ᒋᔅᒐᔨᑕᑯᑕᒐᐅᓐ 7:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑯ ᒂ ᐸᑎᒪᓐ ᑕᓐ ᑲ ᐃᑕᑎᓯᒡ ᐊᓐᒡ ᑲ ᒋᔅᒋᓄᐛᒋᐊᑭᓄᐎᒡ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ᑕᑎᓱᐅᒡ᙮ ᒥᓯᐛ ᐊᓐᑕ ᐊ ᓂᓱᓴᑉ ᐱᑐᐤ ᑲ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᒋ ᐅᒋᐅᒡ ᐊᓐᒡ ᑲ ᒋᔅᒋᓄᐛᒋᐊᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 7:4 Iomraidhean Croise

ᒐᓂᓯᔅ 15:5

ᐊᑯ ᑎᐸᔨᒋᒐᓱᐤ ᐎᐎᑎᒥᒡ ᐊ ᑐᑕᐊᑦ ᐊᑉᕋᒪ ᑭᔭ ᒋ ᐃᑕᐤ, “ᒋᓯᑯᒡ ᐃᑕᐱᔾ ᑭᔭ ᑯᒋᑕ ᒐᒋ ᐊᒋᒥᑥᐤ ᐅᒐᑭᑕᐧᑯᒡ,” ᐊᑯ ᑎᐸᔨᒋᒐᓱᐤ ᐊᑕᑦ, “ᐊᐅᑯᓐ ᒐ ᐃᔅᐱᒐᑎᒡ ᒋᓂᑕᐅᒋᐊᑭᓐᒡ ᒐ ᑭᓄᐛᔨᒥᑥᐤ᙮”

ᐊᒃᓱᑕᔅ 28:21

ᒥᓯᐛ ᐊᓐᑕ ᐸᐸᐃᒄ ᐊᓂᓴᐳᒡ ᐊᓯᓂᔨᒡ ᒋᑭ ᐎ ᒥᓯᓇᑕᐃᑭᓄᔪᐛ ᒐᑭᑉ ᑲ ᓂᓴᐳᔨᒋ ᐅᑯᓴ ᐅᑦ ᐃᓯᓂᐧᑲᓱᐅᓂᔨᐛ ᒐ ᓂᑲᓂᔅᑯᐛᔨᒋ ᐃᔅᕋᐃᓪ ᐃᔪᐛ᙮

ᒪᑎᔪᐤ 19:28

ᐊᑯ ᒋᓴᔅ ᒂ ᐃᑕᑦ, “ᒋᑭ ᒐᔅᑎᓇᐅᓇᐛᐤ, ᐃᔅᐱ ᐃᔪᐤ ᐅᑯᓯᓴᓐ ᐊᐱᒐ ᒋᓴᐅᒋᒪᐤ ᑕᑎᐳᐛᑭᓂᒡ ᒥᓐ ᐅᔅᑲᒐ ᐊᔅᒋᔾ, ᐊᑯ ᑭᔭ ᒋᔨᐛᐤ ᓂᒋᔅᒋᓄᐊᒧᐛᑭᓂᑎᒄ ᒐ ᐊᐱᔭᒄ ᓂᓱᓴᑉ ᐅᒋᒪᐤ ᑕᑎᐳᐛᑭᓇ, ᒐ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮

ᓗᒃ 14:22

“ᐎᐱᒡ ᒪᒃ ᒋ ᑎᑯᓯᓐ ᐊᓐ ᐊᐱᒋᐊᑭᓐ ᐊᑯ ᒂ ᐃᑕᑦ ᐊᓂᔭ ᐅᒋᒪᒪ, ‘ᓴᔅ ᓂᒋ ᐃᑐᑕᓐ ᑕᓐ ᑲ ᐃᓯ ᓂᑐᐛᔨᒥᔨᓐ ᒐᒋ ᐃᑐᑎᒪᓐ ᐊᔅᒄ ᒪᒃ ᒥᔅᑎ ᑐᐛᐤ ᐊᑐᐎᔅ ᑯᑎᑭᒡ ᒐᒋ ᑎᑯᓯᓂᒡ᙮’ ”

ᓗᒃ 22:30

ᒐᒋ ᐎᒋᒥᒋᓱᒥᔭᒄ ᑭᔭ ᒐᒋ ᐎᒋᒥᓂᒥᔭᒄ ᓂᒥᒋᓱᐛᑭᓇᑎᑯᒡ ᐊᓐᑕ ᓄᒋᒪᐅᓂᒡ᙮ ᒋᑭ ᐊᐱᓇᐛᐤ ᑭᔭ ᒋᔨᐛᐤ ᒋᓴᐅᒋᒪᐤ ᑕᑎᐳᐛᑭᓇ ᐊᓐᑕ ᒐ ᐅᒋ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮”

ᐊᑈᔅᑕᓇᒡ 26:7

ᒥᓯᐛ ᒪᒃ ᑭᔭ ᐎᔨᐛᐤ ᐊᓐᒡ ᒍᐤ ᐃᔪᒡ ᐊᓂᔭᔪᐛ ᑲ ᓂᓱᓴᐳᔨᒋ ᒐᑭᐸ ᐅᑯᓯᔪᐛ ᐊ ᑕᔨᒋ ᑲ ᐅᒋᒡ ᐊᐅᒄ ᐅᔭ ᐊ ᐊᓱᐛᐸᑕᒡ᙮ ᐊᐅᒄ ᐅᔭ ᐊ ᐃᓯ ᐱᑯᓴᔨᒧᒡ ᐊ ᐊᔭᒥᐊᒡ ᒋᓴᒪᓂᑐᐛ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮ ᒋᓴᐅᒋᒪᐤ ᐊᒃᕆᐸ, ᐊᐅᒄ ᒪᒃ ᐅᔭ ᐊ ᐃᓯ ᑕᑈᑎᒧᒡ ᐛᒋ ᐎ ᑎᐸᔅᑯᓂᒡ ᐅᒡ ᒍᐤ ᐃᔪᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:27

