ᒋᔅᒐᔨᑕᑯᑕᒐᐅᓐ 19:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋ ᒥᔭᑭᓄᐤ ᐊᓐ ᐅᔅᒋᓂᒋᔎᐤ ᐱᒍᐎᔭᓂᓯᔪᐤ ᑲ ᓱᓯᐛᑭᓯᔨᒡ ᓇᔅᒡ ᑲ ᒥᔽᑭᓯᔨᒡ ᒐᒋ ᒋᔅᑲᐧᒃ᙮ ᓇᔅᒡ ᒪᒃ ᒋ ᐛᓴᔅᑯᔅᑕᔪᐛ ᐅᑦ ᐊᐱᒋᑕᐅᓇ ᑭᔭ ᓇᔅᒡ ᒋ ᐸᔭᐧᑭᓂᔪᐛ᙮” ᐅ ᒪᒃ ᐊᐱᒋᑕᐅᓐ ᐊᔅᐱᔅ ᒥᔽᑭᓯᒡ, ᐊᐅᑯᓐ ᐊ ᐃᓯᓇᑯᓂᔨᒋ ᐅᑯᐃᔅᒄ ᐃᑐᓄᐛᐛ ᐊᓐᒡ ᑲ ᑕᑈᑕᒡ᙮

ᒋᔅᒐᔨᑕᑯᑕᒐᐅᓐ 19:8 Iomraidhean Croise

ᑎᐱᑦ ᐅᓂᑭᒧᐅᓇ 132:9

ᐊᑯᔅ ᒋᐱᔅᑎᓂᒐᐅ-ᐃᔨᒥᒡ ᒋᑭ ᐎᔭᑎᒧᒡ ᑯᐃᔅᑯᑕᑎᓯᐅᓂᔪᐤ; ᑭᔭ ᒋᐸᔭᒋᓯᒥᒡ ᒋᑭ ᒋᔄᐛᐅᒡ ᐊᑕᑈᒡ ᐊ ᒧᒋᒐᔨᑕᒡ᙮”

ᒪᑎᔪᐤ 17:2

ᒪᒂᒡ ᒪᒃ ᐊ ᑭᓄᐛᐱᒪᒡ ᐊᓂᔭ ᒋᓴᓴ ᐅᑕᔅᑎᒥᐧᑯᔪᐤ ᒋ ᒂᔅᒋᓇᑯᓂᔪᐤ, ᒧᔭᒻ ᐱᓯᒺ ᒋ ᐃᔅᐱᔅ ᒋᐧᑲᔭᔅᑐᐛᔪᐤ ᑭᔭ ᐅᑦ ᐊᐱᒋᑕᐅᓇ ᓇᔅᒡ ᑕᑈ ᒋ ᐱᔭᑭᔅᒡ ᐛᐸᑭᓂᔪᐛ ᓇᔅᒡ ᐊ ᐛᔅᑐᐛᔨᒋ ᒋ ᐃᓯᓇᑯᓂᔪᐛ᙮

ᒪᑎᔪᐤ 22:12

ᐊᑯ ᒂ ᐃᑕᑦ ᐊᓂᔭ ᓇᐸᐛ, ‘ᓂᐎᒐᐛᑭᓐ ᑕᓐᑕ ᑲ ᐅᒋ ᐱᒐᔨᓐ ᐅᑕ ᐅ ᐊ ᒥᑯᓴᔭᓐ ᐊᑲ ᒪᒃ ᒧᔭᒻ ᐃᑕᔅᐱᓱᔨᓐ ?’ ᓇᒪ ᒪᒃ ᐅᒋ ᒋᔅᑐᐤ ᐊᓐ ᓇᐸᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:3

ᐅᑦ ᐊᐱᒋᑕᐅᓇ ᒪᒃ ᓇᔅᒡ ᒋ ᐛᔅᑕᔪᐛ, ᓇᔅᒡ ᐊ ᐸᔭᐧᑭᔅᒡ ᐛᐸᔨᒋ᙮ ᓇᒪ ᑕᐤ ᐊᐛᓐ ᐅᑕ ᐊᔅᒋᒡ ᒐᒋ ᐃᔅᐱᔅ ᐛᐸᔨᒋ ᒐᒂᔪᐛ ᐊ ᒋᔅᑕᐸᐅᑕᑦ᙮

ᓗᒃ 24:4

ᒪᒂᒡ ᒪᒃ ᐊ ᒪᒥᑐᓇᔨᑎᒥᐃᑯᒡ ᐅᔭᔪᐤ ᓯᔅᒋᑯᒡ ᒋ ᐅᒋ ᓂᓯᔪᐛ ᓇᐸᐛ ᐊ ᐛᔅᑐᐛᔨᒡ ᐅᑦ ᐊᐱᒋᑕᐅᓂᔪᐛ᙮

ᐊᑈᔅᑕᓇᒡ 1:10

ᒪᒂᒡ ᒪᒃ ᐊᓐᑕ ᐃᔅᐱᒥᒡ ᐊ ᐃᑕᐱᒡ ᐊ ᐎ ᑭᓄᐛᐱᒪᒡ ᐊ ᐊᑎ ᐅᐱᔨᒋ, ᓯᔅᒋᑯᒡ ᒋ ᐅᒋ ᐎᒋᑲᐳᔅᑕᑯᐅᒡ ᓂᓱ ᓇᐸᐛ ᐊ ᐛᐸᔅᐱᓱᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:22

ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᔅ ᙭ᑕ᙮ ᒥᓯᐛ ᒪᒃ ᐊᐛᔪᐛ, ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑲ ᑕᑈᔭᔨᒪᔨᒋ ᒋᓴᓴ, ᐊᐅᑯᓐ ᐊ ᐃᓯ ᐃᑐᑎᒧᐛᑦ᙮ ᐛᔅ ᒥᓯᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 15:4

ᐅᑎᐸᔨᒋᒐᐤ, ᐊᐛᓐ ᒐ ᐊᑲ ᓂᓇᒋᔅᑕᔅᒃ ᑭᔭ ᒐ ᐊᑲ ᒋᔅᑕᑐᑕᐧᒃ ᒋᑦ ᐃᓯᓂᐧᑲᓱᐅᓂᔪᐤ ? ᐛᔅ ᒥᒄ ᒋᔾ ᒋ ᐸᔭᒋᓯᓐ᙮ ᒥᓯᐛ ᐊᐛᓐᒋ ᐊ ᐃᑎᔅᑲᓇᓯᒡ ᒋᑭ ᐸᒋ ᓄᒋᔅᑕᑯᒡ ᐛᔅ ᔅᒋ ᐛᐸᑎᔨᐛᓐ ᐊᔅᐱᔅ ᑯᐃᔅᒄ ᐃᑎᔨᓐ᙮” ᐊᐅᒄ ᐅᔭ ᑲ ᐃᑕᐊᒪᓱᒡ ᐊ ᓂᑭᒧᒡ᙮

ᒋᔅᒐᔨᑕᑯᑕᒐᐅᓐ 15:6

ᐊᑯ ᐊᓐᒡ ᓂᔄᐅᑕᒡ ᐊᓐᒋᓐᒡ ᑲ ᐸᑕᒡ ᑕᓐ ᒐ ᐃᓯ ᓂᓇᐧᑲᑕᔨᒧᓇᓄᐎᒡ, ᒂ ᐅᒋ ᐎᐎᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ᙮ ᒋ ᐛᐸᔅᐱᓱᐅᒡ ᒪᒃ ᐊ ᐛᓯᐧᑯᔅᑕᔨᒋ ᐅᑦ ᐊᐱᒋᑕᐅᓄᐛᐛ ᐊᔅᐱᔅ ᐸᔭᐧᑭᓂᔨᒋ, ᐊᑯ ᐊᓐᑕ ᐅᔅᑲᔅᒋᑭᓂᐛᒡ ᒋ ᒪᑯᐱᓱᒡ ᒐᒂᔪᐤ ᒧᔭᒻ ᐊ ᐎᔄᐅᓱᓇᔭᐱᔅᑯᓂᔨᒡ ᐱᒂᑕᐅᓂᔪᐤ ᐊ ᐃᓯᓇᑯᓂᔨᒡ᙮

ᒋᔅᒐᔨᑕᑯᑕᒐᐅᓐ 19:14

ᓂᑐᐱᔪᐅ-ᐃᔪᐛ ᒪᒃ ᒋᒋᒋᓯᑯᒡ ᐊ ᑕᔨᒋ ᒋ ᐅᒋ ᓇᓴᐅᑯᐤ ᑲ ᐛᐱᓯᔨᒋ ᑲᐸᐃᑭᔎᐛ ᐊ ᐊᐱᒋᐊᔨᒋ᙮ ᓇᔅᒡ ᑲ ᒥᔽᑭᓂᔨᒡ ᑲ ᓱᓯᐛᑭᓯᔨᒡ ᐱᒍᐎᔭᓂᓯᔪᐤ ᐊ ᐛᐸᑭᓯᔨᒡ, ᐊᐅᑯᓐ ᐊ ᐃᓯᓇᑯᓂᔨᒋ ᐅᑦ ᐊᐱᒋᑕᐅᓄᐛᐛ ᐅᒡ ᓂᑐᐱᔪᐅ-ᐃᔪᒡ᙮ ᓇᔅᒡ ᐸᔭᐧᑭᓂᔪᐛ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ᙮

ᒋᔅᒐᔨᑕᑯᑕᒐᐅᓐ 3:18

ᐊᐅᒄ ᐅ ᒐ ᐅᒋ ᐎᑎᒪᑎᑯᒡ ᑕᓐ ᒐ ᐃᑎᔭᒄ᙮ ᐊ ᑕᔭᓐ ᐅᑎᓇᒄ ᐎᔄᐅᓱᓇᔭᐱᔅᒄ᙮ ᐅ ᐎᔄᐅᓱᓇᔭᐱᔅᒄ, ᐃᔅᑯᑕᒡ ᒋ ᑎᑕᑭᓄᐤ ᒐᒋ ᐸᔭᒋᑕᑭᓄᐅᒡ᙮ ᐊᔭᐛᒂ ᒪᒃ, ᐊᑯ ᒐ ᐛᔪᑎᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᐅᑎᓂᒧᒄ ᑭᔭ ᐊ ᐛᐸᓯᔨᒋ ᐊᐱᒋᑕᐅᓇ ᒐᒋ ᒋᔅᑭᒪᒄ ᒐ ᐊᑲ ᒋ ᓴᒂᔨᒧᔭᒄ, ᐛᔅ ᓇᒪ ᐊᑯ ᒋᑭ ᐅᒋ ᒧᓴᔅᑭᑕᓇᐛᐤ᙮ ᑭᔭ ᐅᑎᓂᒧᒄ ᓂᑐᐧᑯᐅᓐ ᒐ ᐊᔅᑕᔭᒄ ᒋᔅᒋᓯᑯᐛᒡ ᒐᒋ ᐛᐸᑎᒪᒄ᙮