ᒋᔅᒐᔨᑕᑯᑕᒐᐅᓐ 4:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᑎᐛᒡ ᒪᒃ ᑲ ᐸᔭᒋᓯᑦ ᐊᒐᐧᒄ ᓂᒋ ᐸᒋ ᐱᒋᔅᑲᒄ, ᐊᑯ ᒂ ᐛᐸᑎᒪᓐ ᐊᓐᑕ ᒋᒋᒋᓯᑯᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ᐊᐳᐤ ᒪᒃ ᐊᓐᑕ ᐊᐛᓐ᙮

ᒋᔅᒐᔨᑕᑯᑕᒐᐅᓐ 4:2 Iomraidhean Croise

ᑎᐱᑦ ᐅᓂᑭᒧᐅᓇ 11:4

ᑎᐸᔨᒋᒐᓱᐤ ᑕᐤ ᐅᐸᔭᒋ-ᐊᔭᒥᐊᐅᒋᐛᐱᒡ, ᑎᐸᔨᒋᒐᓱᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒋᒋᒋᓯᑯᒡ ᑎᒂᓂᔪᐤ: ᐛᐱᒪᐤ, ᓂᓇᐧᑲᒋᐃᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮

ᒪᑎᔪᐤ 22:43

ᐊᑯ ᒋᓴᔅ ᐊᑕᑦ, “ᒐᒂᔪᐤ ᒪᒃ ᐅᑎᐸᔨᒋᒐᐤ ᐛᒋ ᐃᓯᓂᐧᑲᑎᑯᑦ ᑎᐱᑕ ? ᐛᔅ ᑎᐱᑦ, ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᒐᒋ ᐃᔅᒋᔄᑦ,

ᐃᑉᕈᐛ 8:1

ᒪᐅ ᐛ ᐃᑎᑎᑯᒡ᙮ ᒋ ᑭᓄᐛᔨᒪᓄᐤ ᒋᓴᐊᔭᒥᐊᐅᒋᒪᐤ᙮ ᒧᔭᒻ ᒪᒃ ᐅ ᑲ ᐃᓯ ᐸᒋ ᐊᔨᒧᑎᒪᑎᑯᒡ ᑕᓐ ᑲ ᐃᓯ ᓂᑐᐛᔨᑕᑯᓯᑯᐱᓇ ᒐᒋ ᐃᑕᔨᑕᑯᓯᑦ ᐊᔭᒥᐊᐅᒋᒪᐤ ᓇᔅᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ, ᐊᐅᑯᓐ ᐊᓐ ᐊ ᐃᑕᔨᑕᑯᓯᑦ ᐅ ᒋᒋᓴᐊᔭᒥᐊᐅᒋᒪᒥᓄᐤ᙮ ᐊᓐᑕ ᒋᓴᒪᓂᑐᐛ ᒪᐅᒡ ᑲ ᓱᒐᔨᑕᑯᓯᔨᒋ ᐅᒥᔪᓂᔨᒡ ᐊᑯᑕ ᐛᑎᐱᑦ, ᐊᓐᑕ ᒋᒋᒋᓯᑯᒡ᙮

ᒋᔅᒐᔨᑕᑯᑕᒐᐅᓐ 1:10

ᐸᐃᒂᐤ ᒪᒃ ᐊ ᐊᔭᒥᐊᐅᒋᓯᑲᒡ, ᑲ ᐸᔭᒋᓯᑦ ᐊᒐᐧᒄ ᓂᒋ ᓴᑭᔅᒋᓇᔅᑲᒄ᙮ ᐊᓐᑕ ᒪᒃ ᓂᔅᐱᔅᑯᓂᒡ ᓂᒋ ᐅᒋ ᐸᑕᓐ ᐸᑕᑯᓱᐅᓐ ᐊ ᒋᔄᐛᑦ ᐊᐛᓐ ᐊ ᐃᔨᒥᑦ᙮ ᒧᔭᒻ ᐳᑕᒋᑭᓐ ᐊ ᐃᔅᐱᔅ ᒋᔄᐛᒥᑲᒡ, ᐊᑯᓐ ᑲ ᐃᔅᐱᔅ ᒋᔄᐛᑦ ᐊ ᐃᔨᒥᑦ᙮