ᐊᑯ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐊᐃᓴᔭ ᒋ ᑎᑯᓂᔪᐤ ᑕᓐ ᑲ ᐃᓯ ᐊᔨᒧᒪᑦ ᐃᔅᕋᐃᓪ ᐃᔪᐛ᙮ ᒋ ᐃᔅᒋᔄᑯᐱᓇ, ᐊᑎ ᐊ ᐃᔅᐱᔅ ᐛᔪᑎᓯᒡ ᐃᔅᕋᐃᓪ ᐃᔪᒡ ᒧᔭᒻ ᐊᔅᐱᔅ ᐛᔪᒡ ᒥᒐᓂᔨᒋ ᐃᔭᑲᐤ ᓯᓱᒡ ᐎᓂᐸᑯᒡ ᐃᔭᐱᒡ ᓇᒪ ᒥᒐᑦ ᒋᑭ ᐅᒋ ᐱᒪᒋᐅᐎᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:1

ᒋᒥᔅ ᓂᔾ, ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐊᐱᒋᐊᑭᓄᐛᐛ᙮ ᒥᓯᐛ ᓂ ᐛᒋᔭᒪᔪᐛ ᒋᓴᒪᓂᑐᐤ ᐅᑦ ᐃᔨᒪ ᐸᐱᐛ ᐊ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮

ᒋᔅᒐᔨᑕᑯᑕᒐᐅᓐ 14:1

ᐃᔅᐱ ᒥᓐ ᑲ ᐃᑕᐱᔭᓐ ᓂᒋ ᐛᐱᒪᐤ ᐊᓐ ᒪᔭᑕᓂᔅ ᐊᓐᑕ ᐊᓂᔭ ᐱᔅᑯᑎᓇᔪᐤ ᓴᐃᔭᓐ ᑲ ᐃᓯᓂᐧᑲᑕᔨᒡ ᐊ ᓂᐳᐅᑦ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ᑕᑎᓯᔪᐛ ᐊᐛᔪᐛ ᐊᓐᑕ ᐊ ᑕᑦ᙮ ᐊᓂᔭᔪᐛ ᒪᒃ ᐊᐛᔪᐛ ᐅᔅᑲᑎᑯᐎᒡ ᒋ ᒥᓯᓇᑕᔪᐤ ᐊᓂᔭᔪᐛ ᒪᔭᑕᓂᓴ ᐅᑦ ᐃᓯᓂᐧᑲᓱᐅᓂᔪᐤ ᑭᔭ ᒋᓴᒪᓂᑐᐛ ᐅᑕᐎᒪᐛ ᐅᑦ ᐃᓯᓂᐧᑲᓱᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 14:3

ᓂᒋ ᐛᐱᒪᐅᒡ ᒪᒃ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ ᐊᐛᓐᒋ ᐊ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᔨᒋ ᒋᓴᐃᔪᐛ ᐊ ᐅᑎᔅᑯᑲᐳᔅᑐᐛᒡ ᑭᔭ ᐊᓂᔭ ᑲ ᓇᐎᔨᒋ ᑲ ᐱᒪᑎᓯᔨᒋ ᐊᐛᔪᐛ᙮ ᐊ ᐅᔅᑲᔨᒡ ᓂᑭᒧᐅᓂᔪᐤ ᒋ ᓂᑭᒧᐅᒡ᙮ ᓇᒪ ᒪᒃ ᑯᑎᑲ ᐊᐛᔪᐛ ᒋᑭ ᒋ ᒋᔅᒐᔨᑎᒥᔪᐛ ᐊᓂᔭ ᓂᑭᒧᐅᓂᔪᐤ ᑲ ᓂᑭᒧᐅᒡ, ᒥᒄ ᐎᔨᐛᐤ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ᙮ ᐛᔅ ᐊᐅᑯᓐᒡ ᐅᒡ ᑲ ᐱᒪᒋᐃᑯᒡ ᒋᓴᒪᓂᑐᐤ ᐊᔅᒋᒡ ᐅᒡ᙮

ᒋᔅᒐᔨᑕᑯᑕᒐᐅᓐ 7:5

ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᒍᑕ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᕈᐱᓇ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᑲᑕ ᐊ ᑕᔨᒋ ᑲ ᐅᑎᑎᐸᒋᓯᒡ᙮

ᒋᔅᒐᔨᑕᑯᑕᒐᐅᓐ 9:16

ᓂᒋ ᐸᑎᒺᓐ ᒪᒃ ᑕᓐ ᑲ ᐃᑕᑎᓯᒡ ᐊᓐᒡ ᐊᓯᒪᑭᓂᓯᒡ᙮ ᓂᓱ ᒥᑕᓯᒥᑎᓄᐤ ᒋᓴ ᒥᑕᑐᒥᑎᓇᐛᐤ ᒐᓯᐱᔪᐤ᙮