ᒋᔅᒐᔨᑕᑯᑕᒐᐅᓐ 21:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊ ᐃᓯ ᒋᐧᑲᔭᔅᑐᐛᔨᒡ ᐊᓐᑕ ᐊ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᓇᔅᒡ ᑲ ᒥᔪᓯᓯᑦ ᐊᓯᓂᔾ ᐊ ᐃᑕᔅᑐᐛᑦ, ᐊᐅᑯᓐ ᑲ ᐃᑕᔅᑐᐛᒡ, ᒧᔭᒻ ᐊᓐ ᐊᓯᓂᔾ ᒐᔅᐸᕐ ᑲ ᐃᓯᓂᐧᑲᓱᑦ ᑲ ᐎᔄᐛᔅᑐᐛᑦ, ᐊᐅᑯᓐ ᑲ ᐃᑕᔅᑐᐛᒡ ᐊᓐ ᐅᑕᓇᐤ᙮ ᒋ ᓴᐳᓄᑯᓐ ᒪᒃ ᒧᔭᒻ ᐊᓐ ᓯᐳᐛᐱᔅᒄ ᐊᓯᓂᔾ ᑲ ᐃᓯᓇᑯᓯᑦ, ᐊᐅᑯᓐ ᑲ ᐃᓯᓇᒂᒡ᙮

ᒋᔅᒐᔨᑕᑯᑕᒐᐅᓐ 21:11 Iomraidhean Croise

ᒋᔅᒐᔨᑕᑯᑕᒐᐅᓐ 15:8

ᒋ ᒋᔌᐸᑕᐤ ᒪᒃ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᐛᒋᐱᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᑭᔭ ᐅᓱᐧᑲᑎᓯᐅᓐ᙮ ᓇᒪ ᒪᒃ ᐊᐛᓐ ᒋᑭ ᒋ ᐱᒐᐤ ᐊᓐᑕ ᐸᑐᔅ ᓇᔅᒡ ᒋᔅᐱᔨᒐ ᐊᓐ ᑕᓐ ᒐ ᐃᓯ ᓂᓇᐧᑲᑕᔨᒧᓇᓄᐅᒡ᙮ ᓇᒪ ᒪᒃ ᐊᐛᓐ ᐅᒋ ᐱᒐᐤ ᐊᓐᑕ ᐸᑐᔅ ᓇᔅᒡ ᑲ ᒋᔅᐱᔨᒡ ᐊᓂᔭ ᓂᔄᐅᑕ ᑕᑐᐎᒡ ᒋᐸ ᐃᓯ ᓂᓇᐧᑲᑕᔨᒧᐊᑭᓄᐅᒡ ᐊᐛᓐᒋ ᐊᓐᒡ ᓂᔄᐅᑕᒡ ᐊᓐᒋᓐᒡ ᑲ ᐃᓯ ᐸᒋ ᐱᔅᑎᓇᒡ ᒐᒋ ᐃᓯ ᓂᓇᐧᑲᑕᔨᒧᓇᓄᐎᒡ᙮

ᒋᔅᒐᔨᑕᑯᑕᒐᐅᓐ 22:1

ᐊᑯ ᐅ ᐊᓐᒋᓐ ᒂ ᐸᒋ ᐛᐸᑎᔨᑦ ᓯᐱᔪᐤ᙮ ᐊᓐ ᒪᒃ ᓂᐱᔾ ᐊᓐᑕ ᐊᓐ ᓯᐱᔾ, ᐊᑯᑕ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ᙮ ᓇᔅᒡ ᒋ ᐛᓴᔭᑭᒥᓱᐤ ᐊᓐ ᓂᐱᔾ ᒧᔭᒻ ᐊᓯᓂᔅ ᓯᐳᐛᔅᑕᔨᑕᑭᓇᐱᔅᒄ ᐊ ᐃᔅᐱᔅ ᓴᑈᐤ ᐛᔄᐛᐱᔅᒋᓯᑦ, ᐊᐅᑯᓐ ᑲ ᐃᑕᑭᒥᒡ ᐊᓐ ᓂᐱᔾ᙮ ᓯᐸ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓂᐛᒡ, ᐊᑯᑕ ᑲ ᐅᑕᒍᐅᒡ ᐅ ᓯᐱᔾ᙮

ᒋᔅᒐᔨᑕᑯᑕᒐᐅᓐ 22:5

ᓇᒪ ᓂᑕ ᒋᑭ ᐅᒋ ᑎᐱᔅᑲᐤ ᐊᓐᑕ᙮ ᓇᒪ ᑭᔭ ᒋᑭ ᐅᒋ ᓂᑐᐛᔨᒪᐅᒡ ᐛᔅᑕᓂᐱᒪᑭᓇ ᑭᔭ ᓇᒪ ᒋᑭ ᐅᒋ ᓂᑐᐛᔨᒪᐅᒡ ᐱᓯᒺ ᒐᒋ ᐛᔅᑕᓂᐱᒪᑯᒡ᙮ ᐛᔅ ᐊᓂᔭ ᐊ ᐃᔅᐱᔅ ᒋᐧᑲᔭᔅᑐᐛᔨᒋ ᒋᓴᒪᓂᑐᐛ, ᐊᐅᒄ ᐅᔭ ᒐ ᐅᐛᔅᑕᓂᐱᒪᑭᓂᒡ᙮ ᑲᒋᒡ ᒪᒃ ᒋᑭ ᒋᓴᐅᒋᒪᐅᒡ᙮

ᒋᔅᒐᔨᑕᑯᑕᒐᐅᓐ 4:3

ᐊᓐ ᒪᒃ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᓇᔅᒡ ᑕᑈ ᒋ ᒥᔽᓯᔪᐤ ᐊ ᐃᓯ ᒋᐧᑲᔭᔅᑐᐛᑦ, ᒧᔭᒻ ᐊᓯᓂᓯᒡ ᑲ ᒥᔅᑎ ᒥᔪᓯᒡ ᒐᔅᐸᕐ ᑭᔭ ᑲᕐᓂᓕᔭᓐ ᑲ ᐃᓯᓂᐧᑲᓱᒡ, ᐊᑯᓐ ᑲ ᐃᑕᔅᑐᐛᑦ ᐊᓐ ᐊᐛᓐ᙮ ᒥᓯᐛ ᐛᔅᑲ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᒋ ᐃᑕᐸᑲᒧᐤ ᐎᐧᑯᐱᓴᑭᓐ ᓇᔅᒡ ᐊ ᒥᔽᔅᑐᐛᒡ ᒧᔭᒻ ᐊᓯᓂᓴ ᐊᒥᕋᓪᑦ ᑲ ᐃᓯᓂᐧᑲᓱᑦ ᐊ ᐃᑕᔅᑐᐛᒡ᙮

ᒋᔅᒐᔨᑕᑯᑕᒐᐅᓐ 4:6

ᐅᑎᔅᑯᐤ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᒋ ᑎᑯᓐ ᓴᑲᐃᑭᓂᔅ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ᐃᓯᓇᒂᒡ, ᐊ ᓴᐳᓇᒂᒡ ᒧᔭᒻ ᒥᔅᑯᒥᔾ ᐊ ᓴᐳᓇᑯᓯᑦ᙮ ᒥᒋᒪ ᒪᒃ ᐛᔅᑲ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᓂᒋ ᐛᐱᒪᐅᒡ ᓇᐤ ᐊᐛᓐᒋ ᐊ ᐱᒪᑎᓯᒡ᙮ ᒥᓯᐛ ᐊ ᐃᔅᐱᑎᒡ ᐊ ᑎᑯᓂᔨᒋ ᐅᔅᒋᓯᑯᐛᐛ᙮