ᒋᔅᒐᔨᑕᑯᑕᒐᐅᓐ 4:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒥᓯᐛ ᒪᒃ ᐊ ᓇᐅᒡ ᐊᓱᑕᒡ ᐃᑕᑎᓂᔪᐛ ᐅᑎᑎᑭᓄᐛᐛ᙮ ᒥᓯᐛ ᐊ ᐃᔅᐱᑎᒡ ᑎᑯᓂᔪᐛ ᐅᔅᒋᓯᑯᐛᐛ, ᐛᐛᒡ ᓯᐸ ᐅᑎᑎᑯᓂᐛᒡ ᑎᑯᓂᔪᐛ᙮ ᓇᒪ ᒪᒃ ᒋᐱᑐᐛᐅᒡ ᐊ ᓂᑭᒧᒡ ᐊ ᑎᐱᔅᑲᔨᒡ ᑭᔭ ᐊ ᒋᓯᑲᔨᒡ, ᐊ ᐃᔅᒋᔄᒡ, “ᐸᔭᒋᓯᐤ, ᐸᔭᒋᓯᐤ, ᐸᔭᒋᓯᐤ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᑦ, ᐊᓐ ᒧᔅ ᑲ ᐸᒋ ᑕᑦ, ᐊᓐ ᐊᓄᒡ ᐊ ᑕᑦ, ᑭᔭ ᐊᓐ ᒐ ᑎᑯᓯᐧᒃ᙮”

ᒋᔅᒐᔨᑕᑯᑕᒐᐅᓐ 4:8 Iomraidhean Croise

ᒐᓂᓯᔅ 17:1

ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,

ᑎᐱᑦ ᐅᓂᑭᒧᐅᓇ 91:1

ᐊᓐ ᑲ ᐎᒋᑦ ᐅᑲᓱᐅᓂᔨᒡ ᒪᐅᒡ ᒋᔅᑎᓯᔨᒋ, ᒋᑭ ᑕᐤ ᓯᐸ ᐊ ᑎᑲᔅᑕᓯᓂᔨᒋ ᒪᐅᒡ ᓱᐧᑲᑎᓯᔨᒋ᙮

ᐊᒃᓱᑕᔅ 15:11

ᑎᐸᔨᒋᒐᓱᐤ, ᒐᒄ ᒥᓂᑐᐧᑲᓐ ᐊ ᑕᑦ ᒧᔭᒻ ᒋᔾ, ᒋᔅᑕᔨᑕᑯᓯᓐ, ᐊᐛᓐ ᐊ ᑕᑦ ᒐᒋ ᐃᑐᑕᐧᒃ ᒪᒥᔅᑲᒡ ᒐᒂᔪᐛ ᒧᔭᒻ ᒋᔾ !

ᐊᒃᓱᑕᔅ 3:14

ᒋᓴᒪᓂᑐᐤ ᒋ ᐃᑕᐤ ᒧᓱᓴ, “ᓂᔾ ᐅ ᒧᔅ ᑲᒋᒡ ᒋᓴᒪᓂᑐᐤ᙮ ᒋᔭᒻ ᒐ ᐃᑎᑥᐤ, ‘ᓂᔾ ᓂᑦ ᐊᐎᓐ, ᓂᒋ ᐃᑎᓴᐅᒃ !’ ”

ᐊᑈᔅᑕᓇᒡ 20:31

ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”

2 ᑯᕆᓐᑎᔭᓇ 6:18

ᒋᑭ ᐅᑕᐎᒪᐅᑐᑐᓇᐛᐤ᙮ ᓂᑯᓯᒡ ᑭᔭ ᓂᑕᓂᓯᒡ ᒋᑭ ᐃᓯ ᑭᓄᐛᐱᒥᑎᓇᐛᐤ,” ᐃᔅᒋᔄᐤ ᐅᑎᐸᔨᒋᒐᐤ ᐊᓐ ᒪᐅᒡ ᓯᔪᐧᑲᑎᓯᑦ᙮

1 ᑕᓴᓗᓂᔭᓇ 2:9

ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

1 ᑎᒧᑎ 4:16

ᓂᓇᑭᑐᐛᔨᑎᒥᐃᑯᐤ ᑭᔭ ᒋ ᐱᒪᑎᓯᐅᓐ ᑭᔭ ᐊᓐ ᐊ ᐃᓯ ᒋᔅᑯᑎᒪᒐᔨᓐ᙮ ᐅ ᐃᓯ ᓂᓇᑭᑐᐛᔨᑎᒥᓇ ᐊᐅᒄ ᒐ ᑭᓄᐛᔨᒥᑯᔭᒄ ᑭᔭ ᒐ ᐱᒪᒋᐃᑯᔭᒄ, ᒋᔾ ᑭᑈ ᑭᔭ ᐊᓐᒡ ᑲ ᓂᑐᑕᔅᒡ᙮

2 ᑎᒧᑎ 4:2

ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮

ᐃᑉᕈᐛ 13:8

ᒋᓴᔅ ᙭ ᓇᒪ ᓂᑕ ᐃᔭᒡ ᒋᑭ ᐅᒋ ᐃᑕᔨᑕᑯᓱᐤ᙮ ᑕᓐ ᑲ ᐃᑕᔨᑕᑯᓯᑦ ᐅᑕᑯᓯᒡ, ᐊᐅᑯᓐ ᐊ ᐃᑕᔨᑕᑯᓯᑦ ᐊᓄᒡ ᑭᔭ ᐊᐅᑯᓐ ᒐ ᐃᑕᔨᑕᑯᓯᑦ ᑲᒋᒡ᙮

ᒋᔅᒐᔨᑕᑯᑕᒐᐅᓐ 1:4

ᓂᔾ ᒠᓐ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᒥᓯᓇᐊᒪᑎᓇᐛᐤ ᐊᓐᑕ ᑲ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ᐃᓯᓂᐧᑲᑕᒡ ᐊᔅᒋᔾ᙮ ᒋᓴᒪᓂᑐᐤ, ᐊᓐ ᐊᓄᒡ ᐊ ᑕᑦ ᑭᔭ ᒧᔅ ᑲ ᐸᒋ ᑕᑦ, ᑭᔭ ᐊᓐ ᒐ ᑎᑯᓯᐧᒃ, ᒋᑭ ᓱᐛᔨᒥᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ᑕᒡ, ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:8

“ᐊᐅᒄ ᓂᔾ ᓴᔅ ᑲ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ,” ᐊᐅᒄ ᐊ ᐃᔅᒋᔄᑦ ᒋᓴᒪᓂᑐᐤ ᐅᑎᐸᔨᒋᒐᐤ, ᐊᓐ ᒪᐅᒡ ᑲ ᓱᐧᑲᑎᓯᑦ, ᐊᓐ ᐊ ᑕᑦ ᐊᓄᒡ, ᐊᓐ ᒧᔅ ᑲ ᐸᒋ ᑕᑦ ᑭᔭ ᐊᓐ ᒐ ᑎᑯᓯᐧᒃ᙮

ᒋᔅᒐᔨᑕᑯᑕᒐᐅᓐ 11:17

ᐊ ᐃᔅᒋᔄᒡ, “ᓂᑎᐸᔨᒋᒐᓯᒥᓇᓐ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᔨᓐ, ᐊᓐ ᑲ ᑕᑦ ᑭᔭ ᒧᔅ ᑲ ᐸᒋ ᑕᑦ, ᒋ ᓂᓇᔅᑯᒥᑎᓇᓐ ᐊᒋ ᐊᐱᒋᑕᔨᓐ ᒋᓱᐧᑲᑎᓯᐅᓐ ᒋᔾ ᐊ ᑎᐸᔨᒋᒐᔨᓐ᙮

ᒋᔅᒐᔨᑕᑯᑕᒐᐅᓐ 14:11

ᐊᓂᔭ ᒪᒃ ᐊ ᐊᒂᐸᑕᔨᒡ ᐊᓂᔭ ᐃᔅᑯᑕᔪᐤ, ᒋᑭ ᓂᓇᐧᑲᑕᔨᒧᐃᑯᐅᒡ ᑲᒋᒡ ᒋᑭ ᐅᒋ ᐅᐸᐸᑕᐱᔪᐤ᙮ ᓇᒪ ᒪᒃ ᓂᑕ ᒋᑭ ᐅᒋ ᑎᑯᓂᔪᐤ ᑕᓐᑕ ᒐ ᐃᔅᑕᐱᔨᒡ ᐊᓂᔭ ᐊ ᓂᓇᐧᑲᑕᔨᒧᒡ ᐅᒡ ᑲ ᐊᔭᒥᐊᔅᑐᐛᒡ ᐅᔭ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ᙮ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᒋᑭ ᓂᓇᐧᑲᑕᔨᒧᐅᒡ᙮”

