ᒋᔅᒐᔨᑕᑯᑕᒐᐅᓐ 7:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓯᒥᐅᓇ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓕᐸᐃᔨᒋ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᐃᓴᑲᕋ ᐊ ᑕᔨᒋ ᑲ ᐅᑎᑎᐸᒋᓯᒡ᙮

ᒋᔅᒐᔨᑕᑯᑕᒐᐅᓐ 7:7 Iomraidhean Croise

ᒐᓂᓯᔅ 29:34

ᒥᓐ ᐸᐃᒂᐤ ᒋ ᐊᓱᐛᐱᒪᐅᓱᐤ ᑭᔭ ᒋ ᑕᔪᐛ ᑯᑎᑲ ᐅᑯᓴ᙮ ᒂ ᐃᔅᒋᔄᑦ, “ᐊᓄᒡ ᓂᑭ ᓴᒋᐃᒄ ᓂᐎᒋᒪᑭᓐ ᐛᔅ ᓂᔅᑐ ᐅᑯᓯᒪᐛ ᓂᒋ ᒥᔭᐤ᙮” ᐊᑯ ᓕᐸᐃ ᒂ ᐃᓯᓂᐧᑲᑕᑦ ᐅᑯᓴ᙮

ᒐᓂᓯᔅ 30:18

ᓕᐊ ᒋ ᐃᔅᒋᔄᐤ, “ᓂᒋ ᑎᐸᐊᒪᒄ ᒋᓴᒪᓂᑐᐤ ᑲᒋ ᒥᔨᒃ ᓂᐎᒋᒪᑭᓐ ᓂᑯᐸᓇᔎᒪ᙮” ᐊᑯ ᐃᓴᑲᕐ ᒂ ᐃᓯᓂᐧᑲᑕᑦ ᐅᑯᓴ᙮

ᒐᓂᓯᔅ 35:23

ᐊᓱᑕᒡ ᒋ ᐃᑕᑎᓯᔪᐛ ᐅᑯᓴ ᓕᐊᔨᒋ ᐅᒡ᙮ ᓂᔅᑎᒧᓴᓐ ᕈᐱᓐ, ᒥᓐ ᓯᒥᐅᓐ, ᓕᐸᐃ, ᒍᑕ, ᐃᓴᑲᕐ ᑭᔭ ᓴᐳᓕᓐ᙮

ᒐᓂᓯᔅ 49:11

ᒋᑭ ᒪᐱᑯᑕᐤ ᑲᓂᐧᑲᑎᓯᑦ ᒋᑲᐸᐃᑭᔎᒻ ᓱᒥᓇᑎᑯᒡ, ᑭᔭ ᐅᑦ ᐊᐛᓯᒥᓴ ᑲᓂᐧᑲᑎᓯᑦ ᒋᑲᐸᐃᑭᔎᒻ ᐊᓐᑕ ᒥᐧᑯᓱᒥᓇᑎᑯᒡ᙮ ᐃᔭᐱᒡ ᑲ ᒥᒂᑭᒥᒡ ᒋᑭ ᒋᔅᑕᐸᐅᑕᓐ ᒋᑦ ᐊᐱᒋᑕᐅᓇ, ᒋᑦ ᐊᑯᑉ ᐊᓐᑕ ᐊ ᒥᒂᑭᒥᒋ ᒥᓂᓴ ᒋᑭ ᒋᔅᑕᐸᐅᑕᓐ᙮

ᒐᓂᓯᔅ 49:5

ᓯᒥᐅᓐ ᑭᔭ ᓕᐸᐃ, ᐅᓂᑐᑎᒧᐅᓂᒡ ᒋ ᐎᐧᑲᓂᓯᑕᑐᓇᐛᐤ᙮ ᒋᓂᑐᐱᔪᐅ-ᒧᐧᑯᒪᓄᐛᐛ ᒋᑦ ᐊᐱᒋᑕᓇᐛᐤ ᒐᒋ ᐊᒂᑎᓯᔭᒄ᙮

ᐊᒃᓱᑕᔅ 6:16

ᐊᐅᑯᔪᐛ ᐅᔭ ᐊᓯᓂᐧᑲᑕᑭᓄᔨᒋ ᓕᐸᐃ ᐅᑯᓴ ᑕᓐ ᐊᑎ ᐃᑎᔅᑲᓇᓯᔨᒋ; ᑭᕐᓱᓐ, ᑯᐊᑦ, ᒪᕋᕆ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᓂᔄᐅᑕᒡ ᑕᑐᐤ ᐱᐳᓇ ᒋ ᐃᔅᐱᔅ ᐱᒪᑎᓯᔪᐤ ᓕᐸᐃ᙮

ᒋᔅᒐᔨᑕᑯᑕᒐᐅᓐ 7:6

ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᐊᓱᕋ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓇᑉᑕᓕᔨᒋ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᒪᓇᓴᔨᒋ ᐊ ᑕᔨᒋ ᑲ ᐅᑎᑎᐸᒋᓯᒡ᙮

ᒋᔅᒐᔨᑕᑯᑕᒐᐅᓐ 7:8

ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓴᐳᓕᓇ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᒍᓯᐸ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᐊᑯ ᒪᒃ ᐊᓐᒡ ᐊᓐᑕ ᐱᓐᒋᒥᓇ ᐊ ᑕᔨᒋ ᑲ ᐅᑎᑎᐸᒋᓯᒡ, ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ᙮