ᒋᔅᒐᔨᑕᑯᑕᒐᐅᓐ 9:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᓐᒡ ᒪᒃ ᐊᐛᓐᒋ ᐊᑲ ᐅᒋ ᓂᓱᐅᓇᒋᐃᑯᒡ ᑲ ᓂᓱᐅᓇᒋᐃᐛᒥᑭᓂᔨᒋ ᒐᒂᔪᐛ, ᓇᒪ ᐃᔭᐱᒡ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᑕᓐ ᑲ ᐃᓯ ᒥᒋᑐᑕᒡ᙮ ᓇᒪ ᐅᒋ ᒂᔅᑲᑎᓯᐅᒡ ᑭᔭ ᓇᒪ ᐅᒋ ᐳᓂᐅᒡ ᐊ ᐊᔭᒥᐊᔅᑐᐛᒡ ᒥᒋ ᐊᒐᒂ ᑭᔭ ᐊᓂᔭ ᒥᓂᑐᐧᑲᓇ ᑲ ᐎᔄᐅᓱᓇᔭᐱᔅᑯᔨᒋ, ᑲ ᐛᓴᔭᐱᒋᓯᔨᒋ, ᑭᔭ ᑲ ᐎᔄᐛᐱᔅᒋᓯᔨᒋ ᑲ ᐃᓯᓇᑯᓯᔨᒋ, ᑭᔭ ᐊᓂᔭ ᑲ ᐊᓯᓂᐅᔨᒋ, ᑭᔭ ᐊᓂᔭ ᑲ ᒥᔅᑎᑯᔨᒋ᙮ ᓇᒪ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᐊ ᐊᔭᒥᐊᔅᑐᐛᒡ ᐊᓂᔭᔪᐛ ᒥᓂᑐᐧᑲᓇ ᐊᑲ ᐛᐸᑎᒥᔨᒋ ᑭᔭ ᐊᑲ ᐸᑎᒥᔨᒋ ᑭᔭ ᐊᑲ ᐱᒧᑕᔨᒋ᙮

ᒋᔅᒐᔨᑕᑯᑕᒐᐅᓐ 9:20 Iomraidhean Croise

ᑎᐱᑦ ᐅᓂᑭᒧᐅᓇ 106:37

ᓂᐦᐃ, ᐅᑯᓱᐛᐛ ᑭᔭ ᐅᑕᓂᓱᐛᐛ ᒋ ᐱᔅᑎᓂᒧᐛᐅᒡ ᒥᒋᒥᓂᑐᐛ᙮

ᒪᑎᔪᐤ 21:32

ᐛᔅ ᒠᓐ ᑲ ᓯᑲᐃᑕᒐᑦ ᔅᒋ ᐸᒋ ᓂᑐᐛᐱᒥᑯᐛᐤ ᐊᒋ ᐎ ᐛᐸᑎᔨᑕᒄ ᑯᐃᔅᑯᑕᑎᓯᐅᓂᔪᐤ, ᓇᒪ ᒪᒃ ᒋ ᐅᒋ ᑕᑈᑐᐛᐛᐤ᙮ ᒥᒄ ᒪᒃ ᐊᓐᒡ ᒋᓴᐅᒋᒪᐛ ᑲ ᐊᐱᒋᐃᑯᒡ ᐊ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᒋ ᑕᑈᑐᐛᐅᒡ ᑕᓐ ᑲ ᐃᓯ ᐊᔨᒧᑎᒪᑯᒡ ᑯᐃᔅᑯᑕᑎᓯᐅᓂᔪᐤ᙮ ᐊᑎ ᐃᔅᐱᔅ ᐛᐱᒪᑯᒡ ᐊ ᑕᑈᑕᒡ ᐅᒡ, ᓇᒪ ᐃᔭᐱᒡ ᒋ ᐅᒋ ᒂᔅᑲᑎᓯᓇᐛᐤ ᓇᒪ ᐃᔭᐱᒡ ᒋ ᐅᒋ ᑕᑈᑕᓇᐛᐤ᙮”

ᐊᑈᔅᑕᓇᒡ 17:29

“ᐊ ᐅᑦ ᐊᐛᓯᒥᑐᑕᑕᒄ ᒪᒃ ᒋᓴᒪᓂᑐᐤ, ᓇᒪ ᒋᐸ ᐅᒋ ᐃᑕᔨᒪᓄᐤ ᒋᓴᒪᓂᑐᐤ ᑕᐱᔅᑯᓐ ᒥᓂᑐᐧᑲᓇ ᒐᒋ ᐃᑕᔨᑕᑯᓯᑦ ᐛᔅ ᓇᐸᐤ ᐅᓯᐊᐤ ᒥᓂᑐᐧᑲᓇ ᓱᓇᔭᐱᔅᑯᒡ ᑭᔭ ᐛᐱᓱᓇᔭᐱᔅᑯᒡ ᒪᒃ ᐊᓯᓂᒡ ᐅᒡ, ᐎᔾ ᐅᑭᔅᒋᐅᓐ ᐊ ᐊᐱᒋᑕᑦ᙮

ᐊᑈᔅᑕᓇᒡ 19:26

ᒥᒐᑦ ᒋ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ᑕᑈᑕᑯᐤ ᐅᑕ ᐃᐱᓴᔅ ᑲ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 7:41

