ᒋᔅᒐᔨᑕᑯᑕᒐᐅᓐ 22:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒥᒄ ᒪᒃ ᓂᒋ ᐃᑎᒄ, “ᐊᑲ ᐸᒋ ᐊᔭᒥᐊᔅᑐᐎ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᐊ ᐃᑎᔨᓐ ᑭᔭ ᒧᔭᒻ ᐊ ᐃᑎᒡ ᒋᐧᑲᓂᓯᒡ, ᐊᓐᒡ ᑲ ᒋᔅᒋᐛᐃᒐᒡ ᑭᔭ ᐊᓐᒡ ᑲ ᓂᓇᐃᑕᒡ ᑕᓐ ᐊ ᐃᑎᔅᑕᔨᒡ ᐅᑕ ᒥᓯᓇᐃᑭᓂᒡ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮”

ᒋᔅᒐᔨᑕᑯᑕᒐᐅᓐ 22:9 Iomraidhean Croise

ᑎᐱᑦ ᐅᓂᑭᒧᐅᓇ 45:11

ᐊᑯ ᒋᓴᐅᒋᒪᐤ ᓇᔅᒡ ᒐ ᒧᔅᑕᓇᐧᒃ ᒋ ᒥᔪᓇᑯᓯᐅᓂᔪᐤ: ᐛᔅ ᐎᔾ ᒋᑎᐸᔨᒋᒐᓯᒻ; ᐎᔾ ᒪᒃ ᐊᔭᒥᐊᔅᑐᐤ᙮

ᐊᒃᓱᑕᔅ 34:14

ᓂᔾ ᒥᒄ ᒐ ᐊᔭᒥᐊᔅᑐᐅᔭᒄ, ᒐ ᐊᑲ ᐊᔭᒥᐊᔅᑐᐛᑯᒡ ᑯᑎᑭᒡ ᒥᓂᑐᐅᒡ, ᐛᔅ ᓂᔾ ᑎᐸᔨᒋᒐᓱᐤ ᓂ ᒋᔨᐛᐤ ᒋᓴᒪᓂᑐᐅᓐ᙮

ᒪᑎᔪᐤ 4:9

ᐊᑯ ᐊᑕᑦ, “ᒥᓯᐛ ᐅ ᒋᑭ ᒥᔨᑎᓐ ᐸᒋ ᓂᐱᔅᑯᐱᔨᓇ ᐊ ᑕᔭᓐ, ᐊ ᐊᔭᒥᐊᔅᑐᐎᔨᓐ᙮”

ᓗᒃ 4:7

ᐊᐅᒄ ᒪᒃ ᐅ ᒥᓯᐛ ᒐ ᐃᓯ ᑎᐱᔨᐛᐅᓯᔨᓐ ᐸᒋ ᐊᔭᒥᐊᔅᑐᔨᓇ ᒧᔭᒻ ᐊ ᐃᓯ ᐊᔭᒥᐊᔅᑐᐅᑦ ᒋᓴᒪᓂᑐᐤ᙮”

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:1

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᒋᓴᔅ, ᒋᓴᒪᓂᑐᐛ ᒋ ᒥᔨᑯᐤ ᒐᒋ ᒋᔅᒐᔨᑎᒥᐊᑦ ᐊᓂᔭ ᑲ ᐊᑐᔅᑯᐛᔨᒋ ᒋᓴᒪᓂᑐᐛ ᑕᓐ ᒐ ᐃᔅᐱᔨᒡ ᐎᐱᒡ᙮ ᓂᔾ, ᒠᓐ, ᒋᓴᒪᓂᑐᐛ ᑲ ᐊᑐᔅᑯᐛᑦ, ᓂᒋ ᐃᑎᓴᐊᒪᒄ ᙭ ᐊᓐᒋᓇ ᒐᒋ ᐸᒋ ᐎᑎᒧᔨᒋ ᑕᓐ ᐊᓂᔭᔪᐛ ᓴᔅ ᐎᐱᒡ ᒐ ᐃᔅᐱᔨᒋ᙮