ᒋᔅᒐᔨᑕᑯᑕᒐᐅᓐ 12:5

ᐊᑯ ᐊᓐ ᐃᔎᐤ ᒂ ᐊᐧᑯᓯᑦ, ᓇᐸᓴ ᒋ ᐊᔭᐛᐤ᙮ ᐊᐅᒄ ᒪᒃ ᐅ ᓇᔅᒡ ᒐ ᐅᒋᒪᐅᑐᑐᐛᔨᒋ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᐅᑕ ᐊᔅᒋᒡ᙮ ᐎᐱᒡ ᒪᒃ ᑲ ᐱᒪᑎᓯᑦ ᐊᓐ ᐊᐛᔅ, ᑎᐛᒡ ᒋᓴᒪᓂᑐᐛ ᐊ ᑕᔨᒋ ᒋ ᐃᓯ ᐅᑎᓇᑭᓄᐤ ᐊᓐᑕ ᐊ ᑎᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮

ᒋᔅᒐᔨᑕᑯᑕᒐᐅᓐ 17:3

ᐊᑯ ᑲ ᐸᔭᒋᓯᑦ ᐊᒐᐧᒄ ᑲ ᐸᒋ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᐸᐧᑯᑎᔅᑭᒥᑲᒡ ᒂ ᐸᒋ ᐃᑐᑕᐃᑦ᙮ ᓂᒋ ᐛᐱᒪᐤ ᒪᒃ ᐊᓐᑕ ᐃᔎᐤ ᐊ ᑕᑎᐱᑦ ᒥᒋ ᐊᐛᓯᓴ ᐊ ᒥᐧᑯᓯᔨᒋ᙮ ᐅ ᒪᒃ ᒥᒋ ᐊᐛᓯᔅ ᐃᓯᓂᐧᑲᓱᐅᓂᔪᐤ ᐊ ᒪᔭᔨᒥᑯᔨᒋ ᒋᓴᒪᓂᑐᐛ ᒋ ᒥᓯᓇᑕᔪᐛ ᐊᓐᑕ ᐊ ᑕᑦ᙮ ᓂᔄᐅᑕᒡ ᒋ ᐃᑕᑎᓂᔪᐛ ᐅᔅᑎᒂᓇ᙮ ᒋ ᐸᐃᑯᔪᐛᓯᔪᐛ ᐅᑦ ᐊᔅᑭᓇ᙮

ᒋᔅᒐᔨᑕᑯᑕᒐᐅᓐ 19:4

ᐊᓐᒡ ᒪᒃ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᑭᔭ ᐊᓐᒡ ᑲ ᓇᐅᒡ ᑲ ᐱᒪᑎᓯᒡ ᐊᐛᓐᒋ ᒋ ᐅᒋᒋᐧᑯᓂᐱᔨᔅᑐᐛᐅᒡ ᑭᔭ ᒋ ᐊᑎ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ, ᐊᓂᔭ ᑲ ᐊᐱᔨᒋ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ᙮ ᒋ ᐃᔅᒋᔄᐅᒡ, “ᒪᒥᒋᒪᑕᐤ ᒋᓴᒪᓂᑐᐤ᙮ ᐊᒥᓐ᙮”

ᒋᔅᒐᔨᑕᑯᑕᒐᐅᓐ 20:11

ᐊᑯ ᒂ ᐛᐸᑎᒪᓐ ᐊ ᒥᓴᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ᐛᐸᐤ ᐊᓐ ᑕᑎᐳᐛᑭᓐ᙮ ᓂᒋ ᐛᐱᒪᐤ ᒪᒃ ᐊᓐ ᐊᐛᓐ ᑲ ᐊᐱᑦ ᐊᓐᑕ᙮ ᒥᓯᐛ ᒋᓯᑯᔪᐤ ᑭᔭ ᐊᔅᒋᔪᐤ ᒋ ᐊᑎ ᐸᓯᑯᓇᑯᓂᔪᐛ ᐅᑎᔅᑯᐤ ᐊ ᑕᑦ᙮ ᓇᒪ ᒪᒃ ᒥᓐ ᐅᒋ ᑎᑯᓂᔪᐛ᙮

