ᒋᔅᒐᔨᑕᑯᑕᒐᐅᓐ 3:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᑕᐅᒡ ᑭᑈ ᐱᔅᒐ ᐊᐛᓐᒋ ᐊᓐᑕ ᓴᕐᑎᔅ ᐊᒋ ᑭᓄᐛᔨᒥᓱᒡ ᐊᑲ ᐅᒋ ᐎᓇᑯᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᒪᒃ ᐅᒡ ᒐ ᐱᐸᐎᒐᐅᒡ ᐊ ᐛᐸᔅᐱᓱᒡ ᐛᔅ ᒋᔅᑕᔨᑕᑯᓱᐅᒡ᙮

ᒋᔅᒐᔨᑕᑯᑕᒐᐅᓐ 3:4 Iomraidhean Croise

ᑎᐱᑦ ᐅᓂᑭᒧᐅᓇ 68:14

ᐃᔅᐱ ᒥᓯᐛ ᓱᐧᑲᑎᓯᑦ ᐛᓴᔄᑎᓴᐛᑦ ᒋᓴᐅᒋᒪᐛ ᐎᔾ ᐅᒡ, ᑲ ᐃᔅᐱᔅ ᐛᐱᓯᑦ ᒧᔭᒻ ᑯᓇ ᐊᓐᑕ ᓴᓪᒧᓂᒡ᙮

ᒪᑎᔪᐤ 10:11

“ᐃᔅᐱ ᒪᒃ ᐅᑎᑎᒪᒂ ᐅᑕᓇᐤ ᑭᔭ ᒪᒃ ᐃᑕᐅᓂᔅ, ᓇᓂᑐᐛᐱᒪᒄ ᐊᐛᓐ ᐊ ᒋᔅᑕᔨᑕᑯᓯᑦ ᒐᒋ ᐱᑎᑲᐃᑕᒄ᙮ ᐊᓐ ᒪᒃ ᒐ ᐃᔅᐱᔅ ᑕᔭᒄ ᐊᑯᑕ ᐊᓐᑕ ᒐ ᑕᔭᒄ ᐸᑐᔅ ᒥᓐ ᔅᑐᑕᔭᒂ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:5

ᒂ ᐱᒐᒡ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ᙮ ᒋ ᐛᐱᒪᐅᒡ ᐅᔅᒋᓂᒋᓱᐛ ᐊᐱᔨᒋ ᒥᔪᓂᒡ ᐃᑕᒐ, ᐊ ᒋᔅᑭᒥᔨᒋ ᐊ ᐛᐸᔨᒡ ᐊ ᒋᓏᑭᓂᔨᒡ ᐊᑯᐱᔪᐤ, ᒋ ᓴᒋᓱᐅᒡ ᒪᒃ᙮

ᓗᒃ 20:35

ᒥᒄ ᒪᒃ ᐊᓐᑕ ᓂᔅᑕᒥᒡ ᐃᔅᐱ ᐅᑎᒋᐱᔨᒐ ᒐ ᐅᓂᔅᑲᓇᑭᓄᐎᒡ ᐊᓐᒡ ᑲ ᑕᑈᐅᒐᔨᑕᑯᓯᒡ ᒥᓐ ᒐᒋ ᐱᒪᑎᓯᒡ, ᓇᒪ ᒋᑭ ᐅᒋ ᑎᑯᓐ ᐊ ᓂᐳᐅᓇᓄᐅᒡ ᑭᔭ ᐊ ᓂᐳᐃᐛᓄᐅᒡ᙮

ᓗᒃ 21:36

ᐃᔭᒂᒥᒄ᙮ ᐊᑲᐎᔾ ᐳᓂᒄ ᐊ ᐊᔭᒥᐊᔭᒄ ᐊ ᓂᑐᑎᒪᔭᒄ ᒐᒋ ᐊᔨᒋᑲᐳᐅᔭᒄ ᑭᔭ ᒐᒋ ᓴᐳᔅᑭᒪᒄ ᒥᓯᐛ ᑕᓐ ᒐ ᐃᔅᐱᔨᒡ᙮ ᑭᔭ ᒐ ᐊᑲ ᒋ ᐊᑐᐛᔨᒥᑕᒄ ᐃᔪᐤ ᐅᑯᓯᓴᓐ ᐃᔅᐱ ᐸᑕᔅᑎᒥᑲᐳᔅᑐᐛᒂ᙮” ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

