ᒋᔅᒐᔨᑕᑯᑕᒐᐅᓐ 5:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯ ᐸᐃᒄ ᐊᓐ ᑲ ᓂᑲᓇᔨᑕᑯᓯᑦ ᒋᓴᐃᔪᐤ ᒂ ᐃᓯᑦ, “ᐊᑯᓐ ᐃᔅᐱᔅ ᒪ᙮ ᐊᓐᑕ ᒪ ᐃᑕᐱ᙮ ᑭᓄᐛᐱᒻ ᒪ ᐊᓐ ᒥᓯᐱᓱᐤ ᑲ ᐃᓯᓂᐧᑲᑕᑭᓄᐅᑦ᙮ ᒍᑕ ᐊ ᑕᔨᒋ ᐃᑎᔅᑲᓇᓱᐤ ᑭᔭ ᒋᓴᐅᒋᒪᐤ ᑎᐱᑕ ᐊ ᑕᔨᒋ ᐅᒋ ᐊᓂᔅᒐᐱᔪᐤ ᐊᓂᔭ ᐛᒋ ᒋᓴᐅᒋᒪᐅᑦ᙮ ᐎᔾ ᒋ ᓴᐧᑯᒋᐊᐤ ᒥᓯᐛ ᐊᓂᔭᔪᐛ ᑲ ᐛᐧᑲᑎᑯᑦ᙮ ᐎᔾ ᒪᒃ ᒋᑭ ᒋ ᐸᔅᒋᔭᐅᒋᓂᒻ ᐊᓂᔭ ᒥᓯᓇᐃᑭᓂᔪᐤ ᑭᔭ ᐎᔾ ᒋᑭ ᒋ ᒥᓂᒻ ᐊᓂᔭᔪᐛ ᒋᔅᑕᐸᓱᐤ ᐱᓯᑯᐃᑭᓇ᙮”

ᒋᔅᒐᔨᑕᑯᑕᒐᐅᓐ 5:5 Iomraidhean Croise

ᓗᒃ 23:28

ᐊᑯ ᒋᓴᔅ ᒂ ᒂᔅᒋᑲᐳᔅᑐᐛᑦ ᐊᓂᔭ ᐃᔎᐛ ᒂ ᐃᑕᑦ, “ᒋᔨᐛᐤ ᐃᔎᑐᒄ ᒋᕈᓯᓕᒥᒡ ᑲ ᐅᒋᔭᒄ, ᐊᑲᐎᔾ ᒧᔅᑯᐛᓯᒄ, ᒋᔨᐛᐤ ᒧᔅᑯᐛᑎᓱᒄ, ᑭᔭ ᒋᑦ ᐊᐛᓯᒧᐛᐅᒡ ᒧᔅᑯᐛᑕᐧᑯᒡ᙮

ᓗᒃ 7:13

ᐃᔅᐱ ᒪᒃ ᐅᑎᐸᔨᒋᒐᐤ ᐎᔭᐱᒪᑦ ᐊᓂᔭ ᐃᔎᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐊᑯ ᒂ ᐃᑕᑦ, “ᐊᑲᐎᔾ ᒪᒄ᙮”

ᓗᒃ 8:52

ᒥᓯᐛ ᐊᐛᓐᒋ ᐊᓐᑕ ᑲ ᑕᒡ ᒋ ᒪᐅᒡ ᐊ ᒥᑕᑕᒡ ᐊᓂᔭ ᐃᔎᓴ᙮ ᐊᑯ ᒋᓴᓴ ᒂ ᐃᑎᑯᒡ, “ᒋᒺᒄ ᐊ ᒪᔭᒄ᙮ ᑕᐸ ᐛᔅ ᐊᓐ ᓂᐳᐤ, ᒥᒄ ᓂᐸᐤ᙮”

ᒠᓐ 20:13

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐃᔎᐤ, ᒐᒂᓐ ᐛᒋ ᒪᔨᓐ ?” ᐊᑯ ᒪᕆ ᒂ ᐃᑕᑦ, “ᒋ ᐅᑎᓇᐅᒡ ᓂᑎᐸᔨᒋᒐᓯᒪ ᓇᒪ ᒪᒃ ᓂ ᒋᔅᒐᔨᒪᐅᒡ ᑕᓐᑕ ᑲ ᐃᑐᑕᐊᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:3

