ᒋᔅᒐᔨᑕᑯᑕᒐᐅᓐ 2:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᒋᔅᒋᓯᒄ ᒪ ᑕᓐ ᑲ ᐃᔅᐱᔅ ᓴᒋᐃᔭᒄ ᐅᔅᑭᒡ᙮ ᐊᐅᑯᓐ ᐊ ᒪᒃ ᐊ ᐃᔅᐱᔅ ᓴᒋᐃᔭᒄ ᐊᓄᒡ᙮ ᒂᔅᑲᑎᓯᒄ ᑭᔭ ᑲᐤ ᐃᑎᒄ ᑕᓐ ᑲᒋ ᐃᑎᔭᒄ ᐊᔅᒄ ᓇᔅᒡ ᐊᒋ ᓴᒋᐃᔭᒄ᙮ ᐛᔅ ᐊᑲ ᒂᔅᑲᑎᓯᔭᒂ, ᓂᑭ ᑎᑯᓯᓐ ᒐ ᐅᑎᓂᒪᓐ ᐊᓐ ᒋᐛᔅᑕᓂᐱᒪᑭᓇᑎᑯᐛᐤ᙮

ᒋᔅᒐᔨᑕᑯᑕᒐᐅᓐ 2:5 Iomraidhean Croise

ᒪᑎᔪᐤ 5:14

“ᒋᔨᐛᐤ ᐊᐅᒄ ᐛᔅᑕᐅᓐ ᐅᑕ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ᙮ ᐅᑕᓇᐤ ᐊ ᐎᔨᑲᐳᐅᑕᑭᓄᐅᒡ ᐊᓐᑕ ᐊ ᐱᔅᑯᑎᓇᐅᒡ, ᓇᒪ ᒋ ᑲᑕᑭᓄᐤ᙮

ᒪᑎᔪᐤ 5:15

ᓇᒪ ᐊᐛᓐ ᐊᑯᓇᐊᒻ ᐛᔅᑕᓂᐱᒪᑭᓂᔪᐤ ᐊᒋ ᓯᔅᑲᐊᒃ᙮ ᓇᐸᒥᔅᑕᐤ ᐊᓂᔭ ᐛᔅᑕᓂᐱᒪᑭᓂᔪᐤ ᐊᑯ ᒪᒃ ᒥᓯᐛ ᐊᐛᓐ ᐎᔭᔅᑕᓂᒪᑯᑦ ᐊᓐᑕ ᒥᒋᐛᐱᒡ ᐊ ᑕᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:9

“ᑕᓐ ᒪᒃ ᒐ ᐃᑎᑦ ᐊᓐ ᑲ ᑎᐱᔨᐛᐅᓯᑦ ᐅᔭ ᓂᑕᐅᒋᑕᑭᓐ ᐊᔅᒋᔪᐤ ? ᒋᑭ ᓂᑐᐛᐱᒪᐤ ᐊᓂᔭᔪᐛ ᑲ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒐ ᓂᐸᐊᑦ᙮ ᑯᑎᑲ ᐊᐛᔪᐛ ᒐ ᒥᔭᑦ ᐅᔭ ᐅᑦ ᐊᔅᒋᔾ ᒐ ᓂᓇᑭᑐᐛᐸᑎᒥᔨᒋ᙮

ᓗᒃ 1:17

ᒠᓐ ᒪᒃ ᒋᑭ ᓂᑲᓂᑎᓯᐛᑭᓄᐤ ᒐᒋ ᐎᒋᐊᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᒐᒋ ᐊᔭᔅᑯᐎᔨᒋ ᑎᑯᓯᓂᔨᒐ ᐅᑎᐸᔨᒋᒐᐛ᙮ ᒋᑭ ᐊᔭᐛᐤ ᐊᓂᔭ ᐊᒐᒂ ᑲ ᐱᒥᐱᔨᐃᑯᔨᒋ ᐊᓂᔭᐧᑲ ᐃᓚᐃᒐ ᑲ ᐃᓯᓂᐧᑲᓱᔨᒋ ᒋᓴᒪᓂᑐᐛ ᑲᒋ ᐊᔨᒥᔅᑎᒧᐛᔨᒋ ᑭᔭ ᐊᓂᔭ ᓱᐧᑲᑎᓯᐅᓂᔪᐤ ᑕᓐ ᑲ ᐃᓯ ᐊᔭᔨᒋ, ᐊᐅᑯᓐ ᑭᔭ ᐎᔾ ᒐ ᐃᓯ ᐊᔭᑦ᙮ ᒋᑭ ᐃᑐᑐᐛᐤ ᐅᑕᐎᒪᐛ ᑲ ᒥᒋᐱᔨᐃᑐᔨᒋ ᐅᑦ ᐊᐛᓯᒥᔪᐛ ᒥᓐ ᑲᐤ ᒐᒋ ᓴᒋᐃᑐᔨᒋ᙮ ᑭᔭ ᐊᓂᔭ ᐊᑲ ᑯᐃᔅᑯᑕᑎᓯᔨᒋ ᒋᑭ ᐃᑐᑐᐛᐤ ᒐᒋ ᐃᓯ ᑭᒐᑕᐛᔨᑎᒥᔨᒋ ᑕᐱᔅᑯᓐ ᐊᓂᔭ ᑲ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᒐ ᐊᐃᑎᑦ ᒠᓐ ᒐᒋ ᐊᔭᔅᑯᐎᐊᑦ ᐊᐛᔪᐛ ᒐᒋ ᓂᒋᐊᔨᒋ ᐅᑎᐸᔨᒋᒐᐛ᙮” ᐊᐅᒄ ᒪᒃ ᐅᔭᔪᐤ ᑲ ᐃᓯ ᐎᑎᒪᑯᑦ ᓴᑲᕋᔭ ᐊᓂᔭᔪᐛ ᐊᓐᒋᓇ᙮

ᓗᒃ 20:16

ᑭᑈ ᒐ ᒋᐛᑦ ᐊᓐ ᐅᒋᒪᐤ ᒐ ᓂᐸᐊᑦ ᐊᓂᔭᔪᐛ ᓇᐸᐛ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᓂᑕᐅᒋᑕᑭᓇ᙮” ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑕᒡ ᐅᔭ, ᒋ ᐃᑕᐅᒡ, “ᑭᒪ ᐊᑲ ᓂᑕ ᒋᑦ ᐃᔅᐱᔨᒡ ᐅ᙮”

ᑲᓚᓯᔭᓇ 5:4

ᒋᔨᐛᐤ ᑲ ᐃᑕᔨᑎᒪᒄ ᑯᐃᔅᑯᑕᑎᓯᐅᓂᒡ ᒐ ᐃᓯ ᑭᓄᐛᐱᒥᑕᒄ ᒋᓴᒪᓂᑐᐤ ᐊ ᓂᓇᐃᑎᒪᒄ ᒍᐤ ᐊᔭᒥᐊᐅ ᐎᓱᐛᐅᓇ ᓇᒪᐎᔾ ᒋᓴᔅ ᙭ ᒋ ᐎᒐᐛᐛᐤ᙮ ᓇᒪ ᒋ ᐎ ᐅᑎᓂᒺᓇᐛᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐱᓕᐱᔭᓇ 2:15

ᐛᔅ ᐊᐅᒄ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ ᐅᑕ ᐊᔅᒋᒡ ᒪᒂᒡ ᑲ ᒥᒐᑎᓯᒡ ᐊ ᑕᒡ ᐊ ᑕᔭᒄ᙮ ᐊᑯ ᒪᒃ ᓇᒪ ᒋᑭ ᐅᒋ ᑎᑯᓂᔪᐤ ᑕᓐ ᒐᒋ ᐃᓯ ᐊᑕᒪᔨᒥᑕᒄ ᐊᐛᓐ ᑭᔭ ᓇᔅᒡ ᒋᑭ ᐸᔭᒋᓇᑯᓇ ᒋᐱᒪᑎᓯᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᐊ ᒋᐧᑲᔭᔅᑐᐛᒡ ᐊ ᑎᐱᔅᑲᔨᒡ ᐊᐅᑯᓐ ᒋᐸ ᐃᓯ ᐛᓯᓱᐛᓇᐛᐤ ᐅᑕ ᐊᔅᒋᒡ᙮

ᐃᑉᕈᐛ 10:32

ᓱᒃ ᒪᒃ ᒪᒥᑐᓇᔨᑎᒥᐃᑯᒄ ᓂᔅᑎᒻ ᑕᓐ ᑲ ᐃᓯ ᐸᑎᒪᒄ ᐊ ᐊᔨᒧᒪᑭᓄᐅᑦ ᙭᙮ ᒪᒥᑐᓇᔨᑎᒧᒄ ᑕᓐ ᑲ ᐃᓯ ᓱᒋᑲᐳᐅᔭᒄ ᑲ ᓂᓇᐧᑲᒋᐃᑯᐅᔭᒄ ᐃᔅᐱ ᑲ ᐱᒪᒋᐅᔭᒄ᙮ ᓇᔅᒡ ᑕᑈ ᒋ ᔭᐃᑎᓐ ᒋᑕᑈᑎᒧᐅᓄᐛᐤ᙮

2 ᐱᑕᕐ 3:17

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓴᔅ ᒋ ᒋᔅᒐᔨᑕᓇᐛᐤ ᒥᓯᐛ ᐅ᙮ ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑐᑕᔨᑕᑯᒡ ᐊᓐᒡ ᐊᑲ ᐊᔭᐱᑕᔨᑕᒡ ᑕᓐ ᐊ ᐃᓯ ᐎᓱᐛᓄᐎᒡ᙮ ᐛᔅ ᒧᔭᒻ ᐅ ᐃᔅᐱᔨᒐ ᒋᑭ ᐅᓂᑐᑕᔨᑕᑯᓇᐛᐤ ᐊᓐᑕ ᐊᓐ ᐊ ᑕᔭᒄ ᒪᒂᒡ, ᐊᓐ ᐊᒋ ᒐᔅᑎᓇᑕᔨᑕᑯᑕᑭᓄᐅᒡ ᐊᓐᑕ ᓇᐳᐅᔭᒄ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,

ᒋᔅᒐᔨᑕᑯᑕᒐᐅᓐ 1:20

ᐊᓐᒡ ᒪᒃ ᓂᔄᐅᑕᒡ ᐅᒐᑭᑕᐧᑯᒡ ᑲ ᐛᐱᒥᑥᐤ ᓂᒥᔪᐅᓂᒡ ᐊ ᑕᐧᑯᓂᒂᐤ ᑭᔭ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ, ᐊᐅᒄ ᐅ ᐊ ᐃᓯ ᐎᑎᒪᒐᒥᑲᒋ᙮ ᐊᓐᒡ ᓂᔄᐅᑕᒡ ᐅᒐᑭᑕᐧᑯᒡ, ᐊᐅᒄ ᐊᓐᒡ ᐊᓐᒋᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐱᒡ ᐊ ᑕᒡ᙮ ᐊᑯ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ ᐊᐅᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᑲ ᐊᔨᒧᑕᒋ᙮”

ᒋᔅᒐᔨᑕᑯᑕᒐᐅᓐ 16:9

ᒋ ᐃᔎᓱᐅᒡ ᒪᒃ ᐊᐛᓐᒋ ᐊ ᐃᔅᐱᔅ ᐎᓯᑲᔅᑐᐛᔨᒋ ᐱᓯᒺ᙮ ᐊᑯ ᒂ ᐸᔅᑕᒪᒡ ᒋᓴᒪᓂᑐᐛ ᐊᓂᔭᔪᐛ ᑲ ᐊᔭᔨᒋ ᑎᐸᔨᒋᒐᐅᓂᔪᐤ ᐅᔭ ᒐᒋ ᐃᓯ ᓂᓇᐧᑲᑕᔨᒧᓇᓄᐎᒡ᙮ ᒥᒄ ᒪᒃ ᓇᒪ ᐊᐛᓐ ᐅᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᓇᒪ ᐅᒋ ᒂᔅᑲᑎᓯᐤ᙮

ᒋᔅᒐᔨᑕᑯᑕᒐᐅᓐ 2:16

ᐳᓂᒄ ᐊ ᒥᒋᑐᑎᒪᒄ, ᒂᔅᑲᑎᓯᒄ᙮ ᐊᑲ ᐅ ᒐ ᐅᒋ ᐃᑐᐛᒂ, ᐎᐱᒡ ᓂᑭ ᑎᑯᓯᓐ ᐊᓐᑕ ᐊ ᑕᔭᒄ᙮ ᐊᑯ ᒐ ᒪᓯᐧᑲᒂᐤ ᐊᓐᒡ ᐊᑲ ᐎ ᓂᑭᑕᒡ ᐅᒥᒋᑥᐅᓄᐛᐛ ᓂᓂᑐᐱᔪᐅ-ᒧᐧᑯᒪᓐ ᐊ ᐊᐱᒋᑕᔭᓐ ᓂᑐᓂᒡ ᑲ ᐅᒋᐱᔨᒡ᙮”

ᒋᔅᒐᔨᑕᑯᑕᒐᐅᓐ 2:19

ᓂ ᒋᔅᒐᔨᑕᓐ ᒥᓯᐛ ᑕᓐ ᐊ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᑕᓐ ᐊᔅᐱᔅ ᓴᒋᐃᑐᔭᒄ ᑭᔭ ᒧᔅ ᑯᐃᔅᒄ ᐊ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᐊ ᐛᐎᒋᐊᑯᒡ ᑯᑎᑭᒡ ᐊᐛᓐᒋ ᑭᔭ ᐊ ᓯᐱᔪᐛᓯᔭᒄ ᐊ ᓂᓇᐧᑲᑕᔨᒧᔭᒄ᙮ ᒋ ᒋᔅᒐᔨᒥᑎᓇᐛᐤ ᐊᑐᐎᔅ ᐊᓄᒡ ᒥᔅᑎ ᐊ ᐃᑐᑎᒪᒄ ᑕᓐ ᑲ ᐃᑎᔭᒄ ᐅᔅᑭᒡ᙮

ᒋᔅᒐᔨᑕᑯᑕᒐᐅᓐ 2:2

ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᑲ ᐸᒋ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒄ᙮ ᒋ ᒋᔅᒐᔨᒥᑎᓇᐛᐤ ᑭᔭ ᒧᔅ ᐊᒋ ᓯᐱᔪᐛᓯᔭᒄ ᐊ ᓂᒋᔅᑭᒪᒄ ᒐᒂᓐ᙮ ᓂ ᒋᔅᒐᔨᑕᓐ ᐊᑲ ᓂᑐᐛᔨᒪᒄ ᐊᐛᓐ ᐊ ᒥᒐᑎᓯᑦ ᒐᒋ ᑕᑦ ᐊᓐᑕ ᐊ ᑕᐛᒄ᙮ ᑭᔭ ᔅᒋ ᓂᑐ ᒋᔅᒐᔨᒪᐛᐅᒡ ᐊᓐᒡ ᑲ ᐃᔅᒋᔄᒡ ᐊᑈᔅᑕᓇᒡ ᐊ ᐃᑕᐱᑎᓯᒡ᙮ ᐊᓐᒡ ᒪᒃ ᑲ ᒥᔅᑯᐛᑯᒡ ᐊ ᑭᑭᒋᔭᒡ, ᓇᒪ ᒋ ᐅᒋ ᐱᔅᑎᓇᐛᐅᒡ ᒐᒋ ᑕᒡ ᐊᓐᑕ ᒥᓯᑕ ᐊ ᑕᔭᒄ᙮

ᒋᔅᒐᔨᑕᑯᑕᒐᐅᓐ 3:19

ᐛᔅ ᓂ ᐎᑎᒧᐛᐅᒡ ᐛᓂᐱᔨᒡ ᐊᓐᒡ ᑲ ᓴᒋᐃᒂᐤ ᑭᔭ ᓂ ᑯᐃᔅᑯᓇᐅᒡ᙮ ᓱᒃ ᒪᒃ ᒋᒋᐛ ᐃᑕᔨᑎᒧᒄ ᐊ ᑕᑈᔭᔨᒥᔭᒄ, ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ᙮