ᒋᔅᒐᔨᑕᑯᑕᒐᐅᓐ 21:10

ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐸᒋ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐱᔅᑯᑎᓇᔪᐤ ᒂ ᐸᒋ ᐃᑐᑕᐃᑦ᙮ ᓂᒋ ᐛᐸᑎᔨᒄ ᒪᒃ ᐊᓂᔭ ᑲ ᐸᔭᒋᓯᒥᑭᓂᔨᒡ ᐅᑕᓇᔪᐤ ᒋᕈᓯᓕᒻ ᐊ ᐃᓯᓂᐧᑲᑕᔨᒡ ᒋᒋᒋᓯᑯᒡ ᐊ ᐅᒋ ᔭᓯᒪᑭᓂᔨᒡ ᒋᓴᒪᓂᑐᐛ ᐊ ᑕᔨᒋ ᐅᒡ᙮

ᒋᔅᒐᔨᑕᑯᑕᒐᐅᓐ 21:5

ᐊᑯ ᐊᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐃᔅᒋᔄᑦ, “ᒥᓯᐛ ᒐᒂᓐ ᓄᐅᔅᒋᑕᓐ᙮” ᐊᑯ ᒂ ᐃᓯᑦ, “ᒥᓯᓇᑕᐊ ᐅ᙮ ᐛᔅ ᒋᑭ ᒋ ᑕᑈᑕᑭᓄᐤ ᑭᔭ ᑕᑈᒥᑭᓐ ᐅ ᐊ ᐃᔅᒋᔄᔭᓐ᙮”

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”

ᒋᔅᒐᔨᑕᑯᑕᒐᐅᓐ 4:10

ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐅᒋᒋᐧᑯᓂᐱᔪᐅᒡ ᐊᓐᑕ ᐃᔅ ᐊ ᑕᔨᒋ ᐊᓂᔭᔪᐛ ᑲ ᐊᐱᔨᒋ ᒋᓴᐅᒋᒪᐤ ᑕᑎᐳᐛᑭᓂᒡ, ᐊ ᐊᔭᒥᐊᔅᑐᐛᒡ ᐊᓂᔭ ᑲᒋᒡ ᐸᒪᑎᓯᔨᒋ᙮ ᒋ ᒥᓂᒧᒡ ᐊᓂᔭᔪᐛ ᐅᒋᓴᐅᒋᒪᐅᑯᓂᔎᐅᓄᐛᐛ, ᐊᑯ ᐅᑎᔅᑯᐤ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐃᓯ ᐛᐱᓇᒡ, ᐊ ᐃᔅᒋᔄᒡ,

ᒋᔅᒐᔨᑕᑯᑕᒐᐅᓐ 4:5

ᐊᓐᑕ ᐅᒋᓴᐅᒋᒪᐤ ᑕᑎᐳᐛᑭᓂᒡ ᐊᓐ ᑲ ᐊᐱᑦ ᒋ ᐅᒋ ᐅᔄᔅᑕᐱᔪᐤ᙮ ᒋ ᐸᑕᑯᓇ ᐸᑕᑯᓱᐅᓇ ᑭᔭ ᒧᔭᒻ ᓂᒥᔅᒍᐅᒡ ᐊ ᐸᑕᑯᓯᒡ ᒋ ᐃᑎᑕᑯᓐ ᐊᓐᑕ ᐊ ᐊᐱᒡ ᐅᒡ᙮ ᐅᑎᔅᑯᐤ ᒪᒃ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ᑎᑯᓐ ᓂᔄᐅᑕᒡ ᐃᔅᑯᑕᐤ ᐛᔅᑕᓂᐱᒪᑭᓇ ᐊ ᐃᔅᑯᑕᐅᒋ᙮ ᐊᐅᑯᓐᒡ ᐅᒡ ᓂᔄᐅᑕᒡ ᐊᒐᐧᑯᒡ ᑲ ᐊᑐᔅᑯᐛᒡ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 4:9

