ᒋᔅᒐᔨᑕᑯᑕᒐᐅᓐ 19:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯ ᒂ ᐸᒋ ᐃᓯᑦ ᐊᓐᒋᓐ, “ᒥᓯᓇᐊ ᐅ, ᓱᐛᔨᑕᑯᓱᐅᒡ ᐊᓐᒡ ᑲ ᐎᓴᒪᑭᓄᐎᒡ ᐊ ᒥᑯᓴᓄᐎᒡ ᐊᓂᔭ ᒪᔭᑕᓂᓴ ᐅᓂᐳᐤ ᒥᑯᓴᐅᓂᔪᐤ᙮” ᐊᑯ ᒥᓐ ᒂ ᐊᑎ ᐃᔅᒋᔄᑦ ᐊᓐ ᐊᓐᒋᓐ, “ᐊᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ, ᑕᑈᒥᑭᓂᔪᐤ ᒪᒃ᙮”

ᒋᔅᒐᔨᑕᑯᑕᒐᐅᓐ 19:9 Iomraidhean Croise

ᓗᒃ 22:16

ᒋᑦ ᐃᑎᓇᐛᐤ ᒪᒃ, ᓇᒪ ᒥᓐ ᓂᑭ ᐅᒋ ᒥᒋᓐ ᐅ ᒥᑯᓴᓐ ᐸᑐᔅ ᐅᑎᒋᐱᔨᒐ ᑕᓐ ᐊ ᐃᓯ ᓂᔅᑐᑕᑭᓄᐅᒡ ᐊ ᐃᓯ ᐎᑎᒪᒐᒥᑲᒡ ᐅ ᒥᑯᓴᐅᓐ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮”

1 ᑎᒧᑎ 1:15

ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ᒥᒐᑎᓯᑦ ᓂᔾ ᓂᒋ ᐃᑕᔨᑕᑯᓯᓐ᙮

1 ᑎᒧᑎ 4:9

ᑕᑈᒥᑭᓐ ᐅ ᐃᔅᒋᔄᐅᓐ, ᑭᔭ ᑎᑯᓐ ᒐᒋ ᑕᑈᑕᑭᓄᐅᒡ᙮

2 ᑎᒧᑎ 2:11

ᐛᔅ ᑕᑈᒥᑭᓐ ᐅ ᑲᒋ ᐃᓇᓄᐅᒡ, “ᒐ ᐎᒋ ᓂᐱᒪᐅᒂ, ᒋᑭ ᐎᒋ ᐱᒪᑎᓯᒪᓄᐤ ᑭᔭ᙮

ᑕᐃᑕᔅ 3:8

ᑕᑈᒥᑭᓐ ᐅ ᑲ ᐃᔅᒋᔄᔭᓐ᙮ ᒋ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ᐎᒋᐃᑯᐅᒡ ᐅᔭ ᐃᑐᑕᒂᐛ᙮

ᒋᔅᒐᔨᑕᑯᑕᒐᐅᓐ 1:1

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᒋᓴᔅ, ᒋᓴᒪᓂᑐᐛ ᒋ ᒥᔨᑯᐤ ᒐᒋ ᒋᔅᒐᔨᑎᒥᐊᑦ ᐊᓂᔭ ᑲ ᐊᑐᔅᑯᐛᔨᒋ ᒋᓴᒪᓂᑐᐛ ᑕᓐ ᒐ ᐃᔅᐱᔨᒡ ᐎᐱᒡ᙮ ᓂᔾ, ᒠᓐ, ᒋᓴᒪᓂᑐᐛ ᑲ ᐊᑐᔅᑯᐛᑦ, ᓂᒋ ᐃᑎᓴᐊᒪᒄ ᙭ ᐊᓐᒋᓇ ᒐᒋ ᐸᒋ ᐎᑎᒧᔨᒋ ᑕᓐ ᐊᓂᔭᔪᐛ ᓴᔅ ᐎᐱᒡ ᒐ ᐃᔅᐱᔨᒋ᙮

ᒋᔅᒐᔨᑕᑯᑕᒐᐅᓐ 1:19

“ᒥᓯᓇᐊ ᒥᓯᐛ ᑕᓐ ᒐ ᐃᓯ ᐛᐸᑎᒥᓐ᙮ ᒥᓯᓇᐊ ᑕᓐ ᐊ ᐃᔅᐱᔨᒡ ᐊᓄᒡ ᑭᔭ ᑕᓐ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮

ᒋᔅᒐᔨᑕᑯᑕᒐᐅᓐ 10:4

ᐃᔅᐱ ᒪᒃ ᑲ ᐸᑕᑯᓯᒡ ᐊᓐᒡ ᓂᔄᐅᑕᒡ ᑲ ᐃᑕᑎᓯᒡ ᓂᒥᔅᒍᐅᒡ ᒧᔭᒻ ᐊ ᐃᔨᒥᒡ ᑲ ᐃᑎᑕᑯᓯᒡ, ᓂᒋ ᐎ ᒋᒋ ᒥᓯᓇᐃᒐᓐ᙮ ᐊᑯ ᒂ ᐅᒋ ᐸᑎᒪᓐ ᐸᑕᑯᓱᐅᓐ ᒋᒋᒋᓯᑯᒡ ᐅᒡ ᐊ ᐃᑎᑯᔭᓐ, “ᐊᑲᐎᔾ ᒥᓯᓇᐊ ᑕᓐ ᑲ ᐃᔅᒋᔄᒡ ᐊᓐᒡ ᓂᒥᔅᒍᐅᒡ᙮ ᐊᑲᐎᔾ ᐊᐛᓐ ᒋᑭ ᐅᒋ ᒋᔅᒐᔨᑎᒻ᙮”

ᒋᔅᒐᔨᑕᑯᑕᒐᐅᓐ 14:13

ᒥᓐ ᒐᒂᓐ ᑲ ᐃᔅᐱᔨᒡ᙮ ᓂᒋ ᐸᑐᐛᐤ ᐊᐛᓐ ᒋᒋᒋᓯᑯᒡ ᐊ ᐅᒋ ᐃᔨᒥᑦ᙮ ᒪᐅ ᑲ ᐃᔅᒋᔄᑦ, “ᒥᓯᓇᐊ ᐅ᙮ ᐅᑕ ᐃᔅ ᓂᔅᑕᒥᒡ ᓱᐛᔨᑕᑯᓱᐅᒡ ᐊᓐᒡ ᒐ ᓂᐱᒡ ᐊᔅᒄ ᐊ ᐎᒐᐛᒡ ᒋᓴᓴ᙮” ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐃᔅᒋᔄᑦ, “ᓂᐦᐃ, ᑕᑈ ᓱᐛᔨᑕᑯᓱᐅᒡ᙮ ᒋ ᐊᔨᒥᐅᐅᒡ ᐊ ᓇᓴᐛᒡ ᒋᓴᓴ ᑭᔭ ᐊᑯ ᒐ ᐊᔽᐱᒡ᙮ ᑕᓐ ᐊ ᐃᓯ ᒪᒧᐤ ᑭᓄᐛᐸᑕᑭᓄᔨᒋ ᑲ ᐃᓯ ᐸᒋ ᐊᐱᒋᐃᑯᒡ ᒋᓴᒪᓂᑐᐤ ᒋᑭ ᐎᒐᐅᑯᒡ᙮”

ᒋᔅᒐᔨᑕᑯᑕᒐᐅᓐ 17:1

ᐊᑯ ᐸᐃᒄ ᐊᓐᒡ ᓂᔄᐅᑕᒡ ᑲ ᐃᑕᑎᓯᒡ ᐊᓐᒋᓐᒡ ᑲ ᐊᔭᒡ ᐊᓂᔭ ᓂᔄᐅᑕᒡ ᐎᔭᑭᓇ ᑲ ᒧᑕᔭᔨᒋ, ᑲ ᐸᒋ ᓂᑐᐛᐱᒥᑦ ᐊᑯ ᒂ ᐃᓯᑦ, “ᐊᔅᑎᒻ ᒪ᙮ ᒋᑭ ᐛᐸᑎᔨᑎᓐ ᑕᓐ ᒐ ᐃᓯ ᐛᐛᓯᐊᑦ ᒋᓴᒪᓂᑐᐤ ᐊᓂᔭ ᐃᔎᐛ ᑲ ᐱᓯᒂᑎᓯᔨᒋ᙮ ᐊᓐ ᐃᔎᐤ ᑲ ᐊᐱᑦ ᐊᓐᑕ ᐊ ᑎᑯᓂᔨᒋ ᒥᒐᑦ ᓯᐱᔭ᙮