2 ᑕᓴᓗᓂᔭᓇ 1:5

ᐊᑯᑕ ᒪᒃ ᐅᑕ ᒐ ᐅᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᑯᐃᔅᒄ ᐃᑎᑦ ᒋᓴᒪᓂᑐᐤ ᐊ ᑎᐸᔅᑯᓂᒐᑦ᙮ ᐊᓐ ᒪᒃ ᑕᓐ ᐊ ᐃᔅᐱᔭᒄ ᒋᑭ ᒋᔅᑕᔨᑕᑯᓯᓇᐛᐤ ᒐᒋ ᐎᒋᐃᐛᔭᒄ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮

ᒍᑦ 1:23

ᐎᒋᐊᐧᑯᒡ ᑯᑎᑭᒡ ᐊᐛᓐᒋ ᐊ ᐎᐧᑯᒋᐊᑯᒡ ᐃᔅᑯᑕᒡ ᐅᒋ ᑭᔭ ᒋᓴᐛᑐᑐᐛᐧᑯᒡ ᒥᒄ ᒪᒃ ᐃᔭᒂᒥᒄ, ᒐ ᐊᑲ ᒋ ᓴᐧᑯᒋᐃᑯᐛᒄ ᐅᒥᒐᑎᓯᐅᓄᐛᐤ᙮ ᒥᒄ ᐛᐧᑲᑎᒺᐧᒄ ᐛᐛᒡ ᐅᑦ ᐊᐱᒋᑕᐅᓄᐛᐛ, ᐛᔅ ᑎᑯᓂᔪᐤ ᐊ ᐃᓯ ᐎᓇᑯᑕᒡ ᐛᐛᒡ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ ᑕᓐ ᐊ ᐃᓯ ᐎᓂᓱᐛᑎᓯᒡ᙮

ᒋᔅᒐᔨᑕᑯᑕᒐᐅᓐ 1:11

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ, “ᒥᓯᓇᐊ ᑕᓐ ᒐ ᐃᓯ ᐛᐸᑎᒥᓐ ᐊᓄᒡ ᐊᑯ, ᒐ ᐃᑎᓴᐊᒧᐅᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐸ ᐃᐱᓴᔅ, ᓯᒥᕆᓇ, ᐸᕐᑲᒪᒻ, ᑕᔭᑕᐃᕋ, ᓴᕐᑎᔅ, ᐱᓚᑕᓪᐱᔭ ᑭᔭ ᓚᐅᑎᓯᔭ ᐊ ᑕᒡ᙮” ᐊᐅᒄ ᐅᔭ ᑲ ᐸᒋ ᐃᓯᑦ᙮

ᒋᔅᒐᔨᑕᑯᑕᒐᐅᓐ 11:13

ᐃᔅᐱ ᒪᒃ ᑲ ᐃᔅᐱᔨᒡ ᐅ, ᒋ ᒥᔅᑎ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ᑕᒡ ᐊᔅᒋᒡ ᒋ ᒥᔅᑎ ᓴᒋᓱᐅᒡ᙮ ᒋ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ᙮

ᒋᔅᒐᔨᑕᑯᑕᒐᐅᓐ 14:4

ᐊᐅᑯᓐᒡ ᐅᒡ ᐊᑲ ᐅᒋ ᐎᓂᐃᑯᒡ ᐃᔎᐛ, ᐸᔭᒋᓯᐅᓂᒡ ᑲ ᐃᓯ ᑭᓄᐛᔨᒥᓱᒡ᙮ ᒧᔅ ᓇᓴᐛᐅᒡ ᐊᓂᔭᔪᐛ ᒪᔭᑕᓂᓴ ᑕᓐᑕ ᒥᒄ ᐊ ᐃᑐᑕᔨᒋ᙮ ᒋ ᐱᒪᒋᐊᑭᓄᐅᒡ ᐊᔅᒋᒡ ᐅᒡ ᐎᔨᐛᐤ ᒪᒃ ᓂᔅᑎᒻ ᒋ ᐱᔅᑎᓇᑭᓄᐎᒡ ᒋᓴᒪᓂᑐᐛ ᑭᔭ ᒪᔭᑕᓂᓴ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 19:14

