ᒋᔅᒐᔨᑕᑯᑕᒐᐅᓐ 22:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᓐᒡ ᒪᒃ ᑲ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐅᒡ, ᐊᓐᒡ ᐎᓂᓱᐅᓂᒡ ᑲ ᐃᓯ ᐱᒥᐧᑯᐛᒡ ᐊᐛᔪᐛ, ᐊᓐᒡ ᑲ ᓂᐸᐃᐛᒡ ᑭᔭ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᓇᒪ ᒋᑭ ᒋ ᐱᒐᐅᒡ ᐊᓂᔭᔪᐤ ᐅᑕᓇᔪᐤ᙮

ᒋᔅᒐᔨᑕᑯᑕᒐᐅᓐ 22:15 Iomraidhean Croise

ᒪᑎᔪᐤ 7:6

“ᐊᑲᐎᔾ ᒥᔭᐧᑯᒡ ᐊᑎᒧᒡ ᐊ ᐸᔭᐧᑭᓂᔨᒡ ᒐᒂᔪᐤ᙮ ᐊᑲ ᑭᔭ ᐛᐱᓂᒧᐛᐧᑯᒡ ᑯᐧᑯᓯᒡ ᐊ ᓱᓇᔭᐎᔨᒋ ᐛᐛᓯᐅᓇ ᐛᔅ ᒥᒄ ᒋᑭ ᑕᑕᐧᑯᔅᑲᑕᒧᒡ ᑭᔭ ᒋᑭ ᐊᐱᒧᔅᑕᑯᐛᐅᒡ ᒐᒋ ᐅᓯᑯᐃᑕᑯᒡ᙮”

ᒪᑎᔪᐤ 8:12

ᒥᒄ ᒪᒃ ᐊᓐᒡ ᑲ ᒥᓯᓇᓱᒡ ᒋᓴᐅᒋᒪᐅᓂᒡ ᒋᐸ ᐃᓯ ᐎᒋᐃᐛᐱᓐᒡ ᓇᒪ ᒋᑭ ᐅᒋ ᐱᑎᑲᐊᑭᓄᐅᒡ ᐊᓐᑕ᙮ ᐅᓂᑎᐱᔅᒋᓯᐅᓂᒡ ᒋᑭ ᐃᓯ ᐛᐱᓇᑭᓄᐎᒡ, ᐊᑯᑕ ᐊᓐᑕ ᒐ ᒪᒡ ᑭᔭ ᒐ ᒪᒥᑕᔭᐱᑕᓯᓂᒡ᙮”

ᒠᓐ 8:46

ᓇᒪ ᐛᐛᒡ ᐸᐃᒄ ᐊᓐᑕ ᐊ ᑎᓯᔭᒄ ᒋᑭ ᒋ ᐎᑕᓇᐛᐤ ᑲ ᒥᒋᑐᑎᒧᐛᓇ᙮ ᑯᐃᔅᒄ ᒪᒃ ᒧᔅ ᐊ ᐃᔅᒋᔄᔭᓐ ᒐᒂᓐ᙮ ᒐᒂᓐ ᒪᒃ ᐛᒋ ᐊᑲ ᒋ ᑕᑈᑐᐅᔭᒄ ?

ᐊᑈᔅᑕᓇᒡ 8:11

ᓇᔅᒡ ᒋ ᓂᑐᑕᑯᐤ ᐊᓂᔭᔪᐛ ᐃᔪᐛ ᐛᔅ ᓴᔅ ᐛᔅᑭᒡ ᒋ ᒥᔅᑲᑕᔨᑎᒥᐊᐤ ᐊᓂᔭᔪᐛ ᐃᔪᐛ ᐊ ᒪᒥᑕᐛᑎᓯᑦ᙮

ᐱᓕᐱᔭᓇ 3:2

ᐃᔭᒂ ᓇᑭᑐᐛᔨᒪᐧᑯᒡ ᐊᓐᒡ ᑲ ᐎᔭᓯᐃᐛᒡ, ᓂᑎᒥᒄ ᑲ ᐃᑎᒡ᙮ ᐊᓐᒡ ᑲ ᐃᔅᒋᔄᒡ ᐸᑐᔅ ᒋᔅᒋᓄᐛᒋᔄᑭᓄᔨᒋ ᐊᐛᔪᐛ ᐃᔭᒄ ᒐᒋ ᐅᑦ ᐃᔨᒥᑐᑕᑯᔨᒋ ᒋᓴᒪᓂᑐᐛ᙮

ᑯᓚᓯᔭᓇ 3:6

ᐅᔭ ᐊ ᐃᓯ ᐱᒪᑎᓯᒡ ᐊᐛᓐᒋ ᓇᔅᒡ ᑕᑈ ᒋᔄᐊᐅᒡ ᒋᓴᒪᓂᑐᐛ᙮ ᒋᑭ ᐛᐛᓯᐃᑯᐅᒡ ᒪᒃ᙮

1 ᑎᒧᑎ 1:10

ᑭᔭ ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᑐᑐᐛᒡ ᐊᐛᔪᐛ ᑭᔭ ᐊᓐᒡ ᓇᐸᐅᒡ ᑲ ᐎᒐᐛᒡ ᐎᑕᐸᐛᐛ ᑭᔭ ᐃᔎᐅᒡ ᑲ ᐎᒐᐛᒡ ᐎᑎᔎᐛᐛ ᑭᔭ ᐊᓐᒡ ᑲ ᒋᒧᑎᒡ ᐊᐛᔪᐛ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ ᑭᔭ ᐊᓐᒡ ᓂᑎᒥᒄ ᑲ ᐃᑕᒋᒧᒡ ᐊᑎ ᐊᒋ ᓇᔅᐱᒡ ᐎ ᑕᑈᒡ ᑭᔭ ᒥᓯᐛ ᐊᓐᒡ ᐊᐛᓐᒋ ᐊᑲ ᐃᑐᑕᒡ ᑕᓐ ᐊ ᐃᑎᓱᐛᒥᑭᓂᔨᒡ ᐅᔭ ᒥᔪ ᒋᔅᑯᑎᒪᒐᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 18:23

ᓇᒪ ᓂᑕ ᒥᓐ ᒋᑭ ᐅᒋ ᓄᑯᓱᐅᒡ ᐛᔅᑕᓂᐱᒪᑭᓐᒡ ᐊ ᐛᔅᑐᐛᒡ ᐊᓐᑕ ᐊ ᑕᔨᓐ᙮ ᓇᒪ ᓂᑕ ᒥᓐ ᒋᑭ ᐅᒋ ᐸᑕᑯᓱᐅᒡ ᐊ ᒧᒋᒐᔨᑕᒡ ᐅᔅᒋᓂᒋᓱᐅᒡ ᑭᔭ ᐅᔅᒋᓂᔎᐅᒡ᙮ ᐊᓐᒡ ᓂᓇᐧᑯᐤ ᒐᒂᔪᐛ ᑲ ᐊᑕᐛᒡ ᐊᓐᑕ ᐊ ᑕᔨᓐ, ᐊᐅᑯᓐᒡ ᒪᐅᒡ ᑲ ᒋᔅᑕᔨᑕᑯᓯᒡ ᐊᐛᓐᒋ ᐅᑕ ᐊᔅᒋᒡ᙮ ᐊᓐᒡ ᐊᐛᓐᒋ ᐊᓐᑕ ᑲ ᐎᒋᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᐎᔭᓯᐊᐅᒡ ᐅᒪᒥᑕᐛᑎᓯᐅᓄᐛᐤ ᐊ ᐊᐱᒋᑕᒡ᙮”

ᒋᔅᒐᔨᑕᑯᑕᒐᐅᓐ 21:27

ᓇᒪ ᒋᑭ ᐅᒋ ᐱᔅᑎᓂᑭᓄᐤ ᒐᒂᓐ ᐊ ᒪᔭᑎᒡ ᒐᒋ ᑎᒂᒡ ᐊᓐᑕ ᐊᓐ ᐅᑕᓇᐤ᙮ ᓇᒪ ᑭᔭ ᒋᑭ ᒋ ᐱᒐᐤ ᐊᓐ ᐊᐛᓐ ᓂᑐᐎᔾ ᑲ ᐃᑎᑦ ᒪᒃ ᑲ ᐎᒋ ᑭᑭᒋᔭᑦ᙮ ᒥᒄ ᐊᓐᒡ ᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᐊᓂᔭᔪᐛ ᒪᔭᑕᓂᓴ ᐅᐱᒪᑎᓯᐤ ᒥᓯᓇᐃᑭᓂᔨᒡ ᒋᑭ ᒋ ᐱᒐᐅᒡ ᐊᓂᔭ ᐅᑕᓇᔪᐤ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”