ᒋᔅᒐᔨᑕᑯᑕᒐᐅᓐ 19:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐅᔅᒋᓯᒂ ᒧᔭᒻ ᐃᔅᑯᑕᔪᐤ ᐊ ᒋᐧᑲᔭᔅᑐᐛᔨᒡ ᐊ ᐎᐧᑯᔭᐱᔨᒋ ᐃᓯᓇᑯᓂᔪᐛ᙮ ᒥᒐᓂᔪᐛ ᒋᓴᐅᒋᒪᐅᑯᓂᔎᐅᓇ ᐊ ᒋᔅᑲᐧᒃ᙮ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᑦ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮ ᒥᒄ ᐎᔾ ᒋᔅᒐᔨᑎᒻ ᐊᓂᔭ ᐃᓯᓂᐧᑲᓱᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 19:12 Iomraidhean Croise

ᒐᓂᓯᔅ 32:29

ᐊᑯ ᒐᑭᑉ ᑲ ᑯᒂᒋᒪᑦ, “ᐎᑎᒧᐎ ᒪ ᒋᑦ ᐃᓯᓂᐧᑲᓱᐅᓐ᙮” ᒥᒄ ᒋ ᐃᑎᑯᐤ ᓇᐸᐛ, “ᒐᒂᓐ ᐛᒋ ᐎᔅᒐᔨᑎᒥᓐ ᓂᑦ ᐃᓯᓂᐧᑲᓱᐅᓐ ?” ᐊᑯ ᒂ ᓱᐛᔨᑕᑯᐛᑦ ᒐᑭᐸ᙮

ᑎᐱᑦ ᐅᓂᑭᒧᐅᓇ 8:5

ᐛᔅ ᐊᐱᓯᔅ ᔅᒋ ᑎᐱᑕᔨᑕᑯᐊᐤ ᐃᔅᐱᔅ ᐊᓐᒋᓇ, ᑭᔭ ᔅᒋ ᐅᒋᒪᐅ-ᐊᑯᓂᔎᐅᓇᐊᐤ ᒋᔅᑕᔨᑕᑯᓱᐅᓂᔪᐤ ᑭᔭ ᒋᔅᑎᓯᐅᓂᔪᐤ᙮

ᐊᒃᓱᑕᔅ 23:21

ᑭᔭ ᒐ ᓂᑐᑐᐛᒄ ᒐᒂᔪᐤ ᒐ ᐃᑎᑕᒃ ᑭᔭ ᒐ ᓇᐃᑐᐛᒄ᙮ ᒐ ᐊᑲ ᐱᐛᔨᒪᒄ ᐛᔅ ᓂ ᒥᔭᐤ ᑎᐸᔨᒋᒐᐅᓂᔪᐤ ᑭᔭ ᓇᒪ ᒋᑭ ᐛᐸᔨᑎᒪᑯᐛᐤ ᒪᔭᔨᒪᒂ᙮

ᒪᑎᔪᐤ 11:27

ᐊᑯ ᐃᔅᐱ ᑲᒋ ᐃᓯ ᐊᔭᒥᐊᑦ ᒋᓴᔅ ᒋ ᐃᑕᐤ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒧᒡ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐅᑕᐎᒪᐛ, ᒥᒄ ᐅᑯᓯᓯᒪᐤ ᒋᔅᒐᔨᒪᐤ, ᑭᔭ ᒥᒄ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒪᑎᔪᐤ 21:5

ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ, ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ, ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ, ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮ ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᓗᒃ 10:22

ᐊᑯ ᒋᓴᔅ ᐃᔅᐱ ᑲᒋ ᐃᓯ ᐊᔭᒥᐊᑦ ᒂ ᐃᑕᑦ ᐊᓂᔭ ᐊᓐᑕ ᐊ ᑕᔨᒋ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒪᓐ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑕᐎᒪᐛ, ᒥᒄ ᐅᑯᓯᓯᒪᐤ, ᑭᔭ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒠᓐ 17:11

ᐊᑯ ᒪᒃ ᒐ ᓂᑐᐛᐱᒥᑕᓐ᙮ ᓴᔅ ᐎᐱᒡ ᓇᒪ ᓂᑭ ᐅᒋ ᑕᓐ ᐅᑕ ᐊᔅᒋᒡ᙮ ᐎᔨᐛᐤ ᒪᒃ ᐊᔅᒄ ᐅᑕ ᐊᔅᒋᒡ ᒋᑭ ᑕᐅᒡ᙮ ᓄᑕ, ᒋᔾ ᑲ ᐸᔭᒋᓯᔨᓐ, ᒪᒧᐤ ᑭᓄᐛᔨᒥᒡ ᑕᓐ ᐊ ᐃᓯ ᓱᒋᑭᓄᐛᔨᒧᒥᑭᓂᔨᒡ ᒋᑦ ᐃᓯᓂᐧᑲᓱᐅᓂᔪᐤ ᐅᒡ ᑲ ᐸᒋ ᒥᔨᓐ ᐊᓐᑕ ᒐᒋ ᐅᒋ ᐸᐃᑯᒡ ᒧᔭᒻ ᒋᔭᓄᐤ ᐊ ᐃᓯ ᐸᐃᑯᔭᐧᒄ᙮”

ᒠᓐ 17:12

“ᒪᒂᒡ ᑲ ᐎᒐᐅᒂᐤ ᓂᒋ ᑭᓄᐛᔨᒪᐅᒡ ᐊᓂᔭ ᐃᓯᓂᐧᑲᓱᐅᓂᔪᐤ ᑲ ᐸᒋ ᒥᔪᐅᑦ ᐅᒡ᙮ ᓂᒋ ᑭᓄᐛᔨᒪᐅᒡ, ᓇᒪ ᒪᒃ ᐛᒋ ᐸᐃᒄ ᐅᒋ ᐅᓂᓯᓄᐅᒡ ᒥᒄ ᐊᓐ ᑲ ᐃᑕᔨᑕᑯᓂᑯᐱᓇ ᒐ ᐅᓂᓯᐧᒃ ᒋ ᐅᓂᓯᓄᐤ᙮ ᒥᓯᐛ ᐅ ᑲ ᐃᔅᐱᔨᒡ ᒋ ᐃᔅᐱᔪᐤ ᒐᒋ ᑎᐱᐱᔨᒡ ᑕᓐ ᐊᑎᔅᑕᒡ ᒋᑦ ᐃᔨᒧᐅᓂᒡ᙮”

ᐃᐱᓯᔭᓇ 1:21

ᐎᔾ ᙭ ᐃᐛᒃ ᐃᑕᔨᑕᑯᓂᔪᐤ ᐅᑎᐸᔨᒋᒐᐅᓐ ᐃᔅᐱᔅ ᐊᓂᔭᔪᐛ ᑲ ᐅᒋᒪᐎᔨᒋ, ᑲ ᑎᐸᔨᒋᒐᔨᒋ, ᑲ ᓱᐧᑲᑎᓯᔨᒋ, ᑭᔭ ᑲ ᓂᑲᓄᐱᔨᒋ᙮ ᐎᔾ ᐃᐛᒃ ᐃᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ ᐊ ᐃᑕᔨᑕᑯᓂᔨᒡ ᑯᑎᒃ ᐊᐛᓐ ᐅᑦ ᐃᓯᓂᐧᑲᓱᐅᓐ ᐊᓄᒡ ᑭᔭ ᐊᓐᑕ ᓂᑲᓐ᙮