ᐃᔅᐱ ᒪᒃ ᓇᑭᒧᒡ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᐊ ᒋᔅᑕᔨᑕᑯᐊᒡ, ᐊ ᒋᔅᑕᒋᒪᒡ ᑭᔭ ᐊ ᓂᓇᔅᑯᒪᒡ ᐊᓂᔭᔪᐛ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐊᐱᔨᒋ, ᐊᓂᔭ ᑲᒋᒡ ᐸᒪᑎᓯᔨᒋ,

ᒋᔅᒐᔨᑕᑯᑕᒐᐅᓐ 5:1

ᐊᑯ ᒂ ᐛᐸᑎᒪᓐ ᒥᓯᓇᐃᑭᓐ ᐊᒋ ᑎᑎᐸᔭᒋᓂᑭᓄᐅᒡ᙮ ᐊᓐ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ᑕᐧᑯᓂᒻ ᐊᓂᔭ ᒥᓯᓇᐃᑭᓂᔪᐤ᙮ ᐃᑐᐤ ᐊᓐᑕ ᒋ ᒥᓯᓇᐃᑲᓄᑯᐱᓇ ᐊᓐ ᒥᓯᓇᐃᑭᓐ ᑭᔭ ᒋ ᒋᔅᑕᐸᓱᐤ ᐱᓯᑯᐃᑭᓄᑯᐱᓇ ᓂᔄᐅᑕᒡ ᒋᔅᑕᐸᓱᐤ ᐱᓯᑯᐃᑭᓇ ᐊᒋ ᐊᐱᑎᒋ᙮

ᒋᔅᒐᔨᑕᑯᑕᒐᐅᓐ 5:13

ᐊᑯ ᒂ ᐸᑐᐅᒂᐤ ᒥᓯᐛ ᐊᐛᓐᒋ ᐊᓐᑕ ᒋᒋᒋᓯᑯᒡ ᑭᔭ ᒥᓯᐛ ᐊᐛᓐᒋ ᑭᔭ ᐊᐛᓯᓯᒡ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᑭᔭ ᐊᓐᑕ ᓂᐱᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᒡ ᐊ ᑕᒡ ᐊ ᓂᑭᒧᒡ, ᐅᔭ ᐊ ᐃᔅᒋᔄᒡ, “ᐊᓐ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᐊᓐ ᒪᔭᑕᓂᔅ ᑲᒋᒡ ᒋᑭ ᓱᐛᔨᒪᑭᓄᐎᒡ ᑭᔭ ᒋᑭ ᒋᔅᑕᒋᒪᑭᓄᐎᒡ ᑭᔭ ᒋᑭ ᒋᔅᑕᔨᑕᑯᐊᑭᓄᐅᒡ ᑭᔭ ᒋᑭ ᓱᐧᑲᑎᓯᐅᒡ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 6:16

ᐊᑯ ᒂ ᑕᑈᒡ ᐊᓐᑕ ᐃᔅ ᐱᔅᑯᑎᓇᒡ ᑭᔭ ᐊᓐᑕ ᐊ ᑕᔨᒋ ᑲ ᒪᒥᒐᐱᔅᒋᓯᔨᒋ ᐊᓯᓂᔭ, ᐊ ᐃᔅᒋᔄᒡ, “ᐸᒋ ᐱᔅᑐᐅᓇᓐ ᒪ᙮ ᐸᒋ ᑲᐃᓇᓐ ᒐ ᐊᑲ ᒋ ᐛᐱᒥᔨᒥᑦ ᐊᓐ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐊᐱᑦ ᑭᔭ ᒐ ᐊᑲ ᒋ ᑎᐸᔅᑯᓂᔨᒥᑦ ᐊᓐ ᒪᔭᑕᓂᔅ᙮