ᒋᔅᒐᔨᑕᑯᑕᒐᐅᓐ 20:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐎᓂᐸᒄ ᒋ ᐱᔅᑎᓇᐤ ᐊᐛᔪᐛ ᐊᓐᑕ ᑲ ᑕᔨᒋ᙮ ᒥᓯᐛ ᐊᓂᔭᔪᐛ ᐊᐛᔪᐛ ᓂᐱᒡ ᑲ ᓂᔅᑕᐸᐛᐃᑯᐱᓇᓂ ᒋ ᐱᔅᑎᓇᐤ ᒐ ᑎᐸᔅᑯᓇᑭᓄᔨᒋ᙮ ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒋ ᐱᔅᑎᓇᐅᒡ ᑲ ᓂᐱᔨᒋ᙮ ᒥᓯᐛ ᐊᓐᒡ ᑲ ᓂᐱᔨᒡ ᒋ ᐱᔅᑎᓇᑭᓄᐎᒡ ᒐ ᑎᐸᔅᑯᓇᑭᓄᐎᒡ᙮ ᒥᓯᐛ ᒪᒃ ᐸᐸᐃᒄ ᒋ ᑎᐸᔅᑯᓇᑭᓄᐎᒡ ᑕᓐ ᑲ ᐃᑐᐛᑯᐱᓇ᙮

ᒋᔅᒐᔨᑕᑯᑕᒐᐅᓐ 20:13 Iomraidhean Croise

ᒪᑎᔪᐤ 11:23

ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᑲ ᑕᔭᒄ ᓇᔅᒡ ᑕᑈ ᒋᑦ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ᐅᑎᓂᑯᐅᔭᒄ᙮ ᓇᒪ ᒪᒃ, ᒥᒋ ᐃᔅᑯᑕᒡ ᒋᑭ ᐃᓯ ᓂᑎᒋᐛᐱᓂᑯᓇᐛᐤ᙮ ᒪᒥᔅᑲᒡ ᒐᒂᔪᐛ ᒋ ᐃᓯ ᐃᑐᑕᑭᓄᐛ ᐊᓐᑕ ᒋᑦ ᐃᑕᐅᓄᐛᒡ ᐃᔭᐱᒡ ᒪᒃ ᓇᒪ ᒋ ᐅᒋ ᒂᔅᑲᑎᓯᓇᐛᐤ ᑭᔭ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ᐃᑐᑎᒪᑯᐅᔭᒄ, ᒋ ᐃᑐᑕᑭᓄᐎᒂᓂ ᐊᓐᑕ ᓱᑕᒻ ᐅᑕᓇᒡ ᒋᐸ ᒂᔅᑲᑎᓱᐅᒡ ᐊᓐᒡ ᐊᓐᑕ ᑲ ᑕᒡ ᑭᔭ ᐊᓄᒡ ᐊᔅᒄ ᒋᐸ ᑎᑯᓐ ᐊᓐ ᐅᑕᓇᐤ᙮

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

1 ᑯᕆᓐᑎᔭᓇ 15:26

ᐊᓐ ᒪᔅᑕᔾ ᒐᒂᓐ ᒐ ᓂᓱᐅᓇᒋᑕᑭᓄᐅᒡ ᐊᐅᒄ ᓂᐳᐅᓐ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 2:23

ᓂᑭ ᓂᐸᐃᒪᐛ ᐊᓂᔭ ᑲ ᓇᓴᐅᑯᑦ᙮ ᐊᑯ ᒪᒃ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒐ ᒋᔅᒐᔨᒥᒡ ᓂᔾ ᐊ ᐊᐎᔭᓐ ᐊᓐ ᑲ ᒋᔅᒐᔨᒪᑦ ᐊᐛᔪᐛ ᑕᓐ ᐊᓐ ᐊ ᐃᑕᔨᑎᒥᔨᒋ ᑭᔭ ᑕᓐ ᐊᓐ ᐊ ᐃᓯ ᑕᐊᔨᒋ᙮ ᒥᓯᐛ ᐊ ᑎᓯᔭᒄ ᒋᑭ ᐛᐛᓯᐃᑎᓇᐛᐤ ᑕᓐ ᒥᒄ ᑲ ᐃᓯ ᒥᒋᑐᑎᒧᐛᒂ᙮

ᒋᔅᒐᔨᑕᑯᑕᒐᐅᓐ 20:12

ᓂᒋ ᐛᐱᒪᐅᒡ ᒪᒃ ᒥᓯᐛ ᐊᓐᒡ ᐊᐛᓐᒋ ᑲ ᓂᐳᐛᑯᐱᓇ᙮ ᒥᓯᐛ ᑲ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ ᓂᒋ ᐛᐱᒪᐅᒡ᙮ ᒋ ᐅᑎᔅᑯᑲᐳᔅᑎᒧᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ᙮ ᒋ ᑎᑯᓐ ᒪᒃ ᒥᓯᓇᐃᑭᓇ ᐊ ᓴᓂᑭᓄᐅᒋ᙮ ᒥᓐ ᒪᒃ ᑯᑎᒡ ᒥᓯᓇᐃᑭᓐ ᒋ ᓴᓂᑭᓄᐤ᙮ ᐅ ᒪᒃ ᒥᓯᓇᐃᑭᓐ ᐊᑯᑕ ᒪᓯᓇᓱᒡ ᐊᓐᒡ ᐊᐛᓐᒋ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ᙮ ᐊᓐᒡ ᒪᒃ ᑲ ᓂᐱᒡ ᒋ ᑎᐸᔅᑯᓇᑭᓄᐎᒡ ᒥᒄ ᑕᓐ ᑲ ᐃᑐᐛᑯᐱᓇ᙮ ᒥᓯᐛ ᑕᓐ ᑲ ᐃᑎᒡ ᒋ ᒥᓯᓇᑕᔪᐤ ᐊᓐᑕ ᐊᓂᔭᔪᐛ ᒥᓯᓇᐃᑭᓇ᙮

ᒋᔅᒐᔨᑕᑯᑕᒐᐅᓐ 20:14

ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮ ᐅ ᒥᒋ ᐃᔅᑯᑕᐤ ᓴᑲᐃᑭᓐ, ᐊᐅᒄ ᐅ ᓂᓱ ᓂᐳᐅᓐ᙮

ᒋᔅᒐᔨᑕᑯᑕᒐᐅᓐ 21:4

ᒋᑭ ᑲᓯᔭᐸᐛᐤ ᒪᒃ ᑕᑥᐤ ᐊ ᐅᒋᐧᑯᐛᐱᔨᒋ᙮ ᓇᒪ ᐊᑯ ᒋᑭ ᐅᒋ ᑎᑯᓂᔪᐤ ᓂᐳᐅᓂᔪᐤ ᒪᒃ ᒥᓯᒪᔨᑎᒧᐅᓂᔪᐤ᙮ ᓇᒪ ᑭᔭ ᐊᑯ ᒋᑭ ᐅᒋ ᑎᑯᓂᔪᐤ ᒪᐅᓂᔪᐤ ᒪᒃ ᐊ ᐎᓯᒐᔨᑕᑭᓄᐎᒡ᙮ ᐛᔅ ᒥᓯᐛ ᐊᓐ ᐛᔅᑭᒡ ᑲ ᐃᔅᐱᔨᒡ ᒐᒂᓐ ᓇᒪ ᓴᔅ ᑎᑯᓐ᙮”

ᒋᔅᒐᔨᑕᑯᑕᒐᐅᓐ 6:8

ᒥᓐ ᒂ ᐛᐱᒥᒃ ᑲᐸᐃᑭᔎᐤ ᐊ ᐅᒋ ᐎᐎᑦ᙮ ᒋ ᐎᐛᐱᓯᐤ ᐊᓐ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᓂᐳᐅᓐ ᒋ ᐃᓯᓂᐧᑲᓱᐤ᙮ ᐅᑕᒡ ᒪᒃ ᐊᓐᑕ ᐊ ᑕᑦ ᐊᑯᑕ ᑲ ᑎᑯᓂᔨᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔪᐤ᙮ ᒋ ᒥᔭᑭᓄᐎᒡ ᒪᒃ ᐅᒡ ᑎᐸᔨᒋᒐᐅᓂᔪᐤ ᐸᐃᒄ ᐊᓯᑯᒻ ᓇᐤ ᐊ ᑕᒡ ᐊᐛᔪᐛ ᐅᑕ ᐊᔅᒋᒡ ᒐᒋ ᓂᐸᐊᒡ ᓂᑐᐱᔪᐅᓂᔪᐤ ᐅᒋ, ᑭᔭ ᑯᐅᐧᑭᑕᐅᓂᔪᐤ ᐅᒋ, ᑭᔭ ᓂᓇᐧᑯᐤ ᐊᐧᑯᓯᐅᓇ ᐅᒋ᙮ ᒋ ᒥᔭᑭᓄᐎᒡ ᑭᔭ ᑎᐸᔨᒋᒐᐅᓂᔪᐤ ᒐᒋ ᐃᑐᑐᐛᒡ ᑲ ᑯᔅᑕᑎᑯᓯᔨᒋ ᐊᐛᓯᓴ ᐊᓐᑕ ᐊᔅᒋᒡ ᐊ ᑕᔨᒋ ᒐᒋ ᓇᓂᐸᐊᔨᒋ ᐊᐛᔪᐛ᙮