ᒋᔅᒐᔨᑕᑯᑕᒐᐅᓐ 17:17

ᐛᔅ ᒋᓴᒪᓂᑐᐛ ᒋ ᐃᑐᑕᑯᒡ ᐅᑕᐃᐛᒡ ᒐᒋ ᐅᒋ ᐃᑕᔨᑕᒡ ᒐᒋ ᐃᑐᑎᒺᒡ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒐᒋ ᐃᑐᑕᑭᓄᐎᒡ᙮ ᐊᑯ ᒪᒃ ᐸᐃᑯᓄᒡ ᑲ ᐃᑕᔨᑎᒥᐃᑯᒡ ᒐ ᒥᔭᒡ ᐊᓂᔭᔪᐛ ᒥᒋ ᐊᐛᓯᓴ ᑕᓐ ᐊ ᐃᓯ ᐊᔭᒡ ᒐᒋ ᐅᒋᒪᐅᒡ᙮ ᒋᑭ ᐱᔅᑕᔨᒥᑎᓱᔅᑐᐛᐅᒡ ᒪᒃ ᐸᑐᔅ ᒥᓯᐛ ᒋ ᑎᐱᐱᔨᒐ ᑕᓐ ᑲ ᐃᓯ ᓂᑲᓐ ᐎᑎᒥᔨᒋ ᒋᓴᒪᓂᑐᐛ ᒐ ᐃᔅᐱᔨᒡ᙮

ᒋᔅᒐᔨᑕᑯᑕᒐᐅᓐ 2:1

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ ᐅᒥᔪᐅᓂᒡ, ᐊᓐ ᑲ ᐱᐸᒧᑕᑦ ᐊᓐᑕ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᐊ ᑎᑯᓂᔨᒋ᙮

ᒋᔅᒐᔨᑕᑯᑕᒐᐅᓐ 2:12

“ᒪᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐸᕐᑲᒪᒻ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐊᔭᑦ ᐃᑐᐤ ᑲ ᐃᓯ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ᙮

ᒋᔅᒐᔨᑕᑯᑕᒐᐅᓐ 2:18

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᑕᔭᑕᐃᕋ ᐊ ᐃᑕᔨᒡ, ᐊᐅᒄ ᐅᔭ ᐊ ᐃᔅᒋᔄᔨᒋ ᒋᓴᒪᓂᑐᐤ ᐅᑯᓴ, ᐅᔅᒋᓯᒂ ᒧᔭᒻ ᐃᔅᑯᑕᐤ ᐊ ᐃᓯᓇᑯᓂᔨᒋ, ᑭᔭ ᐅᓯᑎᔪᐛ ᒧᔭᒻ ᑲ ᐛᐸᐱᔅᒋᓯᑦ ᓱᓇᔭᐱᔅᒄ ᐊ ᐛᔅᑕᔭᐱᔅᒋᓯᑦ ᐊ ᐃᓯᓇᑯᓂᔨᒋ,

ᒋᔅᒐᔨᑕᑯᑕᒐᐅᓐ 2:8

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓯᒥᕆᓇ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᓂᔅᑎᒻ ᑲ ᑕᑦ ᑭᔭ ᒪᔅᑕᔾ ᒐ ᑕᑦ, ᐊᓐ ᑲ ᓂᐱᑦ ᑭᔭ ᑲᐤ ᑲ ᐅᓂᔅᑲᑦ᙮

ᒋᔅᒐᔨᑕᑯᑕᒐᐅᓐ 21:5

ᐊᑯ ᐊᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐃᔅᒋᔄᑦ, “ᒥᓯᐛ ᒐᒂᓐ ᓄᐅᔅᒋᑕᓐ᙮” ᐊᑯ ᒂ ᐃᓯᑦ, “ᒥᓯᓇᑕᐊ ᐅ᙮ ᐛᔅ ᒋᑭ ᒋ ᑕᑈᑕᑭᓄᐤ ᑭᔭ ᑕᑈᒥᑭᓐ ᐅ ᐊ ᐃᔅᒋᔄᔭᓐ᙮”

ᒋᔅᒐᔨᑕᑯᑕᒐᐅᓐ 22:6

ᐊᑯ ᐊᓐ ᐊᓐᒋᓐ ᒂ ᐸᒋ ᐃᓯᑦ, “ᑕᑈᒥᑭᓂᔪᐤ ᐅᔭ ᑲ ᐃᔅᒋᔄᑦ ᑭᔭ ᒐᔅᑎᓇᑕᔨᑕᑯᓂᔪᐤ ᐊᑯᓐ ᒐ ᐃᔅᐱᔨᒡ᙮ ᐅᑎᐸᔨᒋᒐᐤ ᒋᓴᒪᓂᑐᐤ, ᐊᓐ ᑲ ᒥᔭᑦ ᐅᒋᔅᒋᐛᐃᒐᓱᐛ ᐎᔾ ᐅᑦ ᐊᒐᒂ ᒐᒋ ᐱᒋᔅᑲᑯᔨᒋ, ᒋ ᐸᒋ ᐃᑎᓴᐛᐤ ᐅᑦ ᐊᓐᒋᓇᒪ ᒐᒋ ᐛᐸᑎᔭᔨᒋ ᐅᑦ ᐊᐱᒋᐊᑭᓇ ᑕᓐ ᒐ ᐃᔅᐱᔨᒡ ᐎᐱᒡ᙮”

ᒋᔅᒐᔨᑕᑯᑕᒐᐅᓐ 3:1

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓴᕐᑎᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑎᐸᔨᒪᑦ ᐊᓂᔭᔪᐛ ᓂᔄᐅᑕᒡ ᐊᒐᒂ ᑲ ᐊᑐᔅᑯᐛᔨᒋ ᒋᓴᒪᓂᑐᐛ, ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ᙮ ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᐊ ᐃᑎᔭᒄ, ᐃᑕᐤ᙮ ᒋ ᒋᔅᒐᔨᒥᑎᓇᐛᐤ ᐊ ᐃᑕᔨᒥᑯᔭᒄ ᑕᑈ ᐊᒐᐧᑯᐅᓂᒡ ᐊ ᐃᓯ ᐱᒪᑎᓯᔭᒄ, ᒥᒄ ᒪᒃ ᒋ ᓂᐱᓇᐛᐤ᙮

ᒋᔅᒐᔨᑕᑯᑕᒐᐅᓐ 3:14

“ᒥᓐ ᒪᒃ ᓂᒋ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᐊᓐᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ᐃᔅᒋᔄᑦ ᒋᓴᒪᓂᑐᐤ ᒐ ᐃᑐᑎᒪᒐᑦ ᑭᔭ ᒐ ᐃᑎᑦ, ᐊᓐ ᑯᐃᔅᒄ ᑲ ᐃᑎᑦ ᐊ ᐎᑕᐧᒃ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐅᓯᑕᑦ᙮

ᒋᔅᒐᔨᑕᑯᑕᒐᐅᓐ 3:20

ᓂᑐᑎᒧᒄ᙮ ᓂ ᓂᐳᐅᓐ ᒋᐱᔎᒡ ᐊ ᑎᑥᐛᐃᒐᔭᓐ᙮ ᐊᓐ ᐊᐛᓐ ᒐ ᐸᑐᐅᒂ ᐱᑎᑲᐃᒐ ᒪᒃ, ᓂᑭ ᐱᒐᐛᓐ ᐊᓐᑕ ᐊ ᑕᑦ ᑭᔭ ᒐ ᐎᒋᒥᒋᓱᒥᑐᔭᒡ᙮

ᒋᔅᒐᔨᑕᑯᑕᒐᐅᓐ 3:7

“ᒥᓐ ᓂᒋ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᔪᑕᓇᔪᐛ᙮