ᒋᔅᒐᔨᑕᑯᑕᒐᐅᓐ 21:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒧᔅ ᒪᒃ ᒋᑭ ᔪᑕᑯᑕᐛ ᐊᓂᔭᔪᐛ ᒋᐱᔎᐛ ᐊᓐᑕ ᐛᒋ ᐱᒐᓄᐅᒡ ᐊᓐᑕ ᐅᑕᓇᐤ᙮ ᓇᒪ ᓂᑕ ᒋᑭ ᐅᒋ ᒋᐸᐃᑭᓄᐛ ᐛᔅ ᓇᒪ ᓂᑕ ᒋᑭ ᐅᒋ ᑎᐱᔅᑲᐤ ᐊᓐᑕ᙮

ᒋᔅᒐᔨᑕᑯᑕᒐᐅᓐ 21:25 Iomraidhean Croise

ᒋᔅᒐᔨᑕᑯᑕᒐᐅᓐ 21:12

ᓇᔅᒡ ᒋ ᐃᔅᐸᓇᐤ ᐊᓐ ᑲ ᐛᔅᑲᑲᐳᐅᒡ ᐛᔅᑲ ᐊᓐ ᐅᑕᓇᐤ᙮ ᒋ ᓂᓱᓴᐳᓇ ᒋᐱᔎᐛ ᐊᓐᑕ ᐛᒋ ᐱᒐᓄᐅᒡ ᑭᔭ ᒋ ᓂᓱᓴᐳᒡ ᐊᓐᒋᓐᒡ ᐊ ᑭᓄᔅᑯᐛᑐᐛᒡ᙮ ᒥᓯᐛ ᒪᒃ ᐊᓐᑕ ᐊᓂᔭᔪᐛ ᐊ ᓂᓱᓴᐳᐛᒋ ᒋᐱᔎᐛ, ᒋ ᒥᓯᓇᑕᔪᐛ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᑲ ᓂᓱᓴᑉ ᐱᑐᐤ ᐊ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮

ᒋᔅᒐᔨᑕᑯᑕᒐᐅᓐ 21:15

ᐊᑯ ᐊᓐ ᐊᓐᒋᓐ ᑲ ᐸᒋ ᐃᔨᒥᐃᑦ, ᒋ ᑕᐧᑯᓂᒻ ᑎᐸᔎᐃᑭᓇᑎᑯᔪᐤ ᐊ ᐎᔄᐅᓱᓇᔭᐱᔅᑯᔨᒡ᙮ ᒋᐸ ᑎᐸᐊᒻ ᐊᓂᔭ ᐅᑕᓇᔪᐤ ᑭᔭ ᐊᓂᔭᔪᐛ ᒋᐱᔎᐛ ᑭᔭ ᐊᓂᔭ ᑲ ᐛᔅᑲᑲᐳᐎᒡ ᐛᔅᑲ ᐊᓂᔭ ᐅᑕᓇᔪᐤ᙮

ᒋᔅᒐᔨᑕᑯᑕᒐᐅᓐ 21:23

ᓇᒪ ᓂᑐᐛᔨᑕᑯᓱᐤ ᐱᓯᒻ ᒪᒃ ᑎᐱᔅᑲᐤ ᐱᓯᒻ ᒐᒋ ᐅᒋ ᐛᔅᑐᐛᒡ ᐊᓐ ᐅᑕᓇᐤ᙮ ᐛᔅ ᐊ ᐃᔅᐱᔅ ᒋᐧᑲᔭᔅᑐᐛᔨᒡ ᐊᓐᑕ ᐊ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᑭᔭ ᐊᓐ ᒪᔭᑕᓂᔅ ᐊ ᑕᑦ, ᐊᑯᑕ ᐛᒋ ᒋᐧᑲᔭᔅᑕᒡ᙮

ᒋᔅᒐᔨᑕᑯᑕᒐᐅᓐ 22:5

ᓇᒪ ᓂᑕ ᒋᑭ ᐅᒋ ᑎᐱᔅᑲᐤ ᐊᓐᑕ᙮ ᓇᒪ ᑭᔭ ᒋᑭ ᐅᒋ ᓂᑐᐛᔨᒪᐅᒡ ᐛᔅᑕᓂᐱᒪᑭᓇ ᑭᔭ ᓇᒪ ᒋᑭ ᐅᒋ ᓂᑐᐛᔨᒪᐅᒡ ᐱᓯᒺ ᒐᒋ ᐛᔅᑕᓂᐱᒪᑯᒡ᙮ ᐛᔅ ᐊᓂᔭ ᐊ ᐃᔅᐱᔅ ᒋᐧᑲᔭᔅᑐᐛᔨᒋ ᒋᓴᒪᓂᑐᐛ, ᐊᐅᒄ ᐅᔭ ᒐ ᐅᐛᔅᑕᓂᐱᒪᑭᓂᒡ᙮ ᑲᒋᒡ ᒪᒃ ᒋᑭ ᒋᓴᐅᒋᒪᐅᒡ᙮