ᒋᔅᒐᔨᑕᑯᑕᒐᐅᓐ 5:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᑯ ᒂ ᐸᑐᐅᒂᐤ ᒥᓯᐛ ᐊᐛᓐᒋ ᐊᓐᑕ ᒋᒋᒋᓯᑯᒡ ᑭᔭ ᒥᓯᐛ ᐊᐛᓐᒋ ᑭᔭ ᐊᐛᓯᓯᒡ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᑭᔭ ᐊᓐᑕ ᓂᐱᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᒡ ᐊ ᑕᒡ ᐊ ᓂᑭᒧᒡ, ᐅᔭ ᐊ ᐃᔅᒋᔄᒡ, “ᐊᓐ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᐊᓐ ᒪᔭᑕᓂᔅ ᑲᒋᒡ ᒋᑭ ᓱᐛᔨᒪᑭᓄᐎᒡ ᑭᔭ ᒋᑭ ᒋᔅᑕᒋᒪᑭᓄᐎᒡ ᑭᔭ ᒋᑭ ᒋᔅᑕᔨᑕᑯᐊᑭᓄᐅᒡ ᑭᔭ ᒋᑭ ᓱᐧᑲᑎᓯᐅᒡ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 5:13 Iomraidhean Croise

ᒪᑎᔪᐤ 6:13

ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᓗᒃ 2:14

“ᒋᔅᑕᔨᒪᐧᒄ ᒋᓴᒪᓂᑐᐤ ᒪᐅᒡ ᐃᔅᐱᒥᒡ ᐊ ᑕᑦ᙮ ᒋᑭ ᒥᔭᑭᓄᐎᒡ ᒋᔭᒪᔨᑎᒧᐅᓂᔪᐤ ᐊᓐᒡ ᑲ ᓂᓇᐊᔨᑎᒥᐊᒡ ᒋᓴᒪᓂᑐᐛ ᐅᑕ ᐊᔅᒋᒡ᙮”

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:36

ᐎᔾ ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ᐅᓯᑕᐤ᙮ ᐎᔾ ᒥᓯᐛ ᒐᒂᔪᐤ ᓂᓇᑭᑐᐛᔨᑎᒻ᙮ ᐎᔾ ᒥᓯᐛ ᒐᒂᔪᐤ ᑎᐱᔨᐛᐅᓯᐤ᙮ ᐎᔾ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ᙮ ᐊᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:27

ᒋᓴᒪᓂᑐᐤ ᒥᒄ ᐎᔾ ᑲ ᒋᓴᒪᓂᑐᐅᑦ ᑭᔭ ᓇᔅᒡ ᑲ ᑭᒐᑕᐛᔨᑕᐧᒃ, ᒋᑭ ᒪᒥᒋᒪᑭᓄᐤ ᐊᓂᔭ ᐅᒋ ᑕᓐ ᐊ ᐃᓯ ᐃᑐᑎᒥᔨᒋ ᒋᓴᔅ ᙭ᑕ᙮ ᐊᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:5

ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ᐱᒪᑎᓯᑦ ᐃᔅᐱ ᓇᐸᐛ ᑲ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐱᒥᐱᔨᑕᑦ, ᑲᒋᒡ ᒋᑭ ᐎ ᒪᒥᒋᒪᑭᓄᐤ᙮ ᐊᒥᓐ᙮

ᐃᐱᓯᔭᓇ 3:21

ᐎᔾ ᒋᓴᒪᓂᑐᐤ ᑲᒋᒡ ᒋᑭ ᒋᔅᑕᔨᑕᑯᐊᑭᓄᐤ ᒪᒂᒡ ᐅᒪᒧᐊᔭᒥᐊᐛ ᐊ ᑕᔨᒋ ᒋᓴᔅ ᙭ᑕ ᐅᒡ᙮ ᐊᒥᓐ᙮

ᐱᓕᐱᔭᓇ 2:10

ᐊᑯ ᒪᒃ ᒥᓯᐛ ᐊᐛᓐ ᒐ ᒪᒥᒋᒪᑦ ᒋᓴᔅ ᑲ ᐃᓯᓂᐧᑲᑕᑭᓄᔨᒋ, ᒥᓯᐛ ᐊᐛᓐ ᒋᒋᒋᓯᑯᒡ ᑭᔭ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᐊ ᑕᑦ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