ᐊᑯᑕ ᒪᒃ ᑲ ᐊᑎ ᐅᓯᐊᒡ ᒥᓂᑐᐧᑲᓇ ᒧᔭᒻ ᒥᔅᑐᓯᓴ ᐊ ᐃᓯᓇᑯᓯᔨᒋ ᐊᑯ ᑲ ᒥᑐᔅᑕᐊᒧᐛᒡ ᐊᓂᔭ ᒥᓂᑐᐧᑲᓇ ᑭᔭ ᑲ ᒥᑯᓴᒡ ᐊᓂᔭ ᐅᒋ ᐊᒋ ᐅᓯᑕᒪᓱᒡ ᐊᓂᔭ ᒥᓂᑐᐧᑲᓇ᙮

2 ᑯᕆᓐᑎᔭᓇ 12:21

ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮

1 ᑎᒧᑎ 4:1

ᑲ ᐸᔭᒋᓯᑦ ᐊᒐᐧᒄ ᐱᔭᑭᔅᒡ ᐎᑎᒪᒐᐤ ᑕᓐ ᒐ ᐊᑎ ᐃᔅᐱᔨᒡ ᐊ ᒪᒋᒡ ᒋᓯᑲᔨᒡ᙮ ᒋᑭ ᑕᐅᒡ ᐊᐛᓐᒋ ᐊ ᐳᓂᒡ ᐊ ᑕᑈᔭᔨᒪᒡ ᒋᓴᓴ᙮ ᒋᑭ ᐎᔭᓯᒥᑯᒡ ᑕᓐ ᐊ ᐃᓯ ᐛᐎᔭᓯᒧᐛᔨᒋ ᒥᒋ ᐊᒐᒂ ᐊᑯ ᒐ ᓇᓴᐊᒺᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ᙮

ᒋᔅᒐᔨᑕᑯᑕᒐᐅᓐ 15:1

ᒥᓐ ᒪᒃ ᑯᑎᒡ ᒐᒂᓐ ᓂᒋ ᐛᐸᑕᓐ ᐊᓐᑕ ᒋᒋᒋᓯᑯᒡ ᓇᔅᒡ ᐊ ᒥᔅᑲᓯᓇᒂᒡ᙮ ᓂᒋ ᐛᐱᒪᐅᒡ ᓂᔄᐅᑕᒡ ᐊᓐᒋᓐᒡ᙮ ᒥᓯᐛ ᐸᐸᐃᒄ ᒋ ᐊᔭᐅᒡ ᓂᓇᐧᑯᐤ ᒐ ᐃᓯ ᓂᓇᐧᑲᑕᔨᒧᐊᒡ ᐊᐛᔪᐛ᙮ ᐊᐅᒄ ᒪᒃ ᐅᔭ ᒪᔅᑕᔾ ᒐ ᐃᓯ ᓂᓇᐧᑲᑕᔨᒧᓇᓄᐎᒡ ᐛᔅ ᐊᑯᑕ ᐅᔭ ᒐ ᒋᓯᐱᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮

ᒋᔅᒐᔨᑕᑯᑕᒐᐅᓐ 16:8

ᐊᑯ ᐊᓐ ᓇᐤ ᐊ ᑕᑦ ᐊᓐᒋᓐ ᐱᓯᒺ ᒂ ᐃᓯ ᑯᑎᐱᓇᐧᒃ ᐅᐎᔭᑭᓐ᙮ ᐱᓯᒻ ᒋ ᐱᔅᑎᓇᑭᓄᐤ ᒐᒋ ᐃᔎᔄᑦ ᐊᐛᔪᐛ ᓇᔅᒡ ᐊ ᐃᔅᐱᔅ ᐎᓯᑲᔅᑐᐛᑦ᙮

ᒋᔅᒐᔨᑕᑯᑕᒐᐅᓐ 9:19

ᐊᓐᒡ ᒪᒃ ᑲᐸᐃᑭᔎᐅᒡ ᐅᑐᓄᐛᒡ ᑭᔭ ᐅᓱᐛᒡ ᒋ ᑎᑯᓂᔪᐤ ᐅᒥᔅᑯᓯᐅᓄᐛᐤ᙮ ᐊᓂᔭᔪᐛ ᒪᒃ ᐅᓱᐛᐛ ᑕᐱᔅᑯᓐ ᒥᔅᑎᒋᓇᐱᒄ ᒋ ᐃᓯᓇᑯᓂᔪᐛ, ᐊᒋ ᐅᔅᑎᒂᓄᓂᔨᒋ᙮ ᐊᐅᑯᓐ ᒪᒃ ᐊᓂᔭᔪᐛ ᑲ ᐊᐱᒋᑕᒡ ᐊ ᐛᐎᓯᒐᔨᑎᒥᐊᒡ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 9:21

ᓇᒪ ᑭᔭ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᐊ ᓂᐸᐃᐛᒡ, ᐊ ᒥᑕᐛᑎᓯᒡ, ᐊ ᐎᓂᓱᐤ ᐱᒪᑎᓯᒡ ᑭᔭ ᐊ ᑭᒐᒧᑎᒡ᙮