ᒋᔅᒐᔨᑕᑯᑕᒐᐅᓐ 20:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑯ ᒥᓐ ᑯᑎᒡ ᒐᒂᓐ ᒂ ᐛᐸᑎᔨᑯᔭᓐ᙮ ᒋᓴᐅᒋᒪᐤ ᑕᑎᐳᐛᑭᓇ ᓂᒋ ᐛᐸᑕᓐ᙮ ᒋ ᑕᐅᒡ ᒪᒃ ᐊᓐᒡ ᑲ ᐊᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᒥᔭᑭᓄᐎᒡ ᐅᒡ ᒐᒋ ᑎᐸᔅᑯᓂᒐᒡ᙮ ᐊᑯ ᒂ ᐛᐱᒥᒂᐤ ᐊᓐᒡ ᐊᒐᐧᑯᒡ ᑲ ᒋᒥᒂᐛᑭᓄᐛᑯᐱᓇ ᐊᓂᔭ ᐅᒋ ᐊᒋ ᑎᐸᒋᒪᒡ ᒋᓴᓴ ᑕᓐ ᑲ ᐃᑎᔨᒋ ᑭᔭ ᐊᒋ ᐛᐎᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐎᔨᐛᐤ ᐊᓂᔭᔪᐛ ᒥᒋ ᐊᐛᓯᓴ ᒪᒃ ᐊᓂᔭᔪᐛ ᒥᓂᑐᐧᑲᓇ ᒧᔭᒻ ᐊᓐ ᒥᒋ ᐊᐛᓯᔅ ᐊ ᐃᓯᓇᑯᓯᑦ ᑲ ᐃᓯᐊᑭᓄᔨᒋ᙮ ᓇᒪ ᑭᔭ ᐅᒋ ᐊᔭᐛᐅᒡ ᐊᓂᔭ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ ᒪᒃ ᐅᒥᔪᓄᐛᒡ᙮ ᑲᐤ ᒋ ᐱᒪᑎᓯᐅᒡ ᐅᒡ, ᐊᑯ ᑲ ᑕᑎᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᐎᒋ ᒋᓴᐅᒋᒪᐅᒪᐅᒡ ᒪᒃ ᒋᓴᓴ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 20:4 Iomraidhean Croise

ᒪᑎᔪᐤ 19:28

ᐊᑯ ᒋᓴᔅ ᒂ ᐃᑕᑦ, “ᒋᑭ ᒐᔅᑎᓇᐅᓇᐛᐤ, ᐃᔅᐱ ᐃᔪᐤ ᐅᑯᓯᓴᓐ ᐊᐱᒐ ᒋᓴᐅᒋᒪᐤ ᑕᑎᐳᐛᑭᓂᒡ ᒥᓐ ᐅᔅᑲᒐ ᐊᔅᒋᔾ, ᐊᑯ ᑭᔭ ᒋᔨᐛᐤ ᓂᒋᔅᒋᓄᐊᒧᐛᑭᓂᑎᒄ ᒐ ᐊᐱᔭᒄ ᓂᓱᓴᑉ ᐅᒋᒪᐤ ᑕᑎᐳᐛᑭᓇ, ᒐ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮

ᒪᑎᔪᐤ 24:10

ᒥᒐᑦ ᒪᒃ ᒋᑭ ᐳᓂᐅᒡ ᐊ ᑕᑈᔭᔨᒥᒡ ᑭᔭ ᒋᑭ ᒪᒥᓯᒥᑐᐅᒡ ᑭᔭ ᒋᑭ ᐛᐧᑲᑎᑐᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:16

ᐊᕈᑦ ᒪᒃ ᐱᔭᑕᐧᒃ ᐅᔭ ᐊ ᐃᓇᓄᐎᒡ ᒋ ᐃᔅᒋᔄᐤ, “ᒠᓐ ᐅᓯᑲᐃᑕᒐᐤ ᐅ᙮ ᐊᐅᒄ ᑲ ᒋᒥᔅᑎᒂᓇᐅᒃ, ᒥᓐ ᑲᐤ ᐱᒪᑎᓯᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:27

ᑎᐛᒡ ᒂ ᒋᑎᓴᐛᑦ ᐊᓯᒪᑭᓂᓴ ᐊᒋ ᐃᑎᓱᒪᑦ ᒐᒋ ᐸᑕᔨᒋ ᒠᓇ ᐅᔅᑎᒂᓂᔪᐤ᙮ ᐊᑯ ᐊᓐ ᐊᓯᒪᑭᓂᔅ ᒂ ᐃᑐᑕᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊᓐᑕ ᒠᓇ ᑲ ᑕᔨᒋ ᒂ ᒋᒥᔅᑎᒂᓇᔄᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:11

ᐊᑯ ᒂ ᐃᑕᒡ ᒋᓴᓴ, “ᒐᒂᔪᐤ ᐛᒋ ᐃᔅᒋᔄᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᔭᐃᑕᔾ ᓂᔅᑎᒻ ᐃᓚᐃᒐᔨᒋ ᒐ ᑎᑯᓯᓂᔨᒋ ?”

ᓗᒃ 1:17

ᒠᓐ ᒪᒃ ᒋᑭ ᓂᑲᓂᑎᓯᐛᑭᓄᐤ ᒐᒋ ᐎᒋᐊᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᒐᒋ ᐊᔭᔅᑯᐎᔨᒋ ᑎᑯᓯᓂᔨᒐ ᐅᑎᐸᔨᒋᒐᐛ᙮ ᒋᑭ ᐊᔭᐛᐤ ᐊᓂᔭ ᐊᒐᒂ ᑲ ᐱᒥᐱᔨᐃᑯᔨᒋ ᐊᓂᔭᐧᑲ ᐃᓚᐃᒐ ᑲ ᐃᓯᓂᐧᑲᓱᔨᒋ ᒋᓴᒪᓂᑐᐛ ᑲᒋ ᐊᔨᒥᔅᑎᒧᐛᔨᒋ ᑭᔭ ᐊᓂᔭ ᓱᐧᑲᑎᓯᐅᓂᔪᐤ ᑕᓐ ᑲ ᐃᓯ ᐊᔭᔨᒋ, ᐊᐅᑯᓐ ᑭᔭ ᐎᔾ ᒐ ᐃᓯ ᐊᔭᑦ᙮ ᒋᑭ ᐃᑐᑐᐛᐤ ᐅᑕᐎᒪᐛ ᑲ ᒥᒋᐱᔨᐃᑐᔨᒋ ᐅᑦ ᐊᐛᓯᒥᔪᐛ ᒥᓐ ᑲᐤ ᒐᒋ ᓴᒋᐃᑐᔨᒋ᙮ ᑭᔭ ᐊᓂᔭ ᐊᑲ ᑯᐃᔅᑯᑕᑎᓯᔨᒋ ᒋᑭ ᐃᑐᑐᐛᐤ ᒐᒋ ᐃᓯ ᑭᒐᑕᐛᔨᑎᒥᔨᒋ ᑕᐱᔅᑯᓐ ᐊᓂᔭ ᑲ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᒐ ᐊᐃᑎᑦ ᒠᓐ ᒐᒋ ᐊᔭᔅᑯᐎᐊᑦ ᐊᐛᔪᐛ ᒐᒋ ᓂᒋᐊᔨᒋ ᐅᑎᐸᔨᒋᒐᐛ᙮” ᐊᐅᒄ ᒪᒃ ᐅᔭᔪᐤ ᑲ ᐃᓯ ᐎᑎᒪᑯᑦ ᓴᑲᕋᔭ ᐊᓂᔭᔪᐛ ᐊᓐᒋᓇ᙮

ᓗᒃ 14:14

ᐊᑯ ᒪᒃ ᒐ ᓱᐛᔨᒥᑯᔨᓐ ᐅᒋ ᐊᒋ ᐎᓴᒪᑥᐤ, ᐛᔅ ᑕᐸ ᒋᑭ ᒋ ᒋᐛ ᐃᑐᑕᑯᒡ ᑕᓐ ᐊᓂᔭᔪᐤ ᑲ ᐃᓯ ᐃᑐᑐᐅᑥᐤ᙮ ᒋᓴᒪᓂᑐᐤ ᒋᑭ ᑎᐸᐊᒪᒄ ᐃᔅᐱ ᐅᓂᔅᑲᑥᐛ ᓂᐳᐅᓂᒡ ᐅᒡ ᐊᓐᒡ ᑲ ᒂᔅᑲᑎᓯᒡ᙮”

