ᒋᔅᒐᔨᑕᑯᑕᒐᐅᓐ 6:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯ ᒂ ᐃᑕᐱᔭᓐ, ᒂ ᐛᐱᒥᒃ ᐊ ᐛᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ᑕᐧᑯᓇᐤ ᐊᒐᐱᔭ᙮ ᒋ ᒥᔭᑭᓄᐤ ᒋᓴᐅᒋᒪᐅᑯᓂᔎᐅᓂᔪᐤ, ᐊᑯ ᒂ ᔅᑐᑕᑦ ᒋᒋᒋᓯᑯᒡ ᐅᒡ ᐊᓐᑕ ᐊᔅᒋᒡ ᐊ ᐃᑐᑕᑦ᙮ ᒋ ᓴᐧᑯᒋᐊᑯᐱᓇ ᒪᓐ ᐊᐛᔪᐛ ᒐᒋ ᐊᑎ ᐅᒋᒪᐧᑲᑐᐛᑦ᙮ ᒥᓐ ᒪᒃ ᒋ ᔅᑐᑕᐤ ᒐᒋ ᓴᐧᑯᒋᐊᑦ ᑭᔭ ᒐᒋ ᐊᑎ ᐅᒋᒪᐧᑲᑐᐛᑦ ᑯᑎᑲ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 6:2 Iomraidhean Croise

ᑎᐱᑦ ᐅᓂᑭᒧᐅᓇ 110:2

ᑎᐸᔨᒋᒐᓱᐤ ᒋᑭ ᒋᑎᓴᐊᒻ ᒋ ᒪᔅᑲᓱᐎ ᒥᔅᑎᑯᒥᔪᐤ ᓴᐃᔭᓂᒡ ᐅᒡ: ᑎᐸᔨᒋᒐ ᐊᓐᑕ ᐊ ᐃᑕᒡ ᑲ ᐛᐧᑲᑎᔅᒡ᙮

ᑎᐱᑦ ᐅᓂᑭᒧᐅᓇ 76:7

ᒋᔾ, ᒋᔾ ᐅᑦ, ᒋᑭ ᓇᓂᒋᔅᑕᑯᐅᓐ: ᐊᐛᓐ ᒪᒃ ᒐᒋ ᐅᑎᔅᑲᐎᑲᐳᐅᔅᑕᔅᒃ ᐃᔅᐱ ᐊ ᒋᔄᓯᔨᓐ᙮

ᑎᐱᑦ ᐅᓂᑭᒧᐅᓇ 98:1

ᐅ ᓂᑭᒧᔅᑕᐧᒄ ᑎᐸᔨᒋᒐᓱᐤ ᐅᔅᒋ ᓂᑭᒧᐅᓂᔪᐤ, ᐛᔅ ᒋ ᒪᒥᔅᑲᒡ-ᐃᑐᐤ: ᐎᔾ ᐅᒥᔪᐅᓂᒡ, ᑭᔭ ᐎᔾ ᐅᐸᔭᒋ ᐅᔅᐱᑐᓂᒡ ᒋ ᐅᒋ ᐱᐧᑯᐃᐛᐤ᙮

