ᒋᔅᒐᔨᑕᑯᑕᒐᐅᓐ 21:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒋᑭ ᑲᓯᔭᐸᐛᐤ ᒪᒃ ᑕᑥᐤ ᐊ ᐅᒋᐧᑯᐛᐱᔨᒋ᙮ ᓇᒪ ᐊᑯ ᒋᑭ ᐅᒋ ᑎᑯᓂᔪᐤ ᓂᐳᐅᓂᔪᐤ ᒪᒃ ᒥᓯᒪᔨᑎᒧᐅᓂᔪᐤ᙮ ᓇᒪ ᑭᔭ ᐊᑯ ᒋᑭ ᐅᒋ ᑎᑯᓂᔪᐤ ᒪᐅᓂᔪᐤ ᒪᒃ ᐊ ᐎᓯᒐᔨᑕᑭᓄᐎᒡ᙮ ᐛᔅ ᒥᓯᐛ ᐊᓐ ᐛᔅᑭᒡ ᑲ ᐃᔅᐱᔨᒡ ᒐᒂᓐ ᓇᒪ ᓴᔅ ᑎᑯᓐ᙮”

ᒋᔅᒐᔨᑕᑯᑕᒐᐅᓐ 21:4 Iomraidhean Croise

ᑎᐱᑦ ᐅᓂᑭᒧᐅᓇ 144:4

ᐃᔪᐤ ᓂᑐᐎ ᒐᒂᓐ ᐃᑕᔨᑕᑯᓱᐤ: ᐅᒋᓯᑲᒪ ᒧᔭᒻ ᐊ ᑎᑲᔅᑕᑎᒡ ᑲ ᐊᑎ ᐃᒐᐱᔨᒡ᙮

ᒪᑎᔪᐤ 24:35

ᒋᒋᒋᓯᒄ ᑭᔭ ᐊᔅᒋᔾ ᒋᑭ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓐ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ᙮”

1 ᑯᕆᓐᑎᔭᓇ 15:26

ᐊᓐ ᒪᔅᑕᔾ ᒐᒂᓐ ᒐ ᓂᓱᐅᓇᒋᑕᑭᓄᐅᒡ ᐊᐅᒄ ᓂᐳᐅᓐ᙮

1 ᑯᕆᓐᑎᔭᓇ 7:31

ᐊᓐᒡ ᑲ ᐅᒋᐎᒋᔨᓱᒡ ᑕᓐ ᐊ ᐃᑕᐱᑎᓯᓇᓄᐎᒡ ᐅᑕ ᐊᔅᒋᒡ ᐊᓐᑕ ᒐᒋ ᐅᒋ ᐱᒪᒋᐃᓱᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊ ᐊᑐᔅᑯᐛᒡ ᐅᑎᐸᔨᒋᒐᐛ ᐛᔅ ᐅ ᐊᔅᒋᔾ ᑭᔭ ᑕᓐ ᐊ ᐃᑕᔨᑕᒂᒡ ᒋᑭ ᐎᒪᐱᔪᐤ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

2 ᑯᕆᓐᑎᔭᓇ 6:17

“ᐊᑯ ᒪᒃ, ᓂᑭᑕᐧᑯᒡ ᐊᓐᒡ ᐊᑲ ᑕᑈᑕᒡ, ᑭᔭ ᑎᐸᓂᐃᓱᒄ,” ᐃᔅᒋᔄᐤ ᐅᑎᐸᔨᒋᒐᐤ᙮ “ᐊᓐ ᒐᒂᓐ ᐊ ᐃᑕᔨᑕᒂᒡ ᐊ ᒪᔭᑎᒡ ᐊ ᐅᓇᔨᑎᒥᐃᑯᑦ ᐊᐛᓐ ᐊ ᐊᔭᒥᐊᑦ ᑭᔭ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ ᐊᑲᐎᔾ ᐊᐱᑕᔨᑎᒧᒄ᙮ ᓂᑭ ᒥᔽᔨᑕᓐ ᒪᒃ ᐸᒋ ᓇᓯᔭᒂ᙮

