ᒋᔅᒐᔨᑕᑯᑕᒐᐅᓐ 22:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᓐ ᒪᒃ ᐊᐛᓐ ᑲ ᐎᑕᐧᒃ ᐊ ᑕᑈᒥᑭᓂᔨᒡ ᒥᓯᐛ ᐅᔭ ᑲ ᐃᓯ ᐎᑕᑭᓄᔨᒋ ᐃᔅᒋᔄᐤ, “ᒐᔅᑎᓇᔅ ᓴᔅ ᐎᐱᒡ ᒥᓐ ᓂᑭ ᑎᑯᓯᓐ᙮” ᐊᒥᓐ, ᐅᑎᐸᔨᒋᒐᐤ ᒋᓴᔅ, ᐊᔅᑎᒻ᙮

ᒋᔅᒐᔨᑕᑯᑕᒐᐅᓐ 22:20 Iomraidhean Croise

ᒠᓐ 21:25

ᒥᒐᓂᔪᐤ ᒪᒃ ᐃᔭᐱᒡ ᑯᑎᒃ ᒐᒂᔪᐤ ᒋᓴᔅ ᐊᒋ ᐃᑐᑕᐧᒃ᙮ ᒥᓯᐛ ᐸᐸᐃᒄ ᐛᐎᑕᑭᓄᐅᒋ ᒐᒂᔪᐛ ᑕᓐ ᑲ ᐃᑎᑦ, ᓇᒪ ᒋᐸ ᐅᒋ ᑕᐱᔅᑕᐛ ᐅᑕ ᐊᔅᒋᒡ ᐅᓯᑕᑭᓄᐅᒋ ᒥᓯᓇᐃᑭᓇ᙮

1 ᑯᕆᓐᑎᔭᓇ 16:22

ᐊᐛᓐ ᐊᑲ ᓴᒋᐊᒐ ᐅᑎᐸᔨᒋᒐᐛ, ᐊᑯᔅ ᒋᑭ ᐛᐛᓯᐃᑯᐤ ᒋᓴᒪᓂᑐᐛ᙮ ᑎᑯᓯᓂ ᒪ, ᐅᑎᐸᔨᒋᒐᐤ᙮

2 ᑎᒧᑎ 4:8

ᓴᔅ ᐊᔭᔅᑯᔅᑕᐤ ᐊᓐ ᒋᓴᐅᒋᒪᐅᑯᓂᔎᐅᓐ ᐊᓂᔭ ᒐ ᒥᔭᑭᓄᐅᒡ ᐊᓐᒡ ᒐ ᑯᐃᔅᑯᑕᑎᓯᒡ᙮ ᐊᐅᒄ ᒪᒃ ᐅᔭ ᒐ ᐸᒋ ᒥᔨᑦ ᐅᑎᐸᔨᒋᒐᐤ ᐊᓐ ᑯᐃᔅᒄ ᑲ ᐃᓯ ᑎᐸᔅᑯᓂᒐᑦ ᒥᓐ ᐸᒋ ᑎᑯᓯᒐ᙮ ᓇᒪ ᒪᒃ ᒥᒄ ᓂᔾ ᓂᑭ ᐅᒋ ᒥᔨᑯᐅᓐ ᐅ ᐊ ᐃᓯᓇᒂᒡ ᐊᑯᓂᔎᐅᓐ, ᒥᓯᐛ ᐊᓐᒡ ᓴᒋᐃᐛᐅᓂᒡ ᑲ ᐃᓯ ᐱᑯᓴᔨᒧᒡ ᐅᑎᐸᔨᒋᒐᐛ ᒥᓐ ᒐ ᑎᑯᓯᓂᔨᒋ ᑭᔭ ᐎᔨᐛᐤ ᒋᑭ ᒥᔭᑭᓄᐅᒡ᙮

ᐃᑉᕈᐛ 10:37

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒪᔅᑕᔾ ᐛᐃᐱᔅᒋᔅ, ᐊᑯ ᐊᓐ ᒋᐸ ᑎᑯᓯᓄᐤ ᒐ ᑎᑯᓯᐧᒃ, ᓇᒪ ᒪᒃ ᒋᑭ ᐃᔭᐃᑯᐤ ᒐᒋ ᑎᑯᓯᐧᒃ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 1:2

