ᒋᔅᒐᔨᑕᑯᑕᒐᐅᓐ 8:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯ ᐊᓐ ᓇᐤ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒐᑲᑦ ᐊᐱᑐᐤ ᐊᓐ ᐱᓯᒻ, ᑭᔭ ᒐᑲᑦ ᐊᐱᑐᐤ ᑎᐱᔅᑲᐤ ᐱᓯᒻ ᑭᔭ ᒐᑲᑦ ᐊᐱᑐᐤ ᐊ ᐃᑕᑎᓯᒡ ᐅᒐᑭᑕᐧᑯᒡ ᒋ ᑎᑯᓂᔪᐤ ᑲ ᐃᓯ ᓂᓱᐅᓇᒋᐊᑭᓄᐎᒡ, ᐊᑯ ᓇᒪ ᓇᔅᒡ ᐊᐱᑐᐤ ᐊ ᐃᔎᔨᒡ ᐊᔅᐱᔅ ᒋᐧᑲᔭᔅᑐᐛᒡ ᓇᒪ ᐅᒋ ᐃᔅᐱᔅ ᒋᐧᑲᔭᔅᑐᐛᐅᒡ᙮ ᒐᑲᑦ ᐊᐱᑐᐊᒋᓯᑲᔨᒡ ᐃᔅᐱᔅ ᓇᒪ ᐅᒋ ᒋᐧᑲᔭᔅᑐᐛᐤ ᐱᓯᒻ᙮ ᑎᐱᔅᑲᐤ ᐱᓯᒻ ᑭᔭ ᐅᒐᑭᑕᐧᑯᒡ ᑭᔭ ᐎᔨᐛᐤ ᓇᒪ ᐅᒋ ᒋᐧᑲᔭᔅᑐᐛᐅᒡ ᒐᑲᑦ ᐊᐱᑐᐊᑎᐱᔅᑲᔨᒡ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 8:12 Iomraidhean Croise

ᒪᑎᔪᐤ 24:29

“ᐃᔅᐱ ᒪᒃ ᐅᑎᒋᐱᔨᒐ ᑕᓐ ᒐ ᐃᔅᐱᔅ ᐊᔨᒪᒡ ᐊᓂᔭᔪᐛ ᒪᒃ ᐊᑎ ᒋᓯᑲᒋ, ᐊᐅᒄ ᑎᐛᒡ ᒐ ᐊᑎ ᐃᔅᐱᔨᒋ, ᐱᓯᒻ ᒋᑭ ᑎᐱᔅᒋᐱᔪᐤ, ᑭᔭ ᑎᐱᔅᑲᐤ ᐱᓯᒻ ᓇᒪ ᒋᑭ ᐅᒋ ᒋᐧᑲᔭᔅᑐᐛᐤ, ᐅᒐᑭᑕᐧᑯᒡ ᒋᓯᑯᒡ ᒋᑭ ᐅᒋ ᐸᐸᒋᓯᓄᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᒂᒡ ᐃᔅᐱᒥᒡ ᒋᑭ ᓂᓇᒥᐱᔪᐤ᙮”

ᒪᑎᔪᐤ 27:45

ᑲ ᐊᐱᑕᒋᓯᑲᒡ ᒪᒃ ᐊᑯᑕ ᓇᔅᒡ ᒋ ᑭᔅᒋᑎᐱᔅᑲᐤ ᒥᓯᐛ ᐊ ᐃᔅᐱᓴᒡ ᐊᔅᒋᔾ ᐃᔅᐱᔅ ᓂᔅᑐ ᑎᐸᐃᑭᓇ ᐊᔅᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:24

“ᐃᔅᐱ ᒋ ᐎ ᒪᐱᔨᒐ ᐊ ᓂᓇᐧᑲᑕᔨᒧᓇᓄᐅᒡ, ᐱᓯᒻ ᒋᑭ ᑎᐱᔅᒋᐱᔪᐤ, ᑭᔭ ᑎᐱᔅᑲᐤ ᐱᓯᒻ ᓇᒪ ᒋᑭ ᐅᒋ ᒋᐧᑲᔭᔅᑐᐛᐤ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:33

