ᒋᔅᒐᔨᑕᑯᑕᒐᐅᓐ 19:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐛᔅ ᒥᓯᐛ ᑕᐱᑐᐤ ᐃᓯ ᑎᐸᔅᑯᓇᐤ ᐊᐛᔪᐛ ᑭᔭ ᐊᓐ ᐊ ᐃᑕᔨᑕᑯᓂᔨᒡ ᒐᒋ ᐃᓯ ᑎᐸᔅᑯᓇᑭᓄᔨᒋ, ᐊᐅᑯᓐ ᐊ ᐃᓯ ᑎᐸᔅᑯᓇᑦ᙮ ᒋ ᑎᐸᔅᑯᓇᐤ ᒪᒃ ᐊᓂᔭᔪᐛ ᑲ ᒥᔪ ᒋᔅᒐᔨᒪᑭᓄᔨᒋ ᐱᓯᒂᑎᓯᔎᐛ᙮ ᒥᒐᑦ ᐊᐛᔪᐛ ᐅᑕ ᐊᔅᒋᒡ ᒋ ᐎᔭᓯᐊᐤ ᐅ ᐃᔎᐤ ᑕᓐ ᑲ ᐃᑕᑎᓯᑦ᙮ ᒋᓴᒪᓂᑐᐤ ᒋ ᐛᐛᓯᐊᐤ ᐊᓂᔭ ᐱᓯᒂᑎᓯᔎᐛ ᐊᒋ ᓂᐸᐊᔨᒋ ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᔨᒋ᙮”

ᒋᔅᒐᔨᑕᑯᑕᒐᐅᓐ 19:2 Iomraidhean Croise

ᑎᐱᑦ ᐅᓂᑭᒧᐅᓇ 19:9

ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐸᔭᐧᑭᓂᔪᐤ, ᑲᒋᒡ ᐊ ᑎᑯᓂᔨᒡ: ᐅᑎᐸᔅᑯᓂᒐᐅᓇ ᑎᐸᔨᒋᒐᓱᐤ ᑕᑈᒪᑭᓂᔪᐛ ᑭᔭ ᓇᔅᒡ ᑯᐃᔅᑯᑕᑎᓯᒥᑭᓂᔪᐛ᙮

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮

ᒋᔅᒐᔨᑕᑯᑕᒐᐅᓐ 18:20

ᒋᔨᐛᐤ ᒋᒋᒋᓯᑯᒡ ᐊ ᑕᔭᒄ, ᒥᔽᔨᑎᒧᒄ ᐊᒋ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ᙮ ᒋᔨᐛᐤ ᑲ ᑕᑈᑎᒪᒄ, ᑭᔭ ᒋᔨᐛᐤ ᐊᑈᔅᑕᓇᒡ, ᑭᔭ ᒋᔨᐛᐤ ᑲ ᐅᒋᔅᒋᐛᐃᒐᓱᐅᔭᒄ, ᒥᔽᔨᑎᒧᒄ᙮ ᐛᔅ ᒋᓴᒪᓂᑐᐤ ᒋ ᑎᐸᔅᑯᓇᐤ ᐊᓂᔭᔪᐛ ᐊᓐᑕ ᑲ ᑕᔨᒋ ᑕᓐ ᑲ ᐃᑐᑕᑕᑯᒡ᙮”

ᒋᔅᒐᔨᑕᑯᑕᒐᐅᓐ 18:3

ᐛᔅ ᐊᓐᒡ ᐊᓐᑕ ᑲ ᐎᒋᒡ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓇᔅᒡ ᐛᐸᒻ ᒋ ᐅᒋ ᓇᐃᐱᔨᑐᐛᐅᒡ ᒐᒋ ᓂᓱᐅᓇᒋᐃᑯᔨᒋ ᐊ ᐎᓂᓱᐤ ᐱᒪᑎᓯᔨᒋ᙮ ᒧᔭᒻ ᐊᒋ ᒥᓇᐊᒡ ᓱᒥᓇᐳᔪᐤ ᒐᒋ ᒋᔎᐸᔅᑲᑯᔨᒋ, ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᑲ ᐃᑐᑐᐛᒡ᙮ ᒋ ᐸᒋ ᐎᒋ ᐎᓂᓱᐤ ᐱᒪᑎᓯᒥᑯᐅᒡ ᒋᓴᐅᒋᒪᐛ ᐅᑕ ᐊᔅᒋᒡ ᑲ ᑕᔨᒋ᙮ ᐊᑯ ᐊᓂᔭᔪᐛ ᐊ ᐊᑕᐛᔨᒋ ᒐᒂᔪᐤ ᑲ ᐅᒋ ᐱᒪᒋᐅᔨᒋ, ᒋ ᐅᓱᓇᔭᓂᒥᐧᑲᓱᔪᐛ ᑕᓐ ᑲ ᐃᓯ ᐊᑲ ᐅᒋ ᐳᓂᐱᔨᒡ ᐊ ᐎ ᐛᔪᑎᓯᒡ᙮ ᐎᓂᓱᐱᒪᑎᓯᐅᓂᒡ ᒋ ᐅᒋ ᐅᓱᓇᔭᓂᒥᐧᑲᓱᐅᒡ᙮”

ᒋᔅᒐᔨᑕᑯᑕᒐᐅᓐ 6:10

ᒋ ᒋᔄᐛᐅᒡ ᒪᒃ ᐊ ᑕᑈᒡ, “ᓂᑎᐸᔨᒋᒐᓯᒥᓇᓐ ᑲ ᓱᐧᑲᑎᓯᔨᓐ, ᑲ ᐸᔭᒋᓯᔨᓐ, ᑲ ᒋᔅᑕᔨᑕᑯᓯᔨᓐ ᒐᒋ ᑕᑈᐅᒐᔨᒥᑯᔨᓐ᙮ ᑕᐃᔅᐱ ᒐ ᑎᐸᔅᑯᓂᑥᐤ ᐊᓐᒡ ᐊᓐᑕ ᐊᔅᒋᒡ ᐊ ᑕᒡ ᑲ ᓂᐸᐃᔨᒥᒡ ? ᑕᐃᔅᐱ ᒐ ᑎᐸᐊᑥᐤ ᐊᓐᒡ ᑲ ᓂᐸᐃᔨᒥᒡ ?”