ᒋᔅᒐᔨᑕᑯᑕᒐᐅᓐ 8:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᑯ ᐊᓐ ᓂᔅᑎᒻ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒋ ᒥᔅᑯᒥᔪᑕᓐ ᑭᔭ ᐃᔅᑯᑕᐤ ᒋ ᐸᒋᑎᓐ ᐊ ᒪᒧᐱᔨᒡ ᒥᐧᒄ ᐊᓐᑕ ᐊᔅᒋᒡ ᐊ ᐃᓯ ᐸᒋᑎᒡ᙮ ᒐᑲᑦ ᐊᐱᑐᐤ ᐊ ᐃᔅᐱᑎᔅᑭᒥᑲᒡ ᐊᔅᒋᔾ ᒋ ᐃᔎᑕᐤ᙮ ᒐᑲᑦ ᒪᒃ ᐊᐱᑐᐤ ᒋ ᐃᔅᐱᔅ ᐃᔎᓱᐅᒡ ᒥᔅᑎᑯᒡ᙮ ᒥᓯᐛ ᑭᔭ ᒥᔅᑯᓱᐛ ᒋ ᐃᔎᑕᐛ᙮

ᒋᔅᒐᔨᑕᑯᑕᒐᐅᓐ 8:7 Iomraidhean Croise

ᑎᐱᑦ ᐅᓂᑭᒧᐅᓇ 105:32

ᒋ ᒥᔭᐤ ᓴᓴᑭᓂᔪᐤ ᒥᔅᑯᒡ ᒋᒧᓂᔪᐤ, ᑭᔭ ᐊ ᐛᔭᑕᔨᒡ ᐃᔅᑯᑕᔪᐤ ᐅᑦ ᐊᔅᒋᔨᒡ᙮

ᐊᒃᓱᑕᔅ 9:33

ᐊᑯ ᒧᓱᔅ ᓇᑭᑕᑦ ᒋᓴᐅᒋᒪᐛ ᑭᔭ ᐛᔪᐎᑦ ᐅᑕᓇᔪᐤ᙮ ᒂ ᐅᐱᓂᔅᒐᔨᔅᑐᐛᑦ ᑎᐸᔨᒋᒐᓱᐛ, ᑲ ᒋᒺᔨᒋ ᓂᒥᔅᒍᐛ ᑭᔭ ᒂ ᓂᑲᐱᔨᒡ ᐊ ᓯᓯᑯᓂᐱᔨᒡ, ᑭᔭ ᒂ ᒋᒧᐛᑎᓂᔨᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:11

ᐃᔅᐱ ᒋᒋᐛ ᐊ ᐊᑎ ᓴᑲᔅᑐᐛᑦ ᐱᓯᒻ ᒂ ᐊᑎ ᐃᔎᓴᐧᒃ ᓂᑕᐅᒋᑕᑭᓇ ᐊᑯ ᐱᔭᐸᒋᑎᓂᔨᒋ ᐊᓂᔭᔪᐛ ᐛᐱᑯᓇ᙮ ᐛᓂᑎᒡ ᐊᓐ ᑕᓐ ᑲ ᐃᓯ ᒥᔽᓯᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᒐ ᐃᓯᓇᑯᓯᑦ ᐊᓐ ᐊᐛᓐ ᑲ ᐛᔪᑎᓯᑦ, ᒋᑭ ᐳᓂᐱᒪᑎᓯᐤ ᑭᔭ ᐎᔾ, ᒐ ᓂᑭᑕᐧᒃ ᒥᓯᐛ ᐅᑦ ᐊᑐᔅᒐᐅᓐ᙮

1 ᐱᑕᕐ 1:24

ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ, ᒥᓯᐛ ᐊᐛᓐ ᒧᔭᒻ ᒥᔅᑯᓱᐛ ᐃᓯᓇᑯᓱᐤ᙮ ᒥᓯᐛ ᐊᐛᓐ ᐅᒋᔅᑕᔨᑕᑯᓱᐅᓐ ᒧᔭᒻ ᐛᐱᑯᓐ ᓂᑐᐎᔾ ᑲ ᓂᑕᐅᒋᑦ ᐃᓯᓇᑯᓂᔪᐤ᙮ ᓂᐱᒥᑭᓇ ᒥᔅᑯᓱᐛ ᐊᑯ ᐛᐱᑯᓇ ᐸᐸᒋᑎᓇ᙮