1 ᑎᒧᑎ 4:16

ᓂᓇᑭᑐᐛᔨᑎᒥᐃᑯᐤ ᑭᔭ ᒋ ᐱᒪᑎᓯᐅᓐ ᑭᔭ ᐊᓐ ᐊ ᐃᓯ ᒋᔅᑯᑎᒪᒐᔨᓐ᙮ ᐅ ᐃᓯ ᓂᓇᑭᑐᐛᔨᑎᒥᓇ ᐊᐅᒄ ᒐ ᑭᓄᐛᔨᒥᑯᔭᒄ ᑭᔭ ᒐ ᐱᒪᒋᐃᑯᔭᒄ, ᒋᔾ ᑭᑈ ᑭᔭ ᐊᓐᒡ ᑲ ᓂᑐᑕᔅᒡ᙮

1 ᐱᑕᕐ 4:11

ᐊᐛᓐ ᐊᒋ ᒥᔨᑯᑦ ᒋᓴᒪᓂᑐᐛ ᒐᒋ ᐃᔨᒪᐊᑦ, ᒋᐸ ᐃᔨᒧᐤ ᑕᓐ ᐊᓂᔭᔪᐛ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᓯ ᐃᔨᒥᑦ᙮ ᐊᓐ ᐊᐛᓐ ᑲ ᒥᔭᑭᓄᐅᑦ ᑭᔅᒋᐅᓂᔪᐤ ᒐᒋ ᐎᒋᐊᑦ ᑯᑎᑲ ᐊᐛᔪᐛ, ᑭᑈ ᒋᐸ ᐎᒋᐊᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᑯ ᒪᒃ ᐎᔾ ᒋᓴᒪᓂᑐᐤ ᒐ ᒋᔅᑕᔨᑕᑯᐊᑭᓄᐅᑦ ᒥᓯᐛ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ ᐊᓐᑕ ᒋᓴᔅ ᙭ᑕ ᐊ ᑕᔨᒋ ᐃᔅ, ᐎᔾ ᒋᓴᒪᓂᑐᐤ ᒐ ᐊᑲ ᓂᑕ ᐃᔎᐱᔨᒡ ᐅᒋᔅᑕᔨᑕᑯᓱᐅᓐ ᑭᔭ ᐅᒥᔅᑯᓯᐅᓐ᙮ ᐊᒥᓐ᙮

1 ᐱᑕᕐ 5:11

ᐎᔾ ᒪᒃ ᒋᓴᒪᓂᑐᐤ ᑲᒋᒡ ᐊᔭᐤ ᒥᓯᐛ ᓱᐧᑲᑎᓯᐅᓂᔪᐤ᙮ ᐊᒥᓐ᙮

ᒍᑦ 1:25

ᒋᑭ ᒥᔭᑭᓄᐤ ᒋᔅᑕᔨᑕᑯᓱᐅᓂᔪᐤ, ᒋᓴᐅᒋᒪᐅᓂᔪᐤ, ᓱᐧᑲᑎᓯᐅᓂᔪᐤ ᑭᔭ ᑎᐸᔨᒐᐅᓂᔪᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋ, ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 1:6

ᒋ ᐃᑐᑎᒻ ᒐᒋ ᒥᓯᓇᓱᐛᐧᒄ ᐊᓐᑕ ᐅᒋᓴᐅᒋᒪᐅᓂᒡ ᐊ ᐊᑐᔅᑲᔅᑐᒪᐧᑯ ᒋᓴᒪᓂᑐᐛ ᐅᑕᐎᔭ ᐊ ᐊᔭᒥᐊᐅᒋᒪᐤ ᐊᐱᑎᓯᐛᐧᒄ᙮ ᐎᔾ ᒋᑭ ᒋᔅᑕᔨᑕᑯᐊᑭᓄᐤ ᑭᔭ ᒋᑭ ᑎᐸᔨᒋᒐᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮

ᒋᔅᒐᔨᑕᑯᑕᒐᐅᓐ 5:1

ᐊᑯ ᒂ ᐛᐸᑎᒪᓐ ᒥᓯᓇᐃᑭᓐ ᐊᒋ ᑎᑎᐸᔭᒋᓂᑭᓄᐅᒡ᙮ ᐊᓐ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ᑕᐧᑯᓂᒻ ᐊᓂᔭ ᒥᓯᓇᐃᑭᓂᔪᐤ᙮ ᐃᑐᐤ ᐊᓐᑕ ᒋ ᒥᓯᓇᐃᑲᓄᑯᐱᓇ ᐊᓐ ᒥᓯᓇᐃᑭᓐ ᑭᔭ ᒋ ᒋᔅᑕᐸᓱᐤ ᐱᓯᑯᐃᑭᓄᑯᐱᓇ ᓂᔄᐅᑕᒡ ᒋᔅᑕᐸᓱᐤ ᐱᓯᑯᐃᑭᓇ ᐊᒋ ᐊᐱᑎᒋ᙮

ᒋᔅᒐᔨᑕᑯᑕᒐᐅᓐ 5:12

ᒋ ᒋᔄᐛᐅᒡ ᒪᒃ ᐊ ᓂᑭᒧᒡ, “ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᒋᔅᑕᔨᑕᑯᓱᐤ ᐎᔾ ᒐᒋ ᐊᔭᑦ ᓱᐧᑲᑎᓯᐅᓂᔪᐤ, ᐛᔪᑎᓯᐅᓂᔪᐤ, ᑭᒐᑕᐛᔨᑎᒧᐅᓂᔪᐤ, ᒥᔅᑯᓯᐅᓂᔪᐤ, ᒋᔅᑕᒋᒥᑯᓯᐅᓂᔪᐤ, ᒋᔅᑕᔨᑕᑯᓱᐅᓂᔪᐤ, ᑭᔭ ᓱᐛᔨᒋᒐᐅᓂᔪᐤ᙮”

ᒋᔅᒐᔨᑕᑯᑕᒐᐅᓐ 5:3

ᓇᒪ ᒪᒃ ᐊᐛᓐ ᐅᒋ ᑕᐤ ᐊᓐᑕ ᒋᒋᒋᓯᑯᒡ ᑭᔭ ᒪᒃ ᐅᑕ ᐊᔅᒋᒡ ᑭᔭ ᒪᒃ ᑕᒥᒡ ᐊᔅᒋᒡ ᒐᒋ ᐃᑐᑕᐧᒃ ᒐᒋ ᐸᔅᒋᔭᐅᒋᓇᐧᒃ ᐊᓂᔭ ᒥᓯᓇᐃᑭᓂᔪᐤ ᒐᒋ ᐃᔨᒥᑕᑦ᙮

ᒋᔅᒐᔨᑕᑯᑕᒐᐅᓐ 5:6

ᐊᑯ ᒂ ᐛᐱᒥᒃ ᒪᔭᑕᓂᔅ ᑎᐱᔅᑯᒡ ᐊ ᓂᐳᐅᑦ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ, ᐊᓐᑕ ᒥᓯᑕ ᐊ ᑕᔨᒋ ᐊᓂᔭ ᓇᐤ ᑲ ᐱᒪᑎᓯᔨᒋ ᐊᐛᔪᐛ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᔨᒋ ᒋᓴᐃᔪᐛ᙮ ᒋ ᓂᓯᑐᓇᑯᓱᐤ ᐸᐃᒂᐤ ᐊᒋ ᓂᐸᐊᑭᓄᑯᐱᓇ᙮ ᓂᔄᐅᑕᒡ ᒋ ᐃᑕᑎᓂᔪᐛ ᐅᑦ ᐊᔅᑭᓇ ᑭᔭ ᓂᔄᐅᑕᒡ ᒋ ᐃᑕᑎᓂᔪᐛ ᐅᔅᒋᓯᒂ᙮ ᐊᓂᔭᔪᐛ ᒪᒃ ᓂᔄᐅᑕᒡ ᐅᔅᒋᓯᒂ, ᐊᐅᑯᓐ ᐊᓂᔭᔪᐛ ᓂᔄᐅᑕᒡ ᐊ ᑕᑎᓯᔨᒋ ᐅᑦ ᐊᒐᒂ ᒋᓴᒪᓂᑐᐤ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᑲ ᐃᑎᓴᐛᑦ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮

ᒋᔅᒐᔨᑕᑯᑕᒐᐅᓐ 6:16

ᐊᑯ ᒂ ᑕᑈᒡ ᐊᓐᑕ ᐃᔅ ᐱᔅᑯᑎᓇᒡ ᑭᔭ ᐊᓐᑕ ᐊ ᑕᔨᒋ ᑲ ᒪᒥᒐᐱᔅᒋᓯᔨᒋ ᐊᓯᓂᔭ, ᐊ ᐃᔅᒋᔄᒡ, “ᐸᒋ ᐱᔅᑐᐅᓇᓐ ᒪ᙮ ᐸᒋ ᑲᐃᓇᓐ ᒐ ᐊᑲ ᒋ ᐛᐱᒥᔨᒥᑦ ᐊᓐ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐊᐱᑦ ᑭᔭ ᒐ ᐊᑲ ᒋ ᑎᐸᔅᑯᓂᔨᒥᑦ ᐊᓐ ᒪᔭᑕᓂᔅ᙮