ᒋᔅᒐᔨᑕᑯᑕᒐᐅᓐ 6:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒥᓐ ᒂ ᐛᐱᒥᒃ ᑲᐸᐃᑭᔎᐤ ᐊ ᐅᒋ ᐎᐎᑦ᙮ ᒋ ᐎᐛᐱᓯᐤ ᐊᓐ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᓂᐳᐅᓐ ᒋ ᐃᓯᓂᐧᑲᓱᐤ᙮ ᐅᑕᒡ ᒪᒃ ᐊᓐᑕ ᐊ ᑕᑦ ᐊᑯᑕ ᑲ ᑎᑯᓂᔨᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔪᐤ᙮ ᒋ ᒥᔭᑭᓄᐎᒡ ᒪᒃ ᐅᒡ ᑎᐸᔨᒋᒐᐅᓂᔪᐤ ᐸᐃᒄ ᐊᓯᑯᒻ ᓇᐤ ᐊ ᑕᒡ ᐊᐛᔪᐛ ᐅᑕ ᐊᔅᒋᒡ ᒐᒋ ᓂᐸᐊᒡ ᓂᑐᐱᔪᐅᓂᔪᐤ ᐅᒋ, ᑭᔭ ᑯᐅᐧᑭᑕᐅᓂᔪᐤ ᐅᒋ, ᑭᔭ ᓂᓇᐧᑯᐤ ᐊᐧᑯᓯᐅᓇ ᐅᒋ᙮ ᒋ ᒥᔭᑭᓄᐎᒡ ᑭᔭ ᑎᐸᔨᒋᒐᐅᓂᔪᐤ ᒐᒋ ᐃᑐᑐᐛᒡ ᑲ ᑯᔅᑕᑎᑯᓯᔨᒋ ᐊᐛᓯᓴ ᐊᓐᑕ ᐊᔅᒋᒡ ᐊ ᑕᔨᒋ ᒐᒋ ᓇᓂᐸᐊᔨᒋ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 6:8 Iomraidhean Croise

ᒪᑎᔪᐤ 11:23

ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᑲ ᑕᔭᒄ ᓇᔅᒡ ᑕᑈ ᒋᑦ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ᐅᑎᓂᑯᐅᔭᒄ᙮ ᓇᒪ ᒪᒃ, ᒥᒋ ᐃᔅᑯᑕᒡ ᒋᑭ ᐃᓯ ᓂᑎᒋᐛᐱᓂᑯᓇᐛᐤ᙮ ᒪᒥᔅᑲᒡ ᒐᒂᔪᐛ ᒋ ᐃᓯ ᐃᑐᑕᑭᓄᐛ ᐊᓐᑕ ᒋᑦ ᐃᑕᐅᓄᐛᒡ ᐃᔭᐱᒡ ᒪᒃ ᓇᒪ ᒋ ᐅᒋ ᒂᔅᑲᑎᓯᓇᐛᐤ ᑭᔭ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ᐃᑐᑎᒪᑯᐅᔭᒄ, ᒋ ᐃᑐᑕᑭᓄᐎᒂᓂ ᐊᓐᑕ ᓱᑕᒻ ᐅᑕᓇᒡ ᒋᐸ ᒂᔅᑲᑎᓱᐅᒡ ᐊᓐᒡ ᐊᓐᑕ ᑲ ᑕᒡ ᑭᔭ ᐊᓄᒡ ᐊᔅᒄ ᒋᐸ ᑎᑯᓐ ᐊᓐ ᐅᑕᓇᐤ᙮

ᒪᑎᔪᐤ 24:7

ᐸᐃᑯᓄᒡ ᑲ ᐃᑎᔅᑲᓇᓯᒡ ᐊᐛᓐᒋ ᒋᑭ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ᐅᒋᒪᐅᒡ ᒋᑭ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ᐅᒋᒪᐎᔨᒋ᙮ ᒋᑭ ᑎᑯᓐ ᐊ ᑯᐃᒂᒡ ᑭᔭ ᐊ ᑯᐅᐧᑭᑕᓄᐅᒡ᙮

1 ᑯᕆᓐᑎᔭᓇ 15:55

ᓴᔅ ᓇᔅᒡ ᒋ ᔭᔪᑕᑭᓄᐤ ᓂᐳᐅᓐ᙮ ᓇᒪ ᐛᐛᒡ ᒋᑭ ᒋ ᐊᐧᑯᐃᑯᓇᓄᐤ ᐊᑯ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 12:4

ᒋ ᐱᐧᑯᒋᐱᑕᐤ ᐸᐃᒄ ᐊᓂᔭᔪᐛ ᐊ ᓇᓂᔅᑎᔨᒋ ᐅᒐᑭᑕᒂ ᐊᓐᑕ ᒋᓯᑯᒡ ᐅᒡ ᐅᓱᔾ ᐊ ᐊᐱᒋᑕᑦ, ᐊᑯ ᐊᓐᑕ ᐊᔅᒋᒡ ᑲ ᐃᓯ ᐛᐱᓇᑦ᙮ ᒋ ᓂᐳᐅᐤ ᐅᑎᔅᑯᐤ ᐊᓂᔭ ᐃᔎᐛ ᐊ ᑕᔨᒋ ᒪᒂᒡ ᐊ ᐊᐧᑯᓯᔨᒋ ᐊ ᐊᓱᐛᐱᒪᑦ ᒐ ᐃᔅᐱᔅ ᐱᒪᑎᓯᔨᒋ ᐊᓂᔭᔪᐛ ᐊᐛᓴ ᒐᒋ ᒧᐛᑦ ᐃᔅᐱ ᐱᒪᑎᓯᒐᓂ᙮

ᒋᔅᒐᔨᑕᑯᑕᒐᐅᓐ 9:15

ᐊᑯ ᒂ ᐊᐱᐧᑯᓇᑭᓄᐎᒡ ᐊᓐᒡ ᓇᐤ ᐊᓐᒋᓐᒡ᙮ ᐛᔅ ᐊᐅᒄ ᐅᔭ ᑎᐸᐃᑭᓂᔪᐤ, ᐊᐅᒄ ᐅᔭ ᐊ ᒋᓯᑲᔨᒡ, ᐊᐅᒄ ᐅᔭ ᐱᓯᒺ ᑭᔭ ᐊᐅᒄ ᐅᔭ ᐊ ᐱᐳᓂᔨᒡ ᑲ ᐃᓯ ᐊᔭᔅᑯᐊᑭᓄᐛᐛᒂ ᒐᒋ ᐊᐱᐧᑯᓇᑭᓄᐎᒡ ᑭᔭ ᒐᒋ ᓂᐸᐊᒡ ᐸᐃᒄ ᐊᓯᑯᒻ ᓂᔅᑐ ᒥᓯᐛ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 9:18

ᒐᑲᑦ ᐊᐱᑐᐤ ᐊ ᑎᓯᒡ ᐊᐛᓐᒋ ᐊᓐᑕ ᐊᔅᒋᒡ ᒋ ᓂᐸᐃᑯᐅᒡ ᐊᓂᔭ ᐊ ᐊᒂᐸᑕᔨᒡ, ᐊᓂᔭ ᐃᔅᑯᑕᔪᐤ ᑭᔭ ᐊᓂᔭ ᑲ ᐎᔄᐛᐸᑕᔨᒡ ᒐᒂᔪᐤ ᐅᑐᓂᔨᒡ ᐊᓂᔭᔪᐛ ᑲᐸᐃᑭᔎᐛ ᑲ ᐅᒋᐱᔨᒡ᙮