑯᐅᔭᐧᒄ ᑕᓐ ᐊᓐ ᐊ ᐃᑕᔨᑎᒪᐧᒄ ᑭᔭ ᑕᓐ ᐊᓐ ᐊ ᐃᓯ ᐱᑯᓴᔨᒧᔭᐧᒄ ᒋᑕᐃᓇᒡ᙮

1 ᐱᑕᕐ 4:16

ᒪᒃ ᒧᔭᒻ ᐊ ᓇᐧᑲᒋᐅᐛᒂ ᐊ ᓇᓴᐛᒄ ᙭, ᐊᑲᐎᔾ ᒋᑭ ᐅᒋ ᓴᒂᔨᒧᓇᐛᐤ᙮ ᒋᐸ ᓂᓇᔅᑯᒪᐛᐤ ᒋᓴᒪᓂᑐᐤ ᙭ ᐊ ᐊᔭᐅᑕᒄ᙮