ᒥᓯᐛ ᒪᒃ ᓂᒋ ᒥᓯᓇᐊᓐ ᑕᓐ ᑲ ᐃᓯ ᐛᐸᑎᔨᑯᔭᓐ᙮ ᐊᓐ ᒪᒃ ᑲ ᐃᓯ ᒥᓯᓇᐊᒪᓐ, ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓂᔭ᙮ ᒋᓴᔅ ᒋ ᓄᑯᑕᐤ ᑕᑈ ᐊ ᑕᑈᒥᑭᓂᔨᒡ᙮

ᒋᔅᒐᔨᑕᑯᑕᒐᐅᓐ 2:16

ᐳᓂᒄ ᐊ ᒥᒋᑐᑎᒪᒄ, ᒂᔅᑲᑎᓯᒄ᙮ ᐊᑲ ᐅ ᒐ ᐅᒋ ᐃᑐᐛᒂ, ᐎᐱᒡ ᓂᑭ ᑎᑯᓯᓐ ᐊᓐᑕ ᐊ ᑕᔭᒄ᙮ ᐊᑯ ᒐ ᒪᓯᐧᑲᒂᐤ ᐊᓐᒡ ᐊᑲ ᐎ ᓂᑭᑕᒡ ᐅᒥᒋᑥᐅᓄᐛᐛ ᓂᓂᑐᐱᔪᐅ-ᒧᐧᑯᒪᓐ ᐊ ᐊᐱᒋᑕᔭᓐ ᓂᑐᓂᒡ ᑲ ᐅᒋᐱᔨᒡ᙮”

ᒋᔅᒐᔨᑕᑯᑕᒐᐅᓐ 22:10

ᐊᑯ ᒥᓐ ᒂ ᐸᒋ ᐃᓯᑦ, “ᐊᑲᐎᔾ ᒋᒧᑦ ᑭᓄᐛᔨᑕ ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮ ᐛᔅ ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮

ᒋᔅᒐᔨᑕᑯᑕᒐᐅᓐ 22:12

ᒋᓴᔅ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᓂᑭ ᐸᑕᓐ ᒪᒃ ᑕᓐ ᒐ ᐃᓯ ᑎᐸᐊᒧᐅᒃ ᒥᓯᐛ ᐊᐛᓐ ᒥᒄ ᑕᓐ ᑲ ᑎᒂ᙮

ᒋᔅᒐᔨᑕᑯᑕᒐᐅᓐ 22:18

ᓂᔾ, ᒠᓐ, ᓂᑦ ᐃᔭᒂᒥᒪᐤ ᒥᓯᐛ ᐊᐛᓐ ᑲ ᐸᑕᐧᒃ ᑕᓐ ᐊ ᐃᓯ ᓂᑲᓐ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ, “ᐊᓐ ᐊᐛᓐ ᒐ ᐃᔭᒋᔅᑕᒂ ᒐᒂᔪᐤ ᑕᓐ ᐊ ᐃᔅᒋᔄᒥᑭᓂᔨᒡ ᐅᑕ ᒥᓯᓇᐃᑭᓂᒡ, ᒋᓴᒪᓂᑐᐛ ᒋᑭ ᐃᔭᒋᔅᑕᔪᐛ ᑭᔭ ᐎᔾ ᑕᓐ ᑲ ᐃᓯ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ ᒐ ᐃᓯ ᓂᓇᐧᑲᑕᔨᒧᑦ᙮

ᒋᔅᒐᔨᑕᑯᑕᒐᐅᓐ 22:7

ᒋᓴᔅ ᒪᒃ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᑕᑈ ᒋᑭ ᓱᐛᔨᒪᑭᓄᐤ ᐊᐛᓐ ᒐ ᓂᓇᐃᑕᐧᒃ ᐅᔭ ᐃᔨᒧᐅᓂᔪᐤ ᑕᓐ ᑲ ᐃᓯ ᐛᐸᑎᔨᐛᔨᒋ ᒋᓴᒪᓂᑐᐛ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮”