ᒋᔅᒐᔨᑕᑯᑕᒐᐅᓐ 21:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᒥᓐ ᐊᓂᔭ ᑲ ᐛᔅᑲᑲᐳᐎᒡ ᒥᓯᐛ ᐛᔅᑲ ᐊᓂᔭ ᐅᑕᓇᔪᐤ ᑲ ᑎᐸᐊᒃ᙮ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᓴᑉ ᒥᓯᑦ, ᐊᐅᑯᓐ ᑲ ᐃᓯ ᐃᔅᐸᓇᔨᒡ᙮ ᐊᓂᔭᔪᐛ ᒪᒃ ᑕᓐ ᐊ ᐃᓯ ᑎᐸᐊᒥᔨᒋ ᓇᐸᐛ ᒐᒂᔪᐤ, ᐊᐅᑯᓐ ᐊᓂᔭ ᑲ ᐃᓯ ᑎᐸᐊᒃ ᐊᓐ ᐊᓐᒋᓐ᙮

ᒋᔅᒐᔨᑕᑯᑕᒐᐅᓐ 21:17 Iomraidhean Croise

ᒋᔅᒐᔨᑕᑯᑕᒐᐅᓐ 13:18

ᐊᑯᑕ ᒪᒃ ᐅᑕ ᑭᒐᑕᐛᔨᑎᒧᐅᓐ ᓇᑐᐛᔨᑕᒂᒡ᙮ ᐊᓐ ᒪᒃ ᐊᐛᓐ ᑲᒐᔨᑕᐛᔨᑎᒧᒂ, ᒋᑭ ᒋ ᒋᔅᒐᔨᑎᒻ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐊᓂᔭ ᐊᒋᑕᓱᐅᓂᔪᐤ, ᐛᔅ ᐊᓐ ᐊᒋᑕᓱᐅᓐ ᓇᐸᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮ ᐊᓱᑕᑕᑐᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᐊᓱᑕᒡ ᒪᒃ ᐃᑎᓯᓇᑕᔪᐤ ᐅᑦ ᐃᓯᓂᐧᑲᓱᐅᓐ᙮

ᒋᔅᒐᔨᑕᑯᑕᒐᐅᓐ 14:3

ᓂᒋ ᐛᐱᒪᐅᒡ ᒪᒃ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ ᐊᐛᓐᒋ ᐊ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᔨᒋ ᒋᓴᐃᔪᐛ ᐊ ᐅᑎᔅᑯᑲᐳᔅᑐᐛᒡ ᑭᔭ ᐊᓂᔭ ᑲ ᓇᐎᔨᒋ ᑲ ᐱᒪᑎᓯᔨᒋ ᐊᐛᔪᐛ᙮ ᐊ ᐅᔅᑲᔨᒡ ᓂᑭᒧᐅᓂᔪᐤ ᒋ ᓂᑭᒧᐅᒡ᙮ ᓇᒪ ᒪᒃ ᑯᑎᑲ ᐊᐛᔪᐛ ᒋᑭ ᒋ ᒋᔅᒐᔨᑎᒥᔪᐛ ᐊᓂᔭ ᓂᑭᒧᐅᓂᔪᐤ ᑲ ᓂᑭᒧᐅᒡ, ᒥᒄ ᐎᔨᐛᐤ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ᙮ ᐛᔅ ᐊᐅᑯᓐᒡ ᐅᒡ ᑲ ᐱᒪᒋᐃᑯᒡ ᒋᓴᒪᓂᑐᐤ ᐊᔅᒋᒡ ᐅᒡ᙮

ᒋᔅᒐᔨᑕᑯᑕᒐᐅᓐ 21:16

ᓇᐎᒡ ᒪᒃ ᑕᐱᑐᐤ ᒋ ᐃᓯ ᑭᒋᒐᔭᐤ ᐊᓐ ᐅᑕᓇᐤ᙮ ᐸᐃᑯᓄᒡ ᒋ ᐃᔎᔭᐤ ᐊᔅᐱᔅ ᐃᔨᑭᔅᑲᒡ ᑭᔭ ᐊᔅᐱᔅ ᐃᔅᐸᓇᒡ᙮ ᐊᑯ ᐊᓐ ᐊᓐᒋᓐ ᑲ ᑎᐸᐊᒃ ᐊᓂᔭ ᐅᑕᓇᔪᐤ ᐊᓂᔭ ᐅᑎᐸᔎᐃᑭᓇᑎᒄ ᐊ ᐊᐱᒋᑕᑦ, ᐸᐃᒂᐤ ᒐᓯᐱᔪᐤ ᐊᓱ ᐱᑕᑕᑐᐤ ᒥᑕᓯᒥᑎᓄᐤ ᐊᔅᐱᓴᒡ ᒋ ᐃᔎᔪᐤ ᑭᔭ ᐊᐅᑯᓐ ᒧᔭᒻ ᑲ ᐃᔅᐱᔅ ᐊᔨᔅᑭᔅᑲᔨᒡ ᑭᔭ ᐊᐅᑯᓐ ᑲ ᐃᔅᐱᔅ ᐃᔅᐸᓇᔨᒡ᙮

ᒋᔅᒐᔨᑕᑯᑕᒐᐅᓐ 21:9

ᐊᑯ ᐸᐃᒄ ᐊᓐᒡ ᓂᔄᐅᑕᒡ ᑲ ᐃᑕᑎᓯᒡ ᐊᓐᒋᓐᒡ ᑲ ᑕᐧᑯᓇᐧᒃ ᐸᐃᒄ ᐊᓂᔭᔪᐛ ᑲ ᒧᑕᔭᔨᒋ ᐎᔭᑭᓇ ᐊᓐᑕ ᑲ ᓴᑭᔅᒋᓇᔨᒡ ᑕᓐ ᒐ ᐃᓯ ᓂᓇᐧᑲᑕᔨᒧᐊᑭᓄᐃᑯᐱᓇ ᐊᐛᔪᐛ ᒂ ᐸᒋ ᓇᓯᑦ᙮ ᐊᑯ ᒂ ᐃᓯᑦ, “ᐊᔅᑎᒻ ᒪ᙮ ᒋᑭ ᐛᐸᑎᔨᑎᓐ ᐊᓐ ᐅᔅᒋᓂᒋᔎᐤ, ᐊᓂᔭᔪᐛ ᒐ ᐎᒋᒪᑦ ᐊᓐ ᒪᔭᑕᓂᔅ᙮”

ᒋᔅᒐᔨᑕᑯᑕᒐᐅᓐ 7:4

ᐊᑯ ᒂ ᐸᑎᒪᓐ ᑕᓐ ᑲ ᐃᑕᑎᓯᒡ ᐊᓐᒡ ᑲ ᒋᔅᒋᓄᐛᒋᐊᑭᓄᐎᒡ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ᑕᑎᓱᐅᒡ᙮ ᒥᓯᐛ ᐊᓐᑕ ᐊ ᓂᓱᓴᑉ ᐱᑐᐤ ᑲ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᒋ ᐅᒋᐅᒡ ᐊᓐᒡ ᑲ ᒋᔅᒋᓄᐛᒋᐊᑭᓄᐎᒡ᙮