ᒋᔅᒐᔨᑕᑯᑕᒐᐅᓐ 9:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐊᑯ ᐱᑕᑕᒡ ᐊᓐᒋᓐᒡ ᑲ ᐳᑕᑕᒡ ᐅᐳᑕᒋᑭᓄᐛᐛ᙮ ᐊᑯ ᒂ ᐛᐱᒥᒃ ᐅᒐᑭᑕᐧᒄ ᐊᔅᒋᒡ ᐊᒋ ᐃᓯ ᐸᒋᓯᓂᒂ ᒋᓯᑯᒡ ᐅᒡ᙮ ᒋ ᒥᔭᑭᓄᐤ ᐊᐸᐃᑭᓂᔪᐤ ᒐᒋ ᓴᓇᐧᒃ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᐊᓐᑕ ᐃᔅ ᑕᒥᒡ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 9:1 Iomraidhean Croise

ᓗᒃ 10:18

ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮

ᓗᒃ 8:31

ᐊᑯ ᒪᒃ ᒂ ᑯᒂᒋᒪᒡ ᒋᓴᓴ ᒐ ᐊᑲ ᒋ ᐃᑎᓴᐅᑯᒡ ᐊᓐᑕ ᒥᒋ ᐃᔅᑯᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:7

ᐊᑲᐎᔾ ᑭᔭ ᒋᑭ ᐅᒋ ᐃᑕᔨᑎᒻ ᐊᐛᓐ ᑕᒥᒡ ᐊᓐᑕ ᐊᔅᒋᒡ ᐊᓐᑕ ᐊ ᑕᒡ ᑲ ᓂᐱᒡ ᒋᑭ ᐃᑐᑕᐤ ᐊᐛᓐ ᐊᓐᑕ ᒐᒋ ᐅᑐᑕᐊᑦ ᙭ᑕ ᒐᒋ ᐊᔨᒧᑎᒪᑯᐛᐧᒄ ᐱᒪᒋᐃᑯᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 1:20

ᐊᓐᒡ ᒪᒃ ᓂᔄᐅᑕᒡ ᐅᒐᑭᑕᐧᑯᒡ ᑲ ᐛᐱᒥᑥᐤ ᓂᒥᔪᐅᓂᒡ ᐊ ᑕᐧᑯᓂᒂᐤ ᑭᔭ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ, ᐊᐅᒄ ᐅ ᐊ ᐃᓯ ᐎᑎᒪᒐᒥᑲᒋ᙮ ᐊᓐᒡ ᓂᔄᐅᑕᒡ ᐅᒐᑭᑕᐧᑯᒡ, ᐊᐅᒄ ᐊᓐᒡ ᐊᓐᒋᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐱᒡ ᐊ ᑕᒡ᙮ ᐊᑯ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ ᐊᐅᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᑲ ᐊᔨᒧᑕᒋ᙮”

ᒋᔅᒐᔨᑕᑯᑕᒐᐅᓐ 11:7

ᐃᔅᐱ ᒪᒃ ᒋ ᐃᓯ ᐛᐎᑕᒂᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᑯ ᐊᓂᔭᔪᐛ ᒥᒋ ᐊᐛᓯᓴ ᐊᓐᑕ ᑲ ᒥᔅᑎ ᐱᑯᓇᔭᔨᒡ ᑲ ᐅᒋ ᒧᔅᒋᐱᔨᒋ ᒐ ᒪᓯᐧᑲᑯᒡ᙮ ᒋᑭ ᓴᐧᑯᒋᐃᑯᐅᒡ ᒪᒃ, ᐊᑯ ᒐ ᓂᐸᐃᑯᒡ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”

ᒋᔅᒐᔨᑕᑯᑕᒐᐅᓐ 20:1

ᐊᑯ ᒂ ᐛᐱᒥᒃ ᐊᓐᒋᓐ ᒋᒋᒋᓯᑯᒡ ᐊ ᐅᒋ ᐸᒋ ᔭᓯᑦ᙮ ᐅ ᒪᒃ ᐊᓐᒋᓐ ᒋ ᑕᐧᑯᓂᒻ ᐊᐸᐃᑭᓂᔪᐤ ᒐᒋ ᓴᓇᐧᒃ ᐊᓂᔭ ᑕᒥᒡ ᐊᔅᒋᒡ ᑲ ᐃᓯ ᒥᔅᑎ ᐱᑯᓇᔭᔨᒡ᙮ ᐃᓴᒂᔭᐱᔪᐤ ᑭᔭ ᒋ ᑕᐧᑯᓂᒻ᙮

ᒋᔅᒐᔨᑕᑯᑕᒐᐅᓐ 20:10

ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ᐎᔭᓯᒪᑦ ᐅᔭ ᐊᐛᔪᐛ, ᑲ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ᐛᐱᓇᑭᓄᐅᑦ ᐊᓐᑕ ᐊ ᐃᔎᑕᔨᒡ ᒐᒂᔪᐤ ᐊ ᐎᔄᐛᐸᑕᔨᒡ ᓇᔅᒡ ᐊ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ᐛᐱᓇᑭᓄᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᒋ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ᐎᓯᒐᔨᑎᒧᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮

ᒋᔅᒐᔨᑕᑯᑕᒐᐅᓐ 6:13

ᐅᒐᑭᑕᐧᑯᒡ ᒋ ᐸᐸᒋᓯᓄᒡ ᒋᓯᑯᒡ ᐅᒡ ᐊᓐᑕ ᐃᔅ ᐊᔅᒋᒡ ᒧᔭᒻ ᐊ ᐃᓯ ᐸᒋᓯᓂᒡ ᐛᐱᒥᓂᒡ ᐊᑲ ᐊᑎᓱᒡ ᐊ ᒥᔅᑎ ᔪᑎᓂᔨᒡ᙮

ᒋᔅᒐᔨᑕᑯᑕᒐᐅᓐ 8:10

ᐊᑯ ᐊᓐ ᓂᔅᑐ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊ ᒥᓯᑎᑦ ᐅᒐᑭᑕᐧᒄ ᒋ ᐸᒋᓯᓄᐤ ᒋᓯᑯᒡ ᐅᒡ ᐊᓐᑕ ᐃᔅ ᐊᔅᒋᒡ᙮ ᒧᔭᒻ ᐊᓐᑕ ᐊ ᐅᓂᔎᑎᑯᐅᑦ ᒥᔅᑎᒄ ᐊ ᐱᓱᑦ, ᐊᐅᑯᓐ ᑲ ᐃᓯᓇᑯᓯᑦ ᐊᓐ ᐅᒐᑭᑕᐧᒄ᙮ ᒐᑲᑦ ᒪᒃ ᐊᐱᑐᐤ ᐊ ᑕᑎᔨᒋ ᓯᐱᔭ ᑭᔭ ᐊᓐᑕ ᐸᒪᒍᐅᒡ ᓂᐱᔾ, ᐊᑯᑕ ᑲ ᐃᓯ ᐸᒋᓯᐧᒃ ᐊᓐ ᐅᒐᑭᑕᐧᒄ᙮

ᒋᔅᒐᔨᑕᑯᑕᒐᐅᓐ 8:12

ᐊᑯ ᐊᓐ ᓇᐤ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒐᑲᑦ ᐊᐱᑐᐤ ᐊᓐ ᐱᓯᒻ, ᑭᔭ ᒐᑲᑦ ᐊᐱᑐᐤ ᑎᐱᔅᑲᐤ ᐱᓯᒻ ᑭᔭ ᒐᑲᑦ ᐊᐱᑐᐤ ᐊ ᐃᑕᑎᓯᒡ ᐅᒐᑭᑕᐧᑯᒡ ᒋ ᑎᑯᓂᔪᐤ ᑲ ᐃᓯ ᓂᓱᐅᓇᒋᐊᑭᓄᐎᒡ, ᐊᑯ ᓇᒪ ᓇᔅᒡ ᐊᐱᑐᐤ ᐊ ᐃᔎᔨᒡ ᐊᔅᐱᔅ ᒋᐧᑲᔭᔅᑐᐛᒡ ᓇᒪ ᐅᒋ ᐃᔅᐱᔅ ᒋᐧᑲᔭᔅᑐᐛᐅᒡ᙮ ᒐᑲᑦ ᐊᐱᑐᐊᒋᓯᑲᔨᒡ ᐃᔅᐱᔅ ᓇᒪ ᐅᒋ ᒋᐧᑲᔭᔅᑐᐛᐤ ᐱᓯᒻ᙮ ᑎᐱᔅᑲᐤ ᐱᓯᒻ ᑭᔭ ᐅᒐᑭᑕᐧᑯᒡ ᑭᔭ ᐎᔨᐛᐤ ᓇᒪ ᐅᒋ ᒋᐧᑲᔭᔅᑐᐛᐅᒡ ᒐᑲᑦ ᐊᐱᑐᐊᑎᐱᔅᑲᔨᒡ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 8:2

ᐊᑯ ᒂ ᐛᐱᒥᒂᐤ ᐊᓐᒡ ᓂᔄᐅᑕᒡ ᐊᓐᒋᓐᒡ ᒧᔅ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐊ ᓂᐳᐅᒡ᙮ ᓂᔄᐅᑕᒡ ᐳᑕᒋᑭᓇ ᒋ ᒥᔭᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 9:2

ᐃᔅᐱ ᒪᒃ ᑲ ᓴᓇᐧᒃ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋ ᐅᒋ ᐎᐎᔭᐸᑕᐱᔪᐤ ᐊ ᒥᔅᑎ ᐊᒂᐸᑕᔨᒡ ᒧᔭᒻ ᐊᓐᑕ ᐊ ᒥᔅᑎ ᐃᔎᑕᒡ ᑲᒋ ᐃᔅᐱᔅ ᐊᒂᐸᑕᒡ᙮ ᒋ ᐎᐸᐸᑕᐤ ᒪᒃ ᐊᓐᑕ ᒋᓯᑯᒡ᙮ ᐱᓯᒻ ᑭᔭ ᒋ ᐊᑎ ᐅᑲᔅᑕᐱᔪᐤ ᐊ ᐃᔅᐱᔅ ᐊᒂᐸᑕᔨᒡ᙮