ᐃᔅᐱ ᒪᒃ ᐊ ᐊᐱᑕᒋᓯᑲᒡ ᐊᑯᑕ ᓇᔅᒡ ᑲ ᑭᔅᒋᑎᐱᔅᑲᒡ ᒥᓯᐛ ᐊ ᐃᔅᐱᓴᒡ ᐊᔅᒋᔾ ᐃᔅᐱᔅ ᓂᔅᑐ ᑎᐸᐃᑭᓐ ᐊᔅᐱᔨᑦ᙮

ᓗᒃ 21:25

“ᒋᑭ ᓄᑯᓇ ᒋᔅᒋᓄᐛᐸᑎᔨᐛᐅᓇ ᐊᓐᑕ ᐱᓯᒧᒡ, ᑎᐱᔅᑲᐤ ᐱᓯᒧᒡ, ᑭᔭ ᐊᓐᑕ ᐅᒐᑭᑕᐧᑯᒡ, ᐊ ᐎᑎᒪᑯᔭᒄ ᒐᒂᓐ ᒐ ᐃᔅᐱᔨᒡ ᒐᒋ ᐃᔭᒂᒥᔭᒄ᙮ ᒥᓯᐛ ᐊ ᐃᑎᔅᑲᓇᓯᑦ ᐊᐛᓐ ᐅᑕ ᐊᔅᒋᒡ ᒋᑭ ᓴᒋᓱᐤ᙮ ᒋᑭ ᓴᒋᐃᑯᐅᒡ ᑕᓐ ᒐ ᐃᑎᑕᑯᓂᔨᒡ ᐎᓂᐸᑯᔪᐤ᙮

ᐊᑈᔅᑕᓇᒡ 2:20

ᐱᓯᒻ ᒋᑭ ᑎᐱᔅᒋᐱᔪᐤ ᑭᔭ ᑎᐱᔅᑲᐤ ᐱᓯᒻ ᒋᑭ ᒥᐧᑯᓯᐤ ᒧᔭᒻ ᒥᐧᒄ ᐊ ᐃᓯ ᒥᒂᒡ ᐊᐅᑯᓐ ᒐ ᐃᓯᓇᑯᓯᑦ ᐊᔅᒄ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᓇᔅᒡ ᑕᑈ ᒋᑭ ᒋᔅᑕᔨᑕᑯᓐ ᐊᓐ ᐊ ᒋᓯᑲᒡ ᑭᔭ ᓄᐛᒡ ᒋᑭ ᑎᑯᓐ ᐊ ᓴᒋᓯᓇᓄᐅᒡ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

ᒋᔅᒐᔨᑕᑯᑕᒐᐅᓐ 12:4

ᒋ ᐱᐧᑯᒋᐱᑕᐤ ᐸᐃᒄ ᐊᓂᔭᔪᐛ ᐊ ᓇᓂᔅᑎᔨᒋ ᐅᒐᑭᑕᒂ ᐊᓐᑕ ᒋᓯᑯᒡ ᐅᒡ ᐅᓱᔾ ᐊ ᐊᐱᒋᑕᑦ, ᐊᑯ ᐊᓐᑕ ᐊᔅᒋᒡ ᑲ ᐃᓯ ᐛᐱᓇᑦ᙮ ᒋ ᓂᐳᐅᐤ ᐅᑎᔅᑯᐤ ᐊᓂᔭ ᐃᔎᐛ ᐊ ᑕᔨᒋ ᒪᒂᒡ ᐊ ᐊᐧᑯᓯᔨᒋ ᐊ ᐊᓱᐛᐱᒪᑦ ᒐ ᐃᔅᐱᔅ ᐱᒪᑎᓯᔨᒋ ᐊᓂᔭᔪᐛ ᐊᐛᓴ ᒐᒋ ᒧᐛᑦ ᐃᔅᐱ ᐱᒪᑎᓯᒐᓂ᙮

ᒋᔅᒐᔨᑕᑯᑕᒐᐅᓐ 16:10

ᐊᑯ ᐊᓐ ᐱᑕᑕᒡ ᐊ ᑕᑦ ᐊᓐᒋᓐ, ᒂ ᑯᑎᐱᓇᐧᒃ ᐅᐎᔭᑭᓐ ᐊᓐᑕ ᐃᔅ ᐊᓂᔭ ᒥᒋ ᐊᐛᓯᓴ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ᙮ ᒋ ᑎᐱᔅᒋᐱᔪᐤ ᒪᒃ ᐊᓐᑕ ᐊᓐ ᒥᒋ ᐊᐛᓯᔅ ᐅᒋᒪᐤ ᐅᑦ ᐊᔅᒋᒡ᙮ ᒋ ᒪᒪᒂᑎᒧᒡ ᐊᐛᓐᒋ ᐅᑕᔨᔪᐛᐛ ᐊᔅᐱᔅ ᐎᓯᒐᔨᑕᒡ

ᒋᔅᒐᔨᑕᑯᑕᒐᐅᓐ 6:12

ᐊᑯ ᒂ ᐛᐱᒥᒃ ᐊᓐ ᒪᔭᑕᓂᔅ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊ ᓴᓇᐧᒃ᙮ ᐊᐅᒄ ᐊᑯ ᐊᓱᑕᒡ ᑲ ᓴᓇᐧᒃ᙮ ᐃᔅᐱ ᒪᒃ ᑲ ᓴᓇᐧᒃ, ᐊᑯ ᒂ ᒥᔅᑎ ᑯᐃᐧᑯᒡ᙮ ᐱᓯᒻ ᒋ ᑎᐱᔅᒋᐱᔪᐤ ᒧᔭᒻ ᐊᐱᒋᑕᐅᓐ ᑲ ᓱᒐᑲᒡ ᐊ ᐎᐸᑲᒡ ᐊᑯᓐ ᑲ ᐃᓯᓇᑯᓯᑦ᙮ ᐊᑯ ᑎᐱᔅᑲᐤ ᐱᓯᒻ ᒂ ᒥᐧᑯᓯᑦ, ᒧᔭᒻ ᐊ ᓱᐧᑯᓯᑦ ᐊᑯᓐ ᑲ ᐃᓯᓇᑯᓯᑦ᙮

ᒋᔅᒐᔨᑕᑯᑕᒐᐅᓐ 9:15

ᐊᑯ ᒂ ᐊᐱᐧᑯᓇᑭᓄᐎᒡ ᐊᓐᒡ ᓇᐤ ᐊᓐᒋᓐᒡ᙮ ᐛᔅ ᐊᐅᒄ ᐅᔭ ᑎᐸᐃᑭᓂᔪᐤ, ᐊᐅᒄ ᐅᔭ ᐊ ᒋᓯᑲᔨᒡ, ᐊᐅᒄ ᐅᔭ ᐱᓯᒺ ᑭᔭ ᐊᐅᒄ ᐅᔭ ᐊ ᐱᐳᓂᔨᒡ ᑲ ᐃᓯ ᐊᔭᔅᑯᐊᑭᓄᐛᐛᒂ ᒐᒋ ᐊᐱᐧᑯᓇᑭᓄᐎᒡ ᑭᔭ ᒐᒋ ᓂᐸᐊᒡ ᐸᐃᒄ ᐊᓯᑯᒻ ᓂᔅᑐ ᒥᓯᐛ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 9:18

ᒐᑲᑦ ᐊᐱᑐᐤ ᐊ ᑎᓯᒡ ᐊᐛᓐᒋ ᐊᓐᑕ ᐊᔅᒋᒡ ᒋ ᓂᐸᐃᑯᐅᒡ ᐊᓂᔭ ᐊ ᐊᒂᐸᑕᔨᒡ, ᐊᓂᔭ ᐃᔅᑯᑕᔪᐤ ᑭᔭ ᐊᓂᔭ ᑲ ᐎᔄᐛᐸᑕᔨᒡ ᒐᒂᔪᐤ ᐅᑐᓂᔨᒡ ᐊᓂᔭᔪᐛ ᑲᐸᐃᑭᔎᐛ ᑲ ᐅᒋᐱᔨᒡ᙮