ᒋᔅᒐᔨᑕᑯᑕᒐᐅᓐ 14:3

ᓂᒋ ᐛᐱᒪᐅᒡ ᒪᒃ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ ᐊᐛᓐᒋ ᐊ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᔨᒋ ᒋᓴᐃᔪᐛ ᐊ ᐅᑎᔅᑯᑲᐳᔅᑐᐛᒡ ᑭᔭ ᐊᓂᔭ ᑲ ᓇᐎᔨᒋ ᑲ ᐱᒪᑎᓯᔨᒋ ᐊᐛᔪᐛ᙮ ᐊ ᐅᔅᑲᔨᒡ ᓂᑭᒧᐅᓂᔪᐤ ᒋ ᓂᑭᒧᐅᒡ᙮ ᓇᒪ ᒪᒃ ᑯᑎᑲ ᐊᐛᔪᐛ ᒋᑭ ᒋ ᒋᔅᒐᔨᑎᒥᔪᐛ ᐊᓂᔭ ᓂᑭᒧᐅᓂᔪᐤ ᑲ ᓂᑭᒧᐅᒡ, ᒥᒄ ᐎᔨᐛᐤ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ᙮ ᐛᔅ ᐊᐅᑯᓐᒡ ᐅᒡ ᑲ ᐱᒪᒋᐃᑯᒡ ᒋᓴᒪᓂᑐᐤ ᐊᔅᒋᒡ ᐅᒡ᙮

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮

ᒋᔅᒐᔨᑕᑯᑕᒐᐅᓐ 15:7

ᐊᑯ ᐸᐃᒄ ᐊᓐᒡ ᐊ ᓇᐅᒡ ᑲ ᐱᒪᑎᓯᒡ ᐊᐛᓐᒋ, ᒂ ᒥᔭᑦ ᐸᐸᐃᒄ ᐊᓂᔭ ᓂᔄᐅᑕᒡ ᐊᓐᒋᓇ ᐎᔭᑭᓂᔪᐤ ᐊ ᒧᑕᔭᔨᒡ ᐊ ᓴᑭᔅᒋᓇᔅᑕᔨᒡ ᐊᓐᑕ ᒋᓴᒪᓂᑐᐤ, ᐊᓐ ᑲᒋᒡ ᑲ ᐱᒪᑎᓯᑦ, ᐅᑦ ᐊᐧᑯᔪᐛᓱᐅᓐ᙮

ᒋᔅᒐᔨᑕᑯᑕᒐᐅᓐ 16:14

ᐛᔅ ᐊᐅᑯᓐᒡ ᐅᒡ ᒥᒋ ᐊᒐᐧᑯᒡ ᒪᒥᔅᑲᒡ ᑲ ᐃᑎᒡ᙮ ᒥᓯᐛ ᐊ ᑕᑎᓯᔨᒡ ᒋᓴᐅᒋᒪᐛ ᐅᑕ ᐊᔅᒋᒡ ᒪᒧᓇᐅᒡ ᒐᒋ ᐸᒋ ᒪᓯᒐᔨᒋ ᐅᑎᒋᐱᔨᒐ ᐊᓂᔭ ᒋᓴᒪᓂᑐᐛ ᒪᐅᒡ ᑲ ᓱᐧᑲᑎᓯᔨᒋ ᑲ ᒋᔅᑕᔨᑕᑯᓂᔨᒡ ᐅᒋᓯᑲᒥᔪᐤ᙮