ᐃᑉᕈᐛ 12:27

ᐊᓂᔭ ᑲ ᐃᔅᒋᔄᑦ “ᒥᓐ ᐅ ᐃᑐᑎᒪᓇ,” ᒋ ᐎᑎᒪᑯᓇᓄᐤ ᒥᓯᐛ ᒐᒂᔪᐤ ᑲ ᐅᓯᑕᑭᓄᔨᒋ, ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᒐ ᓂᓇᒥᐱᔨᒡ ᑭᔭ ᒐ ᓂᓱᐅᓇᑎᓂᔨᒡ᙮ ᒥᒄ ᐊᓐ ᒐᒂᓐ ᐊᑲ ᒋ ᐊᑎᓂᑭᓄᐅᒡ ᐊᐅᑯᓐ ᒥᒄ ᐊᓐ ᓇᒪ ᒋᑭ ᐅᒋ ᓂᓇᒥᐱᔪᐤ᙮

2 ᐱᑕᕐ 3:10

ᒥᒄ ᒪᒃ ᓇᒪ ᓂᑲᓐ ᒋᑭ ᐅᒋ ᒧᓯᑕᑭᓄᐅᔪᐤ ᐅᑎᐸᔨᒋᒐᐤ ᐅᒋᓯᑲᒻ, ᒧᔭᒻ ᐊ ᐃᑕᔨᑕᒂᒡ ᑲᒋᒧᑎᑦ ᐊᓐᑕ ᐛ ᐱᒐᒋ ᒥᒋᐛᐱᔪᐤ ᐊ ᐎ ᑭᒐᒧᑎᑦ, ᐊᐅᑯᓐ ᒐ ᐃᑕᔨᑕᒂᒡ᙮ ᐊᓐᑕ ᒪᒃ ᐊᓂᔭ ᐅᑎᐸᔨᒋᒐᐤ ᐅᒋᓯᑲᒻ ᐅᑎᒋᐱᔨᒐ ᐅᔭ ᒋᓯᒂ ᒋᑭ ᐸᓯᑯᓇᑯᓇ᙮ ᓇᔅᒡ ᑕᑈ ᒋᑭ ᒋᔄᐛᐱᔪᐤ ᐊᑎ ᐸᓯᑯᓇᑯᒂᐛ᙮ ᒥᓯᐛ ᑕᓐ ᐊ ᐃᓯ ᑎᒂᒡ ᒋᓯᑯᒡ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᒥᔅᑎ ᒋᓯᑕᒡ᙮ ᐊᔅᒋᔾ ᑭᔭ ᒥᓯᐛ ᒐᒂᓐ ᐅᑕ ᑲ ᑎᒂᒡ, ᒋᑭ ᐊᑎ ᒪᔅᑎᐧᑲᑕᐛ᙮

1 ᒠᓐ 2:17

ᒥᓯᐛ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ ᑭᔭ ᐊ ᐃᓯ ᑎᒂᒡ ᓂᓇᐧᑯᐤ ᒥᒋ ᒧᔅᑕᓇᔭᔨᑎᒧᐅᓐ ᒋᑭ ᐃᔎᐱᔪᐛ᙮ ᒥᒄ ᒪᒃ ᐊᓐ ᐊᐛᓐ ᑲ ᐃᑐᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲᒋᒡ ᒋᑭ ᐱᒪᑎᓯᐤ᙮

