ᒋᔅᒐᔨᑕᑯᑕᒐᐅᓐ 9:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐊᓐᒡ ᒪᒃ ᑲᐸᐃᑭᔎᐅᒡ ᐅᑐᓄᐛᒡ ᑭᔭ ᐅᓱᐛᒡ ᒋ ᑎᑯᓂᔪᐤ ᐅᒥᔅᑯᓯᐅᓄᐛᐤ᙮ ᐊᓂᔭᔪᐛ ᒪᒃ ᐅᓱᐛᐛ ᑕᐱᔅᑯᓐ ᒥᔅᑎᒋᓇᐱᒄ ᒋ ᐃᓯᓇᑯᓂᔪᐛ, ᐊᒋ ᐅᔅᑎᒂᓄᓂᔨᒋ᙮ ᐊᐅᑯᓐ ᒪᒃ ᐊᓂᔭᔪᐛ ᑲ ᐊᐱᒋᑕᒡ ᐊ ᐛᐎᓯᒐᔨᑎᒥᐊᒡ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 9:19 Iomraidhean Croise

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

ᒋᔅᒐᔨᑕᑯᑕᒐᐅᓐ 9:10

ᐅᓱᐛᐛ ᒧᔭᒻ ᐊᒧᐤ ᐅᐱᒋᔅᑲᐃᑭᓐ ᐊ ᐃᑕᔨᑕᑯᓂᔨᒡ, ᐊᐅᑯᓐ ᑲ ᐃᑕᔨᑕᑯᓂᔨᒋ᙮ ᑭᔭ ᒧᔭᒻ ᐊᓐᒡ ᒥᓐᑐᓯᒡ ᑲ ᐱᒋᔅᑯᐛᒡ ᐊᐛᔪᐛ ᐊ ᐃᓯᓇᑯᓂᔨᒋ ᐅᓱᐛᐛ, ᐊᐅᑯᓐ ᑲ ᐃᓯᓇᑯᓂᔨᒋ ᐅᓱᐛᐛ ᐅᒡ ᒂᔅᑯᑎᓯᓯᒡ᙮ ᐊᐅᑯᓂ ᒪᒃ ᐊᓂᔭᔪᐛ ᐅᓱᐛᐛ ᑲ ᐊᐱᒋᑕᒡ ᒐᒋ ᐛᐎᓯᒐᔨᑎᒥᐊᒡ ᐊᐛᔪᐛ ᐱᑕᑕᒡ ᑕᑐᐤ ᐱᓯᒺ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 9:18

ᒐᑲᑦ ᐊᐱᑐᐤ ᐊ ᑎᓯᒡ ᐊᐛᓐᒋ ᐊᓐᑕ ᐊᔅᒋᒡ ᒋ ᓂᐸᐃᑯᐅᒡ ᐊᓂᔭ ᐊ ᐊᒂᐸᑕᔨᒡ, ᐊᓂᔭ ᐃᔅᑯᑕᔪᐤ ᑭᔭ ᐊᓂᔭ ᑲ ᐎᔄᐛᐸᑕᔨᒡ ᒐᒂᔪᐤ ᐅᑐᓂᔨᒡ ᐊᓂᔭᔪᐛ ᑲᐸᐃᑭᔎᐛ ᑲ ᐅᒋᐱᔨᒡ᙮

ᒋᔅᒐᔨᑕᑯᑕᒐᐅᓐ 9:20

ᐊᓐᒡ ᒪᒃ ᐊᐛᓐᒋ ᐊᑲ ᐅᒋ ᓂᓱᐅᓇᒋᐃᑯᒡ ᑲ ᓂᓱᐅᓇᒋᐃᐛᒥᑭᓂᔨᒋ ᒐᒂᔪᐛ, ᓇᒪ ᐃᔭᐱᒡ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᑕᓐ ᑲ ᐃᓯ ᒥᒋᑐᑕᒡ᙮ ᓇᒪ ᐅᒋ ᒂᔅᑲᑎᓯᐅᒡ ᑭᔭ ᓇᒪ ᐅᒋ ᐳᓂᐅᒡ ᐊ ᐊᔭᒥᐊᔅᑐᐛᒡ ᒥᒋ ᐊᒐᒂ ᑭᔭ ᐊᓂᔭ ᒥᓂᑐᐧᑲᓇ ᑲ ᐎᔄᐅᓱᓇᔭᐱᔅᑯᔨᒋ, ᑲ ᐛᓴᔭᐱᒋᓯᔨᒋ, ᑭᔭ ᑲ ᐎᔄᐛᐱᔅᒋᓯᔨᒋ ᑲ ᐃᓯᓇᑯᓯᔨᒋ, ᑭᔭ ᐊᓂᔭ ᑲ ᐊᓯᓂᐅᔨᒋ, ᑭᔭ ᐊᓂᔭ ᑲ ᒥᔅᑎᑯᔨᒋ᙮ ᓇᒪ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᐊ ᐊᔭᒥᐊᔅᑐᐛᒡ ᐊᓂᔭᔪᐛ ᒥᓂᑐᐧᑲᓇ ᐊᑲ ᐛᐸᑎᒥᔨᒋ ᑭᔭ ᐊᑲ ᐸᑎᒥᔨᒋ ᑭᔭ ᐊᑲ ᐱᒧᑕᔨᒋ᙮