ᒋᔅᒐᔨᑕᑯᑕᒐᐅᓐ 4:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᓐ ᒪᒃ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᓇᔅᒡ ᑕᑈ ᒋ ᒥᔽᓯᔪᐤ ᐊ ᐃᓯ ᒋᐧᑲᔭᔅᑐᐛᑦ, ᒧᔭᒻ ᐊᓯᓂᓯᒡ ᑲ ᒥᔅᑎ ᒥᔪᓯᒡ ᒐᔅᐸᕐ ᑭᔭ ᑲᕐᓂᓕᔭᓐ ᑲ ᐃᓯᓂᐧᑲᓱᒡ, ᐊᑯᓐ ᑲ ᐃᑕᔅᑐᐛᑦ ᐊᓐ ᐊᐛᓐ᙮ ᒥᓯᐛ ᐛᔅᑲ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᒋ ᐃᑕᐸᑲᒧᐤ ᐎᐧᑯᐱᓴᑭᓐ ᓇᔅᒡ ᐊ ᒥᔽᔅᑐᐛᒡ ᒧᔭᒻ ᐊᓯᓂᓴ ᐊᒥᕋᓪᑦ ᑲ ᐃᓯᓂᐧᑲᓱᑦ ᐊ ᐃᑕᔅᑐᐛᒡ᙮

ᒋᔅᒐᔨᑕᑯᑕᒐᐅᓐ 4:3 Iomraidhean Croise

ᐊᒃᓱᑕᔅ 24:10

ᑭᔭ ᒂ ᐛᐱᒪᒡ ᐃᔅᕋᐃᓪ ᒋᓴᒪᓂᑐᐛ, ᐊᓂᔭ ᐃᔅᕋᐃᓪ ᐃᔪᒡ ᑲ ᐊᔭᒥᐊᔅᑐᐛᒡ᙮ ᓴᑯ ᐅᓯᑎᔨᒡ ᒋᑎᑯᓂᔪᐤ ᒐᒂᔪᐤ ᒧᔭᒻ ᐊ ᐱᔅᑭᓇᔨᒡ ᒪᔅᑭᓇᔪᐤ ᐊ ᓴᐳᓄᑯᓂᔨᒡ ᐊ ᐃᓯᓇᑯᓂᔨᒡ᙮

ᐊᒃᓱᑕᔅ 28:18

ᐊᑯ ᒥᓐ ᒐ ᐱᒪᐸᑯᒧᐎᔨᒡ ᐊᓐᑕ ᐊᓇᒡ, ᐊᒥᕋᓪᑦ (ᑲ ᓯᐸᑯᐅᒡ ᐊᓯᓂᔾ), ᑭᔭ ᓴᐸᐃᕐ (ᑲ ᐱᔅᑭᓇᒡ ᐊᓯᓂᔾ), ᑭᔭ ᓱᓇᔭᐤ ᐊᓯᓂᔅ (ᐊ ᓴᐳᓄᒂᒡ ᐊᓯᓂᔾ)᙮

ᐊᒃᓱᑕᔅ 39:11

ᐊᑯ ᑎᐛᒡ ᒥᓐ ᐊᓐᑕ ᐊᓇᒡ, ᐊᒥᕋᓪᑦ (ᑲ ᓯᐸᑯᓇᒂᒡ ᐊᓯᓂᔾ), ᑭᔭ ᓴᐸᐃᕐ (ᑲ ᐱᔅᑭᓇᒂᒡ ᐊᓯᓂᔾ), ᑭᔭ ᓱᓇᔭᐤ ᐊᓯᓂᔅ (ᐊ ᓴᐳᓇᒂᒡ ᐊᓯᓂᔾ)᙮

ᒋᔅᒐᔨᑕᑯᑕᒐᐅᓐ 10:1

ᒥᓐ ᒂ ᐃᓯ ᐛᐸᑎᔨᑯᔭᓐ, ᒥᓐ ᑯᑎᒃ ᐊ ᓱᒐᔨᑕᑯᓯᑦ ᐊᓐᒋᓐ ᓂᒋ ᐛᐱᒪᐤ ᒋᒋᒋᓯᑯᒡ ᐊ ᐅᑐᑕᑦ, ᑭᔅᑯᐅᓂᔎ ᐊ ᐅᑦ ᐊᑯᐱᑦ᙮ ᐎᐧᑯᐱᓴᑭᓂᔪᐤ ᒋ ᐛᔅᑲᑯᑕᔪᐤ ᐊᓐᑕ ᐅᔅᑎᒂᓂᒡ᙮ ᐅᑕᔅᑎᒥᐧᒄ ᒧᔭᒻ ᐱᓯᒻ ᐊ ᐃᓯ ᒋᐧᑲᔭᔅᑐᐛᑦ ᒋ ᐃᓯᓇᑯᓂᔪᐤ᙮ ᐊᑯ ᐅᔅᑲᑕ ᒧᔭᒻ ᓯᑥᔎᐃᑭᓇ ᐊ ᐃᔅᑯᑕᐅᔨᒋ ᒋ ᐃᓯᓇᑯᓂᔪᐛ᙮

ᒋᔅᒐᔨᑕᑯᑕᒐᐅᓐ 21:11

ᐊ ᐃᓯ ᒋᐧᑲᔭᔅᑐᐛᔨᒡ ᐊᓐᑕ ᐊ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᓇᔅᒡ ᑲ ᒥᔪᓯᓯᑦ ᐊᓯᓂᔾ ᐊ ᐃᑕᔅᑐᐛᑦ, ᐊᐅᑯᓐ ᑲ ᐃᑕᔅᑐᐛᒡ, ᒧᔭᒻ ᐊᓐ ᐊᓯᓂᔾ ᒐᔅᐸᕐ ᑲ ᐃᓯᓂᐧᑲᓱᑦ ᑲ ᐎᔄᐛᔅᑐᐛᑦ, ᐊᐅᑯᓐ ᑲ ᐃᑕᔅᑐᐛᒡ ᐊᓐ ᐅᑕᓇᐤ᙮ ᒋ ᓴᐳᓄᑯᓐ ᒪᒃ ᒧᔭᒻ ᐊᓐ ᓯᐳᐛᐱᔅᒄ ᐊᓯᓂᔾ ᑲ ᐃᓯᓇᑯᓯᑦ, ᐊᐅᑯᓐ ᑲ ᐃᓯᓇᒂᒡ᙮