ᒋᔅᒐᔨᑕᑯᑕᒐᐅᓐ 12:4

ᒋ ᐱᐧᑯᒋᐱᑕᐤ ᐸᐃᒄ ᐊᓂᔭᔪᐛ ᐊ ᓇᓂᔅᑎᔨᒋ ᐅᒐᑭᑕᒂ ᐊᓐᑕ ᒋᓯᑯᒡ ᐅᒡ ᐅᓱᔾ ᐊ ᐊᐱᒋᑕᑦ, ᐊᑯ ᐊᓐᑕ ᐊᔅᒋᒡ ᑲ ᐃᓯ ᐛᐱᓇᑦ᙮ ᒋ ᓂᐳᐅᐤ ᐅᑎᔅᑯᐤ ᐊᓂᔭ ᐃᔎᐛ ᐊ ᑕᔨᒋ ᒪᒂᒡ ᐊ ᐊᐧᑯᓯᔨᒋ ᐊ ᐊᓱᐛᐱᒪᑦ ᒐ ᐃᔅᐱᔅ ᐱᒪᑎᓯᔨᒋ ᐊᓂᔭᔪᐛ ᐊᐛᓴ ᒐᒋ ᒧᐛᑦ ᐃᔅᐱ ᐱᒪᑎᓯᒐᓂ᙮

ᒋᔅᒐᔨᑕᑯᑕᒐᐅᓐ 16:2

ᐊᑯ ᐊᓐ ᓂᔅᑎᒻ ᐊᓐᒋᓐ ᑲ ᑯᑎᐱᓇᐧᒃ ᐊᓂᔭ ᐅᐎᔭᑭᓐ ᐊᓐᑕ ᐃᔅ ᐊᔅᒋᒡ᙮ ᐊᓐᒡ ᒪᒃ ᑲ ᐊᔭᐛᒡ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᒋᑭᓂᔪᐤ ᑭᔭ ᑲ ᒪᒥᒋᒪᒡ ᐊᓂᔭ ᒥᓂᑐᐧᑲᓐ, ᒧᔭᒻ ᐊᓐ ᒥᒋ ᐊᐛᓯᔅ ᐊ ᐃᓯᓇᑯᓯᑦ ᑲ ᐃᓯᐊᑭᓄᔨᒋ ᒋ ᐅᒥᒋᔪᐱᔪᒡ ᓇᔅᒡ ᐊ ᒪᔭᓯᓇᑯᓂᔨᒋ ᑭᔭ ᓇᔅᒡ ᐊ ᐊᐧᑯᐃᑯᒡ ᐊᓂᔭ ᑕᓐ ᑲ ᐃᓯ ᐅᒥᒋᐅᐱᔨᒡ᙮

ᒋᔅᒐᔨᑕᑯᑕᒐᐅᓐ 16:21

ᐊᑯ ᒪᒃ ᑲ ᒥᔅᑎ ᒥᔅᑯᒥᐅᑎᒡ᙮ ᐊᓐᒡ ᒪᒃ ᒥᔅᑯᒥᔨᒡ ᑲ ᐸᐸᒋᓯᓂᒡ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᑎᐸᐸᑲᐃᑭᓇ ᒋ ᐃᔅᐱᔅ ᑯᓯᑯᑐᐅᒡ᙮ ᒋ ᐱᑎᑯᔅᑲᑯᐅᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᐊᓂᔭᔪᐛ ᒥᔅᑯᒥᔭ ᒋᓯᑯᒡ ᑲ ᐅᒋ ᐸᒋᓯᓂᔨᒋ᙮ ᐊᓐᒡ ᒪᒃ ᐊᐛᓐᒋ ᒋ ᐸᔅᑕᒪᐅᒡ ᐊ ᐃᔅᐱᔅ ᒥᔅᑎ ᒋᔄᐃᑯᒡ ᒋᓴᒪᓂᑐᐛ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐊᓂᔭ ᐊ ᒋᐧᑭᐧᑯᐱᔨᒡ, ᐛᔅ ᓇᔅᒡ ᑕᑈ ᒋ ᓂᓇᐧᑲᑕᔨᒧᒡ ᒪᒂᒡ ᐅᔭ ᑲ ᐃᔅᐱᔨᒡ᙮

ᒋᔅᒐᔨᑕᑯᑕᒐᐅᓐ 6:8

ᒥᓐ ᒂ ᐛᐱᒥᒃ ᑲᐸᐃᑭᔎᐤ ᐊ ᐅᒋ ᐎᐎᑦ᙮ ᒋ ᐎᐛᐱᓯᐤ ᐊᓐ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᓂᐳᐅᓐ ᒋ ᐃᓯᓂᐧᑲᓱᐤ᙮ ᐅᑕᒡ ᒪᒃ ᐊᓐᑕ ᐊ ᑕᑦ ᐊᑯᑕ ᑲ ᑎᑯᓂᔨᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔪᐤ᙮ ᒋ ᒥᔭᑭᓄᐎᒡ ᒪᒃ ᐅᒡ ᑎᐸᔨᒋᒐᐅᓂᔪᐤ ᐸᐃᒄ ᐊᓯᑯᒻ ᓇᐤ ᐊ ᑕᒡ ᐊᐛᔪᐛ ᐅᑕ ᐊᔅᒋᒡ ᒐᒋ ᓂᐸᐊᒡ ᓂᑐᐱᔪᐅᓂᔪᐤ ᐅᒋ, ᑭᔭ ᑯᐅᐧᑭᑕᐅᓂᔪᐤ ᐅᒋ, ᑭᔭ ᓂᓇᐧᑯᐤ ᐊᐧᑯᓯᐅᓇ ᐅᒋ᙮ ᒋ ᒥᔭᑭᓄᐎᒡ ᑭᔭ ᑎᐸᔨᒋᒐᐅᓂᔪᐤ ᒐᒋ ᐃᑐᑐᐛᒡ ᑲ ᑯᔅᑕᑎᑯᓯᔨᒋ ᐊᐛᓯᓴ ᐊᓐᑕ ᐊᔅᒋᒡ ᐊ ᑕᔨᒋ ᒐᒋ ᓇᓂᐸᐊᔨᒋ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 7:1

