ᒋᔅᒐᔨᑕᑯᑕᒐᐅᓐ 4:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᓐ ᒪᒃ ᓂᔅᑎᒻ ᐊᓐᒡ ᑲ ᓇᐅᒡ ᑲ ᐱᒪᑎᓯᒡ ᐊᐛᓐᒋ, ᒧᔭᒻ ᒥᓯᐱᓱᐤ ᒋ ᐃᓯᓇᑯᓱᐤ᙮ ᐊᓐ ᒥᓐ ᐛᒋ ᑕᑦ ᒧᔭᒻ ᒥᔅᑐᓯᔅ ᒋ ᐃᓯᓇᑯᓱᐤ᙮ ᒥᓐ ᐊᓐ ᓂᔅᑐ ᐛᒋ ᑕᑦ, ᐅᑕᔅᑎᒥᐧᒄ ᒧᔭᒻ ᐃᔪᐤ ᒥᑕᔅᑎᒥᐧᑯᔪᐤ ᒋ ᐃᓯᓇᑯᓂᔪᐤ ᐊᓂᔭ ᐅᑕᔅᑎᒥᐧᒄ᙮ ᐊᑯ ᐊᓐ ᓇᐤ ᐛᒋ ᑕᑦ, ᒧᔭᒻ ᒥᒋᓱᐤ ᐊ ᐱᒥᔭᑦ ᒋ ᐃᓯᓇᑯᓱᐤ᙮

ᒋᔅᒐᔨᑕᑯᑕᒐᐅᓐ 4:7 Iomraidhean Croise

ᒐᓂᓯᔅ 49:9

ᒍᑕ ᓂᑯᓴ, ᒋ ᓱᐧᑲᑎᓯᓐ ᒧᔭᒻ ᒥᓯᐱᓱᐤ᙮ ᐊᐛᓯᓯᒡ ᐅᐎᔭᓱᐛᐤ ᔅᒋ ᐅᒋ ᐱᒥᓂᑯᐅᓐ, ᒧᔭᒻ ᒥᓯᐱᓱᐤ ᒋ ᐱᑎᐱᓐ ᑭᔭ ᒋ ᐱᒥᓯᓐ, ᓇᒪ ᐊᐛᓐ ᑯᒂᑕᔨᑎᒻ ᒐᒋ ᐅᐧᑲᐊᑦ᙮

1 ᑯᕆᓐᑎᔭᓇ 14:20

ᓂᐧᑲᓂᓯᑐᒄ, ᐊᑲᐎᔾ ᐊᐛᓯᐤ ᒪᒥᑐᓇᔨᑎᒧᒄ᙮ ᒧᔭᒻ ᐅᔅᒋᐛᓴᒡ ᐊ ᐃᑕᔨᑕᑯᓯᒡ ᐊᑲ ᒋᔅᒐᔨᑕᒡ ᐊ ᐃᑕᔨᑕᑯᓂᔨᒡ ᒥᒋᑐᑎᒧᐅᓂᔪᐤ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒋᐸ ᐃᑕᔨᑕᑯᓯᓇᐛᐤ᙮ ᒧᔭᒻ ᐊᐛᓐ ᓴᔅ ᐊᒋ ᐃᓯ ᓂᑕᐅᒋᑦ ᐊᐅᑯᓐ ᒋᐸ ᐃᓯ ᒪᒥᑐᓇᔨᑕᓇᐛᐤ᙮

ᒋᔅᒐᔨᑕᑯᑕᒐᐅᓐ 4:6

ᐅᑎᔅᑯᐤ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᒋ ᑎᑯᓐ ᓴᑲᐃᑭᓂᔅ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ᐃᓯᓇᒂᒡ, ᐊ ᓴᐳᓇᒂᒡ ᒧᔭᒻ ᒥᔅᑯᒥᔾ ᐊ ᓴᐳᓇᑯᓯᑦ᙮ ᒥᒋᒪ ᒪᒃ ᐛᔅᑲ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᓂᒋ ᐛᐱᒪᐅᒡ ᓇᐤ ᐊᐛᓐᒋ ᐊ ᐱᒪᑎᓯᒡ᙮ ᒥᓯᐛ ᐊ ᐃᔅᐱᑎᒡ ᐊ ᑎᑯᓂᔨᒋ ᐅᔅᒋᓯᑯᐛᐛ᙮

ᒋᔅᒐᔨᑕᑯᑕᒐᐅᓐ 6:3

ᐃᔅᐱ ᒪᒃ ᒥᓐ ᑯᑎᒋᔪᐤ ᐊᓂᔭᔪᐛ ᓂᔄᐅᑕᒡ ᑲ ᐃᑕᑎᓂᔨᒋ ᒋᔅᑕᐸᓱᐤ ᐱᓯᑯᐃᑭᓇ ᒂ ᓴᓇᐧᒃ ᐊᓐ ᒪᔭᑕᓂᔅ, ᐊᑯ ᒂ ᐸᑐᐅᒃ ᒥᓐ ᐊᓐ ᐛᒋ ᑕᑦ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᐊ ᐃᔅᒋᔄᑦ, “ᐊᔅᑎᒻ !”

ᒋᔅᒐᔨᑕᑯᑕᒐᐅᓐ 6:5

ᒥᓐ ᒐᒂᓐ ᒂ ᐃᔅᐱᔨᒡ, ᒥᓐ ᑯᑎᒋᔪᐤ ᐊᓂᔭᔪᐛ ᒋᔅᑕᐸᓱᐤ ᐱᓯᑯᐃᑭᓇ ᑲ ᓴᓇᐧᒃ ᐊᓐ ᒪᔭᑕᓂᔅ᙮ ᐊᑯ ᓂᔅᑐ ᑲ ᓴᓇᐧᒃ᙮ ᐊᑯ ᐊᓐ ᓂᔅᑐ ᐊ ᑕᑦ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᒂ ᐃᔅᒋᔄᑦ, “ᐊᔅᑎᒻ !” ᐃᔅᐱ ᒪᒃ ᐊ ᐃᑕᐱᔭᓐ ᓂᒋ ᐛᐱᒪᐤ ᐊ ᐎᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ᑕᐧᑯᓂᒻ ᑎᐸᐸᑲᐃᑭᓂᔪᐤ᙮

ᒋᔅᒐᔨᑕᑯᑕᒐᐅᓐ 6:7

ᐊᑯ ᐊᓐ ᒪᔭᑕᓂᔅ ᒥᓐ ᑯᑎᒋᔪᐤ ᐊᓂᔭᔪᐛ ᒋᔅᑕᐸᓱᐤ ᐱᓯᑯᐃᑭᓂᔪᐤ ᒂ ᓴᓇᐧᒃ᙮ ᐊᐅᒄ ᐊᑯ ᓇᐤ ᑲ ᓴᓇᐧᒃ᙮ ᐊᑯ ᒂ ᐸᑐᐅᒃ ᐊᓐ ᓇᐤ ᐊ ᑕᑦ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᐊ ᐃᔅᒋᔄᑦ, “ᐊᔅᑎᒻ !”