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

1 ᑯᕆᓐᑎᔭᓇ 15:25

ᐛᔅ ᐎᔾ ᒋᑭ ᐅᒋᒪᐤ ᙭ ᐸᑐᔅ ᒋᓴᒪᓂᑐᐛ ᒋ ᓴᒂᔨᒐᓂ ᒥᓯᐛ ᐊᓂᔭᔪᐛ ᑲ ᐛᐧᑲᑎᑯᑦ ᙭ ᑭᔭ ᒋ ᒥᔨᑯᒐ ᓇᔅᒡ ᒐᒋ ᑎᐸᔨᒪᑦ᙮

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 11:18

ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋ ᒥᔅᑎ ᒋᔄᓱᐅᒡ᙮ ᐊᑯ ᒪᒃ ᒋᔾ ᐛᑎᒋᐱᔨᒡ ᒐᒋ ᒋᔄᓯᔨᓐ ᑭᔭ ᒐᒋ ᑎᐸᔅᑯᓂᑥᐤ ᐊᓐᒡ ᑲ ᓂᐱᒡ᙮ ᓴᔅ ᐅᑎᒋᐱᔪᐤ ᒐᒋ ᑎᐸᐊᒧᑥᐤ ᐅᑎᐸᐊᒪᑯᓯᐅᓄᐛᐛ ᐊᓐᒡ ᒋᑦ ᐊᐱᒋᐊᑭᓐᒡ ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑕᑈᑕᒡ ᑭᔭ ᐊᓐᒡ ᑲ ᒋᔅᑕᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ, ᐊᓐᒡ ᑲ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ᙮ ᓴᔅ ᐅᑎᒋᐱᔪᐤ ᒐᒋ ᓂᓱᐅᓇᒋᐊᑭᓄᐎᒡ ᐊᓐᒡ ᑲ ᓂᓱᐅᓇᒋᐊᒡ ᐊᐛᔪᐛ ᐅᑕ ᐊᔅᒋᒡ᙮”

ᒋᔅᒐᔨᑕᑯᑕᒐᐅᓐ 14:14

ᒥᓐ ᒂ ᐃᑕᐱᔭᓐ, ᐊᑯ ᒂ ᐛᐱᒥᒃ ᐊ ᐛᐱᓯᑦ ᑭᔅᑯᐅᓂᔅᒄ᙮ ᓂᒋ ᐛᐱᒪᐤ ᒪᒃ ᐊᐛᓐ ᐊ ᑕᑎᐱᑦ ᐊᓂᔭᔪᐛ ᑭᔅᑯᐅᓂᔎ ᒧᔭᒻ ᐃᔪᐤ ᐅᑯᓯᓴᓇ ᐊ ᐃᓯᓇᑯᓯᑦ᙮ ᐊ ᐎᔄᐅᓱᓇᔭᐱᔅᑯᔨᒡ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ ᐊᓐ ᐊᐛᓐ᙮ ᐊ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ ᒋ ᑕᐧᑯᓂᒻ᙮

ᒋᔅᒐᔨᑕᑯᑕᒐᐅᓐ 15:2

ᐊᑯ ᒂ ᐛᐸᑎᒪᓐ ᒐᒂᓐ ᒧᔭᒻ ᐎᓂᐸᒄ ᐊ ᓴᑈᔅᑕᓇᒂᒡ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ᐃᓯᓇᒂᒡ ᐊ ᒪᒧᐱᔨᒡ ᐃᔅᑯᑕᐤ ᐊ ᑎᒂᒡ ᐊᓐᑕ᙮ ᑭᔭ ᓂᒋ ᐛᐱᒪᐅᒡ ᐊᓐᒡ ᐊᐛᓐᒋ ᑲ ᓴᐧᑯᐊᒡ ᐊᓂᔭᔪᐛ ᒥᒋ ᐊᐛᓯᓴ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐅᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᓂᑐᐧᑲᓇ ᑭᔭ ᓇᒪ ᐅᒋ ᐅᑎᓂᒺᐛᑯᐱᓇ ᐊᓂᔭ ᐊᒋᑕᓱᐅᓂᔪᐤ ᐅᑦ ᐃᓯᓂᐧᑲᓱᐅᓂᔪᐤ ᐊ ᐃᑎᓯᓇᑕᔨᒡ᙮ ᒋ ᓂᐳᐅᒡ ᐊᓐᑕ ᓯᓱᒡ ᐊᓂᔭ ᓴᑲᐃᑭᓂᔪᐤ ᐊᔭᒥᐊᐤ ᒋᔍᐛᐱᒋᑭᓇ ᐊ ᑕᐧᑯᓇᒡ ᐊᓂᔭᔪᐛ ᒋᓴᒪᓂᑐᐛ ᑲ ᒥᔨᑯᒡ᙮

