ᒋᔅᒐᔨᑕᑯᑕᒐᐅᓐ 18:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ “ᐊᓐᒡ ᒪᒃ ᐊ ᐊᑕᐛᒡ ᒐᒂᔪᐤ ᑲ ᐅᒋ ᐱᒪᒋᐅᒡ ᒋ ᐅᓱᓇᔭᓂᒥᐧᑲᑯᒡ ᐊᓂᔭ ᐅᑕᓇᔪᐤ᙮ ᐊᑯ ᒪᒃ ᐛᔪᐤ ᐊᓐᑕ ᒐ ᐅᒋᑲᐳᐅᒡ ᐛᔅ ᑯᔅᑕᒍᐅᒡ ᑭᔭ ᐎᔨᐛᐤ ᒐᒋ ᐊᓯᒡ ᓂᓇᐧᑲᑕᔨᒧᐊᑭᓄᐎᒡ ᑕᓐ ᐊ ᐃᓯ ᓂᓇᐧᑲᑕᔨᒧᐊᑭᓄᔨᒋ᙮ ᒋᑭ ᒪᐅᒡ ᑭᔭ ᒋᑭ ᓂᓇᐧᑲᑥᐅᑎᒧᒡ᙮

ᒋᔅᒐᔨᑕᑯᑕᒐᐅᓐ 18:15 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:17

ᒋ ᒋᔅᑯᑎᒪᒐᐤ ᒪᒃ, ᐊ ᐃᔅᒋᔄᑦ, “ᓇᒪᐎᔾ ᐊ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᐊᔭᒥᐊᐅᒋᐛᑉ ᒋᑭ ᐃᓯᓂᐧᑲᑕᐤ ᓂᒡ, ᐊᓐᑕ ᒥᓯᐛ ᐊᐛᓐ ᐊ ᐃᑎᔅᑲᓇᓯᑦ ᒐᒋ ᐊᔭᒥᐊᑦ ? ᒋᔨᐛᐤ ᒪᒃ ᒧᔭᒻ ᑲᒋᒧᑎᒡ ᐅᐛᑎᑯᐛᐤ ᐊᑯᓐ ᐊ ᐃᓯᓇᑯᑕᐛᒄ ᒋᓴᒪᓂᑐᐤ ᐎᒡ᙮”

ᐊᑈᔅᑕᓇᒡ 16:19

ᐃᔅᐱ ᒪᒃ ᐊᓐ ᐃᔎᔅ ᐊᓂᔭᔪᐛ ᐅᒋᒪᒪ ᑲ ᐛᐸᑎᒥᔨᒋ ᒐ ᐊᑲ ᒋ ᐅᓱᓇᔭᓂᒥᐧᑲᑯᒡ, ᒋ ᒪᑯᓇᐅᒡ ᐊᓂᔭ ᑈᓚ ᑭᔭ ᓴᓂᓴ, ᐊᑯ ᑲ ᐃᑐᑕᐊᒡ ᐊᓐᑕ ᑲᒋ ᒪᒧᐎᔨᒋ ᐊᐛᔪᐛ ᐊᓐᑕ ᑲ ᑕᔨᒋ ᐊᓂᔭ ᑲ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ᙮

