ᒋᔅᒐᔨᑕᑯᑕᒐᐅᓐ 2:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᓂᑭ ᐃᑐᑐᐛᐤ ᒐᒋ ᓂᓇᐧᑲᑕᔨᒧᑦ ᐅᓂᐸᐅᓂᒡ᙮ ᑭᔭ ᐊᓐᒡ ᑲ ᐎᒋ ᐱᓯᒂᑎᓯᒪᒡ ᐊᓂᔭ ᐃᔎᐛ, ᓂᑭ ᐃᑐᑐᐛᐅᒡ ᓇᔅᒡ ᒐᒋ ᓂᓇᐧᑲᑕᔨᒧᒡ ᒐ ᐊᑲ ᐅᒋ ᓂᑭᑎᒧᐛᒂ ᐊᓂᔭ ᐊ ᐃᓯ ᒥᒐᑎᓯᒡ᙮

ᒋᔅᒐᔨᑕᑯᑕᒐᐅᓐ 2:22 Iomraidhean Croise

ᓗᒃ 13:3

ᓇᒪ, ᓂᑐᑎᒧᒄ ᒪ ᒐ ᐃᑎᑎᑯᒡ, ᒧᔭᒻ ᐊᑲ ᒂᔅᑲᑎᓯᔭᒂ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒐ ᐃᓯ ᓂᓱᐅᓇᒋᐃᑯᐅᔭᒄ᙮

ᓗᒃ 13:5

ᓇᒪ, ᓂᑐᑎᒧᒄ ᒪ, ᒧᔭᒻ ᐊᑲ ᒂᔅᑲᑎᓯᔭᒂ ᑭᔭ ᒋᔨᐛᐤ ᒋᑭ ᓂᓱᐅᓇᑎᓯᓇᐛᐤ᙮”

2 ᑯᕆᓐᑎᔭᓇ 12:21

ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 17:2

ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ᑕᒡ ᒋ ᐎᒋ ᐱᓯᒂᑎᓯᒪᐅᒡ ᐊᓂᔭᔪᐛ ᐃᔎᐛ᙮ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ᑕᑦ ᒋ ᒥᔽᔨᑎᒧᒡ ᓂᓇᐧᑯᐤ ᐊᒋ ᐃᓯ ᐎᓂᓱᐤ ᐃᑐᑐᐛᒡ ᐊᓂᔭᔪᐛ ᐃᔎᐛ, ᒧᔭᒻ ᐊᒋ ᒥᓄᐛᒡ ᐅᓱᒥᓇᐳᔪᐤ, ᐊᐅᑯᓐ ᐊ ᐃᓯᓇᑯᓯᒡ ᑭᔭ ᑲ ᒋᔎᐸᒡ᙮”

ᒋᔅᒐᔨᑕᑯᑕᒐᐅᓐ 18:3

ᐛᔅ ᐊᓐᒡ ᐊᓐᑕ ᑲ ᐎᒋᒡ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓇᔅᒡ ᐛᐸᒻ ᒋ ᐅᒋ ᓇᐃᐱᔨᑐᐛᐅᒡ ᒐᒋ ᓂᓱᐅᓇᒋᐃᑯᔨᒋ ᐊ ᐎᓂᓱᐤ ᐱᒪᑎᓯᔨᒋ᙮ ᒧᔭᒻ ᐊᒋ ᒥᓇᐊᒡ ᓱᒥᓇᐳᔪᐤ ᒐᒋ ᒋᔎᐸᔅᑲᑯᔨᒋ, ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᑲ ᐃᑐᑐᐛᒡ᙮ ᒋ ᐸᒋ ᐎᒋ ᐎᓂᓱᐤ ᐱᒪᑎᓯᒥᑯᐅᒡ ᒋᓴᐅᒋᒪᐛ ᐅᑕ ᐊᔅᒋᒡ ᑲ ᑕᔨᒋ᙮ ᐊᑯ ᐊᓂᔭᔪᐛ ᐊ ᐊᑕᐛᔨᒋ ᒐᒂᔪᐤ ᑲ ᐅᒋ ᐱᒪᒋᐅᔨᒋ, ᒋ ᐅᓱᓇᔭᓂᒥᐧᑲᓱᔪᐛ ᑕᓐ ᑲ ᐃᓯ ᐊᑲ ᐅᒋ ᐳᓂᐱᔨᒡ ᐊ ᐎ ᐛᔪᑎᓯᒡ᙮ ᐎᓂᓱᐱᒪᑎᓯᐅᓂᒡ ᒋ ᐅᒋ ᐅᓱᓇᔭᓂᒥᐧᑲᓱᐅᒡ᙮”

ᒋᔅᒐᔨᑕᑯᑕᒐᐅᓐ 18:9

“ᐊᓐᒡ ᒪᒃ ᒋᓴᐅᒋᒪᐅᒡ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ ᐊ ᑕᒡ ᑲ ᐎᒋ ᐎᓂᓱᐤ ᐱᒪᑎᓯᒪᒡ ᐊᓂᔭᔪᐛ ᐊᐛᔪᐛ ᐊᓐᑕ ᐊ ᑕᔨᒋ ᑭᔭ ᓇᔅᒡ ᒥᓯᐛ ᑲ ᐃᓯ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ᐛᐛᒋᐃᓱᒡ ᒧᔭᒻ ᐊᓂᔭ ᐊᐛᔪᐛ ᐊᓐᑕ ᐊ ᑕᔨᒋ ᐊ ᐃᑎᔨᒋ, ᒋᑭ ᒪᐅᒡ ᑭᔭ ᒋᑭ ᓂᓇᐧᑲᑥᐅᑎᒧᒡ ᐛᐸᑕᒂᐛ ᐊ ᐃᔎᑕᔨᒡ ᐊᓂᔭ ᐅᑕᓇᔪᐤ᙮

ᒋᔅᒐᔨᑕᑯᑕᒐᐅᓐ 2:5

ᒋᔅᒋᓯᒄ ᒪ ᑕᓐ ᑲ ᐃᔅᐱᔅ ᓴᒋᐃᔭᒄ ᐅᔅᑭᒡ᙮ ᐊᐅᑯᓐ ᐊ ᒪᒃ ᐊ ᐃᔅᐱᔅ ᓴᒋᐃᔭᒄ ᐊᓄᒡ᙮ ᒂᔅᑲᑎᓯᒄ ᑭᔭ ᑲᐤ ᐃᑎᒄ ᑕᓐ ᑲᒋ ᐃᑎᔭᒄ ᐊᔅᒄ ᓇᔅᒡ ᐊᒋ ᓴᒋᐃᔭᒄ᙮ ᐛᔅ ᐊᑲ ᒂᔅᑲᑎᓯᔭᒂ, ᓂᑭ ᑎᑯᓯᓐ ᒐ ᐅᑎᓂᒪᓐ ᐊᓐ ᒋᐛᔅᑕᓂᐱᒪᑭᓇᑎᑯᐛᐤ᙮