ᓗᒃ 22:30

ᒐᒋ ᐎᒋᒥᒋᓱᒥᔭᒄ ᑭᔭ ᒐᒋ ᐎᒋᒥᓂᒥᔭᒄ ᓂᒥᒋᓱᐛᑭᓇᑎᑯᒡ ᐊᓐᑕ ᓄᒋᒪᐅᓂᒡ᙮ ᒋᑭ ᐊᐱᓇᐛᐤ ᑭᔭ ᒋᔨᐛᐤ ᒋᓴᐅᒋᒪᐤ ᑕᑎᐳᐛᑭᓇ ᐊᓐᑕ ᒐ ᐅᒋ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮”

ᒠᓐ 14:19

ᓇᒪ ᓇᔅᒡ ᓇᐅᔅ ᓂᑭ ᐅᒋ ᐛᐱᒥᑯᒡ ᐃᔪᒡ ᐅᑕ ᐊᔅᒋᒡ, ᒥᒄ ᒋᔨᐛᐤ ᒋᑭ ᐛᐱᒥᓇᐛᐤ᙮ ᒋᑭ ᐱᒪᑎᓯᓇᐛᐤ ᑭᔭ ᒋᔨᐛᐤ, ᐛᔅ ᓂᔾ ᓂ ᐱᒪᑎᓯᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:15

ᒪᒂᒡ ᐊᑲ ᐱᔅᑲᑎᑯᒡ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᑯᑕ ᑲ ᐅᒋᐱᔨᒡ ᒥᓯᐛ ᐊᓐᒡ ᑯᑎᑭᒡ ᐃᔭᒡ ᑲ ᐃᑎᔅᑲᓇᓯᒡ ᒐᒋ ᐎᒐᐛᑭᓂᑐᐛᒡ ᒋᓴᒪᓂᑐᐛ᙮ ᐃᔅᐱ ᒪᒃ ᑲᐤ ᐅᑎᓂᑯᑥᐛ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ ᒋᑭ ᐃᓯᓇᑯᓱᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:17

ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮

2 ᑎᒧᑎ 2:12

ᒧᓯᓇᐤ ᒐ ᓯᐱᔪᐛᓯᔅᑎᒧᐛᐅᒂ ᓂᓇᐧᑲᑕᔨᒧᐅᓐ, ᒋᑭ ᐎᒋ ᑎᐸᔨᒋᒐᒪᓄᐤ᙮ ᑭᔭ ᐃᔅᒋᔄᔭᒂ ᐊᑲ ᒋᔅᒐᔨᒪᐧᒄ, ᑭᔭ ᐎᔾ ᒋᑭ ᐃᔅᒋᔄᐤ ᐊᑲ ᒋᔅᒐᔨᒥᑕᐧᒄ᙮

ᒋᔅᒐᔨᑕᑯᑕᒐᐅᓐ 1:2

ᒥᓯᐛ ᒪᒃ ᓂᒋ ᒥᓯᓇᐊᓐ ᑕᓐ ᑲ ᐃᓯ ᐛᐸᑎᔨᑯᔭᓐ᙮ ᐊᓐ ᒪᒃ ᑲ ᐃᓯ ᒥᓯᓇᐊᒪᓐ, ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓂᔭ᙮ ᒋᓴᔅ ᒋ ᓄᑯᑕᐤ ᑕᑈ ᐊ ᑕᑈᒥᑭᓂᔨᒡ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮

ᒋᔅᒐᔨᑕᑯᑕᒐᐅᓐ 11:11

ᒥᒄ ᒪᒃ ᐃᔅᐱ ᐎᒪᐱᔨᒂᐛ ᐊᓂᔭᔪᐛ ᓂᔅᑐ ᒋᓯᑲᐛ ᒪᒃ ᐳᔅᒄ, ᐊᑯ ᒋᓴᒪᓂᑐᐤ ᒐ ᒥᔭᑦ ᔭᔭᐅᓂᔪᐤ ᐊᓂᔭᔪᐛ ᐊ ᓂᓯᔨᒋ, ᐊᑯ ᒐ ᐅᒋ ᐱᓯᑯᔨᔨᒋ᙮ ᒥᓯᐛ ᒪᒃ ᐊᐛᓐᒋ ᒐ ᐛᐱᒪᒡ ᓇᔅᒡ ᒋᑭ ᓴᒋᓱᐅᒡ᙮

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 11:3

ᒪᒂᒡ ᒪᒃ ᐊᓂᔭᔪᐛ ᐊ ᒋᓯᑲᒋ, ᓂᑭ ᐃᑎᓴᐛᐅᒡ ᓂᓱ ᐊᐛᓐᒋ ᒐ ᐅᑦ ᐊᐱᒋᐊᑭᓂᔭᓐ ᒐᒋ ᒋᔅᒋᐛᐃᒐᒡ᙮ ᑲᐛᑭᓐ ᐱᒍᐎᔭᓂᓯᔪᐤ ᐊ ᒋᔅᑲᒡ᙮ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐊᐅᑯᓐ ᒐ ᐃᔅᐱᔅ ᐛᐎᑕᒡ ᑕᓐ ᒐ ᐃᔅᐱᔅ ᒥᔨᒂᐤ ᒐᒋ ᐃᓯ ᐊᔨᒧᑕᒡ᙮ ᐊᐅᑯᓐ ᐊ ᑕᑎᒋ ᐊ ᒋᓯᑲᔨᒋ ᓇᐎᔪᐤ ᐊᓱ ᓂᓱ ᐱᓯᒺ᙮

ᒋᔅᒐᔨᑕᑯᑕᒐᐅᓐ 11:7

ᐃᔅᐱ ᒪᒃ ᒋ ᐃᓯ ᐛᐎᑕᒂᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᑯ ᐊᓂᔭᔪᐛ ᒥᒋ ᐊᐛᓯᓴ ᐊᓐᑕ ᑲ ᒥᔅᑎ ᐱᑯᓇᔭᔨᒡ ᑲ ᐅᒋ ᒧᔅᒋᐱᔨᒋ ᒐ ᒪᓯᐧᑲᑯᒡ᙮ ᒋᑭ ᓴᐧᑯᒋᐃᑯᐅᒡ ᒪᒃ, ᐊᑯ ᒐ ᓂᐸᐃᑯᒡ᙮

ᒋᔅᒐᔨᑕᑯᑕᒐᐅᓐ 12:11

ᒥᒄ ᒪᒃ ᒋᓴᒪᓂᑐᐛ ᐅᑦ ᐃᔨᒥᔪᐛ ᒋ ᓴᐧᑯᒋᐃᑯᐤ ᐊᓂᔭ ᐅᒋ ᒪᔭᑕᓂᓴ ᐅᒥᐧᑯᔪᐤ, ᑭᔭ ᐊᓂᔭ ᐊ ᐛᐎᑎᒥᔨᒋ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮ ᓇᒪ ᐅᒋ ᓴᒋᑕᐅᒡ ᐅᐱᒪᑎᓯᐅᓄᐛᐛ ᒐᒋ ᓂᐸᐊᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 14:11

ᐊᓂᔭ ᒪᒃ ᐊ ᐊᒂᐸᑕᔨᒡ ᐊᓂᔭ ᐃᔅᑯᑕᔪᐤ, ᒋᑭ ᓂᓇᐧᑲᑕᔨᒧᐃᑯᐅᒡ ᑲᒋᒡ ᒋᑭ ᐅᒋ ᐅᐸᐸᑕᐱᔪᐤ᙮ ᓇᒪ ᒪᒃ ᓂᑕ ᒋᑭ ᐅᒋ ᑎᑯᓂᔪᐤ ᑕᓐᑕ ᒐ ᐃᔅᑕᐱᔨᒡ ᐊᓂᔭ ᐊ ᓂᓇᐧᑲᑕᔨᒧᒡ ᐅᒡ ᑲ ᐊᔭᒥᐊᔅᑐᐛᒡ ᐅᔭ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ᙮ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᒋᑭ ᓂᓇᐧᑲᑕᔨᒧᐅᒡ᙮”