ᒋᔅᒐᔨᑕᑯᑕᒐᐅᓐ 16:7

ᐊᑯ ᐊᓐᑕ ᐱᔅᑎᓂᒐᐅᓇᐱᔅᒄ ᐊ ᑎᒂᒡ, ᐊᑯᑕ ᒂ ᐅᒋ ᐸᑐᐅᒃ ᐊᐛᓐ ᐊ ᐃᔅᒋᔄᑦ, “ᐅᑎᐸᔨᒋᒐᐤ ᒋᓴᒪᓂᑐᐤ, ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᑕᑈ ᑯᐃᔅᒄ ᒋ ᐊᑎ ᐃᓯ ᑎᐸᔅᑯᓇᐅᒡ ᐊᐛᓐᒋ ᐊ ᑎᐸᔅᑯᓂᑥᐤ᙮ ᑕᑈ ᐃᑕᔨᑕᑯᓂᔪᐤ ᑭᔭ ᒐᒋ ᑎᐸᔅᑯᓂᑥᐤ᙮”

ᒋᔅᒐᔨᑕᑯᑕᒐᐅᓐ 19:15

ᐊ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ ᐅᒋᐱᔪᐤ ᐅᑐᓂᒡ ᐊᓐ ᑲ ᑕᑎᐱᑦ ᑲᐸᐃᑭᔎᐛ᙮ ᐊᐅᒄ ᐅᔭ ᒐ ᐊᐱᒋᑕᑦ ᒐᒋ ᓴᒂᐊᑦ ᐊ ᐃᑎᔅᑲᓇᓯᔨᒋ ᐊᐛᔪᐛ᙮ ᓇᒪ ᒪᒃ ᒋᑭ ᐅᒋ ᒪᒥᓇᑎᓯᐤ ᐅᒋᒪᐅᒐ᙮ ᒋᑭ ᐛᐸᑎᔨᐛᐤ ᒋᓴᒪᓂᑐᐛ ᒪᐅᒡ ᓯᔪᐧᑲᑎᓯᔨᒋ ᐊ ᐃᓯ ᐊᒂᑕᔨᑕᑯᓂᔨᒡ ᐅᑦ ᐊᐧᑯᔪᐛᓱᐅᓂᔪᐤ᙮ ᒧᔭᒻ ᐊᓐᑕ ᒥᓂᓴ ᑲ ᒪᒥᒋᒥᓂᑲᓄᔨᒋ ᑲᒋ ᑎᒂᐃᑭᓄᔨᒋ ᓱᒥᓇᐳᔾ ᐊ ᐅᓯᑕᑭᓄᐅᒡ, ᐊᐅᑯᓐ ᒐ ᐃᑕᔨᑕᑯᓂᔨᒡ ᐃᔅᐱ ᐛᐛᓯᐊᒐ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 19:4

ᐊᓐᒡ ᒪᒃ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᑭᔭ ᐊᓐᒡ ᑲ ᓇᐅᒡ ᑲ ᐱᒪᑎᓯᒡ ᐊᐛᓐᒋ ᒋ ᐅᒋᒋᐧᑯᓂᐱᔨᔅᑐᐛᐅᒡ ᑭᔭ ᒋ ᐊᑎ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ, ᐊᓂᔭ ᑲ ᐊᐱᔨᒋ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ᙮ ᒋ ᐃᔅᒋᔄᐅᒡ, “ᒪᒥᒋᒪᑕᐤ ᒋᓴᒪᓂᑐᐤ᙮ ᐊᒥᓐ᙮”

ᒋᔅᒐᔨᑕᑯᑕᒐᐅᓐ 21:22

ᓇᒪ ᒪᒃ ᐎ ᓂ ᐅᒋ ᐛᐸᑕᓐ ᒋᓴᐊᔭᒥᐊᐅᒋᐛᑉ ᐊᓐᑕ᙮ ᐛᔅ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᓯᔪᐧᑲᑎᓯᑦ ᑭᔭ ᐊᓐ ᒪᔭᑕᓂᔅ ᒧᔅ ᑕᐅᒡ ᐊᓐᑕ ᐊᓂᔭ ᐅᑕᓇᔪᐤ᙮ ᓇᒪ ᒋᑭ ᐅᒋ ᓂᑐᐛᔨᑕᑯᓐ ᒐᒋ ᑎᒂᒡ ᐊᔭᒥᐊᐅᒋᐛᑉ ᐊᓐᑕ ᒐᒋ ᒪᒥᒋᒪᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 3:7