ᐃᔅᐱ ᑲ ᐃᔅᐱᔨᒡ ᐅ ᑲ ᐃᓯ ᐛᐸᑎᔨᑯᐅᔭᓐ, ᐊᑯ ᒂ ᐛᐱᒥᒂᐤ ᓇᐤ ᐊᓐᒋᓐᒡ ᐊ ᓂᐳᐅᒡ ᒥᓯᐛ ᐊᓐᑕ ᓇᐅᐎᒡ ᐊ ᐅᑎᓂᔨᒡ᙮ ᒋ ᐊᑯᔅᒋᑲᐳᐅᒡ ᒐ ᐊᑲ ᒋ ᔪᑎᓂᔨᒡ ᐊᓐᑕ ᐊᔅᒋᒡ ᐃᔅ ᑭᔭ ᒪᒃ ᐊᓐᑕ ᐎᓂᐸᑯᒡ ᐃᔅ ᑭᔭ ᒪᒃ ᐊᓐᑕ ᒥᔅᑎᒂ ᐃᔅ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 9:15

ᐊᑯ ᒂ ᐊᐱᐧᑯᓇᑭᓄᐎᒡ ᐊᓐᒡ ᓇᐤ ᐊᓐᒋᓐᒡ᙮ ᐛᔅ ᐊᐅᒄ ᐅᔭ ᑎᐸᐃᑭᓂᔪᐤ, ᐊᐅᒄ ᐅᔭ ᐊ ᒋᓯᑲᔨᒡ, ᐊᐅᒄ ᐅᔭ ᐱᓯᒺ ᑭᔭ ᐊᐅᒄ ᐅᔭ ᐊ ᐱᐳᓂᔨᒡ ᑲ ᐃᓯ ᐊᔭᔅᑯᐊᑭᓄᐛᐛᒂ ᒐᒋ ᐊᐱᐧᑯᓇᑭᓄᐎᒡ ᑭᔭ ᒐᒋ ᓂᐸᐊᒡ ᐸᐃᒄ ᐊᓯᑯᒻ ᓂᔅᑐ ᒥᓯᐛ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 9:18

ᒐᑲᑦ ᐊᐱᑐᐤ ᐊ ᑎᓯᒡ ᐊᐛᓐᒋ ᐊᓐᑕ ᐊᔅᒋᒡ ᒋ ᓂᐸᐃᑯᐅᒡ ᐊᓂᔭ ᐊ ᐊᒂᐸᑕᔨᒡ, ᐊᓂᔭ ᐃᔅᑯᑕᔪᐤ ᑭᔭ ᐊᓂᔭ ᑲ ᐎᔄᐛᐸᑕᔨᒡ ᒐᒂᔪᐤ ᐅᑐᓂᔨᒡ ᐊᓂᔭᔪᐛ ᑲᐸᐃᑭᔎᐛ ᑲ ᐅᒋᐱᔨᒡ᙮

ᒋᔅᒐᔨᑕᑯᑕᒐᐅᓐ 9:4

ᒋ ᐃᑕᑭᓄᐎᒡ ᒐ ᐊᑲ ᒋ ᓂᓱᐅᓇᒋᑕᒡ ᒥᔅᑯᓱᐛ ᐊᓐᑕ ᐊᔅᒋᒡ ᑭᔭ ᒥᔅᑎᒂ ᒐ ᐊᑲ ᒋ ᓂᓱᐅᓇᒋᐊᒡ ᑭᔭ ᑕᓐ ᐊ ᐃᓯ ᓂᑕᐅᒋᓂᔨᒋ ᓂᑕᐅᒋᑕᑭᓇ᙮ ᒥᒄ ᐊᓂᔭᔪᐛ ᐊᐛᔪᐛ ᐊᑲ ᐊᔭᔨᒋ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᐊᓐᑕ ᐅᔅᑲᑎᑯᐎᒡ, ᐊᐅᑯᓂ ᐊᓂᔭᔪᐛ ᑲ ᒥᔭᑭᓄᐎᒡ ᒐᒋ ᐎᔭᔅ ᐃᑐᑐᐛᒡ᙮