ᐃᑉᕈᐛ 2:9

ᒥᒄ ᒪᒃ ᒋ ᒋᔅᒐᔨᒪᓄᐤ ᐎᔾ ᒋᓴᔅ ᐊ ᐊᔭᑦ ᑎᐸᔨᒋᒐᐅᓂᔪᐤ ᒥᓯᐛ ᒐᒂᔪᐤ ᒐᒋ ᐅᒋᒪᐧᑲᑕᐧᒃ᙮ ᒋ ᐃᑐᑐᐛᑭᓄᐤ ᐛᐃᐱᔅᒋᔅ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓐᒋᓇ᙮ ᐅᔭ ᒪᒃ ᒋ ᐃᑐᑐᐛᑭᓄᐤ ᒐᒋ ᓂᒋᔅᑲᐧᒃ ᓂᐳᐅᓂᔪᐤ᙮ ᐊᐅᒄ ᐅᔭ ᐛᒋ ᒥᔭᑭᓄᐅᑦ ᒐᒋ ᒋᔅᑕᔨᑕᑯᓯᑦ ᑭᔭ ᒐᒋ ᐃᔅᐸᔨᑕᑯᓯᑦ ᐊᓂᔭ ᐊᒋ ᓂᒋᔅᑲᐧᒃ ᓂᓇᐧᑲᑕᔨᒧᐅᓂᔪᐤ ᐃᔅᐱ ᑲ ᓂᐸᐊᑭᓄᐅᑦ᙮ ᐊᓂᔭ ᒪᒃ ᒋᓴᒪᓂᑐᐤ ᓇᔅᒡ ᐊᒋ ᓴᒋᐊᑦ ᐊᐛᔪᐛ ᐅᑕ ᐊᔅᒋᒡ ᐊᔪᐅᒄ ᐊᓂᔭ ᐛᒋ ᓂᐱᔅᑎᒧᐛᑦ ᒋᓴᔅ ᒥᓯᐛ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 1:14

ᐅᔅᑎᒂᓐ ᑭᔭ ᐅᐱᔎᐅᓇ ᒋ ᐛᐸᔪᐛ ᒧᔭᒻ ᒪᔭᑕᓂᔅ ᐅᐱᐎᔭ ᐊ ᐃᔅᐱᔅ ᐛᐸᔨᒋ ᒪᒃ ᒧᔭᒻ ᑯᓐ ᐊ ᐃᔅᐱᔅ ᐛᐱᓯᑦ᙮ ᐅᔅᒋᓯᒂ ᒧᔭᒻ ᐊ ᐃᔅᑯᑕᐅᔨᒋ ᒋ ᐃᓯᓇᑯᓂᔪᐤ᙮

ᒋᔅᒐᔨᑕᑯᑕᒐᐅᓐ 12:3

ᒥᓐ ᑯᑎᒡ ᒋᔅᒋᓄᐛᐸᑎᔨᐛᐅᓐ ᒋ ᐅᒋ ᓄᑯᓐ ᐊᓐᑕ ᒋᒋᒋᓯᑯᒡ᙮ ᓂᒋ ᐛᐱᒪᐤ ᒥᔅᑎ ᒥᓐᑐᔅ ᐊ ᒥᐧᑯᓯᑦ ᓂᔄᐅᑕᒡ ᐊ ᐃᑕᑎᓂᔨᒋ ᐅᔅᑎᒂᓇ ᑭᔭ ᐸᐃᑯᔪᐤ ᐊ ᐃᑕᑎᓂᔨᒋ ᐅᑦ ᐊᔅᑭᓇ᙮ ᒥᓯᐛ ᒪᒃ ᐊ ᐃᑕᑎᓂᔨᒋ ᐊᓂᔭ ᐅᔅᑎᒂᓇ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ᙮

ᒋᔅᒐᔨᑕᑯᑕᒐᐅᓐ 13:1

ᐊᓐ ᒪᒃ ᒥᔅᑎ ᒥᓐᑐᔅ ᐊᓐᑕ ᓯᓱᒡ ᐎᓂᐸᑯᒡ ᒋ ᓂᐳᐅᐤ᙮ ᐊᑯ ᒂ ᐛᐱᒥᒃ ᒥᒋ ᐊᐛᓯᔅ ᐊᓐᑕ ᐎᓂᐸᑯᒡ ᐊ ᐅᒋ ᓄᑯᓯᒡ᙮ ᓂᔄᐅᑕᒡ ᒋ ᐃᑕᑎᓂᔪᐤ ᐅᔅᑎᒂᓇ ᑭᔭ ᐸᐃᑯᔪᐤ ᒋ ᐃᑕᑎᓯᔪᐛ ᐅᑦ ᐊᔅᑭᓇ᙮ ᒋᓴᐅᒋᒪᐅᑯᓂᔎᐅᓂᔪᐤ ᒋ ᐊᑯᑕᔪᐛ ᐸᐸᐃᒄ ᐊᓐᑕ ᐊᓂᔭᔪᐛ ᐅᑦ ᐊᔅᑭᓇ᙮ ᐸᐸᐃᒄ ᒪᒃ ᐊᓂᔭᔪᐛ ᐅᔅᑎᒂᓇ ᒋ ᒥᓯᓇᑕᔪᐛ ᐊᓐᑕ ᐃᓯᓂᐧᑲᓱᐅᓇ ᐊ ᐸᔅᑕᒥᑯᔨᒋ ᒋᓴᒪᓂᑐᐛ ᐊ ᐃᑎᑕᑯᓂᔨᒋ᙮

ᒋᔅᒐᔨᑕᑯᑕᒐᐅᓐ 19:16

ᐅᑦ ᐊᑯᐱᒡ ᑭᔭ ᐅᑈᒥᒡ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ᙮ ᐃᑎᔅᑕᔪᐤ, “ᒋᒋᐛ ᐊ ᒋᔅᑕᔨᑕᑯᓯᑦ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᓇᔅᒡ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮”

ᒋᔅᒐᔨᑕᑯᑕᒐᐅᓐ 3:12

ᐊᓐᒡ ᐊᐛᓐᒋ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐃᓯᐊᐅᒡ ᒧᔭᒻ ᓯᑥᔎᐃᑭᓐ ᒋᒋᐛ ᐊ ᐊᐱᑎᒡ ᐊᓐᑕ ᐅᒋᓴᐊᔭᒥᐊᐅᒋᐛᐱᒡ ᐊᓐ ᒋᓴᒪᓂᑐᐤ ᑲ ᐊᑐᔅᑯᐅᒃ ᒐᒋ ᐃᓯᓇᑯᓯᒡ᙮ ᓇᒪ ᒪᒃ ᒥᓐ ᓂᑕ ᒋᑭ ᐅᒋ ᓂᑭᑎᒧᒡ᙮ ᓂᑭ ᒥᓯᓇᐊᒺᓐ ᒋᓴᒪᓂᑐᐛ ᐅᑦ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᒡ᙮ ᓂᑭ ᒥᓯᓇᐊᒧᐛᓐ ᑕᓐ ᐊ ᐃᓯᓂᐧᑲᑕᔨᒡ ᒋᓴᒪᓂᑐᐛ ᐅᑦ ᐃᑕᐅᓂᔪᐤ ᐊᓐᑕ ᐊ ᑕᒡ, ᐊᐅᒄ ᐅ ᑲ ᐅᔅᑲᒡ ᒋᕈᓯᓕᒻ᙮ ᒋᓴᒪᓂᑐᐤ ᒋᑭ ᐸᒋ ᐃᑎᓴᐊᒻ ᐅᔭ ᒋᒋᒋᓯᑯᒡ ᐅᒡ᙮ ᑭᔭ ᓂᑭ ᒥᓯᓇᐊᒺᓐ ᑲ ᐅᔅᑲᔨᒡ ᓂᑦ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᒡ᙮”

ᒋᔅᒐᔨᑕᑯᑕᒐᐅᓐ 6:2

ᐊᑯ ᒂ ᐃᑕᐱᔭᓐ, ᒂ ᐛᐱᒥᒃ ᐊ ᐛᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ᑕᐧᑯᓇᐤ ᐊᒐᐱᔭ᙮ ᒋ ᒥᔭᑭᓄᐤ ᒋᓴᐅᒋᒪᐅᑯᓂᔎᐅᓂᔪᐤ, ᐊᑯ ᒂ ᔅᑐᑕᑦ ᒋᒋᒋᓯᑯᒡ ᐅᒡ ᐊᓐᑕ ᐊᔅᒋᒡ ᐊ ᐃᑐᑕᑦ᙮ ᒋ ᓴᐧᑯᒋᐊᑯᐱᓇ ᒪᓐ ᐊᐛᔪᐛ ᒐᒋ ᐊᑎ ᐅᒋᒪᐧᑲᑐᐛᑦ᙮ ᒥᓐ ᒪᒃ ᒋ ᔅᑐᑕᐤ ᒐᒋ ᓴᐧᑯᒋᐊᑦ ᑭᔭ ᒐᒋ ᐊᑎ ᐅᒋᒪᐧᑲᑐᐛᑦ ᑯᑎᑲ ᐊᐛᔪᐛ᙮