ᓂᑐᐱᔪᐅ-ᐃᔪᐛ ᒪᒃ ᒋᒋᒋᓯᑯᒡ ᐊ ᑕᔨᒋ ᒋ ᐅᒋ ᓇᓴᐅᑯᐤ ᑲ ᐛᐱᓯᔨᒋ ᑲᐸᐃᑭᔎᐛ ᐊ ᐊᐱᒋᐊᔨᒋ᙮ ᓇᔅᒡ ᑲ ᒥᔽᑭᓂᔨᒡ ᑲ ᓱᓯᐛᑭᓯᔨᒡ ᐱᒍᐎᔭᓂᓯᔪᐤ ᐊ ᐛᐸᑭᓯᔨᒡ, ᐊᐅᑯᓐ ᐊ ᐃᓯᓇᑯᓂᔨᒋ ᐅᑦ ᐊᐱᒋᑕᐅᓄᐛᐛ ᐅᒡ ᓂᑐᐱᔪᐅ-ᐃᔪᒡ᙮ ᓇᔅᒡ ᐸᔭᐧᑭᓂᔪᐛ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ᙮

ᒋᔅᒐᔨᑕᑯᑕᒐᐅᓐ 19:8

ᒋ ᒥᔭᑭᓄᐤ ᐊᓐ ᐅᔅᒋᓂᒋᔎᐤ ᐱᒍᐎᔭᓂᓯᔪᐤ ᑲ ᓱᓯᐛᑭᓯᔨᒡ ᓇᔅᒡ ᑲ ᒥᔽᑭᓯᔨᒡ ᒐᒋ ᒋᔅᑲᐧᒃ᙮ ᓇᔅᒡ ᒪᒃ ᒋ ᐛᓴᔅᑯᔅᑕᔪᐛ ᐅᑦ ᐊᐱᒋᑕᐅᓇ ᑭᔭ ᓇᔅᒡ ᒋ ᐸᔭᐧᑭᓂᔪᐛ᙮” ᐅ ᒪᒃ ᐊᐱᒋᑕᐅᓐ ᐊᔅᐱᔅ ᒥᔽᑭᓯᒡ, ᐊᐅᑯᓐ ᐊ ᐃᓯᓇᑯᓂᔨᒋ ᐅᑯᐃᔅᒄ ᐃᑐᓄᐛᐛ ᐊᓐᒡ ᑲ ᑕᑈᑕᒡ᙮

ᒋᔅᒐᔨᑕᑯᑕᒐᐅᓐ 3:18

ᐊᐅᒄ ᐅ ᒐ ᐅᒋ ᐎᑎᒪᑎᑯᒡ ᑕᓐ ᒐ ᐃᑎᔭᒄ᙮ ᐊ ᑕᔭᓐ ᐅᑎᓇᒄ ᐎᔄᐅᓱᓇᔭᐱᔅᒄ᙮ ᐅ ᐎᔄᐅᓱᓇᔭᐱᔅᒄ, ᐃᔅᑯᑕᒡ ᒋ ᑎᑕᑭᓄᐤ ᒐᒋ ᐸᔭᒋᑕᑭᓄᐅᒡ᙮ ᐊᔭᐛᒂ ᒪᒃ, ᐊᑯ ᒐ ᐛᔪᑎᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᐅᑎᓂᒧᒄ ᑭᔭ ᐊ ᐛᐸᓯᔨᒋ ᐊᐱᒋᑕᐅᓇ ᒐᒋ ᒋᔅᑭᒪᒄ ᒐ ᐊᑲ ᒋ ᓴᒂᔨᒧᔭᒄ, ᐛᔅ ᓇᒪ ᐊᑯ ᒋᑭ ᐅᒋ ᒧᓴᔅᑭᑕᓇᐛᐤ᙮ ᑭᔭ ᐅᑎᓂᒧᒄ ᓂᑐᐧᑯᐅᓐ ᒐ ᐊᔅᑕᔭᒄ ᒋᔅᒋᓯᑯᐛᒡ ᒐᒋ ᐛᐸᑎᒪᒄ᙮

