ᒋᔅᒐᔨᑕᑯᑕᒐᐅᓐ 3:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᓂ ᒋᔅᒐᔨᑕᓐ ᑕᓐ ᐊ ᐃᓯᓇᒂᒋ ᒋᑦ ᐊᑐᔅᒐᐅᓄᐛᐛ᙮ ᓇᒪ ᒋᑕᒋᓯᓇᐛᐤ ᑭᔭ ᓇᒪ ᒋᒋᓱᓇᐛᐤ᙮ ᑭᒪ ᑕᒋᓯᔭᒄ ᑭᔭ ᒪᒃ ᒋᓱᔭᒄ᙮

ᒋᔅᒐᔨᑕᑯᑕᒐᐅᓐ 3:15 Iomraidhean Croise

ᒪᑎᔪᐤ 10:37

“ᐊᐛᓐ ᐅᔅᑕ ᐅᑕᐎᔭ ᑭᔭ ᒪᒃ ᐅᑲᐎᔭ ᓴᒋᐊᒐ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮ ᑭᔭ ᐊᐛᓐ ᐅᔅᑕ ᓴᒋᐊᒐ ᐅᑯᓴ ᑭᔭ ᒪᒃ ᐅᑕᓂᓴ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮

ᒪᑎᔪᐤ 24:12

ᒐ ᐃᔅᐱᔅ ᒪᒃ ᐊᔭᔅᒃ ᐛᔪᑎᒡ ᒥᒐᑎᓯᐅᓐ, ᒥᒐᑦ ᐊᐛᓐᒋ ᐅᓴᒋᐃᐛᐅᓄᐛᐛ ᓇᒪ ᒋᑭ ᐅᒋ ᑕᑈᐱᔪᐛ᙮

ᒪᑎᔪᐤ 6:24

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ, ᐛᔅ ᐸᐃᒄ ᐊᓂᔭ ᒋᑭ ᓴᒋᐊᐤ, ᑭᔭ ᑯᑎᑲ ᒋᑭ ᐛᐧᑲᑕᐤ᙮ ᑭᔭ ᒪᒃ ᒋᑭ ᒋᔅᑕᔨᒪᐤ ᐊᓂᔭ ᐸᐃᒄ, ᑯᑎᑲ ᒪᒃ ᒋᑭ ᐊᑐᐛᔨᒪᐤ, ᓇᒪ ᒋᑭ ᒋ ᐊᑐᔅᑯᐛᐤ ᒋᓴᒪᓂᑐᐛ ᐊᔪᐤ ᒪᒃ ᓱᒃ ᐊ ᐊᑐᔅᒐᑦ ᐊ ᐎ ᐛᔪᑎᓯᑦ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:11

ᓱᒃ ᐊᓯᒐᔨᑎᒧᒄ ᐊ ᐊᑐᔅᒐᔭᒄ᙮ ᐊᑲᐎᔾ ᒋᑭ ᐅᒋ ᒋᑎᒥᓇᐛᐤ᙮ ᓱᒃ ᐊᓯᒐᔨᑎᒧᒄ ᒋᑦ ᐊᒐᐧᑯᐛᒡ᙮ ᐊᑐᔅᑯᐛᐧᒄ ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 16:22

ᐊᐛᓐ ᐊᑲ ᓴᒋᐊᒐ ᐅᑎᐸᔨᒋᒐᐛ, ᐊᑯᔅ ᒋᑭ ᐛᐛᓯᐃᑯᐤ ᒋᓴᒪᓂᑐᐛ᙮ ᑎᑯᓯᓂ ᒪ, ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

ᐱᓕᐱᔭᓇ 1:9

ᒋᑦ ᐊᔭᒥᐊᔅᑎᒪᑎᓇᐛᐤ ᐊᐛᓯᑕ ᒐᒋ ᐊᑎ ᓴᒋᐃᑐᔭᒄ, ᑭᔭ ᐊᐛᓯᑕ ᒐᒋ ᐊᑎ ᑭᒐᑕᐛᔨᑎᒪᒄ ᑭᔭ ᐊᐛᓯᑕ ᒐᒋ ᒥᔪ ᑭᒐᔅᒐᔨᑎᒪᒄ ᒐᒂᓐ᙮