ᒋᔅᒐᔨᑕᑯᑕᒐᐅᓐ 18:12

ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᑕᓐ ᐊ ᐃᓯ ᐊᔭᒡ ᒐᒂᔪᐛ ᐎᔄᐅᓱᓇᔭᐱᔅᑯᒡ ᒪᒃ ᐛᐱᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓇᔨᒋ ᐅᑦ ᐊᓯᓂᒧᐛᐛ ᑲ ᒥᔪᓯᓯᔨᒋ, ᒪᒃ ᐊᓂᔭᔪᐛ ᑲ ᐎᔄᐛᐱᔅᒋᓯᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᐅᑦ ᐊᐱᒋᑕᐅᓄᐛᐛ ᑲ ᓱᓯᐛᑭᓂᔨᒋ ᓇᔅᒡ ᑲ ᒥᔪᐛᑭᓯᔨᒋ ᒪᒃ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ ᑲ ᐅᑐᒋᒥᒂᑭᓂᔨᒋ ᒪᒃ ᐊᓂᔭᔪᐛ ᑲ ᐃᓯᓂᐧᑲᓂᔨᒋ ᑭᔭ ᐊᓂᔭᔪᐛ ᑲ ᒥᒂᑭᓂᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐ ᐅᑎᓇᔨᒋ ᒥᓯᐛ ᐊ ᐃᓯᓇᑯᓯᔨᒋ ᑲ ᐎᒋᒪᑯᓯᔨᒋ ᒥᔅᑎᒂ ᑲ ᐊᔭᐛᒡ ᒐᒋ ᐊᑕᐛᒡ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᓇᐧᑯᐤ ᐊ ᐃᓯᓇᑯᓂᔨᒋ ᒐᒂᔪᐛ ᐛᐱᑯᓂᒡ ᒪᒃ ᑲ ᓱᓇᔭᐎᔨᒋ ᒥᔅᑎᒂ ᒪᒃ ᑲ ᐎᐸᐱᔅᒋᓯᔨᒋ ᓱᓇᔭᐱᔎ ᑲ ᐅᒋ ᐅᓯᑕᑭᓄᐎᒡ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᐊᓂᔭᔪᐛ ᒐᒂᔪᐛ ᐃᓴᑯᒡ ᒪᒃ ᐊᓯᓂᔭ ᑲ ᓱᓱᐛᐱᔅᒋᓯᔨᒋ ᑲ ᐅᒋ ᐅᓯᑕᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 18:13

ᓇᒪ ᑭᔭ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᑕᐅᒋᑕᑭᓂᒡ ᑲ ᐅᑎᓇᑭᓄᐎᒡ ᐱᒥᔪᐤ ᑲ ᐎᒋᒪᑯᓂᔨᒡ ᒪᒃ ᐊᓂᔭᔪᐛ ᓂᐱᓯᔭ ᑲ ᐎᒋᒪᑯᓂᔨᒋ᙮ ᑭᔭ ᒋ ᐊᔭᐅᒡ ᐊ ᐊᑕᐛᒡ ᐊᓂᔭᔪᐛ ᑲ ᐎᒋᒪᑯᓂᔨᒋ ᐊ ᐃᔎᓯᑭᓄᔨᒋ, ᑲ ᓱᓇᔭᐎᔨᒋ ᑐᒥᓂᑭᓇ, ᑲ ᐎᒋᒪᓱᔨᒋ ᐱᒍᐛ, ᑭᔭ ᓱᒥᓇᐳᔪᐤ, ᐱᒥᔪᐤ, ᐸᒂᓯᑭᓇ ᑲ ᒥᔪᓯᓯᔨᒋ, ᐊᔪᒥᓇ, ᒥᔅᑐᓴ, ᒪᔭᑕᓂᓴ, ᑲᐸᐃᑭᔎᐛ, ᑭᔭ ᐊᓂᔭᔪᐛ ᑎᑎᐱᑕᐸᓇᔎ ᑲᐸᐃᑭᔎᐛ ᑲᒋ ᐅᑕᐸᔨᒋ᙮ ᑭᔭ ᓇᒪ ᐅᒋ ᑕᔪᐛ ᐊᐛᔪᐛ ᒐ ᐅᑎᓇᔨᒋ ᐊᓂᔭᔪᐛ ᐊᐱᒋᐊᑭᓇ ᑲ ᐊᑕᐛᒡ᙮”

ᒋᔅᒐᔨᑕᑯᑕᒐᐅᓐ 18:14

“ᐊᑯ ᒪᒃ ᐅᒡ ᐊ ᐊᑕᐛᒡ ᒐᒂᔪᐤ ᑲ ᐅᒋ ᐱᒪᒋᐅᒡ ᒐ ᐃᑕᒡ ᐊᓂᔭᔪᐛ ᐊᓐᑕ ᐊ ᑕᔨᒋ, ‘ᒋᔾ ᐸᐱᓗᓐ, ᒥᓯᐛ ᒐᒂᓐ ᓇᔅᒡ ᐊ ᒥᔽᓯᒡ ᑲ ᐎ ᐊᔭᔨᓐ, ᓂᓱᐅᓇᑎᓐ᙮ ᒥᓯᐛ ᐊᓂᔭ ᒐᒂᔪᐛ ᐊᑎ ᓇᔅᒡ ᑲ ᐅᒋ ᐎ ᒪᒥᔽᔨᑎᒥᐃᓱᔨᓐ ᓂᓇᐧᑯᐤ ᐊ ᐎ ᐃᓯ ᐛᐛᒋᐅᔨᓐ ᑭᔭ ᒥᓯᐛ ᑕᓐ ᑲ ᐃᓯ ᒥᔽᓯᒡ ᑲ ᐃᓯ ᐊᔭᔨᓐ, ᓂᓱᐅᓇᑎᓐ᙮ ᓇᒪ ᒪᒃ ᒥᓐ ᓂᑕ ᒋᑭ ᐅᒋ ᐊᔭᓐ᙮’ ”

