ᒋᔅᒐᔨᑕᑯᑕᒐᐅᓐ 22:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐊᓐ ᒪᒃ ᐊᐛᓐ ᒐ ᐊᒍᓂᒧᒂ ᑕᓐ ᐊ ᐃᓯ ᓂᑲᓐ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ, ᒋᓴᒪᓂᑐᐛ ᒋᑭ ᐅᑎᓂᒥᔪᐛ ᑕᓐ ᑲ ᐃᓯ ᐊᔭᑦ ᒐᒋ ᐅᒋ ᒥᒋᑦ ᒥᓂᓴ ᐊᓐᑕ ᐊᓂᔭᔪᐛ ᒥᔅᑎᒂ ᑲ ᓂᑕᐅᒋᓂᔨᒋ, ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ ᑭᔭ ᓇᒪ ᒋᑭ ᒋ ᐱᒐᐤ ᐊᓐᑕ ᒋᓴᒪᓂᑐᐛ ᐅᑦ ᐃᑕᐅᓂᔨᒡ᙮”

ᒋᔅᒐᔨᑕᑯᑕᒐᐅᓐ 22:19 Iomraidhean Croise

ᑎᐱᑦ ᐅᓂᑭᒧᐅᓇ 69:28

ᐊᑯᔅ ᒪᒃ ᒋᑭ ᑲᓴᐛᐅᒡ ᐅᒥᓯᓇᐃᑭᓂᔨᒡ ᐅᒋ ᐅᐱᒪᑎᓯᓱᐛ, ᐊᑲ ᑭᔭ ᒋᑭ ᐊᓯᔅᑎᓯᓇᓱᐅᒡ ᐅᑯᐃᔅᑯᑕᑎᓯᐛ᙮

ᐊᒃᓱᑕᔅ 32:33

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒥᒄ ᐊᓐᒡ ᑲ ᐅᓂᑐᑐᐅᒡ ᓂᑭ ᑲᓯᓯᓇᐊᒺᓐ ᐅᑦ ᐃᓯᓂᐧᑲᓱᐅᓄᐛᐛ ᓂᒥᓯᓇᐃᑭᓂᒡ᙮

ᓗᒃ 11:52

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᑲ ᒋᔅᑯᑎᒪᒐᔭᒄ ᐎᓱᐛᐅᓐ᙮ ᒋ ᓂᑲᐛᐛᐅᒡ ᐊᐛᓐᒋ ᒐᒋ ᒋᔅᒐᔨᒪᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ᙮ ᒋᔨᐛᐤ ᓇᒪ ᒋ ᐎ ᐱᒐᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑭᔭ ᒋ ᓂᑲᐛᐛᐅᒡ ᐊᓐᒡ ᐊᐛᓐᒋ ᑲ ᐎ ᐱᒐᒡ᙮ ᒧᔭᒻ ᐊᐛᓐ ᐊ ᐅᑎᓇᐧᒃ ᐊᓂᔭ ᐊᐸᐃᑭᓂᔪᐤ ᒐ ᐊᑲ ᒋ ᐱᒐᔨᒋ ᐊᐛᔪᐛ ᐊᓐᑕ ᒋᓴᒪᓂᑐᐛ ᐊ ᐅᒋᒪᐎᔨᒋ ᐊᐅᒄ ᐊ ᐃᓯᓇᑯᓯᔭᒄ᙮”

ᒋᔅᒐᔨᑕᑯᑕᒐᐅᓐ 1:3

ᒋᑭ ᓱᐛᔨᑕᑯᓱᐤ ᐊᓐ ᐊᐛᓐ ᒐ ᐃᔨᒥᑕᑦ ᐅᔭ ᑕᓐ ᐊ ᐃᑎᔅᑕᔨᒡ ᐅᑕ, ᐊᓐᑕ ᒐᒋ ᐅᒋ ᐸᑎᒥᔨᒋ ᑯᑎᑲ ᐊᐛᔪᐛ᙮ ᐊᓐᒡ ᑲ ᐸᑕᒡ ᑭᔭ ᑲ ᓂᓇᐃᑕᒡ ᑕᓐ ᐊ ᐃᑎᔅᑕᔨᒡ ᐊᓐᑕ ᑭᔭ ᐎᔨᐛᐤ ᒋᑭ ᓱᐛᔨᑕᑯᓱᐅᒡ᙮ ᐛᔅ ᓴᔅ ᐸᓱᓇᑯᓐ ᒐ ᐅᑎᒋᐱᔨᒡ ᒥᓯᐛ ᒐᒋ ᐃᔅᐱᔨᒡ ᑕᓐ ᑲ ᐃᓯ ᐛᐸᑎᔨᑯᔭᓐ᙮

ᒋᔅᒐᔨᑕᑯᑕᒐᐅᓐ 11:2

ᒥᒄ ᐊᑲᐎᔾ ᑎᐸᐊ ᐊᓐᑕ ᐱᑐᔎᒡ ᐛᔅᑲ ᐊᓐ ᒋᓴᐊᔭᒥᐊᐅᒋᐛᑉ᙮ ᐊᑲᐎᔾ ᑎᐸᐊ ᐛᔅ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋ ᒥᔭᑭᓄᐎᒡ ᐊᓂᔭ᙮ ᐊᐅᑯᓐᒡ ᐅᒡ ᒐ ᑕᑕᐧᑯᔅᑲᑕᒡ ᐊᓂᔭ ᐅᑕᓇᔪᐤ ᑲ ᐸᔭᒋᓯᒥᑭᓂᔨᒡ ᓇᐎᔪᐤ ᐊᓱ ᓂᓱ ᐱᓯᒺ ᐃᔅᐱᔅ᙮”

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮

ᒋᔅᒐᔨᑕᑯᑕᒐᐅᓐ 14:13

ᒥᓐ ᒐᒂᓐ ᑲ ᐃᔅᐱᔨᒡ᙮ ᓂᒋ ᐸᑐᐛᐤ ᐊᐛᓐ ᒋᒋᒋᓯᑯᒡ ᐊ ᐅᒋ ᐃᔨᒥᑦ᙮ ᒪᐅ ᑲ ᐃᔅᒋᔄᑦ, “ᒥᓯᓇᐊ ᐅ᙮ ᐅᑕ ᐃᔅ ᓂᔅᑕᒥᒡ ᓱᐛᔨᑕᑯᓱᐅᒡ ᐊᓐᒡ ᒐ ᓂᐱᒡ ᐊᔅᒄ ᐊ ᐎᒐᐛᒡ ᒋᓴᓴ᙮” ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐃᔅᒋᔄᑦ, “ᓂᐦᐃ, ᑕᑈ ᓱᐛᔨᑕᑯᓱᐅᒡ᙮ ᒋ ᐊᔨᒥᐅᐅᒡ ᐊ ᓇᓴᐛᒡ ᒋᓴᓴ ᑭᔭ ᐊᑯ ᒐ ᐊᔽᐱᒡ᙮ ᑕᓐ ᐊ ᐃᓯ ᒪᒧᐤ ᑭᓄᐛᐸᑕᑭᓄᔨᒋ ᑲ ᐃᓯ ᐸᒋ ᐊᐱᒋᐃᑯᒡ ᒋᓴᒪᓂᑐᐤ ᒋᑭ ᐎᒐᐅᑯᒡ᙮”

ᒋᔅᒐᔨᑕᑯᑕᒐᐅᓐ 2:11

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑯᒂᒋᐃᐛᐅᓂᔪᐤ, ᓇᒪ ᒋᑭ ᐅᒋ ᐊᐧᑯᐃᑯᒡ ᓂᓱ ᓂᐳᐅᓂᔪᐤ᙮”

ᒋᔅᒐᔨᑕᑯᑕᒐᐅᓐ 2:26

ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ ᑭᔭ ᒐ ᐊᑲ ᓂᑕ ᐳᓂᐛᒂ ᐊ ᐃᑐᑕᒡ ᓂᔾ ᐊ ᐃᓯ ᓂᑐᐛᔨᒥᒂᐤ ᒐᒋ ᐃᑎᒡ ᒐ ᐃᔅᐱᔅ ᐊᑲ ᑎᑯᓯᓄᒡ, ᓂᑭ ᒥᔭᐅᒡ ᒐᒋ ᐅᒋᒪᐅᑐᑐᐛᒡ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”

ᒋᔅᒐᔨᑕᑯᑕᒐᐅᓐ 21:2

ᓂᒋ ᐛᐸᑕᓐ ᒪᒃ ᐊᓐ ᑲ ᐸᔭᒋᓯᒥᑲᒡ ᐅᑕᓇᐤ ᒋᒋᒋᓯᑯᒡ ᐊ ᐅᒋ ᔭᓯᒥᑲᒡ᙮ ᒋᓴᒪᓂᑐᐤ ᐊ ᑕᑦ ᒋ ᐅᒋᐱᔪᐤ᙮ ᐊᐅᒄ ᐅ ᑲ ᐅᔅᑲᒡ ᒋᕈᓯᓕᒻ᙮ ᒧᔭᒻ ᐅᔅᒋᓂᒋᔎᐤ ᐊᒋ ᒥᔪᓇᑯᐃᓱᑦ ᒐ ᐅᓇᐸᒥᑦ ᐊᐅᑯᓐ ᑲ ᐃᓯᓇᒂᒡ᙮