ᒋᔅᒐᔨᑕᑯᑕᒐᐅᓐ 3:5

ᒋᑭ ᐛᐸᔅᐱᓱᒡ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ᙮ ᓇᒪ ᓂᑭ ᐅᒋ ᑲᓯᓯᓇᐊᒺᓐ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᒪᓯᓇᓱᔨᒋ ᐊᐛᔪᐛ ᒐ ᐊᔭᔨᒡ ᑲᒋᒡ ᐱᒪᑎᓯᐅᓂᔪᐤ᙮ ᓂᑭ ᐎᑎᒺᓐ ᐊᓐᑕ ᓄᑕᐎᔭ ᑭᔭ ᐊᓐᒋᓇ ᐊ ᑕᔨᒋ ᓂᔾ ᐊ ᑕᐅᒡ ᐊ ᐃᓯ ᑎᐸᔨᑕᑯᓯᒡ᙮”

ᒋᔅᒐᔨᑕᑯᑕᒐᐅᓐ 4:4

ᐛᔅᑲ ᒪᒃ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᐊᑯᑕ ᑲ ᑎᒂᒋ ᓂᓱᔪᐤ ᐊᓱ ᓇᐤ ᒋᓴᐅᒋᒪᐤ ᑕᑎᐳᐛᑭᓇ᙮ ᓂᓱᔪᐤ ᐊᓱ ᓇᐤ ᐊ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐊᐳᐅᒡ ᐊᓐᑕ᙮ ᒋ ᐛᐸᔪᐛ ᐅᑦ ᐊᐱᒋᑕᐅᓄᐛᐛ ᑭᔭ ᒋ ᒋᔅᑭᒧᒡ ᐊ ᐎᔄᐅᓱᓇᔭᐱᔅᑯᔨᒋ ᒋᓴᐅᒋᒪᐅᑯᓂᔎᐅᓇ᙮

ᒋᔅᒐᔨᑕᑯᑕᒐᐅᓐ 6:11

ᐊᑯ ᐸᐸᐃᒄ ᒂ ᒥᔭᑭᓄᐎᒡ ᐊ ᐛᐸᐃᔨᒋ ᐊᑯᐸ᙮ ᒋ ᐃᑕᑭᓄᐎᒡ ᒪᒃ ᒥᓐ ᐛᐃᐱᔅᒋᔅ ᒐᒋ ᐊᔽᐱᒡ ᐸᑐᔅ ᑎᑉ ᒋ ᐃᔅᐱᔅ ᓂᐸᐊᑭᓄᔨᒐ ᐎᒋ ᐊᐱᒋᐊᑭᓄᐛᐛ ᑭᔭ ᐎᐧᑲᓂᓱᐛᐛ ᑕᓐ ᐊᓂᔭᔪᐛ ᒋᐸ ᓂᐸᐊᑭᓄᐅᔪᐛ ᒧᔭᒻ ᐎᔨᐛᐤ ᐊᒋ ᓂᐸᐊᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 7:9

ᐃᔅᐱ ᑲ ᐃᔅᐱᔨᒡ ᐅ ᒪᔅᑕᔾ ᑲ ᐃᓯ ᐛᐸᑎᔨᑯᐅᔭᓐ, ᐊᑯ ᒂ ᐛᐱᒥᒂᐤ ᐊ ᒥᔅᑎ ᒥᒐᑎᒡ ᐊᐛᓐᒋ, ᐊᑲ ᐛᐛᒡ ᒋ ᐊᒋᒪᑭᓄᐎᒡ ᑲ ᐃᔅᐱᔅ ᒋ ᒥᒐᑎᒡ᙮ ᒥᓯᐛ ᐊ ᐃᑎᔅᑲᓇᓯᓇᓄᐎᒡ ᐊ ᐅᒋᒡ, ᒥᓯᐛ ᐊ ᐃᓯ ᒪᒧᑕᐅᓯᓇᓄᐎᒡ, ᑭᔭ ᒥᓯᐛ ᐊ ᐃᓯ ᐃᔨᒥᓇᓄᐎᒡ, ᒥᓯᐛ ᒋ ᐅᑎᔅᑯᑲᐳᔅᑎᒺᐅᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᒪᔭᑕᓂᓴ᙮ ᒥᓯᐛ ᐊ ᑎᓯᒡ ᒋ ᐛᐸᔅᐱᓱᐅᒡ ᑭᔭ ᒋ ᑕᐧᑯᓂᒧᒡ ᓂᐱᓯᔭᑎᒂ ᐅᑎᒋᐛᒡ ᐊ ᒧᒋᒐᔨᑕᒡ᙮