ᒋᔅᒐᔨᑕᑯᑕᒐᐅᓐ 20:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮ ᐅ ᒥᒋ ᐃᔅᑯᑕᐤ ᓴᑲᐃᑭᓐ, ᐊᐅᒄ ᐅ ᓂᓱ ᓂᐳᐅᓐ᙮

ᒋᔅᒐᔨᑕᑯᑕᒐᐅᓐ 20:14 Iomraidhean Croise

1 ᑯᕆᓐᑎᔭᓇ 15:26

ᐊᓐ ᒪᔅᑕᔾ ᒐᒂᓐ ᒐ ᓂᓱᐅᓇᒋᑕᑭᓄᐅᒡ ᐊᐅᒄ ᓂᐳᐅᓐ᙮

1 ᑯᕆᓐᑎᔭᓇ 15:53

ᐛᔅ ᒥᔪᐛ ᑲ ᔭᔪᓂᔨᒋ ᒋᑭ ᒂᔅᒋᓇᑯᑕᑭᓄᐛ ᒐ ᐊᑲ ᒋ ᔭᔪᓂᔨᒋ᙮ ᑭᔭ ᒋᑭ ᒂᔅᒋᓇᑯᑕᑭᓄᐛ ᐊᑲ ᓂᑕ ᒥᓐ ᒐ ᓂᐱᒥᑲᒋ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 14:10

ᒋᑭ ᒧᓯᑕᐛᐤ ᑕᓐ ᐊ ᐃᓯ ᒋᔄᐊᑦ ᒋᓴᒪᓂᑐᐛ᙮ ᐊᓂᔭ ᒪᒃ ᒐ ᐃᓯ ᒧᓯᑕᐛᑦ ᐊ ᒋᔄᐊᑦ ᒋᓴᒪᓂᑐᐛ, ᒧᔭᒻ ᐊᐛᓐ ᐊ ᒥᓂᐊᑭᓄᐅᑦ ᓱᒥᓇᐳᔪᐤ ᒋᑭ ᐃᑕᔨᑕᑯᓂᔪᐤ᙮ ᐅᔭ ᒪᒃ ᐅᒋᔄᓱᐅᓐ ᒋᓴᒪᓂᑐᐤ, ᓇᔅᒡ ᒋ ᐃᓯ ᑯᑎᐱᓂᒺᐤ ᐊᓐᑕ ᐊᓂᔭ ᒥᓂᒂᑭᓂᔪᐤ ᐊᓐᑕ ᐊ ᐃᓯᓇᑯᓂᔨᒡ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮ ᒥᓯᐛ ᒪᒃ ᐊᓐᒡ ᒐ ᐊᔭᒥᐊᔅᑐᐛᐛᒂ ᐊᓂᔭᔪᐛ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ ᑭᔭ ᒐ ᐱᔅᑎᓂᓱᐛᒂ ᒐᒋ ᒋᔅᒋᓄᐛᒋᐊᑭᓄᐎᒡ ᐅᔅᑲᑎᑯᐛᒡ ᒪᒃ ᐅᑎᒋᐛᒡ ᒋᑭ ᓂᓇᐧᑲᑕᔨᒧᐊᑭᓄᐎᒡ ᐃᔅᑯᑕᔪᐤ ᑭᔭ ᐃᓴᑯ ᐊᓯᓂᔭ ᑲ ᐎᓂᒪᓱᔨᒋ ᐊ ᐃᔎᓯᑭᓄᔨᒋ ᐊ ᐊᑐᔅᒐᔨᒋ ᐅᑎᔅᑯᐤ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ ᑲ ᐸᔭᒋᓯᔨᒋ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 2:11

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑯᒂᒋᐃᐛᐅᓂᔪᐤ, ᓇᒪ ᒋᑭ ᐅᒋ ᐊᐧᑯᐃᑯᒡ ᓂᓱ ᓂᐳᐅᓂᔪᐤ᙮”

ᒋᔅᒐᔨᑕᑯᑕᒐᐅᓐ 20:10

ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ᐎᔭᓯᒪᑦ ᐅᔭ ᐊᐛᔪᐛ, ᑲ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ᐛᐱᓇᑭᓄᐅᑦ ᐊᓐᑕ ᐊ ᐃᔎᑕᔨᒡ ᒐᒂᔪᐤ ᐊ ᐎᔄᐛᐸᑕᔨᒡ ᓇᔅᒡ ᐊ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ᐛᐱᓇᑭᓄᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᒋ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ᐎᓯᒐᔨᑎᒧᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮

ᒋᔅᒐᔨᑕᑯᑕᒐᐅᓐ 20:13

ᐎᓂᐸᒄ ᒋ ᐱᔅᑎᓇᐤ ᐊᐛᔪᐛ ᐊᓐᑕ ᑲ ᑕᔨᒋ᙮ ᒥᓯᐛ ᐊᓂᔭᔪᐛ ᐊᐛᔪᐛ ᓂᐱᒡ ᑲ ᓂᔅᑕᐸᐛᐃᑯᐱᓇᓂ ᒋ ᐱᔅᑎᓇᐤ ᒐ ᑎᐸᔅᑯᓇᑭᓄᔨᒋ᙮ ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒋ ᐱᔅᑎᓇᐅᒡ ᑲ ᓂᐱᔨᒋ᙮ ᒥᓯᐛ ᐊᓐᒡ ᑲ ᓂᐱᔨᒡ ᒋ ᐱᔅᑎᓇᑭᓄᐎᒡ ᒐ ᑎᐸᔅᑯᓇᑭᓄᐎᒡ᙮ ᒥᓯᐛ ᒪᒃ ᐸᐸᐃᒄ ᒋ ᑎᐸᔅᑯᓇᑭᓄᐎᒡ ᑕᓐ ᑲ ᐃᑐᐛᑯᐱᓇ᙮

