ᒋᔅᒐᔨᑕᑯᑕᒐᐅᓐ 18:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ “ᐊᑯ ᒪᒃ ᐅᒡ ᐊ ᐊᑕᐛᒡ ᒐᒂᔪᐤ ᑲ ᐅᒋ ᐱᒪᒋᐅᒡ ᒐ ᐃᑕᒡ ᐊᓂᔭᔪᐛ ᐊᓐᑕ ᐊ ᑕᔨᒋ, ‘ᒋᔾ ᐸᐱᓗᓐ, ᒥᓯᐛ ᒐᒂᓐ ᓇᔅᒡ ᐊ ᒥᔽᓯᒡ ᑲ ᐎ ᐊᔭᔨᓐ, ᓂᓱᐅᓇᑎᓐ᙮ ᒥᓯᐛ ᐊᓂᔭ ᒐᒂᔪᐛ ᐊᑎ ᓇᔅᒡ ᑲ ᐅᒋ ᐎ ᒪᒥᔽᔨᑎᒥᐃᓱᔨᓐ ᓂᓇᐧᑯᐤ ᐊ ᐎ ᐃᓯ ᐛᐛᒋᐅᔨᓐ ᑭᔭ ᒥᓯᐛ ᑕᓐ ᑲ ᐃᓯ ᒥᔽᓯᒡ ᑲ ᐃᓯ ᐊᔭᔨᓐ, ᓂᓱᐅᓇᑎᓐ᙮ ᓇᒪ ᒪᒃ ᒥᓐ ᓂᑕ ᒋᑭ ᐅᒋ ᐊᔭᓐ᙮’ ”

ᒋᔅᒐᔨᑕᑯᑕᒐᐅᓐ 18:14 Iomraidhean Croise

ᑎᐱᑦ ᐅᓂᑭᒧᐅᓇ 106:14

ᒪᒃ ᓇᔅᒡ ᒋ ᒥᒋᐃᑕᔨᑎᒧᒡ ᐸᐧᑯᑎᔅᑭᒥᑲᒡ; ᑭᔭ ᒋ ᑯᒂᒋᐊᐅᒡ ᒋᓴᒪᓂᑐᐛ ᐊᓐᑕ ᐊ ᒋᐛᑕᔨᑕᑯᓂᔨᒡ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 78:18

ᒋ ᑯᒂᒋᐊᐅᒡ ᒪᒃ ᒋᓴᒪᓂᑐᐛ ᐅᑕᐃᐛᒡ, ᐊ ᓂᑐᑎᒪᒡ ᒥᒋᒥᔪᐤ ᐅᒥᒋᐃᑕᔨᑎᒧᐅᓄᐛᐤ ᐅᒡ᙮

ᒪᑎᔪᐤ 11:8

ᒐᒂᓐ ᒪᒃ ᐛᒋ ᓂᑐᐛᐱᒪᒄ ? ᐊᐛᓐ ᑲ ᐃᑕᔨᒪᒄ ᒐ ᐛᐱᒪᒄ ? ᓇᐸᐤ ᐊ ᓇᔅᒡ ᐊ ᒥᔽᔅᐱᓱᑦ ? ᐊᓐᒡ ᐊᐛᓐᒋ ᑲ ᒥᔽᔅᐱᓱᒡ ᒋᓴᐅᒋᒪᐛ ᐎᒋᔨᒡ ᐊᑯᑕ ᐊᑕᒡ᙮

ᓗᒃ 12:20

“ᐊᑯ ᒋᓴᒪᓂᑐᐛ ᒂ ᐃᑎᑯᑦ, ‘ᑕᑈ ᒋᐎᔭᓯᒥᑎᓱᓐ, ᐊᓄᒡ ᐅ ᒐ ᑎᐱᔅᑲᒡ ᒋᐱᒪᑎᓯᐅᓐ ᒋᑭ ᐅᑎᓇᑭᓄᐤ᙮ ᐊᐛᓐ ᒪᒃ ᒐ ᐊᔭᑦ ᒥᓯᐛ ᐊᓂᔭ ᑲ ᓇᐅᔅᑕᒪᓱᔨᓐ ᒐᒂᔪᐛ ?’ ”

ᓗᒃ 16:25

“ᐊᑯ ᐊᑉᕋᐊᒻ ᒂ ᐃᑕᑦ, ‘ᒋ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ᒐᒂᓐ ᔅᒋ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ᓂᓇᐧᑲᑕᔨᒧᓐ᙮

1 ᑯᕆᓐᑎᔭᓇ 10:6

ᒋᐸ ᑎᑯᓂᔪᐤ ᐊ ᐃᓯ ᐃᔭᒂᒥᒥᑯᐅᔭᐧᒄ ᒥᓯᐛ ᑕᓐ ᑲ ᐃᔅᐱᔨᒡ, ᒐ ᐊᑲ ᒋ ᐃᓯᓇᑯᓯᔭᐧᒄ ᒋᔭᓄᐤ ᒐᒋ ᒧᔅᑕᓇᔨᑎᒪᐧᒄ ᒥᒐᑎᓯᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 4:2

ᐊ ᓂᑐᐛᔨᑎᒪᒄ ᒐᒂᓐ ᐊᑲ ᒪᒃ ᒋ ᐊᔭᔭᒄ, ᒐᒃ ᓇᔅᒡ ᒋ ᐎ ᓂᐸᐊᐛᐤ ᐊᐛᓐ᙮ ᓇᔅᒡ ᐊ ᒧᔅᑕᓇᔨᑎᒪᒄ ᒐᒋ ᐊᔭᔭᒄ ᒐᒂᓐ ᐊᑲ ᒪᒃ ᒋ ᐎᐧᑯᒋᑎᒪᓱᔭᒄ, ᐊᑯᑕ ᐛᒋᐱᔨᒡ ᐊ ᒪᓯᐃᑐᔭᒄ ᑭᔭ ᐊ ᐊᔭᔅᑕᒥᑐᔭᒄ᙮ ᓇᒪ ᒪᒃ ᔅᒋ ᐊᔭᓇᐛᐤ ᑕᓐ ᐊ ᐃᓯ ᓂᑐᐛᔨᑎᒪᒄ ᐊᑲ ᓂᑐᑎᒪᔭᒄ᙮

ᒋᔅᒐᔨᑕᑯᑕᒐᐅᓐ 18:13

ᓇᒪ ᑭᔭ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᑕᐅᒋᑕᑭᓂᒡ ᑲ ᐅᑎᓇᑭᓄᐎᒡ ᐱᒥᔪᐤ ᑲ ᐎᒋᒪᑯᓂᔨᒡ ᒪᒃ ᐊᓂᔭᔪᐛ ᓂᐱᓯᔭ ᑲ ᐎᒋᒪᑯᓂᔨᒋ᙮ ᑭᔭ ᒋ ᐊᔭᐅᒡ ᐊ ᐊᑕᐛᒡ ᐊᓂᔭᔪᐛ ᑲ ᐎᒋᒪᑯᓂᔨᒋ ᐊ ᐃᔎᓯᑭᓄᔨᒋ, ᑲ ᓱᓇᔭᐎᔨᒋ ᑐᒥᓂᑭᓇ, ᑲ ᐎᒋᒪᓱᔨᒋ ᐱᒍᐛ, ᑭᔭ ᓱᒥᓇᐳᔪᐤ, ᐱᒥᔪᐤ, ᐸᒂᓯᑭᓇ ᑲ ᒥᔪᓯᓯᔨᒋ, ᐊᔪᒥᓇ, ᒥᔅᑐᓴ, ᒪᔭᑕᓂᓴ, ᑲᐸᐃᑭᔎᐛ, ᑭᔭ ᐊᓂᔭᔪᐛ ᑎᑎᐱᑕᐸᓇᔎ ᑲᐸᐃᑭᔎᐛ ᑲᒋ ᐅᑕᐸᔨᒋ᙮ ᑭᔭ ᓇᒪ ᐅᒋ ᑕᔪᐛ ᐊᐛᔪᐛ ᒐ ᐅᑎᓇᔨᒋ ᐊᓂᔭᔪᐛ ᐊᐱᒋᐊᑭᓇ ᑲ ᐊᑕᐛᒡ᙮”

ᒋᔅᒐᔨᑕᑯᑕᒐᐅᓐ 18:15

“ᐊᓐᒡ ᒪᒃ ᐊ ᐊᑕᐛᒡ ᒐᒂᔪᐤ ᑲ ᐅᒋ ᐱᒪᒋᐅᒡ ᒋ ᐅᓱᓇᔭᓂᒥᐧᑲᑯᒡ ᐊᓂᔭ ᐅᑕᓇᔪᐤ᙮ ᐊᑯ ᒪᒃ ᐛᔪᐤ ᐊᓐᑕ ᒐ ᐅᒋᑲᐳᐅᒡ ᐛᔅ ᑯᔅᑕᒍᐅᒡ ᑭᔭ ᐎᔨᐛᐤ ᒐᒋ ᐊᓯᒡ ᓂᓇᐧᑲᑕᔨᒧᐊᑭᓄᐎᒡ ᑕᓐ ᐊ ᐃᓯ ᓂᓇᐧᑲᑕᔨᒧᐊᑭᓄᔨᒋ᙮ ᒋᑭ ᒪᐅᒡ ᑭᔭ ᒋᑭ ᓂᓇᐧᑲᑥᐅᑎᒧᒡ᙮