ᐅᑯᓯᓴ, ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ, ᐊᐅᑯᓐ ᐊᓂᔭᔪᐛ ᐊ ᐊᔨᒧᒪᑭᓄᔨᒋ ᐅᑕ ᒥᔽᒋᒧᐅᓂᒡ᙮ ᑲ ᐱᒪᑎᓯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑲ ᐃᓯᓂᐧᑲᓱᔨᒋ ᐊ ᑕᔨᒋ ᐊᑯᑕ ᐊᓂᔅᒐ ᑲ ᐱᒪᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:12

ᑭᔭ ᐎᔾ ᐊᐃᓴᔭ ᒋ ᑎᑯᓂᔪᐤ ᐅᔭ ᐊᒋ ᐃᑎᔅᑕᑯᐱᓇ, ᒋᑭ ᑕᐤ ᐊᐛᓐ ᒐᓯᔨᒋ ᐊ ᑕᔨᒋ ᐊ ᐅᒋ ᐊᓂᔅᒐ ᓂᑕᐅᒋᑦ ᒐ ᓂᑲᓂᔅᑯᐛᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐊᐅᒄ ᒪᒃ ᐅᔭ ᒐ ᐊᔅᐸᔨᒧᑐᑕᑯᑦ᙮

ᐃᑉᕈᐛ 7:14

ᒥᓯᐛ ᐊᐛᓐ ᒋᔅᒐᔨᑎᒻ ᐅᔭ᙮ ᒋᓴᔅ ᒍᑕᐃᒡ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮ ᑭᔭ ᒋ ᒋᔅᒐᔨᑕᓇᓄᐤ ᒧᓱᔅ ᐊᑲ ᐅᒋ ᐎᔭᑦ ᒍᑕᐃᒡ ᐊ ᑕᔨᒋ ᐊ ᐅᒋᔨᒋ ᐊᐛᔪᐛ ᒐᒋ ᐊᔭᒥᐊᐅᒋᒪᐎᔨᒋ᙮

ᒋᔅᒐᔨᑕᑯᑕᒐᐅᓐ 1:1

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᒋᓴᔅ, ᒋᓴᒪᓂᑐᐛ ᒋ ᒥᔨᑯᐤ ᒐᒋ ᒋᔅᒐᔨᑎᒥᐊᑦ ᐊᓂᔭ ᑲ ᐊᑐᔅᑯᐛᔨᒋ ᒋᓴᒪᓂᑐᐛ ᑕᓐ ᒐ ᐃᔅᐱᔨᒡ ᐎᐱᒡ᙮ ᓂᔾ, ᒠᓐ, ᒋᓴᒪᓂᑐᐛ ᑲ ᐊᑐᔅᑯᐛᑦ, ᓂᒋ ᐃᑎᓴᐊᒪᒄ ᙭ ᐊᓐᒋᓇ ᒐᒋ ᐸᒋ ᐎᑎᒧᔨᒋ ᑕᓐ ᐊᓂᔭᔪᐛ ᓴᔅ ᐎᐱᒡ ᒐ ᐃᔅᐱᔨᒋ᙮

ᒋᔅᒐᔨᑕᑯᑕᒐᐅᓐ 22:16

ᓂᔾ, ᒋᓴᔅ, ᓂᒋ ᐃᑎᓴᐛᐤ ᓂᑦ ᐊᓐᒋᓂᒻ ᐊᓐᑕ ᐊ ᐊᑎ ᑕᔭᒄ ᒐᒋ ᐎᑎᒪᑕᒄ ᐅᔭ ᒐᒂᔪᐛ, ᒋᔨᐛᐤ ᐅᒪᒧᐊᔭᒥᐊᑐᒄ᙮ ᑎᐱᑦ ᐊ ᑕᑦ ᓂ ᐅᒋ ᐊᓂᔅᒐ ᐱᒪᑎᓯᓐ᙮ ᐊᐅᒄ ᓂᔾ ᐊᓐ ᐛᐱᓐ ᐅᒐᑭᑕᐧᒄ ᓇᔅᒡ ᑲ ᒋᐧᑲᔭᔅᑐᐛᑦ᙮”

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”

ᒋᔅᒐᔨᑕᑯᑕᒐᐅᓐ 4:10

ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐅᒋᒋᐧᑯᓂᐱᔪᐅᒡ ᐊᓐᑕ ᐃᔅ ᐊ ᑕᔨᒋ ᐊᓂᔭᔪᐛ ᑲ ᐊᐱᔨᒋ ᒋᓴᐅᒋᒪᐤ ᑕᑎᐳᐛᑭᓂᒡ, ᐊ ᐊᔭᒥᐊᔅᑐᐛᒡ ᐊᓂᔭ ᑲᒋᒡ ᐸᒪᑎᓯᔨᒋ᙮ ᒋ ᒥᓂᒧᒡ ᐊᓂᔭᔪᐛ ᐅᒋᓴᐅᒋᒪᐅᑯᓂᔎᐅᓄᐛᐛ, ᐊᑯ ᐅᑎᔅᑯᐤ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐃᓯ ᐛᐱᓇᒡ, ᐊ ᐃᔅᒋᔄᒡ,

ᒋᔅᒐᔨᑕᑯᑕᒐᐅᓐ 4:4

ᐛᔅᑲ ᒪᒃ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᐊᑯᑕ ᑲ ᑎᒂᒋ ᓂᓱᔪᐤ ᐊᓱ ᓇᐤ ᒋᓴᐅᒋᒪᐤ ᑕᑎᐳᐛᑭᓇ᙮ ᓂᓱᔪᐤ ᐊᓱ ᓇᐤ ᐊ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐊᐳᐅᒡ ᐊᓐᑕ᙮ ᒋ ᐛᐸᔪᐛ ᐅᑦ ᐊᐱᒋᑕᐅᓄᐛᐛ ᑭᔭ ᒋ ᒋᔅᑭᒧᒡ ᐊ ᐎᔄᐅᓱᓇᔭᐱᔅᑯᔨᒋ ᒋᓴᐅᒋᒪᐅᑯᓂᔎᐅᓇ᙮

ᒋᔅᒐᔨᑕᑯᑕᒐᐅᓐ 5:4

ᓂᒋ ᒥᔅᑎ ᒪᓐ ᒪᒃ ᐛᔅ ᓇᒪ ᐅᒋ ᒥᔅᑯᐛᑭᓄᐤ ᐊᐛᓐ ᐊ ᒋᔅᑕᔨᑕᑯᓯᑦ ᒐᒋ ᐸᔅᒋᔭᐅᒋᓇᐧᒃ ᐊᓂᔭ ᒥᓯᓇᐃᑭᓂᔪᐤ ᑭᔭ ᒐᒋ ᐃᔨᒥᑕᑦ᙮

ᒋᔅᒐᔨᑕᑯᑕᒐᐅᓐ 6:1

ᐊᑯ ᒂ ᐛᐱᒥᒃ ᐊᓐ ᒪᔭᑕᓂᔅ ᐊ ᓴᓇᐧᒃ ᐸᐃᒄ ᐊᓂᔭᔪᐛ ᓂᔄᐅᑕᒡ ᑲ ᐃᑕᑎᓂᔨᒋ ᒋᔅᑕᐸᓱᐤ ᐱᓯᑯᐃᑭᓇ᙮ ᓂᒋ ᐸᑐᐛᐤ ᒪᒃ ᐸᐃᒄ ᐊᓐᒡ ᑲ ᐱᒪᑎᓯᒡ ᐊᐛᓐᒋ ᐊ ᐃᔅᒋᔄᑦ, “ᐊᔅᑎᒻ !” ᒧᔭᒻ ᓂᒥᔅᒍᐅᒡ ᐊ ᐃᑎᑕᑯᓯᒡ ᐊ ᒋᔅᑐᒡ ᐊᑯᓐ ᑲ ᐃᔅᐱᔅ ᒋᔄᐛᑦ ᐊᓂᔭ ᐊ ᐃᔅᒋᔄᑦ᙮

ᒋᔅᒐᔨᑕᑯᑕᒐᐅᓐ 7:13

ᐊᑯ ᐸᐃᒄ ᐊᓐ ᑲ ᒋᔅᑕᔨᑕᑯᓯᑦ ᒋᓴᐃᔪᐤ ᒂ ᐸᒋ ᐃᓯᑦ, “ᐊᓐᒡ ᒪ ᑲ ᐛᐸᔅᐱᓱᒡ, ᐊᐛᓐᒋ ᐊᓐᒡ ᑭᔭ ᑕᓐᑕ ᐛᒋᒡ ?”