ᒋᔅᒐᔨᑕᑯᑕᒐᐅᓐ 21:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᐅᒄ ᐅᔭ ᒐ ᐃᓯ ᐊᓂᔅᒐ ᒥᔨᒃ ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ᙮ ᑭᔭ ᓂᔾ ᓂᑭ ᐅᒋᓴᒪᓂᑐᒥᑐᑕᒄ ᑭᔭ ᐎᔾ ᒐ ᐅᑦ ᐊᐛᓯᒥᑐᑐᐅᒃ᙮

ᒋᔅᒐᔨᑕᑯᑕᒐᐅᓐ 21:7 Iomraidhean Croise

ᒐᓂᓯᔅ 17:8

ᒋᑭ ᒥᔨᑎᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᓂᔅᒐ ᐱᒪᑎᓯᒡ ᒥᓯᐛ ᐊᓐ ᑲᐃᓇᓐ ᐊᔅᒋᔾ ᐊᓐᑕ ᐊᓄᒡ ᒥᔭᓂᑕᐎᔭᒄ, ᒋᔨᐛᐤ ᒧᔅ ᑲᒋᒡ ᒋᑭ ᑎᐸᔨᑕᓇᐛᐤ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ᙮”

ᑎᐱᑦ ᐅᓂᑭᒧᐅᓇ 89:26

ᓂᑭ ᒪᑕᒄ ᐊ ᐃᓯᑦ, ‘ᒋᔾ ᓄᑕᐎᔾ, ᓂᒋᓴᒪᓂᑐᒻ, ᑭᔭ ᒋᔅᑕᐱᔅᒄ ᐛᒋᐱᔨᒡ ᓂᐱᒪᒋᐃᑯᓯᐅᓐ᙮’

ᒪᑎᔪᐤ 19:29

ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᒥᔭᑭᓄᐤ᙮

ᒪᑎᔪᐤ 25:21

“ ‘ᑕᑈ ᒋ ᒥᔪᑐᑕᓐ ᑭᔭ ᑕᑈ ᒋ ᒥᔪ ᐊᐱᑎᓯᓐ,’ ᒋ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ᐊᑐᔅᒐᔅᑎᒥᓐ ᐊᓐ ᐊ ᐊᐱᓴᓯᒡ ᑕᓐ ᑲ ᐃᓯ ᐱᑯᓴᔨᒥᑯᔨᓐ ᐊᑯ ᐊᑐᐎᔅ ᐊ ᒥᓴᒋ ᒐᒂᔪᐛ ᒐ ᐱᔅᑎᓂᒪᑯᔨᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ᐱᒐ, ᒐ ᐸᒋ ᐎᒋᐃᔨᓐ ᑕᓐ ᐊ ᐃᓯ ᒥᔽᔨᑎᒪᓐ᙮’ ”

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:17

ᒪᒂᒡ ᒪᒃ ᐊ ᐱᒧᑕᑦ ᒋᓴᔅ ᒪᔅᑭᓇᒡ, ᓇᐸᐛ ᒋ ᐅᒋ ᐸᐸᑕᔪᐛ ᒂ ᐊᑎ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐊ ᑕᑦ ᐊᑯ ᐊᑎᑯᑦ, “ᒋᔅᑯᑎᒪᒐᓱᐤ, ᑲ ᒥᔽᔨᑕᑯᓯᔨᓐ, ᑕᓐ ᒐ ᐃᑎᔭᓐ ᒐᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:14

ᒥᓯᐛ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᒋᔅᒋᓄᑕᐃᑯᒡ ᒋᓴᒪᓂᑐᐛ ᐅᑦ ᐊᐛᓯᒥᑕᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:19

ᒥᓯᐛ ᒐᒂᔪᐤ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ᐊᓱᐛᐸᑎᒧᒥᑭᓂᔨᒡ ᒐ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮

2 ᑯᕆᓐᑎᔭᓇ 6:16

ᓇᒪ ᒋᑭ ᒋ ᑎᔭᑭᓄᐎᒡ ᒥᓂᑐᐧᑲᓐᒡ ᐊᓐᑕ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᐱᒡ᙮ ᒋᔭᓄᐤ ᐛᔅ ᒋᓴᒪᓂᑐᐤ ᑲ ᐱᒪᑎᓯᑦ ᐅᑦ ᐊᔭᒥᐊᐅᒋᐛᑉ᙮ ᒧᔭᒻ ᒋᓴᒪᓂᑐᐤ ᑲ ᐃᔅᒋᔄᑦ, “ᓂᑭ ᐱᒋᔅᑯᐛᐅᒡ ᑭᔭ ᒧᔅ ᓂᑭ ᐎᒐᐛᐅᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ᙮ ᐎᔨᐛᐤ ᓂᑭ ᐅᑦ ᐃᔨᒥᑐᑐᐛᐅᒡ᙮”

2 ᑯᕆᓐᑎᔭᓇ 6:18

ᒋᑭ ᐅᑕᐎᒪᐅᑐᑐᓇᐛᐤ᙮ ᓂᑯᓯᒡ ᑭᔭ ᓂᑕᓂᓯᒡ ᒋᑭ ᐃᓯ ᑭᓄᐛᐱᒥᑎᓇᐛᐤ,” ᐃᔅᒋᔄᐤ ᐅᑎᐸᔨᒋᒐᐤ ᐊᓐ ᒪᐅᒡ ᓯᔪᐧᑲᑎᓯᑦ᙮

ᐃᑉᕈᐛ 8:10

ᒥᒄ ᒪᒃ ᒪᐅᔭᔪᐤ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ᒥᔨᒂᐤ ᐃᔅᕋᐃᓪ ᐃᔪᒡ ᐃᔅᐱ ᐅᑎᒋᐱᔨᒂᐛ ᐊᓂᔭᔪᐛ ᐊ ᒋᓯᑲᒋ᙮ ᓂᑭ ᐃᑐᑐᐛᐅᒡ ᒐᒋ ᒪᒥᑐᓇᔨᑎᒥᐃᑯᒡ ᓂᐎᓱᐛᐅᓇ ᑭᔭ ᓇᔅᒡ ᒐᒋ ᒧᓯᐅᒡ ᐊ ᐎ ᓂᓇᐃᑕᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ ᑭᔭ ᐎᔨᐛᐤ ᓂᑭ ᐅᑦ ᐃᔨᒥᓐ᙮

1 ᐱᑕᕐ 3:9

ᐊᑲᐎᔾ ᔭᐃᑕᔾ ᐎ ᑎᐸᐊᒪᓱ ᐊᐛᓐ ᐊ ᐅᓂᑐᑕᔅᒃ ᒪᒃ ᐊ ᒪᒥᐊᔭᔨᒥᔅᒃ᙮ ᐃᔭᐱᒡ ᐅᔅᑕ ᒥᔪᑐᑎᒧᐤ ᑭᔭ ᐊᔭᒥᑐᐤ ᒐᒋ ᓱᐛᔨᒥᑯᑦ ᒋᓴᒪᓂᑐᐛ, ᐛᔅ ᐊᐅᒄ ᐅ ᑲ ᐃᓯ ᐃᑕᔨᑕᑭᓄᐅᒡ ᒋᐱᒪᑎᓯᐅᓐ ᒐᒋ ᐃᓯᓇᒂᒡ᙮ ᐊᑯᑕ ᒐᒋ ᐅᒋ ᐊᓂᔅᒐ ᒥᑭᐎᔨᓐ ᓱᐛᔨᒋᒐᐅᓐ᙮

ᒋᔅᒐᔨᑕᑯᑕᒐᐅᓐ 2:11

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑯᒂᒋᐃᐛᐅᓂᔪᐤ, ᓇᒪ ᒋᑭ ᐅᒋ ᐊᐧᑯᐃᑯᒡ ᓂᓱ ᓂᐳᐅᓂᔪᐤ᙮”

ᒋᔅᒐᔨᑕᑯᑕᒐᐅᓐ 2:17

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ᑲᔭᑭᓄᔨᒋ᙮ ᓂᑭ ᒥᔭᐅᒡ ᐊᓯᓂᔭ ᐊ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ᒥᔭᑭᓄᐅᒂ, ᐊᐅᑯᓐ ᒐ ᒋᔅᒐᔨᑕᐧᒃ᙮”

ᒋᔅᒐᔨᑕᑯᑕᒐᐅᓐ 2:25

ᒥᒄ ᓱᒃ ᒐ ᐎ ᒥᒪᒋᒥᓂᒪᒄ ᑕᓐ ᐊ ᐃᓯ ᐊᔭᔭᒄ, ᐸᑐᔅ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᒥᓐ ᒐ ᑎᑯᓯᓂᔭᓐ᙮

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”

ᒋᔅᒐᔨᑕᑯᑕᒐᐅᓐ 21:3

ᐊᑯ ᒂ ᐸᑐᐅᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᔪᐤ ᐊ ᑎᑯᓂᔨᒡ ᐊ ᐅᒋ ᐃᔨᒥᑦ, ᒋ ᒋᔄᐛᐤ᙮ ᒪᐅ ᑲ ᐃᔅᒋᔄᑦ, “ᐊᓐᑕ ᐊᐛᔪᐛ ᐊ ᑕᔨᒋ ᐊᑯᑕ ᒐ ᑕᑦ ᐊᐅᒄ ᒋᓴᒪᓂᑐᐤ ᒋᑭ ᐎᒋᒪᐤ᙮ ᐊᐅᑯᓂ ᐊᓂᔭᔪᐛ ᐃᔪᐛ ᒐ ᐅᑦ ᐃᔨᒥᑦ᙮ ᐎᔾ ᒋᑭ ᑕᐤ ᒪᒂᒡ ᐊ ᑕᔨᒋ ᐊᓂᔭᔪᐛ ᐛᒋᓴᒪᓂᑐᒥᑐᑕᑯᑦ᙮