2 ᑕᓴᓗᓂᔭᓇ 1:3

ᓂᐧᑲᓂᓯᑐᒄ, ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐛᔅ ᐊᑐᐎᔅ ᒋᑦ ᐊᑎ ᑕᑈᐅᒐᔨᒪᐛᐤ ᙭ ᑭᔭ ᐊᔭᔅᒃ ᐊᑐᐎᔅ ᒋ ᓴᒋᐃᑐᓇᐛᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:8

ᐅ ᒪᒃ ᐊ ᐃᓯᓇᑯᓱᐎᓇ ᐊᑲᐎᔾ ᐱᑯᓴᔨᒻ ᒋᓴᒪᓂᑐᐤ ᒐᒋ ᒥᔨᔅᒃ ᒐᒂᔪᐤ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

ᒋᔅᒐᔨᑕᑯᑕᒐᐅᓐ 2:2

ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᑲ ᐸᒋ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒄ᙮ ᒋ ᒋᔅᒐᔨᒥᑎᓇᐛᐤ ᑭᔭ ᒧᔅ ᐊᒋ ᓯᐱᔪᐛᓯᔭᒄ ᐊ ᓂᒋᔅᑭᒪᒄ ᒐᒂᓐ᙮ ᓂ ᒋᔅᒐᔨᑕᓐ ᐊᑲ ᓂᑐᐛᔨᒪᒄ ᐊᐛᓐ ᐊ ᒥᒐᑎᓯᑦ ᒐᒋ ᑕᑦ ᐊᓐᑕ ᐊ ᑕᐛᒄ᙮ ᑭᔭ ᔅᒋ ᓂᑐ ᒋᔅᒐᔨᒪᐛᐅᒡ ᐊᓐᒡ ᑲ ᐃᔅᒋᔄᒡ ᐊᑈᔅᑕᓇᒡ ᐊ ᐃᑕᐱᑎᓯᒡ᙮ ᐊᓐᒡ ᒪᒃ ᑲ ᒥᔅᑯᐛᑯᒡ ᐊ ᑭᑭᒋᔭᒡ, ᓇᒪ ᒋ ᐅᒋ ᐱᔅᑎᓇᐛᐅᒡ ᒐᒋ ᑕᒡ ᐊᓐᑕ ᒥᓯᑕ ᐊ ᑕᔭᒄ᙮

ᒋᔅᒐᔨᑕᑯᑕᒐᐅᓐ 2:4

ᒥᒄ ᒪᒃ ᐸᐃᒄ ᒐᒂᓐ ᐊᑲ ᒥᔽᔨᑎᒪᓐ ᐊ ᐃᑎᔭᒄ, ᐊᐅᒄ ᐅ ᐊᑲ ᐃᔅᐱᔅ ᓴᒋᐃᔭᒄ ᑕᓐ ᑲ ᐃᔅᐱᔅ ᓴᒋᐃᔭᒄ ᐅᔅᑭᒡ ᑲ ᒋᒋ ᑕᑈᔭᔨᒥᔭᒄ᙮

ᒋᔅᒐᔨᑕᑯᑕᒐᐅᓐ 3:1

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓴᕐᑎᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑎᐸᔨᒪᑦ ᐊᓂᔭᔪᐛ ᓂᔄᐅᑕᒡ ᐊᒐᒂ ᑲ ᐊᑐᔅᑯᐛᔨᒋ ᒋᓴᒪᓂᑐᐛ, ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ᙮ ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᐊ ᐃᑎᔭᒄ, ᐃᑕᐤ᙮ ᒋ ᒋᔅᒐᔨᒥᑎᓇᐛᐤ ᐊ ᐃᑕᔨᒥᑯᔭᒄ ᑕᑈ ᐊᒐᐧᑯᐅᓂᒡ ᐊ ᐃᓯ ᐱᒪᑎᓯᔭᒄ, ᒥᒄ ᒪᒃ ᒋ ᓂᐱᓇᐛᐤ᙮

ᒋᔅᒐᔨᑕᑯᑕᒐᐅᓐ 3:16

ᐊᓐ ᒪᒃ ᐊᑲ ᑕᒋᓯᔭᒄ, ᑭᔭ ᐊᑲ ᒋᓱᔭᒄ ᒥᒄ ᐊ ᒋᓱᑭᒥᓯᔭᒄ ᐊ ᐃᓯᓇᑯᓯᔭᒄ ᒋᑭ ᐊᐳᐧᑭᑕᒥᑎᓇᐛᐤ᙮