ᒋᔅᒐᔨᑕᑯᑕᒐᐅᓐ 19:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓂᑐᐱᔪᐅ-ᐃᔪᐛ ᒪᒃ ᒋᒋᒋᓯᑯᒡ ᐊ ᑕᔨᒋ ᒋ ᐅᒋ ᓇᓴᐅᑯᐤ ᑲ ᐛᐱᓯᔨᒋ ᑲᐸᐃᑭᔎᐛ ᐊ ᐊᐱᒋᐊᔨᒋ᙮ ᓇᔅᒡ ᑲ ᒥᔽᑭᓂᔨᒡ ᑲ ᓱᓯᐛᑭᓯᔨᒡ ᐱᒍᐎᔭᓂᓯᔪᐤ ᐊ ᐛᐸᑭᓯᔨᒡ, ᐊᐅᑯᓐ ᐊ ᐃᓯᓇᑯᓂᔨᒋ ᐅᑦ ᐊᐱᒋᑕᐅᓄᐛᐛ ᐅᒡ ᓂᑐᐱᔪᐅ-ᐃᔪᒡ᙮ ᓇᔅᒡ ᐸᔭᐧᑭᓂᔪᐛ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ᙮

ᒋᔅᒐᔨᑕᑯᑕᒐᐅᓐ 19:14 Iomraidhean Croise

ᑎᐱᑦ ᐅᓂᑭᒧᐅᓇ 68:17

ᐅᑎᑎᐱᑕᐸᓇᔎ ᒋᓴᒪᓂᑐᐤ ᓂᓱᔪᐤ ᑕᑥᐤ ᒐᓯᐱᔪᐤ ᐃᑕᓯᔪᐛ, ᒥᒐᑦ ᒐᓯᐱᔪᐤ ᐊᓐᒋᓇ ᐅᑎ: ᑎᐸᔨᒋᒐᓱᐤ ᐎᒐᐛᐤ ᒧᔭᒻ ᓴᐃᓇᐃᒡ, ᐸᔭᐧᑭᓂᔨᒡ᙮

ᒪᑎᔪᐤ 21:5

ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ, ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ, ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ, ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮ ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮

ᒪᑎᔪᐤ 26:53

ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᓂ ᐸᒋ ᓂᑐᑎᒧᐛᐤ ᓄᑕᐎᔾ ᒐᒋ ᓇᑕᒧᐅᑦ, ᑎᐛᒡ ᒪᒃ ᒋᐸ ᒋ ᐸᒋ ᐃᑎᓴᐛᐤ ᐅᔅᑕ ᒥᒐᑥᐤ ᒐᓯᐱᔪᐤ ᐊᓐᒋᓇ ᒐᒋ ᐸᒋ ᓇᑕᒧᔨᒋ ?

ᒪᑎᔪᐤ 28:3

ᒧᔭᒻ ᒪᒃ ᐊ ᐛᔅᑕᐱᔨᒡ ᑲ ᐃᔅᐱᔅ ᒋᐧᑲᔭᔅᑐᐛᒡ ᐊᐅᑯᓐ ᑲ ᐃᓯᓇᑯᓯᑦ ᐊᓐ ᐊᓐᒋᓐ ᐃᔅᐱ ᐛᒋ ᓄᑯᓯᑦ, ᑭᔭ ᐅᑦ ᐊᐱᒋᑕᐅᓇ ᑕᐱᔅᑯᓐ ᑯᓐ ᑲ ᐃᔅᐱᔅ ᐛᐱᓯᑦ ᐊᐅᑯᓐ ᑲ ᐃᓯᓇᑯᓂᔨᒋ᙮

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮

ᒍᑦ 1:14

ᐃᓄᒃ, ᐊᓐ ᓂᔄᐅᑕᒡ ᑲ ᑕᑦ ᐊᑕᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᑦ, ᓴᔅ ᐊᓐᑕ ᐛᔅᑭᒡ ᓂᑲᓐ ᒋ ᐊᔨᒧᒪᐤ ᐅᔭ᙮ ᒋ ᐃᑕᐤ, “ᐃᑕᐱᒄ ᒪ᙮ ᐅᑎᐸᔨᒋᒐᐤ ᒥᒐᑥᐤ ᒐᓯᐱᔪᐤ ᐅᐸᔭᒋ ᐊᓐᒋᓂᒪ ᒋᑭ ᐸᒋ ᐎᒐᐛᐤ