“ᒥᓐ ᓂᒋ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᔪᑕᓇᔪᐛ᙮

ᒋᔅᒐᔨᑕᑯᑕᒐᐅᓐ 4:4

ᐛᔅᑲ ᒪᒃ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᐊᑯᑕ ᑲ ᑎᒂᒋ ᓂᓱᔪᐤ ᐊᓱ ᓇᐤ ᒋᓴᐅᒋᒪᐤ ᑕᑎᐳᐛᑭᓇ᙮ ᓂᓱᔪᐤ ᐊᓱ ᓇᐤ ᐊ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐊᐳᐅᒡ ᐊᓐᑕ᙮ ᒋ ᐛᐸᔪᐛ ᐅᑦ ᐊᐱᒋᑕᐅᓄᐛᐛ ᑭᔭ ᒋ ᒋᔅᑭᒧᒡ ᐊ ᐎᔄᐅᓱᓇᔭᐱᔅᑯᔨᒋ ᒋᓴᐅᒋᒪᐅᑯᓂᔎᐅᓇ᙮

ᒋᔅᒐᔨᑕᑯᑕᒐᐅᓐ 4:6

ᐅᑎᔅᑯᐤ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᒋ ᑎᑯᓐ ᓴᑲᐃᑭᓂᔅ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ᐃᓯᓇᒂᒡ, ᐊ ᓴᐳᓇᒂᒡ ᒧᔭᒻ ᒥᔅᑯᒥᔾ ᐊ ᓴᐳᓇᑯᓯᑦ᙮ ᒥᒋᒪ ᒪᒃ ᐛᔅᑲ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᓂᒋ ᐛᐱᒪᐅᒡ ᓇᐤ ᐊᐛᓐᒋ ᐊ ᐱᒪᑎᓯᒡ᙮ ᒥᓯᐛ ᐊ ᐃᔅᐱᑎᒡ ᐊ ᑎᑯᓂᔨᒋ ᐅᔅᒋᓯᑯᐛᐛ᙮

ᒋᔅᒐᔨᑕᑯᑕᒐᐅᓐ 4:9

ᐃᔅᐱ ᒪᒃ ᓇᑭᒧᒡ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᐊ ᒋᔅᑕᔨᑕᑯᐊᒡ, ᐊ ᒋᔅᑕᒋᒪᒡ ᑭᔭ ᐊ ᓂᓇᔅᑯᒪᒡ ᐊᓂᔭᔪᐛ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐊᐱᔨᒋ, ᐊᓂᔭ ᑲᒋᒡ ᐸᒪᑎᓯᔨᒋ,

ᒋᔅᒐᔨᑕᑯᑕᒐᐅᓐ 5:6

ᐊᑯ ᒂ ᐛᐱᒥᒃ ᒪᔭᑕᓂᔅ ᑎᐱᔅᑯᒡ ᐊ ᓂᐳᐅᑦ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ, ᐊᓐᑕ ᒥᓯᑕ ᐊ ᑕᔨᒋ ᐊᓂᔭ ᓇᐤ ᑲ ᐱᒪᑎᓯᔨᒋ ᐊᐛᔪᐛ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᔨᒋ ᒋᓴᐃᔪᐛ᙮ ᒋ ᓂᓯᑐᓇᑯᓱᐤ ᐸᐃᒂᐤ ᐊᒋ ᓂᐸᐊᑭᓄᑯᐱᓇ᙮ ᓂᔄᐅᑕᒡ ᒋ ᐃᑕᑎᓂᔪᐛ ᐅᑦ ᐊᔅᑭᓇ ᑭᔭ ᓂᔄᐅᑕᒡ ᒋ ᐃᑕᑎᓂᔪᐛ ᐅᔅᒋᓯᒂ᙮ ᐊᓂᔭᔪᐛ ᒪᒃ ᓂᔄᐅᑕᒡ ᐅᔅᒋᓯᒂ, ᐊᐅᑯᓐ ᐊᓂᔭᔪᐛ ᓂᔄᐅᑕᒡ ᐊ ᑕᑎᓯᔨᒋ ᐅᑦ ᐊᒐᒂ ᒋᓴᒪᓂᑐᐤ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᑲ ᐃᑎᓴᐛᑦ᙮

