ᒋᔅᒐᔨᑕᑯᑕᒐᐅᓐ 18:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒧᔭᒻ ᑲ ᐃᑐᑐᐛᒡ ᓂᑦ ᐃᔨᒪ ᐅᒡ ᐃᔪᒡ ᐊᑯᓐ ᐃᑐᑐᐛᐧᑯᒡ᙮ ᓇᐊᐤ ᑎᑉ ᐎ ᐃᔅᐱᔅ ᐛᐛᓯᐊᐧᑯᒡ ᑕᓐ ᒋᐸ ᐃᔅᐱᔅ ᐛᐛᓯᐊᑭᓄᐅᒡ ᑲ ᐃᔅᐱᔅ ᒋ ᒥᒋᑐᑕᒡ᙮ ᐊᓂᔭ ᑲ ᐃᓯ ᐎ ᒥᒋᑐᑐᐛᒡ ᐊᐛᔪᐛ ᐃᑐᑐᐛᐅᒡ ᐊᑲ ᓇᔅᒡ ᒐᒋ ᓇᑲᐎᔅᑲᑯᔨᒋ ᒐ ᐃᓯ ᐊᐧᑯᔪᐛᓯᔅᑕᑯᔨᒋ ᒋᓴᒪᓂᑐᐛ᙮ ᓂᔄᐤ ᒪᒃ ᒐᒋ ᐃᔅᐱᔅ ᐊᐧᑯᔪᐛᓯᔅᑕᑯᐅᒡ ᐎᔨᐛᐤ ᒋᓴᒪᓂᑐᐛ ᐃᑐᑐᐛᐧᑯᒡ᙮

ᒋᔅᒐᔨᑕᑯᑕᒐᐅᓐ 18:6 Iomraidhean Croise

ᑎᐱᑦ ᐅᓂᑭᒧᐅᓇ 137:8

ᐅ ᐅᑕᓂᓴ ᐸᐱᓚᓐ, ᒐ ᓂᓱᐅᓇᒋᐃᑯᐅᔨᓐ; ᒋᑭ ᒥᔽᔨᒧᐤ ᐊᓐ ᑲ ᑎᐸᐊᒪᔅᒃ, ᒧᔭᒻ ᑲ ᐃᑐᑐᐅᔭᒡ᙮

ᑎᐱᑦ ᐅᓂᑭᒧᐅᓇ 28:4

ᐅᑦ ᐃᑐᓄᐛᒡ ᐃᓯ ᒥᔨᒡ, ᑭᔭ ᐊ ᐃᓯ ᒥᒋᑥᒪᑭᓂᔨᒋ ᐅᑯᒂᒋᐃᐛᐅᓄᐛᐛ: ᒥᔨᒡ ᑲ ᐃᑎᑐᔅᒐᒡ ᐅᑎᒋᐛᒡ: ᐱᔅᑎᓂᒧᐅᒡ ᑕᐱᔅᑯᓐ ᐊ ᐃᑕᑎᓯᒡ᙮

2 ᑎᒧᑎ 4:14

ᐊᓐ ᓇᐸᐤ ᑲᒋ ᐛᐛᔭᐱᔅᒋᓴᐧᒃ ᐃᓴᑯᔪᐤ, ᐊᓕᒃᓴᓐᑕᕐ ᑲ ᐃᓯᓂᐧᑲᓱᑦ ᓇᔅᒡ ᑕᑈ ᒋ ᑎᑯᓂᔪᐤ ᑕᓐ ᑲ ᐃᓯ ᓂᓇᐧᑲᑕᔨᒧᐃᑦ, ᒥᒄ ᒪᒃ ᒋᑭ ᑎᑯᓂᔪᐤ ᑕᓐ ᒐ ᐃᓯ ᐃᑐᑕᑯᑦ ᐅᑎᐸᔨᒋᒐᐛ ᐅᔭ ᑕᓐ ᑲ ᐃᓯ ᐃᑐᑐᐅᑦ᙮