ᒋᔅᒐᔨᑕᑯᑕᒐᐅᓐ 1:11

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ, “ᒥᓯᓇᐊ ᑕᓐ ᒐ ᐃᓯ ᐛᐸᑎᒥᓐ ᐊᓄᒡ ᐊᑯ, ᒐ ᐃᑎᓴᐊᒧᐅᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐸ ᐃᐱᓴᔅ, ᓯᒥᕆᓇ, ᐸᕐᑲᒪᒻ, ᑕᔭᑕᐃᕋ, ᓴᕐᑎᔅ, ᐱᓚᑕᓪᐱᔭ ᑭᔭ ᓚᐅᑎᓯᔭ ᐊ ᑕᒡ᙮” ᐊᐅᒄ ᐅᔭ ᑲ ᐸᒋ ᐃᓯᑦ᙮

ᒋᔅᒐᔨᑕᑯᑕᒐᐅᓐ 14:7

ᒋ ᐃᔅᒋᔄᐤ ᐊᓐ ᐊᓐᒋᓐ ᐊ ᒋᔄᐛᑦ, “ᒪᒥᒋᒪᐧᒄ ᒋᓴᒪᓂᑐᐤ ᑭᔭ ᒋᔅᑕᔨᒪᐧᒄ᙮ ᐛᔅ ᓴᔅ ᐅᑎᒋᐱᔪᐤ ᐊᓐᑕ ᒐ ᑎᐸᔅᑯᓇᑦ ᒥᓯᐛ ᐊᐛᔪᐛ᙮ ᐊᔭᒥᐊᔅᑐᐛᐧᒄ ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᐊ ᐅᒋ ᒧᔅᒋᒍᐅᓂᔨᒡ ᓂᐱᔪᐤ᙮”

ᒋᔅᒐᔨᑕᑯᑕᒐᐅᓐ 15:4

ᐅᑎᐸᔨᒋᒐᐤ, ᐊᐛᓐ ᒐ ᐊᑲ ᓂᓇᒋᔅᑕᔅᒃ ᑭᔭ ᒐ ᐊᑲ ᒋᔅᑕᑐᑕᐧᒃ ᒋᑦ ᐃᓯᓂᐧᑲᓱᐅᓂᔪᐤ ? ᐛᔅ ᒥᒄ ᒋᔾ ᒋ ᐸᔭᒋᓯᓐ᙮ ᒥᓯᐛ ᐊᐛᓐᒋ ᐊ ᐃᑎᔅᑲᓇᓯᒡ ᒋᑭ ᐸᒋ ᓄᒋᔅᑕᑯᒡ ᐛᔅ ᔅᒋ ᐛᐸᑎᔨᐛᓐ ᐊᔅᐱᔅ ᑯᐃᔅᒄ ᐃᑎᔨᓐ᙮” ᐊᐅᒄ ᐅᔭ ᑲ ᐃᑕᐊᒪᓱᒡ ᐊ ᓂᑭᒧᒡ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 22:10

ᐊᑯ ᒥᓐ ᒂ ᐸᒋ ᐃᓯᑦ, “ᐊᑲᐎᔾ ᒋᒧᑦ ᑭᓄᐛᔨᑕ ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮ ᐛᔅ ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮

ᒋᔅᒐᔨᑕᑯᑕᒐᐅᓐ 22:18

ᓂᔾ, ᒠᓐ, ᓂᑦ ᐃᔭᒂᒥᒪᐤ ᒥᓯᐛ ᐊᐛᓐ ᑲ ᐸᑕᐧᒃ ᑕᓐ ᐊ ᐃᓯ ᓂᑲᓐ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ, “ᐊᓐ ᐊᐛᓐ ᒐ ᐃᔭᒋᔅᑕᒂ ᒐᒂᔪᐤ ᑕᓐ ᐊ ᐃᔅᒋᔄᒥᑭᓂᔨᒡ ᐅᑕ ᒥᓯᓇᐃᑭᓂᒡ, ᒋᓴᒪᓂᑐᐛ ᒋᑭ ᐃᔭᒋᔅᑕᔪᐛ ᑭᔭ ᐎᔾ ᑕᓐ ᑲ ᐃᓯ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ ᒐ ᐃᓯ ᓂᓇᐧᑲᑕᔨᒧᑦ᙮

ᒋᔅᒐᔨᑕᑯᑕᒐᐅᓐ 22:7

ᒋᓴᔅ ᒪᒃ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᑕᑈ ᒋᑭ ᓱᐛᔨᒪᑭᓄᐤ ᐊᐛᓐ ᒐ ᓂᓇᐃᑕᐧᒃ ᐅᔭ ᐃᔨᒧᐅᓂᔪᐤ ᑕᓐ ᑲ ᐃᓯ ᐛᐸᑎᔨᐛᔨᒋ ᒋᓴᒪᓂᑐᐛ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮”

ᒋᔅᒐᔨᑕᑯᑕᒐᐅᓐ 4:10

ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐅᒋᒋᐧᑯᓂᐱᔪᐅᒡ ᐊᓐᑕ ᐃᔅ ᐊ ᑕᔨᒋ ᐊᓂᔭᔪᐛ ᑲ ᐊᐱᔨᒋ ᒋᓴᐅᒋᒪᐤ ᑕᑎᐳᐛᑭᓂᒡ, ᐊ ᐊᔭᒥᐊᔅᑐᐛᒡ ᐊᓂᔭ ᑲᒋᒡ ᐸᒪᑎᓯᔨᒋ᙮ ᒋ ᒥᓂᒧᒡ ᐊᓂᔭᔪᐛ ᐅᒋᓴᐅᒋᒪᐅᑯᓂᔎᐅᓄᐛᐛ, ᐊᑯ ᐅᑎᔅᑯᐤ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐃᓯ ᐛᐱᓇᒡ, ᐊ ᐃᔅᒋᔄᒡ,

ᒋᔅᒐᔨᑕᑯᑕᒐᐅᓐ 9:20

ᐊᓐᒡ ᒪᒃ ᐊᐛᓐᒋ ᐊᑲ ᐅᒋ ᓂᓱᐅᓇᒋᐃᑯᒡ ᑲ ᓂᓱᐅᓇᒋᐃᐛᒥᑭᓂᔨᒋ ᒐᒂᔪᐛ, ᓇᒪ ᐃᔭᐱᒡ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᑕᓐ ᑲ ᐃᓯ ᒥᒋᑐᑕᒡ᙮ ᓇᒪ ᐅᒋ ᒂᔅᑲᑎᓯᐅᒡ ᑭᔭ ᓇᒪ ᐅᒋ ᐳᓂᐅᒡ ᐊ ᐊᔭᒥᐊᔅᑐᐛᒡ ᒥᒋ ᐊᒐᒂ ᑭᔭ ᐊᓂᔭ ᒥᓂᑐᐧᑲᓇ ᑲ ᐎᔄᐅᓱᓇᔭᐱᔅᑯᔨᒋ, ᑲ ᐛᓴᔭᐱᒋᓯᔨᒋ, ᑭᔭ ᑲ ᐎᔄᐛᐱᔅᒋᓯᔨᒋ ᑲ ᐃᓯᓇᑯᓯᔨᒋ, ᑭᔭ ᐊᓂᔭ ᑲ ᐊᓯᓂᐅᔨᒋ, ᑭᔭ ᐊᓂᔭ ᑲ ᒥᔅᑎᑯᔨᒋ᙮ ᓇᒪ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᐊ ᐊᔭᒥᐊᔅᑐᐛᒡ ᐊᓂᔭᔪᐛ ᒥᓂᑐᐧᑲᓇ ᐊᑲ ᐛᐸᑎᒥᔨᒋ ᑭᔭ ᐊᑲ ᐸᑎᒥᔨᒋ ᑭᔭ ᐊᑲ ᐱᒧᑕᔨᒋ᙮