ᒋᔅᒐᔨᑕᑯᑕᒐᐅᓐ 15:2

ᐊᑯ ᒂ ᐛᐸᑎᒪᓐ ᒐᒂᓐ ᒧᔭᒻ ᐎᓂᐸᒄ ᐊ ᓴᑈᔅᑕᓇᒂᒡ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ᐃᓯᓇᒂᒡ ᐊ ᒪᒧᐱᔨᒡ ᐃᔅᑯᑕᐤ ᐊ ᑎᒂᒡ ᐊᓐᑕ᙮ ᑭᔭ ᓂᒋ ᐛᐱᒪᐅᒡ ᐊᓐᒡ ᐊᐛᓐᒋ ᑲ ᓴᐧᑯᐊᒡ ᐊᓂᔭᔪᐛ ᒥᒋ ᐊᐛᓯᓴ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐅᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᓂᑐᐧᑲᓇ ᑭᔭ ᓇᒪ ᐅᒋ ᐅᑎᓂᒺᐛᑯᐱᓇ ᐊᓂᔭ ᐊᒋᑕᓱᐅᓂᔪᐤ ᐅᑦ ᐃᓯᓂᐧᑲᓱᐅᓂᔪᐤ ᐊ ᐃᑎᓯᓇᑕᔨᒡ᙮ ᒋ ᓂᐳᐅᒡ ᐊᓐᑕ ᓯᓱᒡ ᐊᓂᔭ ᓴᑲᐃᑭᓂᔪᐤ ᐊᔭᒥᐊᐤ ᒋᔍᐛᐱᒋᑭᓇ ᐊ ᑕᐧᑯᓇᒡ ᐊᓂᔭᔪᐛ ᒋᓴᒪᓂᑐᐛ ᑲ ᒥᔨᑯᒡ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”

ᒋᔅᒐᔨᑕᑯᑕᒐᐅᓐ 2:26

ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ ᑭᔭ ᒐ ᐊᑲ ᓂᑕ ᐳᓂᐛᒂ ᐊ ᐃᑐᑕᒡ ᓂᔾ ᐊ ᐃᓯ ᓂᑐᐛᔨᒥᒂᐤ ᒐᒋ ᐃᑎᒡ ᒐ ᐃᔅᐱᔅ ᐊᑲ ᑎᑯᓯᓄᒡ, ᓂᑭ ᒥᔭᐅᒡ ᒐᒋ ᐅᒋᒪᐅᑐᑐᐛᒡ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 20:6

ᓱᐛᔨᑕᑯᓱᐅᒡ ᑭᔭ ᐊᔪᐛᒡ ᐸᔭᒋᓯᐅᒡ ᐊᓐᒡ ᑲ ᐎᒋᐃᐛᒡ ᐊᓐᑕ ᓂᔅᑎᒻ ᑲ ᐅᓂᔅᑲᓇᑭᓄᔨᒋ ᑲ ᓂᐱᔨᒋ᙮ ᓇᒪ ᒥᒋ ᐃᔅᑯᑕᐤ ᓴᑲᐃᑭᓂᔪᐤ ᒋᑭ ᐅᒋ ᑎᐸᔨᒥᑯᐅᒡ ᐎᔨᐛᐤ᙮ ᒋᑭ ᐊᑐᔅᑯᐛᐅᒡ ᒋᓴᒪᓂᑐᐛ ᑭᔭ ᒋᓴᔅ ᙭ᑕ ᑭᔭ ᒋᑭ ᐎᒋ ᑎᐸᔨᒋᒐᒪᐅᒡ ᒋᓴᔅ ᙭ᑕ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 22:5