ᒋᔅᒐᔨᑕᑯᑕᒐᐅᓐ 13:10

ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᒐᒋ ᒋᐸᐛᑭᓄᐅᑦ ᒋᑭ ᒋᐸᐛᑭᓄᐤ, ᑭᔭ ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ ᒐᒋ ᓂᐸᐊᑭᓄᐅᑦ ᒐᔅᑎᓇᔅ ᐊᑯᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᐊᓐᒡ ᑲ ᑕᑈᑕᒡ ᓇᑐᐛᔨᑕᑯᓯᒡ ᓱᒃ ᒐᒋ ᓯᐱᔪᐛᓯᒡ ᐊ ᐊᔨᒋᑲᐳᐅᒡ ᑭᔭ ᓱᒃ ᒧᔅ ᒐᒋ ᑕᑈᑕᒡ᙮

ᒋᔅᒐᔨᑕᑯᑕᒐᐅᓐ 14:10

ᒋᑭ ᒧᓯᑕᐛᐤ ᑕᓐ ᐊ ᐃᓯ ᒋᔄᐊᑦ ᒋᓴᒪᓂᑐᐛ᙮ ᐊᓂᔭ ᒪᒃ ᒐ ᐃᓯ ᒧᓯᑕᐛᑦ ᐊ ᒋᔄᐊᑦ ᒋᓴᒪᓂᑐᐛ, ᒧᔭᒻ ᐊᐛᓐ ᐊ ᒥᓂᐊᑭᓄᐅᑦ ᓱᒥᓇᐳᔪᐤ ᒋᑭ ᐃᑕᔨᑕᑯᓂᔪᐤ᙮ ᐅᔭ ᒪᒃ ᐅᒋᔄᓱᐅᓐ ᒋᓴᒪᓂᑐᐤ, ᓇᔅᒡ ᒋ ᐃᓯ ᑯᑎᐱᓂᒺᐤ ᐊᓐᑕ ᐊᓂᔭ ᒥᓂᒂᑭᓂᔪᐤ ᐊᓐᑕ ᐊ ᐃᓯᓇᑯᓂᔨᒡ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮ ᒥᓯᐛ ᒪᒃ ᐊᓐᒡ ᒐ ᐊᔭᒥᐊᔅᑐᐛᐛᒂ ᐊᓂᔭᔪᐛ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ ᑭᔭ ᒐ ᐱᔅᑎᓂᓱᐛᒂ ᒐᒋ ᒋᔅᒋᓄᐛᒋᐊᑭᓄᐎᒡ ᐅᔅᑲᑎᑯᐛᒡ ᒪᒃ ᐅᑎᒋᐛᒡ ᒋᑭ ᓂᓇᐧᑲᑕᔨᒧᐊᑭᓄᐎᒡ ᐃᔅᑯᑕᔪᐤ ᑭᔭ ᐃᓴᑯ ᐊᓯᓂᔭ ᑲ ᐎᓂᒪᓱᔨᒋ ᐊ ᐃᔎᓯᑭᓄᔨᒋ ᐊ ᐊᑐᔅᒐᔨᒋ ᐅᑎᔅᑯᐤ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ ᑲ ᐸᔭᒋᓯᔨᒋ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 16:19

ᐊᑯ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᐸᐱᓗᓐ ᑲ ᐃᓯᓂᐧᑲᑕᒡ, ᓂᔅᑐᔨᒡ ᒂ ᐃᓯ ᐸᒂᐱᔨᒡ᙮ ᒥᓯᐛ ᐅᑕᓇᐛ ᐊᔅᒋᒡ ᑲ ᑎᒂᒋ ᒋ ᓂᓱᐅᓇᑎᓇ᙮ ᒋᓴᒪᓂᑐᐤ ᒪᒃ ᓇᒪ ᐅᒋ ᐅᓂᒋᔅᒋᓯᑐᑎᒻ ᐊᓂᔭ ᐅᑕᓇᔪᐤ ᐸᐱᓗᓐ ᑲ ᐃᓯᓂᐧᑲᑕᔨᒡ᙮ ᒋ ᐃᑐᑐᐛᐤ ᐊᓂᔭ ᐊᐛᔪᐛ ᐊᓐᑕ ᐊ ᑕᔨᒋ ᒐᒋ ᒥᓂᔨᒋ ᐊᓂᔭ ᓱᒥᓇᐳᔪᐤ ᐊᓐᑕ ᐅᒥᓂᒂᑭᓂᒡ ᐅᒡ᙮ ᐊᐅᒄ ᐅᔭ ᒥᓂᒂᑭᓂᔪᐤ ᐊᓐᑕ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮

ᒋᔅᒐᔨᑕᑯᑕᒐᐅᓐ 17:2

ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ᑕᒡ ᒋ ᐎᒋ ᐱᓯᒂᑎᓯᒪᐅᒡ ᐊᓂᔭᔪᐛ ᐃᔎᐛ᙮ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ᑕᑦ ᒋ ᒥᔽᔨᑎᒧᒡ ᓂᓇᐧᑯᐤ ᐊᒋ ᐃᓯ ᐎᓂᓱᐤ ᐃᑐᑐᐛᒡ ᐊᓂᔭᔪᐛ ᐃᔎᐛ, ᒧᔭᒻ ᐊᒋ ᒥᓄᐛᒡ ᐅᓱᒥᓇᐳᔪᐤ, ᐊᐅᑯᓐ ᐊ ᐃᓯᓇᑯᓯᒡ ᑭᔭ ᑲ ᒋᔎᐸᒡ᙮”

ᒋᔅᒐᔨᑕᑯᑕᒐᐅᓐ 17:4

ᐊᓐ ᒪᒃ ᐃᔎᐤ ᒋ ᒥᒂᔅᐱᓱᐤ ᑭᔭ ᒋ ᒥᔪ ᒥᒂᔪᐛ ᐅᑦ ᐊᐱᒋᑕᐅᓇ᙮ ᒋ ᐛᐛᓯᐅᐤ ᐊ ᐎᔄᐅᓱᓇᔭᐱᔅᑯᔨᒋ ᒐᒂᔪᐛ ᑭᔭ ᓂᓇᐧᑯᐤ ᐊ ᒥᔪᓯᔨᒋ ᐊᓯᓂᔭ ᑭᔭ ᐊ ᐎᔄᐛᐱᔅᒋᓯᔨᒋ ᐊᓯᓂᓴ ᐊ ᒋᔅᑯᐛᑦ᙮ ᒋ ᑕᐧᑯᓂᒻ ᒪᒃ ᐊ ᐎᔄᐅᓱᓇᔭᐱᔅᑯᔨᒡ ᒥᓂᒂᑭᓂᔪᐤ᙮ ᐊᓐᑕ ᒪᒃ ᒥᓂᒂᑭᓂᒡ ᒋ ᓴᑭᔅᑎᓇᔅᑕᔪᐤ ᓂᓇᐧᑯᐤ ᐎᓂᓱᐤ ᐃᑐᐅᓇ, ᐛᔅ ᐊᐅᑯᓐ ᒥᒄ ᐛ ᐃᑕᑎᓯᑦ ᐅ ᐃᔎᐤ᙮

ᒋᔅᒐᔨᑕᑯᑕᒐᐅᓐ 18:20

ᒋᔨᐛᐤ ᒋᒋᒋᓯᑯᒡ ᐊ ᑕᔭᒄ, ᒥᔽᔨᑎᒧᒄ ᐊᒋ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ᙮ ᒋᔨᐛᐤ ᑲ ᑕᑈᑎᒪᒄ, ᑭᔭ ᒋᔨᐛᐤ ᐊᑈᔅᑕᓇᒡ, ᑭᔭ ᒋᔨᐛᐤ ᑲ ᐅᒋᔅᒋᐛᐃᒐᓱᐅᔭᒄ, ᒥᔽᔨᑎᒧᒄ᙮ ᐛᔅ ᒋᓴᒪᓂᑐᐤ ᒋ ᑎᐸᔅᑯᓇᐤ ᐊᓂᔭᔪᐛ ᐊᓐᑕ ᑲ ᑕᔨᒋ ᑕᓐ ᑲ ᐃᑐᑕᑕᑯᒡ᙮”