ᒋᔅᒐᔨᑕᑯᑕᒐᐅᓐ 21:5

ᐊᑯ ᐊᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐃᔅᒋᔄᑦ, “ᒥᓯᐛ ᒐᒂᓐ ᓄᐅᔅᒋᑕᓐ᙮” ᐊᑯ ᒂ ᐃᓯᑦ, “ᒥᓯᓇᑕᐊ ᐅ᙮ ᐛᔅ ᒋᑭ ᒋ ᑕᑈᑕᑭᓄᐤ ᑭᔭ ᑕᑈᒥᑭᓐ ᐅ ᐊ ᐃᔅᒋᔄᔭᓐ᙮”

ᒋᔅᒐᔨᑕᑯᑕᒐᐅᓐ 22:12

ᒋᓴᔅ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᓂᑭ ᐸᑕᓐ ᒪᒃ ᑕᓐ ᒐ ᐃᓯ ᑎᐸᐊᒧᐅᒃ ᒥᓯᐛ ᐊᐛᓐ ᒥᒄ ᑕᓐ ᑲ ᑎᒂ᙮

ᒋᔅᒐᔨᑕᑯᑕᒐᐅᓐ 22:2

ᑕᑕᐅᔅᑭᓄᐤ ᒪᒃ ᐊᓐ ᒥᔅᑎᒪᔅᑭᓄᐤ ᐊᓐᑕ ᐊᓐ ᐅᑕᓇᐤ, ᐊᑯᑕ ᐸᒪᒍᐅᒡ᙮ ᐃᑐᑲᒻ ᒪᒃ ᐊᓐ ᓯᐱᔾ ᒋ ᒋᒥᓱᐅᒡ ᒥᔅᑎᑯᒡ ᐊᓐᑕ ᐛᒋ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮ ᐊᓯᑯᒻ ᐱᓯᒺ ᒪᒃ ᒋ ᓂᑕᐅᒋᓇ ᒥᓂᓴ ᐊᓐᑕ ᐊᓐᒡ ᒥᔅᑎᑯᒡ, ᓂᓱᓴᑈᐤ ᐸᐃᒄ ᐱᐳᓇ᙮ ᐊᓂᔭ ᒪᒃ ᓂᐱᓯᔭ ᐊᑯᑕ ᐛᒋ ᒥᓏᒋᐃᓱᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ᙮

ᒋᔅᒐᔨᑕᑯᑕᒐᐅᓐ 22:7

ᒋᓴᔅ ᒪᒃ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᑕᑈ ᒋᑭ ᓱᐛᔨᒪᑭᓄᐤ ᐊᐛᓐ ᒐ ᓂᓇᐃᑕᐧᒃ ᐅᔭ ᐃᔨᒧᐅᓂᔪᐤ ᑕᓐ ᑲ ᐃᓯ ᐛᐸᑎᔨᐛᔨᒋ ᒋᓴᒪᓂᑐᐛ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮”

ᒋᔅᒐᔨᑕᑯᑕᒐᐅᓐ 3:12

ᐊᓐᒡ ᐊᐛᓐᒋ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐃᓯᐊᐅᒡ ᒧᔭᒻ ᓯᑥᔎᐃᑭᓐ ᒋᒋᐛ ᐊ ᐊᐱᑎᒡ ᐊᓐᑕ ᐅᒋᓴᐊᔭᒥᐊᐅᒋᐛᐱᒡ ᐊᓐ ᒋᓴᒪᓂᑐᐤ ᑲ ᐊᑐᔅᑯᐅᒃ ᒐᒋ ᐃᓯᓇᑯᓯᒡ᙮ ᓇᒪ ᒪᒃ ᒥᓐ ᓂᑕ ᒋᑭ ᐅᒋ ᓂᑭᑎᒧᒡ᙮ ᓂᑭ ᒥᓯᓇᐊᒺᓐ ᒋᓴᒪᓂᑐᐛ ᐅᑦ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᒡ᙮ ᓂᑭ ᒥᓯᓇᐊᒧᐛᓐ ᑕᓐ ᐊ ᐃᓯᓂᐧᑲᑕᔨᒡ ᒋᓴᒪᓂᑐᐛ ᐅᑦ ᐃᑕᐅᓂᔪᐤ ᐊᓐᑕ ᐊ ᑕᒡ, ᐊᐅᒄ ᐅ ᑲ ᐅᔅᑲᒡ ᒋᕈᓯᓕᒻ᙮ ᒋᓴᒪᓂᑐᐤ ᒋᑭ ᐸᒋ ᐃᑎᓴᐊᒻ ᐅᔭ ᒋᒋᒋᓯᑯᒡ ᐅᒡ᙮ ᑭᔭ ᓂᑭ ᒥᓯᓇᐊᒺᓐ ᑲ ᐅᔅᑲᔨᒡ ᓂᑦ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᒡ᙮”

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”