ᒋᔅᒐᔨᑕᑯᑕᒐᐅᓐ 20:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑯ ᒂ ᐛᐱᒥᒃ ᐊᓐᒋᓐ ᒋᒋᒋᓯᑯᒡ ᐊ ᐅᒋ ᐸᒋ ᔭᓯᑦ᙮ ᐅ ᒪᒃ ᐊᓐᒋᓐ ᒋ ᑕᐧᑯᓂᒻ ᐊᐸᐃᑭᓂᔪᐤ ᒐᒋ ᓴᓇᐧᒃ ᐊᓂᔭ ᑕᒥᒡ ᐊᔅᒋᒡ ᑲ ᐃᓯ ᒥᔅᑎ ᐱᑯᓇᔭᔨᒡ᙮ ᐃᓴᒂᔭᐱᔪᐤ ᑭᔭ ᒋ ᑕᐧᑯᓂᒻ᙮

ᒋᔅᒐᔨᑕᑯᑕᒐᐅᓐ 20:1 Iomraidhean Croise

ᓗᒃ 8:31

ᐊᑯ ᒪᒃ ᒂ ᑯᒂᒋᒪᒡ ᒋᓴᓴ ᒐ ᐊᑲ ᒋ ᐃᑎᓴᐅᑯᒡ ᐊᓐᑕ ᒥᒋ ᐃᔅᑯᑕᒡ᙮

2 ᐱᑕᕐ 2:4

ᑕᐸ ᐃᔭᐱᒡ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭ ᐊᓐᒋᓇ ᑲ ᐅᓂᑐᑎᒥᔨᒋ, ᐃᔭᐱᒡ ᒥᒋ ᐃᔅᑯᑕᒡ ᒋ ᐃᑎᓴᐛᐤ᙮ ᐊᑯᑕ ᒪᒃ ᐊᓐᑕ ᒪᒂᒡ ᐊ ᑕᔨᒋ᙮ ᒪᒋᒂᐱᔅᑲᐛᑭᓄᐅᔪᐛ ᐊᓐᑕ ᐊ ᐅᑲᔅᑕᔭᔨᒡ᙮ ᐊᑯᑕ ᒪᒃ ᐊᓐᑕ ᒐ ᑕᔨᒋ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᑎᐸᔅᑯᓇᑭᓄᔨᒋ᙮

ᒍᑦ 1:6

ᒋᔅᒋᓯᑐᑐᐛᐧᑯᒡ ᑭᔭ ᐊᓐᒡ ᐊᓐᒋᓐᒡ ᐊᑲ ᐅᒋ ᓂᓇᑭᑐᐛᔨᑕᒡ ᑕᓐ ᑲ ᐃᔅᐱᔅ ᒥᔭᑭᓄᐎᒡ ᑎᐸᔨᒋᒐᐅᓂᔪᐤ ᑭᔭ ᑲ ᓂᑭᑕᒡ ᐊᓐᑕ ᑲ ᐱᔅᑎᓇᑭᓄᐎᒡ ᒐᒋ ᑕᒡ᙮ ᒪᒂᒡ ᑲᒋᒡ ᐃᓴᒂᔭᐱᔭ ᒪᒋᒂᐱᐧᑲᓱᒡ ᐊᓐᑕ ᑕᒥᒡ ᓇᔅᒡ ᐊ ᐅᑲᔅᑕᔭᔨᒡ᙮ ᐊᑯᑕ ᒐᐸᐅᑯᒡ ᒋᓴᒪᓂᑐᐤ ᐸᑐᔅ ᐅᑎᒋᐱᔨᒐ ᐊᓂᔭ ᓇᔅᒡ ᒐᔅᑕᔨᑕᑯᓂᔨᒡ ᐊ ᒋᓯᑲᔨᒡ ᒐ ᑎᐸᔅᑯᓇᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 10:1