ᒋᔅᒐᔨᑕᑯᑕᒐᐅᓐ 20:15

ᐊᓐ ᒪᒃ ᐊᐛᓐ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓐ ᐊᓐᑕ ᒥᓯᓇᐃᑭᓂᒡ ᐊᓐᑕ ᒪᓯᓇᓱᔨᒋ ᐊᓂᔭᔪᐛ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮

ᒋᔅᒐᔨᑕᑯᑕᒐᐅᓐ 20:6

ᓱᐛᔨᑕᑯᓱᐅᒡ ᑭᔭ ᐊᔪᐛᒡ ᐸᔭᒋᓯᐅᒡ ᐊᓐᒡ ᑲ ᐎᒋᐃᐛᒡ ᐊᓐᑕ ᓂᔅᑎᒻ ᑲ ᐅᓂᔅᑲᓇᑭᓄᔨᒋ ᑲ ᓂᐱᔨᒋ᙮ ᓇᒪ ᒥᒋ ᐃᔅᑯᑕᐤ ᓴᑲᐃᑭᓂᔪᐤ ᒋᑭ ᐅᒋ ᑎᐸᔨᒥᑯᐅᒡ ᐎᔨᐛᐤ᙮ ᒋᑭ ᐊᑐᔅᑯᐛᐅᒡ ᒋᓴᒪᓂᑐᐛ ᑭᔭ ᒋᓴᔅ ᙭ᑕ ᑭᔭ ᒋᑭ ᐎᒋ ᑎᐸᔨᒋᒐᒪᐅᒡ ᒋᓴᔅ ᙭ᑕ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 21:4

ᒋᑭ ᑲᓯᔭᐸᐛᐤ ᒪᒃ ᑕᑥᐤ ᐊ ᐅᒋᐧᑯᐛᐱᔨᒋ᙮ ᓇᒪ ᐊᑯ ᒋᑭ ᐅᒋ ᑎᑯᓂᔪᐤ ᓂᐳᐅᓂᔪᐤ ᒪᒃ ᒥᓯᒪᔨᑎᒧᐅᓂᔪᐤ᙮ ᓇᒪ ᑭᔭ ᐊᑯ ᒋᑭ ᐅᒋ ᑎᑯᓂᔪᐤ ᒪᐅᓂᔪᐤ ᒪᒃ ᐊ ᐎᓯᒐᔨᑕᑭᓄᐎᒡ᙮ ᐛᔅ ᒥᓯᐛ ᐊᓐ ᐛᔅᑭᒡ ᑲ ᐃᔅᐱᔨᒡ ᒐᒂᓐ ᓇᒪ ᓴᔅ ᑎᑯᓐ᙮”

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”

ᒋᔅᒐᔨᑕᑯᑕᒐᐅᓐ 6:8

ᒥᓐ ᒂ ᐛᐱᒥᒃ ᑲᐸᐃᑭᔎᐤ ᐊ ᐅᒋ ᐎᐎᑦ᙮ ᒋ ᐎᐛᐱᓯᐤ ᐊᓐ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᓂᐳᐅᓐ ᒋ ᐃᓯᓂᐧᑲᓱᐤ᙮ ᐅᑕᒡ ᒪᒃ ᐊᓐᑕ ᐊ ᑕᑦ ᐊᑯᑕ ᑲ ᑎᑯᓂᔨᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔪᐤ᙮ ᒋ ᒥᔭᑭᓄᐎᒡ ᒪᒃ ᐅᒡ ᑎᐸᔨᒋᒐᐅᓂᔪᐤ ᐸᐃᒄ ᐊᓯᑯᒻ ᓇᐤ ᐊ ᑕᒡ ᐊᐛᔪᐛ ᐅᑕ ᐊᔅᒋᒡ ᒐᒋ ᓂᐸᐊᒡ ᓂᑐᐱᔪᐅᓂᔪᐤ ᐅᒋ, ᑭᔭ ᑯᐅᐧᑭᑕᐅᓂᔪᐤ ᐅᒋ, ᑭᔭ ᓂᓇᐧᑯᐤ ᐊᐧᑯᓯᐅᓇ ᐅᒋ᙮ ᒋ ᒥᔭᑭᓄᐎᒡ ᑭᔭ ᑎᐸᔨᒋᒐᐅᓂᔪᐤ ᒐᒋ ᐃᑐᑐᐛᒡ ᑲ ᑯᔅᑕᑎᑯᓯᔨᒋ ᐊᐛᓯᓴ ᐊᓐᑕ ᐊᔅᒋᒡ ᐊ ᑕᔨᒋ ᒐᒋ ᓇᓂᐸᐊᔨᒋ ᐊᐛᔪᐛ᙮