ᒋᔅᒐᔨᑕᑯᑕᒐᐅᓐ 9:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᓐᒡ ᒪᒃ ᒥᓐᑐᓯᓯᒡ ᒧᔭᒻ ᒂᔅᑯᑎᓯᓯᒡ ᑲ ᐃᓯᓇᑯᓯᒡ ᒧᔭᒻ ᐊᓐᑕ ᑲᐸᐃᑭᔎᐅᒡ ᐊᒋ ᐊᔭᔅᑯᐊᑭᓄᐎᒡ ᐊᓐᑕ ᐊ ᒪᓯᒐᓄᐎᒡ ᒐᒋ ᐃᔅᐸᔨᑐᒡ, ᐊᐅᑯᓐ ᑲ ᐃᓯᓇᑯᓯᒡ᙮ ᐊᓐᑕ ᐅᔅᑎᒂᓂᐛᒡ ᒋ ᒋᔅᑭᒧᒡ ᒐᒂᔪᐛ ᒧᔭᒻ ᒋᓴᐅᒋᒪᐅᑯᓂᔎᐅᓇ ᐊ ᐎᔄᐅᓱᓇᔭᐱᔅᑯᔨᒋ ᐊ ᐃᓯᓇᑯᓂᔨᒋ᙮ ᐅᑕᔅᑎᒥᐧᑯᐛᐛ ᒧᔭᒻ ᐃᔪᐤ ᒥᑕᔅᑎᒧᒂ ᒋ ᐃᓯᓇᑯᓂᔪᐛ᙮

ᒋᔅᒐᔨᑕᑯᑕᒐᐅᓐ 9:7 Iomraidhean Croise

ᒋᔅᒐᔨᑕᑯᑕᒐᐅᓐ 6:2

ᐊᑯ ᒂ ᐃᑕᐱᔭᓐ, ᒂ ᐛᐱᒥᒃ ᐊ ᐛᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ᑕᐧᑯᓇᐤ ᐊᒐᐱᔭ᙮ ᒋ ᒥᔭᑭᓄᐤ ᒋᓴᐅᒋᒪᐅᑯᓂᔎᐅᓂᔪᐤ, ᐊᑯ ᒂ ᔅᑐᑕᑦ ᒋᒋᒋᓯᑯᒡ ᐅᒡ ᐊᓐᑕ ᐊᔅᒋᒡ ᐊ ᐃᑐᑕᑦ᙮ ᒋ ᓴᐧᑯᒋᐊᑯᐱᓇ ᒪᓐ ᐊᐛᔪᐛ ᒐᒋ ᐊᑎ ᐅᒋᒪᐧᑲᑐᐛᑦ᙮ ᒥᓐ ᒪᒃ ᒋ ᔅᑐᑕᐤ ᒐᒋ ᓴᐧᑯᒋᐊᑦ ᑭᔭ ᒐᒋ ᐊᑎ ᐅᒋᒪᐧᑲᑐᐛᑦ ᑯᑎᑲ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 9:3

ᐊᓐᑕ ᒪᒃ ᐊᓐ ᐊ ᐊᒂᐸᑕᒡ, ᐊᑯᑕ ᑲ ᐅᒋᐱᔨᒡ ᒥᓐᑐᓯᓯᒡ ᒧᔭᒻ ᒂᔅᑯᑎᓯᓯᒡ ᐊ ᐃᓯᓇᑯᓯᒡ ᐊᓐᑕ ᐊᔅᒋᒡ ᐊ ᐊᑎ ᐃᑕᒡ᙮ ᒧᔭᒻ ᒪᒃ ᐊ ᐃᑎᔨᒋ ᐊᓂᔭ ᒥᓐᑐᓯᓴ ᐊ ᐱᒋᔅᑲᐛᔨᒋ ᐊᐛᔪᐛ ᑲᒋ ᐅᒋ ᓂᓱᐅᓇᒋᐊᔨᒋ, ᐊᐅᑯᓐ ᑲ ᐃᓯ ᒥᔭᑭᓄᐎᒡ ᐅᒡ ᒐᒋ ᐃᑎᒡ᙮