ᒋᔅᒐᔨᑕᑯᑕᒐᐅᓐ 18:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᓇᒪ ᑭᔭ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᑕᐅᒋᑕᑭᓂᒡ ᑲ ᐅᑎᓇᑭᓄᐎᒡ ᐱᒥᔪᐤ ᑲ ᐎᒋᒪᑯᓂᔨᒡ ᒪᒃ ᐊᓂᔭᔪᐛ ᓂᐱᓯᔭ ᑲ ᐎᒋᒪᑯᓂᔨᒋ᙮ ᑭᔭ ᒋ ᐊᔭᐅᒡ ᐊ ᐊᑕᐛᒡ ᐊᓂᔭᔪᐛ ᑲ ᐎᒋᒪᑯᓂᔨᒋ ᐊ ᐃᔎᓯᑭᓄᔨᒋ, ᑲ ᓱᓇᔭᐎᔨᒋ ᑐᒥᓂᑭᓇ, ᑲ ᐎᒋᒪᓱᔨᒋ ᐱᒍᐛ, ᑭᔭ ᓱᒥᓇᐳᔪᐤ, ᐱᒥᔪᐤ, ᐸᒂᓯᑭᓇ ᑲ ᒥᔪᓯᓯᔨᒋ, ᐊᔪᒥᓇ, ᒥᔅᑐᓴ, ᒪᔭᑕᓂᓴ, ᑲᐸᐃᑭᔎᐛ, ᑭᔭ ᐊᓂᔭᔪᐛ ᑎᑎᐱᑕᐸᓇᔎ ᑲᐸᐃᑭᔎᐛ ᑲᒋ ᐅᑕᐸᔨᒋ᙮ ᑭᔭ ᓇᒪ ᐅᒋ ᑕᔪᐛ ᐊᐛᔪᐛ ᒐ ᐅᑎᓇᔨᒋ ᐊᓂᔭᔪᐛ ᐊᐱᒋᐊᑭᓇ ᑲ ᐊᑕᐛᒡ᙮”

ᒋᔅᒐᔨᑕᑯᑕᒐᐅᓐ 18:13 Iomraidhean Croise

ᐊᒃᓱᑕᔅ 21:16

ᐊᐛᓐ ᐊ ᒋᒧᑎᑦ ᑯᑎᑲ ᐊᐛᔪᐛ ᐊ ᐎ ᑕᐛᒐᑦ ᑭᔭ ᒪᒃ ᒐᒋ ᑭᓄᐛᔨᒪᑦ ᒧᔭᒻ ᐊᐱᒋᐊᑭᓇ, ᒋᑭ ᐎ ᓂᐸᐊᑭᓄᐤ᙮

1 ᑎᒧᑎ 1:10

ᑭᔭ ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᑐᑐᐛᒡ ᐊᐛᔪᐛ ᑭᔭ ᐊᓐᒡ ᓇᐸᐅᒡ ᑲ ᐎᒐᐛᒡ ᐎᑕᐸᐛᐛ ᑭᔭ ᐃᔎᐅᒡ ᑲ ᐎᒐᐛᒡ ᐎᑎᔎᐛᐛ ᑭᔭ ᐊᓐᒡ ᑲ ᒋᒧᑎᒡ ᐊᐛᔪᐛ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ ᑭᔭ ᐊᓐᒡ ᓂᑎᒥᒄ ᑲ ᐃᑕᒋᒧᒡ ᐊᑎ ᐊᒋ ᓇᔅᐱᒡ ᐎ ᑕᑈᒡ ᑭᔭ ᒥᓯᐛ ᐊᓐᒡ ᐊᐛᓐᒋ ᐊᑲ ᐃᑐᑕᒡ ᑕᓐ ᐊ ᐃᑎᓱᐛᒥᑭᓂᔨᒡ ᐅᔭ ᒥᔪ ᒋᔅᑯᑎᒪᒐᐅᓂᔪᐤ᙮

2 ᐱᑕᕐ 2:3

ᐊᓂᔭ ᒪᒃ ᒐ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ᐃᑕᒋᒧᔅᑕᑕᑯᒡ ᒐ ᐅᒋ ᐎ ᐃᑕᐱᒋᐃᑕᑯᒡ ᒐᒋ ᐅᒋ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ᐊᔭᔅᑯᔅᑕᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᑭᔭ ᒧᔅ ᒋ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ᓂᓱᐅᓇᑎᓯᒡ᙮

ᒋᔅᒐᔨᑕᑯᑕᒐᐅᓐ 18:14

“ᐊᑯ ᒪᒃ ᐅᒡ ᐊ ᐊᑕᐛᒡ ᒐᒂᔪᐤ ᑲ ᐅᒋ ᐱᒪᒋᐅᒡ ᒐ ᐃᑕᒡ ᐊᓂᔭᔪᐛ ᐊᓐᑕ ᐊ ᑕᔨᒋ, ‘ᒋᔾ ᐸᐱᓗᓐ, ᒥᓯᐛ ᒐᒂᓐ ᓇᔅᒡ ᐊ ᒥᔽᓯᒡ ᑲ ᐎ ᐊᔭᔨᓐ, ᓂᓱᐅᓇᑎᓐ᙮ ᒥᓯᐛ ᐊᓂᔭ ᒐᒂᔪᐛ ᐊᑎ ᓇᔅᒡ ᑲ ᐅᒋ ᐎ ᒪᒥᔽᔨᑎᒥᐃᓱᔨᓐ ᓂᓇᐧᑯᐤ ᐊ ᐎ ᐃᓯ ᐛᐛᒋᐅᔨᓐ ᑭᔭ ᒥᓯᐛ ᑕᓐ ᑲ ᐃᓯ ᒥᔽᓯᒡ ᑲ ᐃᓯ ᐊᔭᔨᓐ, ᓂᓱᐅᓇᑎᓐ᙮ ᓇᒪ ᒪᒃ ᒥᓐ ᓂᑕ ᒋᑭ ