ᒋᔅᒐᔨᑕᑯᑕᒐᐅᓐ 2:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᒥᒄ ᒪᒃ ᒋ ᐎ ᐎᑎᒪᑎᓇᐛᐤ ᒐᒂᓐ ᐊᑲ ᒥᔽᔨᑎᒥᐃᑯᔭᓐ᙮ ᒋᓂᑐᑐᐛᐛᐤ ᐊᓐ ᐃᔎᐤ ᒐᓯᐸᓪ ᑲ ᐃᓯᓂᐧᑲᓱᑦ ᒧᔭᒻ ᐅᒋᔅᒋᐛᐃᒐᓱᐤ ᑲ ᐃᑕᐃᓱᑦ᙮ ᐎᔭᓯᐊᐤ ᓂᑦ ᐊᐱᒋᐊᑭᓇ ᐊ ᒋᔅᑯᑎᒧᐛᑦ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔨᒋ ᑭᔭ ᐊ ᐃᑐᑐᐛᑦ ᒐᒋ ᒥᒋᔨᒋ ᒐᒂᔪᐤ ᒥᓂᑐᐧᑲᓇ ᐊᒋ ᒥᑐᔅᑕᐊᒧᐛᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 2:20 Iomraidhean Croise

ᐊᒃᓱᑕᔅ 34:15

ᒐ ᐊᑲ ᐃᑐᑎᒪᒄ ᓂᔅᑯᒥᑐᐅᓐ ᐊᓯᒡ ᐊᓐᒡ ᐃᔪᒡ ᐊᓐᑕ ᐛᒋᒡ ᐊᔅᒋᒡ ᐅᓴᒻ ᐃᔅᐱ ᐊᔭᒥᐊᔅᑐᐛᑥᐛ ᐅᒥᓂᑐᐅᒧᐛᐛ ᑭᔭ ᒥᑐᔅᑕᐊᒧᐛᑥᐛ, ᒋᑭ ᐎᓴᒥᑯᐛᐅᒡ ᒐᒋ ᒥᒍᐛᒄ ᐊᓂᔭ ᒥᒋᒥᔪᐤ ᑲ ᒥᑐᔅᑕᐊᒧᐛᒡ ᐅᒥᓂᑐᐅᒧᐛᐛ᙮

ᐊᑈᔅᑕᓇᒡ 15:20

ᒋᐸ ᒥᓯᓇᐊᒧᐛᓄᐅᒡ ᐅᒡ ᐊ ᐎᑎᒧᐛᐧᑯᒡ ᐅᔭ ᒐᒋ ᐃᓯ ᓂᓇᑭᑐᐛᔨᑕᒡ᙮ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ, ᑭᔭ ᐊᐛᓯᓴ ᐊᒋ ᒋᐳᑕᒪᐱᐧᑲᑕᑭᓄᔨᒋ ᒪᒃ ᑭᔭ ᒥᐧᑯᔪᐤ ᒐᒋ ᒥᒋᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᒡ᙮

ᐊᑈᔅᑕᓇᒡ 15:29

ᒐ ᐊᑲ ᒋ ᒧᐛᒄ ᐊᐛᓯᔅ ᐊᒋ ᒥᑐᔅᑕᐊᒧᐛᑭᓄᐅᑦ ᒥᓂᑐᐧᑲᓐ, ᒐ ᐊᑲ ᒋ ᒥᒍᐛᒄ ᐅᒥᐧᒄ ᑭᔭ ᒐ ᐊᑲ ᒋ ᒧᐛᑯᒡ ᐊᓐᒡ ᐊᐛᓯᓯᒡ ᐊᒋ ᒋᐳᑕᒪᐱᐧᑲᑕᑭᓄᐎᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔭᒄ᙮ ᒋᑭ ᒥᔪᐱᔨᓇᐛᐤ ᐃᑐᑎᒪᒂ ᐅ ᑲ ᐃᑎᓱᒥᑕᒡ᙮ ᒋ ᐛᒋᔭᒥᑎᓇᓐ ᒪᒃ ᒥᓯᐛ ᐊ ᑎᓯᔭᒄ᙮ ᐛᒋᔭ᙮”

1 ᑯᕆᓐᑎᔭᓇ 10:28

ᐃᑎᔅᒐ ᐊᐛᓐ, “ᒥᓂᑐᐧᑲᓐ ᐊᓐ ᒋ ᒥᑐᔅᑕᐊᒧᐛᑭᓄᐤ ᐅᔭ ᐎᔭᓯᔪᐤ,” ᐊᑲᐎᔾ ᒋᑭ ᐅᒋ ᒥᒍᐛᓐ ᐊᓂᔭ ᐎᔭᓯᔪᐤ᙮ ᐊᑯ ᒪᒃ ᐊᑲ ᒥᒍᐅᑕ ᒋᑭ ᓄᑯᑕᓐ ᐊᑲ ᒪᔭᔨᒥᑦ ᐊᓐ ᑲ ᐎᑎᒪᔅᒃ ᐅᔭ ᑭᔭ ᒋᑭ ᓄᑯᑕᓐ ᐊᑲ ᒪᔭᔨᒥᑦ ᐊᓂᔭ ᐎᔾ ᑕᓐ ᐊ ᐃᓯ ᑕᑈᑕᐧᒃ᙮

ᒋᔅᒐᔨᑕᑯᑕᒐᐅᓐ 2:14

ᒋ ᐎ ᐊᔨᒧᑎᒪᑎᓇᐛᐤ ᒐᒂᔪᐛ ᐊᑲ ᒪᔽᔨᑎᒥᐃᑯᔭᓐ᙮ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᓂᑐᑐᐛᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐸᓚᒪ᙮ ᐅ ᐸᓚᒻ ᒋ ᒋᔅᑯᑎᒧᐛᐤ ᐸᓚᑲ ᑕᓐ ᒐᒋ ᐃᑐᑐᐛᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ ᐊ ᒥᒋᔨᒋ ᒐᒂᔪᐤ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ ᑭᔭ ᒐᒋ ᐎᓂᓱᐤ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 2:4

ᒥᒄ ᒪᒃ ᐸᐃᒄ ᒐᒂᓐ ᐊᑲ ᒥᔽᔨᑎᒪᓐ ᐊ ᐃᑎᔭᒄ, ᐊᐅᒄ ᐅ ᐊᑲ ᐃᔅᐱᔅ ᓴᒋᐃᔭᒄ ᑕᓐ ᑲ ᐃᔅᐱᔅ ᓴᒋᐃᔭᒄ ᐅᔅᑭᒡ ᑲ ᒋᒋ ᑕᑈᔭᔨᒥᔭᒄ᙮