ᒋᔅᒐᔨᑕᑯᑕᒐᐅᓐ 17:14

ᐅᒡ ᒪᒃ ᐸᐃᑯᔪᐤ ᒋᓴᐅᒋᒪᐅᒡ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᓂᑐᐱᔨᑐᐛᐅᒡ ᐊᓂᔭᔪᐛ ᒪᔭᑕᓂᓴ᙮ ᒥᒄ ᒪᒃ ᒋᑭ ᓴᑯᐃᑯᐅᒡ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᑲ ᓇᓴᐅᑯᔨᒋ᙮ ᐛᔅ ᐎᔾ ᐊᓐ ᒪᔭᑕᓂᔅ ᒋᒋᐛ ᒋᔅᑕᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᒋᒋᐛ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮ ᐊᓂᔭᔪᐛ ᒪᒃ ᑲ ᓇᓴᐅᑯᑦ, ᐊᐅᑯᓂ ᐎᔾ ᐛᒋᒡ ᑲ ᑕᑈᑕᑦ ᑭᔭ ᑲ ᐅᑎᓇᑦ ᒐᒋ ᐅᑦ ᐃᔨᒥᑦ ᑭᔭ ᐊᐅᑯᓂ ᐊᓂᔭᔪᐛ ᑯᐃᔅᒄ ᑲ ᐃᑎᔨᒋ ᐊ ᓇᓴᐅᑯᑦ᙮”

ᒋᔅᒐᔨᑕᑯᑕᒐᐅᓐ 19:14

ᓂᑐᐱᔪᐅ-ᐃᔪᐛ ᒪᒃ ᒋᒋᒋᓯᑯᒡ ᐊ ᑕᔨᒋ ᒋ ᐅᒋ ᓇᓴᐅᑯᐤ ᑲ ᐛᐱᓯᔨᒋ ᑲᐸᐃᑭᔎᐛ ᐊ ᐊᐱᒋᐊᔨᒋ᙮ ᓇᔅᒡ ᑲ ᒥᔽᑭᓂᔨᒡ ᑲ ᓱᓯᐛᑭᓯᔨᒡ ᐱᒍᐎᔭᓂᓯᔪᐤ ᐊ ᐛᐸᑭᓯᔨᒡ, ᐊᐅᑯᓐ ᐊ ᐃᓯᓇᑯᓂᔨᒋ ᐅᑦ ᐊᐱᒋᑕᐅᓄᐛᐛ ᐅᒡ ᓂᑐᐱᔪᐅ-ᐃᔪᒡ᙮ ᓇᔅᒡ ᐸᔭᐧᑭᓂᔪᐛ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ᙮

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”

ᒋᔅᒐᔨᑕᑯᑕᒐᐅᓐ 9:7

ᐊᓐᒡ ᒪᒃ ᒥᓐᑐᓯᓯᒡ ᒧᔭᒻ ᒂᔅᑯᑎᓯᓯᒡ ᑲ ᐃᓯᓇᑯᓯᒡ ᒧᔭᒻ ᐊᓐᑕ ᑲᐸᐃᑭᔎᐅᒡ ᐊᒋ ᐊᔭᔅᑯᐊᑭᓄᐎᒡ ᐊᓐᑕ ᐊ ᒪᓯᒐᓄᐎᒡ ᒐᒋ ᐃᔅᐸᔨᑐᒡ, ᐊᐅᑯᓐ ᑲ ᐃᓯᓇᑯᓯᒡ᙮ ᐊᓐᑕ ᐅᔅᑎᒂᓂᐛᒡ ᒋ ᒋᔅᑭᒧᒡ ᒐᒂᔪᐛ ᒧᔭᒻ ᒋᓴᐅᒋᒪᐅᑯᓂᔎᐅᓇ ᐊ ᐎᔄᐅᓱᓇᔭᐱᔅᑯᔨᒋ ᐊ ᐃᓯᓇᑯᓂᔨᒋ᙮ ᐅᑕᔅᑎᒥᐧᑯᐛᐛ ᒧᔭᒻ ᐃᔪᐤ ᒥᑕᔅᑎᒧᒂ ᒋ ᐃᓯᓇᑯᓂᔪᐛ᙮