ᒥᓐ ᒂ ᐃᓯ ᐛᐸᑎᔨᑯᔭᓐ, ᒥᓐ ᑯᑎᒃ ᐊ ᓱᒐᔨᑕᑯᓯᑦ ᐊᓐᒋᓐ ᓂᒋ ᐛᐱᒪᐤ ᒋᒋᒋᓯᑯᒡ ᐊ ᐅᑐᑕᑦ, ᑭᔅᑯᐅᓂᔎ ᐊ ᐅᑦ ᐊᑯᐱᑦ᙮ ᐎᐧᑯᐱᓴᑭᓂᔪᐤ ᒋ ᐛᔅᑲᑯᑕᔪᐤ ᐊᓐᑕ ᐅᔅᑎᒂᓂᒡ᙮ ᐅᑕᔅᑎᒥᐧᒄ ᒧᔭᒻ ᐱᓯᒻ ᐊ ᐃᓯ ᒋᐧᑲᔭᔅᑐᐛᑦ ᒋ ᐃᓯᓇᑯᓂᔪᐤ᙮ ᐊᑯ ᐅᔅᑲᑕ ᒧᔭᒻ ᓯᑥᔎᐃᑭᓇ ᐊ ᐃᔅᑯᑕᐅᔨᒋ ᒋ ᐃᓯᓇᑯᓂᔪᐛ᙮

ᒋᔅᒐᔨᑕᑯᑕᒐᐅᓐ 18:1

ᐃᔅᐱ ᑲᒋ ᐃᓯ ᐛᐸᑎᔨᑯᔭᓐ ᐅ ᒪᔅᑕᔾ ᑲ ᐃᓯ ᐛᐸᑎᔨᑯᔭᓐ, ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ ᒋᒋᒋᓯᑯᒡ ᐊ ᐅᒋ ᔭᓯᑦ᙮ ᓇᔅᒡ ᒥᔅᑎ ᒋ ᒥᔭᑭᓄᑯᐱᓇ ᑎᐸᔨᒐᐅᓂᔪᐤ ᐅ ᐊᓐᒋᓐ᙮ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᒋ ᐛᔅᑐᐛᔪᐤ ᑲ ᐃᔅᐱᔅ ᒋᐧᑲᔭᔅᑐᐛᑦ᙮

ᒋᔅᒐᔨᑕᑯᑕᒐᐅᓐ 20:3

ᐃᔅᐱ ᒪᒃ ᑲ ᒪᑯᐱᑕᑦ ᐊᓂᔭᔪᐛ ᒥᔅᑎ ᒥᓐᑐᓴ, ᐊᑯ ᒂ ᐳᒐᐛᐱᓇᑦ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ᙮ ᒂ ᐊᑎ ᐊᑎᓴᑲᐛᑦ ᐊᓐᑕ ᑭᔭ ᒋ ᒋᔅᒋᓄᐛᒋᑕᐤ ᐊᓐᑕ ᐊ ᑕᔨᒋ ᒐ ᐊᑲ ᒋ ᐊᐸᐛᑭᓄᔨᒋ ᐸᑐᔅ ᒋ ᒥᔭᐅᐱᔨᒂᐛ ᐊᓂᔭᔪᐛ ᐸᐃᒂᐤ ᒐᓯᐱᔪᐛ ᐱᐳᓇ᙮ ᐊᐅᒄ ᐅᔭ ᑲ ᐃᑐᑐᐛᑦ ᐊᑲ ᒥᓐ ᒐᒋ ᐎᔭᓯᒪᔨᒋ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ᙮ ᐃᔅᐱ ᒪᒃ ᐸᐃᒂᐤ ᒐᓯᐱᔪᐛ ᐱᐳᓇ ᐅᑎᒋᐱᔨᒐ, ᐊᑯ ᐛᐃᐱᔅᒋᔅ ᒐ ᐊᐱᐧᑯᓇᑭᓄᐅᑦ᙮