ᒋᔅᒐᔨᑕᑯᑕᒐᐅᓐ 20:13

ᐎᓂᐸᒄ ᒋ ᐱᔅᑎᓇᐤ ᐊᐛᔪᐛ ᐊᓐᑕ ᑲ ᑕᔨᒋ᙮ ᒥᓯᐛ ᐊᓂᔭᔪᐛ ᐊᐛᔪᐛ ᓂᐱᒡ ᑲ ᓂᔅᑕᐸᐛᐃᑯᐱᓇᓂ ᒋ ᐱᔅᑎᓇᐤ ᒐ ᑎᐸᔅᑯᓇᑭᓄᔨᒋ᙮ ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒋ ᐱᔅᑎᓇᐅᒡ ᑲ ᓂᐱᔨᒋ᙮ ᒥᓯᐛ ᐊᓐᒡ ᑲ ᓂᐱᔨᒡ ᒋ ᐱᔅᑎᓇᑭᓄᐎᒡ ᒐ ᑎᐸᔅᑯᓇᑭᓄᐎᒡ᙮ ᒥᓯᐛ ᒪᒃ ᐸᐸᐃᒄ ᒋ ᑎᐸᔅᑯᓇᑭᓄᐎᒡ ᑕᓐ ᑲ ᐃᑐᐛᑯᐱᓇ᙮

ᒋᔅᒐᔨᑕᑯᑕᒐᐅᓐ 20:14

ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮ ᐅ ᒥᒋ ᐃᔅᑯᑕᐤ ᓴᑲᐃᑭᓐ, ᐊᐅᒄ ᐅ ᓂᓱ ᓂᐳᐅᓐ᙮

ᒋᔅᒐᔨᑕᑯᑕᒐᐅᓐ 21:1

ᐊᑯ ᒂ ᐛᐸᑎᒪᓐ ᐊ ᐅᔅᑲᒡ ᒋᒋᒋᓯᒄ ᑭᔭ ᐊ ᐅᔅᑲᒡ ᐊᔅᒋᔾ᙮ ᐛᔅ ᐊᓐ ᐛᔅᑭᒡ ᒋᒋᒋᓯᒄ ᑭᔭ ᐊᓐ ᐛᔅᑭᒡ ᐊᔅᒋᔾ ᓴᔅ ᒋ ᐸᓯᑯᓇᑯᓇ᙮ ᐎᓂᐸᒄ ᑭᔭ ᓇᒪ ᐅᒋ ᑎᑯᓐ᙮

ᒋᔅᒐᔨᑕᑯᑕᒐᐅᓐ 22:3

ᓇᒪ ᒪᒃ ᐊᑯ ᒥᓐ ᓂᑕ ᒋᑭ ᐅᒋ ᑎᑯᓐ ᐊᓐᑕ ᐅᑕᓇᒡ ᒐᒂᓐ ᒐᒋ ᐃᔅᒋᔄᑦ ᒋᓴᒪᓂᑐᐤ ᐊ ᐛᐧᑲᑕᐧᒃ᙮ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓄᐛᐤ, ᒋᑭ ᑎᑯᓂᔪᐤ ᐊᓐᑕ ᐅᑕᓇᒡ᙮ ᒋᑭ ᐊᔭᒥᐊᔅᑕᑯᐤ ᒪᒃ ᒋᓴᒪᓂᑐᐤ ᐅᑦ ᐊᐱᒋᐊᑭᓇ᙮

ᒋᔅᒐᔨᑕᑯᑕᒐᐅᓐ 7:17

ᐛᔅ ᐊᓐ ᒪᔭᑕᓂᔅ ᑕᑕᐅᒡ ᐊᓐᑕ ᐊ ᑎᑯᓂᔨᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ, ᐊᐅᒄ ᒪᔭᑕᓂᓯᐅ-ᐃᔪᐤ ᒐ ᒥᔪ ᑭᓄᐛᔨᒪᑦ ᐅᔭ᙮ ᑭᔭ ᒋᑭ ᐃᑐᑕᐊᐤ ᐊᓐᑕ ᐊ ᑎᑯᓂᔨᒡ ᐊ ᒧᔅᒋᒍᐅᓂᔨᒡ ᐱᒪᑎᓯᐤ ᓂᐱᔪᐤ᙮ ᐊᑯ ᒪᒃ ᒋᓴᒪᓂᑐᐤ ᒐ ᑲᓯᐊᒧᐛᑦ ᐅᔅᒋᓯᑯᔪᐛ ᒥᓯᐛ ᐊᓂᔭᔪᐛ ᑲ ᐅᒋᐧᑯᐛᐱᔨᒋ᙮”