ᒋᔅᒐᔨᑕᑯᑕᒐᐅᓐ 21:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓇᔅᒡ ᒋ ᐃᔅᐸᓇᐤ ᐊᓐ ᑲ ᐛᔅᑲᑲᐳᐅᒡ ᐛᔅᑲ ᐊᓐ ᐅᑕᓇᐤ᙮ ᒋ ᓂᓱᓴᐳᓇ ᒋᐱᔎᐛ ᐊᓐᑕ ᐛᒋ ᐱᒐᓄᐅᒡ ᑭᔭ ᒋ ᓂᓱᓴᐳᒡ ᐊᓐᒋᓐᒡ ᐊ ᑭᓄᔅᑯᐛᑐᐛᒡ᙮ ᒥᓯᐛ ᒪᒃ ᐊᓐᑕ ᐊᓂᔭᔪᐛ ᐊ ᓂᓱᓴᐳᐛᒋ ᒋᐱᔎᐛ, ᒋ ᒥᓯᓇᑕᔪᐛ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᑲ ᓂᓱᓴᑉ ᐱᑐᐤ ᐊ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮

ᒋᔅᒐᔨᑕᑯᑕᒐᐅᓐ 21:12 Iomraidhean Croise

ᑎᐱᑦ ᐅᓂᑭᒧᐅᓇ 122:7

ᑭᒪ ᒋᔭᒪᔨᑎᒧᐅᓐ ᑎᒂᒡ ᐱᒡ ᒋ ᒪᓂᑭᓂᒡ, ᑭᔭ ᒥᔽᐱᒪᐅᓯᐅᓐ ᐱᒡ ᒋᒋᓴᐅᒋᒪᐅᒋᐛᐱᒡ᙮

ᑎᐱᑦ ᐅᓂᑭᒧᐅᓇ 51:18

ᐊ ᐃᓯ ᒥᔽᔨᑎᒥᓐ ᒥᔪᑐᑕ ᓴᐃᔭᓐ: ᐅᓯᑕᐤ ᒋᕈᓯᓕᒻ ᐅᒪᓂᑭᓇ᙮

ᐊᒃᓱᑕᔅ 28:21

ᒥᓯᐛ ᐊᓐᑕ ᐸᐸᐃᒄ ᐊᓂᓴᐳᒡ ᐊᓯᓂᔨᒡ ᒋᑭ ᐎ ᒥᓯᓇᑕᐃᑭᓄᔪᐛ ᒐᑭᑉ ᑲ ᓂᓴᐳᔨᒋ ᐅᑯᓴ ᐅᑦ ᐃᓯᓂᐧᑲᓱᐅᓂᔨᐛ ᒐ ᓂᑲᓂᔅᑯᐛᔨᒋ ᐃᔅᕋᐃᓪ ᐃᔪᐛ᙮

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᓗᒃ 15:10

ᐊᑯ ᒥᓐ ᒋᓴᔅ ᒂ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ᒥᔽᔨᑕᐧᒃ ᐊᓐ ᐃᔎᐤ ᐊᒋ ᒥᔅᑯᐛᑦ ᐊᓂᔭ ᑲ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ᒂᔅᑲᑎᓯᔨᒋ᙮”

ᓗᒃ 16:22

“ᐊᓐ ᑲ ᒋᔅᑎᒪᑎᓯᑦ ᓇᐸᐤ ᒐᒃ ᒋ ᓂᐳᐤ, ᒋ ᐸᒋ ᐅᑎᓂᑯᐤ ᐊᓐᒋᓇ, ᐊᓐᑕ ᒪᒃ ᐅᐱᒪ ᐊᑉᕋᐊᒪ ᐊ ᑕᔨᒋ ᐊᑯᑕ ᑲ ᐱᔅᑎᓂᑯᑦ᙮ ᒐᒃ ᑭᔭ ᐊᓐ ᑲ ᐛᔪᑎᓯᑦ ᓇᐸᐤ ᒂ ᓂᐱᑦ, ᒋ ᓇᐃᐧᑯᐛᑭᓄᐤ ᒪᒃ᙮

ᐊᑈᔅᑕᓇᒡ 26:7

ᒥᓯᐛ ᒪᒃ ᑭᔭ ᐎᔨᐛᐤ ᐊᓐᒡ ᒍᐤ ᐃᔪᒡ ᐊᓂᔭᔪᐛ ᑲ ᓂᓱᓴᐳᔨᒋ ᒐᑭᐸ ᐅᑯᓯᔪᐛ ᐊ ᑕᔨᒋ ᑲ ᐅᒋᒡ ᐊᐅᒄ ᐅᔭ ᐊ ᐊᓱᐛᐸᑕᒡ᙮ ᐊᐅᒄ ᐅᔭ ᐊ ᐃᓯ ᐱᑯᓴᔨᒧᒡ ᐊ ᐊᔭᒥᐊᒡ ᒋᓴᒪᓂᑐᐛ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮ ᒋᓴᐅᒋᒪᐤ ᐊᒃᕆᐸ, ᐊᐅᒄ ᒪᒃ ᐅᔭ ᐊ ᐃᓯ ᑕᑈᑎᒧᒡ ᐛᒋ ᐎ ᑎᐸᔅᑯᓂᒡ ᐅᒡ ᒍᐤ ᐃᔪᒡ᙮

ᐃᑉᕈᐛ 1:14

ᐊᓐᒋᓐᒡ ᒥᒄ ᐊᒐᐧᑯᐎᒡ᙮ ᒋᓴᒪᓂᑐᐛ ᐃᑎᓴᐅᑯᒡ ᒐᒋ ᐛᐎᒋᐊᒡ ᐊᓂᔭ ᒐ ᐱᒪᒋᐊᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 21:13

ᐊᓐᑕ ᒪᒃ ᓇᐎᒡ ᐊ ᐃᓯ ᐱᒥᑎᔅᑕᒡ ᐊᓐ ᐅᑕᓇᐤ, ᒋ ᓇᓂᔅᑎᓇ ᐊᓂᔭᔪᐛ ᒋᐱᔎᐛ᙮ ᐊᓐᑕ ᐃᔅ ᐛᐱᓄᑕᒡ ᒋ ᓂᔅᑎᓇ᙮ ᑭᔭ ᐊᓐᑕ ᒋᐛᑎᓄᒡ ᒋ ᓂᔅᑎᓇ᙮ ᒥᓐ ᐊᓐᑕ ᓴᐅᓄᑕᒡ ᑭᔭ ᐊᓐᑕ ᐊᑎᒪᐱᓯᒧᑕᒡ ᒋ ᓂᔅᑎᓇ᙮

ᒋᔅᒐᔨᑕᑯᑕᒐᐅᓐ 21:15

ᐊᑯ ᐊᓐ ᐊᓐᒋᓐ ᑲ ᐸᒋ ᐃᔨᒥᐃᑦ, ᒋ ᑕᐧᑯᓂᒻ ᑎᐸᔎᐃᑭᓇᑎᑯᔪᐤ ᐊ ᐎᔄᐅᓱᓇᔭᐱᔅᑯᔨᒡ᙮ ᒋᐸ ᑎᐸᐊᒻ ᐊᓂᔭ ᐅᑕᓇᔪᐤ ᑭᔭ ᐊᓂᔭᔪᐛ ᒋᐱᔎᐛ ᑭᔭ ᐊᓂᔭ ᑲ ᐛᔅᑲᑲᐳᐎᒡ ᐛᔅᑲ ᐊᓂᔭ ᐅᑕᓇᔪᐤ᙮

ᒋᔅᒐᔨᑕᑯᑕᒐᐅᓐ 21:25

ᒧᔅ ᒪᒃ ᒋᑭ ᔪᑕᑯᑕᐛ ᐊᓂᔭᔪᐛ ᒋᐱᔎᐛ ᐊᓐᑕ ᐛᒋ ᐱᒐᓄᐅᒡ ᐊᓐᑕ ᐅᑕᓇᐤ᙮ ᓇᒪ ᓂᑕ ᒋᑭ ᐅᒋ ᒋᐸᐃᑭᓄᐛ ᐛᔅ ᓇᒪ ᓂᑕ ᒋᑭ ᐅᒋ ᑎᐱᔅᑲᐤ ᐊᓐᑕ᙮

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