ᒋᔅᒐᔨᑕᑯᑕᒐᐅᓐ 20:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ᐎᔭᓯᒪᑦ ᐅᔭ ᐊᐛᔪᐛ, ᑲ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ᐛᐱᓇᑭᓄᐅᑦ ᐊᓐᑕ ᐊ ᐃᔎᑕᔨᒡ ᒐᒂᔪᐤ ᐊ ᐎᔄᐛᐸᑕᔨᒡ ᓇᔅᒡ ᐊ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ᐛᐱᓇᑭᓄᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᒋ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ᐎᓯᒐᔨᑎᒧᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮

ᒋᔅᒐᔨᑕᑯᑕᒐᐅᓐ 20:10 Iomraidhean Croise

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒪᑎᔪᐤ 7:15

“ᐃᔭᒂᒥᔅᑐᐛᐧᑯᒡ ᒥᒋ ᐅᒋᔅᒋᐛᐃᒐᓱᒡ᙮ ᒧᔭᒻ ᒪᔭᑕᓂᓯᒡ ᐃᓯᓇᑯᓱᐅᒡ ᐅᑕ ᐅᔅᒡ, ᒥᒄ ᒪᒃ ᐱᒡ ᐊᓐᑕ ᐅᐱᒪᑎᓯᐅᓄᐛᒡ ᒧᔭᒻ ᒥᐃᐧᑭᓂᒡ ᐃᑕᔨᑕᑯᓱᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:44

ᐛᔅ ᐊᑯᑕ ᐅᑕ ᒥᒋ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ᒧᐅᑯᒡ ᐊᓐᒡ ᐊᓐᑕ ᑲ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ᐃᔎᓱᑯᒡ᙮

ᒋᔅᒐᔨᑕᑯᑕᒐᐅᓐ 16:13

ᓂᒋ ᐛᐱᒪᐅᒡ ᒪᒃ ᓂᔅᑐ ᒥᒋ ᐊᒐᐧᑯᒡ ᓇᔅᒡ ᐊ ᐎᓇᔨᑕᑯᓯᒡ, ᒧᔭᒻ ᐃᔨᑭᒡ ᐊ ᐃᓯᓇᑯᓯᒡ᙮ ᐸᐃᒄ ᐊᓐ ᐊᓂᔭᔪᐛ ᒥᔅᑎ ᒥᓐᑐᓴ ᐅᑐᓂᔨᒡ ᒋ ᐅᒋ ᐎᐎᐱᔪᐤ, ᐊᑯ ᑯᑎᒃ ᐊᓂᔭᔪᐛ ᒥᒋ ᐊᐛᓯᓴ ᐅᑐᓂᔨᒡ, ᐊᑯ ᐊᓐ ᓂᔅᑐ ᐊ ᑕᑦ ᐊᓂᔭᔪᐛ ᒥᒋ ᐅᒋᔅᒋᐛᐃᒐᓱᐛ ᐅᑐᓂᔨᒡ ᐊᑯᑕ ᑲ ᐅᒋ ᐎᐎᐱᔨᑦ᙮

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 20:8

ᒋᑭ ᐎᔭᓯᒪᐤ ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᐅᑕ ᐊᔅᒋᒡ᙮ ᐊᐅᒄ ᐅᔭ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᑯᒃ ᑭᔭ ᒪᑯᒃ ᑲ ᐃᓯᓂᐧᑲᑕᑭᓄᔨᒋ᙮ ᒋᑭ ᒪᒧᓇᐤ ᒐᒋ ᒪᓯᒐᔨᒋ᙮ ᒥᔅᑎ ᒥᒐᑎᔪᐛ ᒪᓯᒐᓱᐛ᙮ ᒧᔭᒻ ᐃᔭᑲᐤ ᓯᓱᒡ ᐊᓐᑕ ᐎᓂᐸᑯᒡ ᐊ ᐃᔅᐱᔅ ᐛᔪᒋᒥᒐᓂᔨᒋ ᐊᑯᓐ ᐊ ᐃᔅᐱᔅ ᒥᒐᑎᔨᒋ᙮

ᒋᔅᒐᔨᑕᑯᑕᒐᐅᓐ 9:17

ᐊᓐ ᒪᒃ ᑲ ᐃᓯ ᐛᐸᑎᔨᑯᐅᔭᓐ, ᓂᒋ ᐛᐱᒪᐅᒡ ᑲᐸᐃᑭᔎᐅᒡ ᑭᔭ ᐊᓐᒡ ᑲ ᑕᑎᐱᒡ ᐊᓂᔭᔪᐛ ᑲᐸᐃᑭᔎᐛ᙮ ᒥᔅᑲᔅᒋᑭᓇᐱᔎ ᒋ ᒋᔅᑭᒧᒡ ᐊᓐᒡ ᑲ ᑕᑎᐱᒡ ᐊᓂᔭᔪᐛ ᑲᐸᐃᑭᔎᐛ, ᐊ ᒥᒂᔨᒋ ᑕᐱᔅᑯᓐ ᐃᔅᑯᑕᐤ ᑲ ᐃᔅᐱᔅ ᒥᒂᒡ ᑭᔭ ᐊ ᐱᒋᔅᑭᓇᔨᒋ ᑭᔭ ᐊ ᐎᔄᐛᔨᒋ᙮ ᐊᓐᒡ ᒪᒃ ᑲᐸᐃᑭᔎᐅᒡ ᐅᔅᑎᒂᓄᐛᐛ ᒧᔭᒻ ᒥᓯᐱᓱᐤ ᒥᔅᑎᒂᓇ ᒋ ᐃᓯᓇᑯᓂᔪᐛ᙮ ᐅᑐᓄᐛᒡ ᒋ ᐅᒋ ᓴᑲᐸᑕᐱᔪᐤ ᐊ ᐊᒂᐸᑕᔨᒡ ᑭᔭ ᐃᔅᑯᑕᔪᐤ ᒋ ᐅᒋ ᓄᑯᓂᔪᐤ ᑭᔭ ᐊ ᐎᔄᐛᐸᑕᔨᒡ ᒐᒂᔪᐤ᙮