ᒋᔅᒐᔨᑕᑯᑕᒐᐅᓐ 18:19

ᒋ ᒪᐅᒡ ᑭᔭ ᒋ ᓂᓇᐧᑲᑥᐅᑎᒧᒡ᙮ ᐃᔭᑲᔪᐤ ᒋ ᐃᓯ ᐛᐱᓂᒧᒡ ᐅᔅᑎᒂᓂᐛᒡ ᐊ ᐛᐸᑎᔨᐛᒡ ᐊᔅᐱᔅ ᒥᒐᔨᑕᒡ᙮ ᐊᐅᑯᓐ ᒪᒃ ᑲ ᐃᑎᑕᑯᓯᒡ, ‘ᑕᑈ ᑯᔅᑕᑎᑯᓐ᙮ ᑕᑈ ᑯᔅᑕᑎᑯᓐ᙮ ᑯᔅᑕᑎᑯᓐ ᑕᓐ ᐊ ᐃᔅᐱᔨᒡ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᐊᓐᑕ ᑲ ᐅᒋ ᐅᓱᓇᔭᓂᒥᐧᑲᓱᒡ ᐊᓐᒡ ᐊ ᒥᓴᒡ ᐅᐤᑕ ᑲᒋ ᐊᐱᒋᑕᒡ ᓂᓇᐧᑯᐤ ᒐᒂᔪᐛ ᐊ ᐱᐸ ᐊᑕᐛᒡ᙮ ᐊᓂᔭ ᑲ ᐃᓯ ᒋ ᐛᔪᒡ ᑎᑯᓂᔨᒡ ᒐᒂᔪᐤ ᐊᓐᑕ ᐊᓂᔭ ᐅᑕᓇᔪᐤ, ᐊᑯᑕ ᑲ ᐅᒋ ᐅᓱᓇᔭᓂᒥᐧᑲᓱᒡ᙮ ᐸᐃᒄ ᑎᐸᐃᑭᓇ ᒪᒃ ᐃᔅᐱᔅ ᓴᔅ ᒥᓯᐛ ᒋ ᓂᓱᐅᓇᑎᓐ᙮’

ᒋᔅᒐᔨᑕᑯᑕᒐᐅᓐ 18:3

ᐛᔅ ᐊᓐᒡ ᐊᓐᑕ ᑲ ᐎᒋᒡ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓇᔅᒡ ᐛᐸᒻ ᒋ ᐅᒋ ᓇᐃᐱᔨᑐᐛᐅᒡ ᒐᒋ ᓂᓱᐅᓇᒋᐃᑯᔨᒋ ᐊ ᐎᓂᓱᐤ ᐱᒪᑎᓯᔨᒋ᙮ ᒧᔭᒻ ᐊᒋ ᒥᓇᐊᒡ ᓱᒥᓇᐳᔪᐤ ᒐᒋ ᒋᔎᐸᔅᑲᑯᔨᒋ, ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᑲ ᐃᑐᑐᐛᒡ᙮ ᒋ ᐸᒋ ᐎᒋ ᐎᓂᓱᐤ ᐱᒪᑎᓯᒥᑯᐅᒡ ᒋᓴᐅᒋᒪᐛ ᐅᑕ ᐊᔅᒋᒡ ᑲ ᑕᔨᒋ᙮ ᐊᑯ ᐊᓂᔭᔪᐛ ᐊ ᐊᑕᐛᔨᒋ ᒐᒂᔪᐤ ᑲ ᐅᒋ ᐱᒪᒋᐅᔨᒋ, ᒋ ᐅᓱᓇᔭᓂᒥᐧᑲᓱᔪᐛ ᑕᓐ ᑲ ᐃᓯ ᐊᑲ ᐅᒋ ᐳᓂᐱᔨᒡ ᐊ ᐎ ᐛᔪᑎᓯᒡ᙮ ᐎᓂᓱᐱᒪᑎᓯᐅᓂᒡ ᒋ ᐅᒋ ᐅᓱᓇᔭᓂᒥᐧᑲᓱᐅᒡ᙮”