ᒋᔅᒐᔨᑕᑯᑕᒐᐅᓐ 18:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒥᒄ ᐸᐃᒄ ᑎᐸᐃᑭᓇ ᒋ ᐃᔅᐱᔅ ᑎᓯᐧᑲᑭᓄᐤ ᓇᔅᒡ ᐊ ᓂᓱᐅᓇᒋᑕᑭᓄᐅᒡ ᒥᓯᐛ ᑲ ᐃᓯ ᑎᒂᒡ ᐛᔪᑎᓯᐅᓐ ᐊᓐᑕ ᐊᓐ ᐅᑕᓇᐤ᙮’ ” “ᐊᓐᒡ ᒪᒃ ᐊ ᒥᓴᒡ ᐅᐤᑦ ᐅᒋᒪᐅᒡ ᑭᔭ ᒥᓯᐛ ᐊᐛᓐ ᑲ ᑎᑯᓂᔨᒡ ᐊᓐᑕ ᐊ ᐃᔅᐱᔨᑦ ᐊ ᒥᓴᒡ ᐅᐤᑎᒡ, ᐊ ᒥᓴᒡ ᐅᐤᑦ ᑯᐸᓇᐅᒡ ᑭᔭ ᐊᓐᒡ ᐊ ᒥᓴᔨᒡ ᐅᐤᑕ ᑲ ᐊᐱᒋᑕᒡ ᐊ ᐱᐸ ᐊᑕᐛᒡ ᒐᒂᔪᐛ ᐛᔪᐤ ᐊᓐᑕ ᒋ ᐅᒋᑲᐳᐅᒡ᙮

ᒋᔅᒐᔨᑕᑯᑕᒐᐅᓐ 18:17 Iomraidhean Croise

ᐊᑈᔅᑕᓇᒡ 27:11

ᐊᑯ ᒥᒄ ᐊᓐ ᐊᓯᒪᑭᓂᓯᐤ ᐅᒋᒪᐤ ᐅᔅᑕ ᐊᓂᔭ ᐊ ᒥᓴᔨᒡ ᐅᐤᑎᔪᐤ ᐅᒋᒪᐛ ᑭᔭ ᐊᓂᔭ ᑲ ᑎᐱᔨᐛᐅᓯᔨᒋ ᐊᓂᔭ ᐅᐤᑎᔪᐤ ᒋ ᓂᑐᑐᐛᐅᐤ ᑕᓐ ᐊ ᐃᔅᒋᔄᔨᒋ, ᐊᑯ ᓇᒪ ᐅᒋ ᐊᔭᐱᓯᑐᐛᐤ ᑕᓐ ᑲ ᐃᔅᒋᔄᔨᒋ ᑈᓚ᙮

ᒋᔅᒐᔨᑕᑯᑕᒐᐅᓐ 17:12

“ᐊᓂᔭᔪᐛ ᒪᒃ ᐸᐃᑯᔪᐤ ᑲ ᐃᑕᑎᓂᔨᒋ ᐅᑦ ᐊᔅᑭᓇ ᐊᓐ ᒥᒋ ᐊᐛᓯᔅ, ᐎᑎᒪᒐᒥᑭᓂᔪᐤ ᐸᐃᑯᔪᐤ ᒐ ᑕᑎᓯᔨᒋ ᒋᓴᐅᒋᒪᐛ ᐊᔅᒄ ᒐ ᒋᓴᐅᒋᒪᐎᔨᒋ᙮ ᒋ ᐱᔅᑎᓇᑭᓄᐎᒡ ᑭᔭ ᐎᔨᐛᐤ ᒥᒄ ᐛᐃᐱᔅᒋᔅ ᒐᒋ ᒋᓴᐅᒋᒪᐅᒡ ᐅᒡ ᒋᓴᐅᒋᒪᐅᒡ ᒪᒂᒡ ᒋᓴᐅᒋᒪᐎᔨᒐᓂ ᐊᓂᔭ ᒥᒋ ᐊᐛᓯᓴ᙮

ᒋᔅᒐᔨᑕᑯᑕᒐᐅᓐ 17:16

ᐊᓂᔭᔪᐛ ᒪᒃ ᐸᐃᑯᔪᐤ ᐊᔅᑭᓇ ᑲ ᐛᐸᑎᒥᓐ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᐊᑎ ᐛᐧᑲᑕᐅᒡ ᐊᓂᔭᔪᐛ ᐃᔎᐛ ᑲ ᐱᓯᒂᑎᓯᔨᒋ᙮ ᒥᓯᐛ ᒋᑭ ᐅᑎᓂᒧᐛᐅᒡ ᑕᓐ ᐊ ᐃᓯ ᐊᔭᔨᒋ᙮ ᒐ ᐊᑎ ᒧᓴᔅᑭᑕᓇᒡ ᑭᔭ ᒋᑭ ᐊᑎ ᒧᐛᐅᒡ ᑭᔭ ᓇᔅᒡ ᒋᑭ ᓂᓱᐅᓇᒋᐊᐅᒡ ᐊ ᐃᔎᔄᒡ᙮

ᒋᔅᒐᔨᑕᑯᑕᒐᐅᓐ 18:19

ᒋ ᒪᐅᒡ ᑭᔭ ᒋ ᓂᓇᐧᑲᑥᐅᑎᒧᒡ᙮ ᐃᔭᑲᔪᐤ ᒋ ᐃᓯ ᐛᐱᓂᒧᒡ ᐅᔅᑎᒂᓂᐛᒡ ᐊ ᐛᐸᑎᔨᐛᒡ ᐊᔅᐱᔅ ᒥᒐᔨᑕᒡ᙮ ᐊᐅᑯᓐ ᒪᒃ ᑲ ᐃᑎᑕᑯᓯᒡ, ‘ᑕᑈ ᑯᔅᑕᑎᑯᓐ᙮ ᑕᑈ ᑯᔅᑕᑎᑯᓐ᙮ ᑯᔅᑕᑎᑯᓐ ᑕᓐ ᐊ ᐃᔅᐱᔨᒡ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᐊᓐᑕ ᑲ ᐅᒋ ᐅᓱᓇᔭᓂᒥᐧᑲᓱᒡ ᐊᓐᒡ ᐊ ᒥᓴᒡ ᐅᐤᑕ ᑲᒋ ᐊᐱᒋᑕᒡ ᓂᓇᐧᑯᐤ ᒐᒂᔪᐛ ᐊ ᐱᐸ ᐊᑕᐛᒡ᙮ ᐊᓂᔭ ᑲ ᐃᓯ ᒋ ᐛᔪᒡ ᑎᑯᓂᔨᒡ ᒐᒂᔪᐤ ᐊᓐᑕ ᐊᓂᔭ ᐅᑕᓇᔪᐤ, ᐊᑯᑕ ᑲ ᐅᒋ ᐅᓱᓇᔭᓂᒥᐧᑲᓱᒡ᙮ ᐸᐃᒄ ᑎᐸᐃᑭᓇ ᒪᒃ ᐃᔅᐱᔅ ᓴᔅ ᒥᓯᐛ ᒋ ᓂᓱᐅᓇᑎᓐ᙮’