ᓇᒪ ᓂᑕ ᒋᑭ ᐅᒋ ᑎᐱᔅᑲᐤ ᐊᓐᑕ᙮ ᓇᒪ ᑭᔭ ᒋᑭ ᐅᒋ ᓂᑐᐛᔨᒪᐅᒡ ᐛᔅᑕᓂᐱᒪᑭᓇ ᑭᔭ ᓇᒪ ᒋᑭ ᐅᒋ ᓂᑐᐛᔨᒪᐅᒡ ᐱᓯᒺ ᒐᒋ ᐛᔅᑕᓂᐱᒪᑯᒡ᙮ ᐛᔅ ᐊᓂᔭ ᐊ ᐃᔅᐱᔅ ᒋᐧᑲᔭᔅᑐᐛᔨᒋ ᒋᓴᒪᓂᑐᐛ, ᐊᐅᒄ ᐅᔭ ᒐ ᐅᐛᔅᑕᓂᐱᒪᑭᓂᒡ᙮ ᑲᒋᒡ ᒪᒃ ᒋᑭ ᒋᓴᐅᒋᒪᐅᒡ᙮

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”

ᒋᔅᒐᔨᑕᑯᑕᒐᐅᓐ 4:4

ᐛᔅᑲ ᒪᒃ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᐊᑯᑕ ᑲ ᑎᒂᒋ ᓂᓱᔪᐤ ᐊᓱ ᓇᐤ ᒋᓴᐅᒋᒪᐤ ᑕᑎᐳᐛᑭᓇ᙮ ᓂᓱᔪᐤ ᐊᓱ ᓇᐤ ᐊ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐊᐳᐅᒡ ᐊᓐᑕ᙮ ᒋ ᐛᐸᔪᐛ ᐅᑦ ᐊᐱᒋᑕᐅᓄᐛᐛ ᑭᔭ ᒋ ᒋᔅᑭᒧᒡ ᐊ ᐎᔄᐅᓱᓇᔭᐱᔅᑯᔨᒋ ᒋᓴᐅᒋᒪᐅᑯᓂᔎᐅᓇ᙮

ᒋᔅᒐᔨᑕᑯᑕᒐᐅᓐ 6:9

ᐊᑯ ᐊᓐ ᒪᔭᑕᓂᔅ ᒂ ᓴᓇᐧᒃ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ᙮ ᐊᐅᒄ ᐊᑯ ᐱᑕᑕᒡ ᑲ ᓴᓇᐧᒃ᙮ ᐃᔅᐱ ᒪᒃ ᑲ ᓴᓇᐧᒃ ᐊᓂᔭ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊᑯ ᒂ ᐛᐱᒥᒋ ᐅᑦ ᐊᒐᐧᑯᐛᐛ ᐊᓐᒡ ᑲ ᓂᐸᐊᑭᓄᐎᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᒋ ᑕᑈᑎᒺᒡ ᑭᔭ ᐊᒋ ᐛᐎᑕᒡ ᑕᓐ ᐊ ᐃᓯ ᑕᑈᑕᒡ᙮ ᐊᓐᑕ ᐱᔅᑎᓂᒐᐤ ᒥᒋᓱᐛᑭᓇᑎᑯᒡ ᐊᓐᑕ ᑲᒋ ᒪᒥᒋᒪᑭᓄᔨᒋ ᒋᓴᒪᓂᑐᐛ, ᐊᓐᑕ ᒪᒃ ᓂᑕᒡ ᐊᑯᑕ ᒂ ᐛᐱᒥᒡ ᐅᑦ ᐊᒐᐧᑯᐛᐛ ᐅᒡ᙮

ᒋᔅᒐᔨᑕᑯᑕᒐᐅᓐ 7:3

“ᐊᑲᐎᔾ ᓂᓱᐅᓇᒋᑕᒄ ᐊᔅᒋᔾ ᑭᔭ ᒪᒃ ᐎᓂᐸᒄ ᑭᔭ ᒪᒃ ᒥᔅᑎᑯᒡ ᐸᑐᔅ ᒋ ᒋᔅᒋᓄᐛᒋᐃᒪᒐᓂ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᐅᔅᑲᑎᑯᐛᒡ᙮”