ᒋᔅᒐᔨᑕᑯᑕᒐᐅᓐ 6:1

ᐊᑯ ᒂ ᐛᐱᒥᒃ ᐊᓐ ᒪᔭᑕᓂᔅ ᐊ ᓴᓇᐧᒃ ᐸᐃᒄ ᐊᓂᔭᔪᐛ ᓂᔄᐅᑕᒡ ᑲ ᐃᑕᑎᓂᔨᒋ ᒋᔅᑕᐸᓱᐤ ᐱᓯᑯᐃᑭᓇ᙮ ᓂᒋ ᐸᑐᐛᐤ ᒪᒃ ᐸᐃᒄ ᐊᓐᒡ ᑲ ᐱᒪᑎᓯᒡ ᐊᐛᓐᒋ ᐊ ᐃᔅᒋᔄᑦ, “ᐊᔅᑎᒻ !” ᒧᔭᒻ ᓂᒥᔅᒍᐅᒡ ᐊ ᐃᑎᑕᑯᓯᒡ ᐊ ᒋᔅᑐᒡ ᐊᑯᓐ ᑲ ᐃᔅᐱᔅ ᒋᔄᐛᑦ ᐊᓂᔭ ᐊ ᐃᔅᒋᔄᑦ᙮

ᒋᔅᒐᔨᑕᑯᑕᒐᐅᓐ 6:6

ᐊᑯ ᒂ ᐸᑎᒪᓐ ᐸᑕᑯᓱᐅᓐ ᒧᔭᒻ ᐊᐛᓐ ᐊ ᐃᔨᒥᑦ ᐊ ᐃᑎᑕᒂᒡ ᒪᒂᒡ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᐊ ᑕᒡ ᐊ ᐅᑎᑕᑯᒡ᙮ ᐊᓐ ᐊᐛᓐ ᑲ ᐃᔨᒥᑦ ᒋ ᐃᑕᐤ, “ᐸᐃᒄ ᒋᓯᑲᐛ ᐊᔅᐱᔅ ᐊᑐᔅᒐᑦ ᐊᐛᓐ ᒥᒄ ᓂᓱ ᑎᐸᐸᑲᐃᑭᓇ ᐸᒂᓯᑭᓇ ᒋᑭ ᓴᑯᑕᐛᐤ ᒪᒃ ᐊᓱᑕᒡ ᑎᐸᐸᑲᐃᑭᓇ ᐊᔪᒥᓇ᙮ ᒥᒄ ᒪᒃ ᐊᑲᐎᔾ ᐎ ᓂᓱᐅᓇᒋᑕ ᐊᓐ ᐱᒥᔾ ᑭᔭ ᐊᓐ ᓱᒥᓇᐳᔾ᙮”

ᒋᔅᒐᔨᑕᑯᑕᒐᐅᓐ 7:11

ᒥᓯᐛ ᒪᒃ ᐊᓐᒋᓐᒡ ᒋ ᐛᔅᑲᑲᐳᔅᑎᒧᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓐᒡ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐛᔅᑲᑲᐳᔅᑎᒧᒡ ᑭᔭ ᐊᓐᒡ ᑲ ᓇᐅᒡ ᑲ ᐱᒪᑎᓯᒡ ᐊᐛᓐᒋ᙮ ᒋ ᐅᒋᒋᐧᑯᓂᐱᔪᐅᒡ ᐅᑎᔅᑯᐤ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ ᐊ ᐊᔭᒥᐊᔅᑐᐛᒡ ᒋᓴᒪᓂᑐᐛ,

ᒋᔅᒐᔨᑕᑯᑕᒐᐅᓐ 7:15

ᐊᐅᒄ ᒪᒃ, ᐅᔭ ᐛᒋ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐛᒋ ᒧᓯᓇᐤ ᐊᑐᔅᑯᐛᒡ ᐊᓐᑕ ᐅᒋᓴᐊᔭᒥᐊᐅᒋᐛᐱᒡ᙮ ᐊᓐ ᒪᒃ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᒋᑭ ᐊᑯᓂᔅᑯᐛᐤ ᐊ ᒥᔪ ᑭᓄᐛᔨᒪᑦ᙮