ᒋᔅᒐᔨᑕᑯᑕᒐᐅᓐ 14:1

ᐃᔅᐱ ᒥᓐ ᑲ ᐃᑕᐱᔭᓐ ᓂᒋ ᐛᐱᒪᐤ ᐊᓐ ᒪᔭᑕᓂᔅ ᐊᓐᑕ ᐊᓂᔭ ᐱᔅᑯᑎᓇᔪᐤ ᓴᐃᔭᓐ ᑲ ᐃᓯᓂᐧᑲᑕᔨᒡ ᐊ ᓂᐳᐅᑦ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ᑕᑎᓯᔪᐛ ᐊᐛᔪᐛ ᐊᓐᑕ ᐊ ᑕᑦ᙮ ᐊᓂᔭᔪᐛ ᒪᒃ ᐊᐛᔪᐛ ᐅᔅᑲᑎᑯᐎᒡ ᒋ ᒥᓯᓇᑕᔪᐤ ᐊᓂᔭᔪᐛ ᒪᔭᑕᓂᓴ ᐅᑦ ᐃᓯᓂᐧᑲᓱᐅᓂᔪᐤ ᑭᔭ ᒋᓴᒪᓂᑐᐛ ᐅᑕᐎᒪᐛ ᐅᑦ ᐃᓯᓂᐧᑲᓱᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 14:20

ᐎᐎᑎᒥᒡ ᐊᓐ ᐅᑕᓇᐤ ᐊᑯᑕ ᑲ ᑎᑯᐃᑭᓄᐅᒋ ᐊᓂᔭᔪᐛ ᒥᓂᓴ᙮ ᐃᔅᐱ ᒪᒃ ᑲ ᑎᑯᐃᑭᓄᔨᒋ ᒥᔅᑎ ᒋ ᐅᒋ ᑯᐃᒂᓯᑯᓐ ᒥᐧᒄ ᐊᓐᑕ ᐊᓐ ᓇᐊᐤ ᑲ ᑎᑯᐃᑭᓄᔨᒋ ᐊᓂᔭᔪᐛ ᒥᓂᓴ᙮ ᐊᓐ ᒪᒃ ᐊ ᐃᓯ ᑯᐃᒂᓯᑯᒡ ᒥᐧᒄ, ᓴᓯᑲᓐ ᐱᑕᑕᒡ ᑕᑐᔪᐤ ᒥᓯᑦ ᒋ ᐊᑎ ᐃᔅᐱᓯᐱᔪᐤ᙮ ᓴᓯᑲᓐ ᒪᒃ ᓂᓱ ᒥᑕᓯᒥᑎᓄᐤ ᐊᔅᐱᓴᒡ ᒋ ᐃᔎᒐ ᐱᓯᒄ ᒥᐧᒄ ᐊ ᐃᓯᓇᒂᒡ᙮

ᒋᔅᒐᔨᑕᑯᑕᒐᐅᓐ 17:14

ᐅᒡ ᒪᒃ ᐸᐃᑯᔪᐤ ᒋᓴᐅᒋᒪᐅᒡ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᓂᑐᐱᔨᑐᐛᐅᒡ ᐊᓂᔭᔪᐛ ᒪᔭᑕᓂᓴ᙮ ᒥᒄ ᒪᒃ ᒋᑭ ᓴᑯᐃᑯᐅᒡ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᑲ ᓇᓴᐅᑯᔨᒋ᙮ ᐛᔅ ᐎᔾ ᐊᓐ ᒪᔭᑕᓂᔅ ᒋᒋᐛ ᒋᔅᑕᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᒋᒋᐛ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮ ᐊᓂᔭᔪᐛ ᒪᒃ ᑲ ᓇᓴᐅᑯᑦ, ᐊᐅᑯᓂ ᐎᔾ ᐛᒋᒡ ᑲ ᑕᑈᑕᑦ ᑭᔭ ᑲ ᐅᑎᓇᑦ ᒐᒋ ᐅᑦ ᐃᔨᒥᑦ ᑭᔭ ᐊᐅᑯᓂ ᐊᓂᔭᔪᐛ ᑯᐃᔅᒄ ᑲ ᐃᑎᔨᒋ ᐊ ᓇᓴᐅᑯᑦ᙮”

ᒋᔅᒐᔨᑕᑯᑕᒐᐅᓐ 19:11

ᐊᑯ ᒂ ᐛᐸᑎᒪᓐ ᒋᒋᒋᓯᒄ ᐊ ᔪᑕᐱᔨᒡ᙮ ᒋ ᐅᒋ ᓄᑯᓱᐤ ᒪᒃ ᑲᐸᐃᑭᔎᐤ ᐊ ᐛᐱᓯᑦ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᑲ ᑕᑈᐅᒐᔨᑕᑯᓯᑦ ᑭᔭ ᑲ ᑕᑈᑦ ᒋ ᐃᓯᓂᐧᑲᑕᑭᓄᐤ᙮ ᑯᐃᔅᑯᑕᑎᓯᐅᓂᒡ ᐃᓯ ᑎᐸᔅᑯᓂᒐᐤ ᑭᔭ ᑯᐃᔅᑯᑕᑎᓯᐅᓂᔪᐤ ᒪᓯᒐᔅᑎᒻ᙮

