ᒋᔅᒐᔨᑕᑯᑕᒐᐅᓐ 19:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐅᑦ ᐊᑯᐱᒡ ᑭᔭ ᐅᑈᒥᒡ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ᙮ ᐃᑎᔅᑕᔪᐤ, “ᒋᒋᐛ ᐊ ᒋᔅᑕᔨᑕᑯᓯᑦ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᓇᔅᒡ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮”

ᒋᔅᒐᔨᑕᑯᑕᒐᐅᓐ 19:16 Iomraidhean Croise

ᑎᐱᑦ ᐅᓂᑭᒧᐅᓇ 136:3

ᐅ ᓂᓇᔅᑯᒥᐧᒄ ᑕᐸᔨᒪᑦ ᑲ ᑎᐸᔨᒋᒐᔨᒋ: ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮

ᑎᐱᑦ ᐅᓂᑭᒧᐅᓇ 72:11

ᓂᐦᐃ, ᒥᓯᐛ ᒋᓴᐅᒋᒪᐅᒡ ᒋᑭ ᐸᒋᓯᓂᔅᑐᐛᐅᒡ; ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᒋᑭ ᐊᑐᔅᒐᔅᑐᐛᐅᒡ᙮

ᑎᐱᑦ ᐅᓂᑭᒧᐅᓇ 89:27

ᐊᓯᒡ ᑭᔭ ᓂᑭ ᐃᓯᐊᐤ ᓂᓂᔅᑎᒧᓴᓐ, ᐅᔅᑕ ᐊ ᐃᔅᐸᔨᑕᑯᓯᑦ ᐃᔅᐱᔅ ᒋᓴᐅᒋᒪᐛ ᐊᔅᒋᒡ᙮

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

1 ᑎᒧᑎ 6:15

ᐎᔾ ᒪᒃ ᒋᓴᒪᓂᑐᐤ ᒋᑭ ᒋᔅᒐᔨᑎᒻ ᒐ ᐃᔅᐱᔅ ᐅᑎᒋᐱᔨᑕᑦ ᐅᔭ ᒐ ᑎᑯᓯᓂᔨᒋ ᒋᓴᓴ᙮ ᐎᔾ ᒋᓴᒪᓂᑐᐤ ᑕᑈ ᐃᑕᔨᑕᑯᓂᔪᐤ ᒐᒋ ᒪᒥᒋᒪᑭᓄᐅᑦ ᑭᔭ ᐎᔾ ᒋᒋᐛ ᐱᒥᐱᔨᑕᐤ ᒥᓯᐛ ᒐᒂᔪᐤ᙮ ᐊᐅᒄ ᐅᔭ ᒥᓯᐛ ᒋᓴᐅᒋᒪᐅᒡ ᐅᒋᓴᐅᒋᒪᒧᐛᐛ ᑭᔭ ᒥᓯᐛ ᑲ ᑎᐸᔨᒐᒡ ᐅᑎᐸᔨᒋᓯᒧᐛᐛ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 17:14

ᐅᒡ ᒪᒃ ᐸᐃᑯᔪᐤ ᒋᓴᐅᒋᒪᐅᒡ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᓂᑐᐱᔨᑐᐛᐅᒡ ᐊᓂᔭᔪᐛ ᒪᔭᑕᓂᓴ᙮ ᒥᒄ ᒪᒃ ᒋᑭ ᓴᑯᐃᑯᐅᒡ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᑲ ᓇᓴᐅᑯᔨᒋ᙮ ᐛᔅ ᐎᔾ ᐊᓐ ᒪᔭᑕᓂᔅ ᒋᒋᐛ ᒋᔅᑕᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᒋᒋᐛ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮ ᐊᓂᔭᔪᐛ ᒪᒃ ᑲ ᓇᓴᐅᑯᑦ, ᐊᐅᑯᓂ ᐎᔾ ᐛᒋᒡ ᑲ ᑕᑈᑕᑦ ᑭᔭ ᑲ ᐅᑎᓇᑦ ᒐᒋ ᐅᑦ ᐃᔨᒥᑦ ᑭᔭ ᐊᐅᑯᓂ ᐊᓂᔭᔪᐛ ᑯᐃᔅᒄ ᑲ ᐃᑎᔨᒋ ᐊ ᓇᓴᐅᑯᑦ᙮”

ᒋᔅᒐᔨᑕᑯᑕᒐᐅᓐ 2:17

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ᑲᔭᑭᓄᔨᒋ᙮ ᓂᑭ ᒥᔭᐅᒡ ᐊᓯᓂᔭ ᐊ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ᒥᔭᑭᓄᐅᒂ, ᐊᐅᑯᓐ ᒐ ᒋᔅᒐᔨᑕᐧᒃ᙮”