ᒋᔅᒐᔨᑕᑯᑕᒐᐅᓐ 19:8

ᒋ ᒥᔭᑭᓄᐤ ᐊᓐ ᐅᔅᒋᓂᒋᔎᐤ ᐱᒍᐎᔭᓂᓯᔪᐤ ᑲ ᓱᓯᐛᑭᓯᔨᒡ ᓇᔅᒡ ᑲ ᒥᔽᑭᓯᔨᒡ ᒐᒋ ᒋᔅᑲᐧᒃ᙮ ᓇᔅᒡ ᒪᒃ ᒋ ᐛᓴᔅᑯᔅᑕᔪᐛ ᐅᑦ ᐊᐱᒋᑕᐅᓇ ᑭᔭ ᓇᔅᒡ ᒋ ᐸᔭᐧᑭᓂᔪᐛ᙮” ᐅ ᒪᒃ ᐊᐱᒋᑕᐅᓐ ᐊᔅᐱᔅ ᒥᔽᑭᓯᒡ, ᐊᐅᑯᓐ ᐊ ᐃᓯᓇᑯᓂᔨᒋ ᐅᑯᐃᔅᒄ ᐃᑐᓄᐛᐛ ᐊᓐᒡ ᑲ ᑕᑈᑕᒡ᙮

ᒋᔅᒐᔨᑕᑯᑕᒐᐅᓐ 3:4

ᑕᐅᒡ ᑭᑈ ᐱᔅᒐ ᐊᐛᓐᒋ ᐊᓐᑕ ᓴᕐᑎᔅ ᐊᒋ ᑭᓄᐛᔨᒥᓱᒡ ᐊᑲ ᐅᒋ ᐎᓇᑯᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᒪᒃ ᐅᒡ ᒐ ᐱᐸᐎᒐᐅᒡ ᐊ ᐛᐸᔅᐱᓱᒡ ᐛᔅ ᒋᔅᑕᔨᑕᑯᓱᐅᒡ᙮

ᒋᔅᒐᔨᑕᑯᑕᒐᐅᓐ 4:4

ᐛᔅᑲ ᒪᒃ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᐊᑯᑕ ᑲ ᑎᒂᒋ ᓂᓱᔪᐤ ᐊᓱ ᓇᐤ ᒋᓴᐅᒋᒪᐤ ᑕᑎᐳᐛᑭᓇ᙮ ᓂᓱᔪᐤ ᐊᓱ ᓇᐤ ᐊ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐊᐳᐅᒡ ᐊᓐᑕ᙮ ᒋ ᐛᐸᔪᐛ ᐅᑦ ᐊᐱᒋᑕᐅᓄᐛᐛ ᑭᔭ ᒋ ᒋᔅᑭᒧᒡ ᐊ ᐎᔄᐅᓱᓇᔭᐱᔅᑯᔨᒋ ᒋᓴᐅᒋᒪᐅᑯᓂᔎᐅᓇ᙮

ᒋᔅᒐᔨᑕᑯᑕᒐᐅᓐ 7:9

ᐃᔅᐱ ᑲ ᐃᔅᐱᔨᒡ ᐅ ᒪᔅᑕᔾ ᑲ ᐃᓯ ᐛᐸᑎᔨᑯᐅᔭᓐ, ᐊᑯ ᒂ ᐛᐱᒥᒂᐤ ᐊ ᒥᔅᑎ ᒥᒐᑎᒡ ᐊᐛᓐᒋ, ᐊᑲ ᐛᐛᒡ ᒋ ᐊᒋᒪᑭᓄᐎᒡ ᑲ ᐃᔅᐱᔅ ᒋ ᒥᒐᑎᒡ᙮ ᒥᓯᐛ ᐊ ᐃᑎᔅᑲᓇᓯᓇᓄᐎᒡ ᐊ ᐅᒋᒡ, ᒥᓯᐛ ᐊ ᐃᓯ ᒪᒧᑕᐅᓯᓇᓄᐎᒡ, ᑭᔭ ᒥᓯᐛ ᐊ ᐃᓯ ᐃᔨᒥᓇᓄᐎᒡ, ᒥᓯᐛ ᒋ ᐅᑎᔅᑯᑲᐳᔅᑎᒺᐅᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᒪᔭᑕᓂᓴ᙮ ᒥᓯᐛ ᐊ ᑎᓯᒡ ᒋ ᐛᐸᔅᐱᓱᐅᒡ ᑭᔭ ᒋ ᑕᐧᑯᓂᒧᒡ ᓂᐱᓯᔭᑎᒂ ᐅᑎᒋᐛᒡ ᐊ ᒧᒋᒐᔨᑕᒡ᙮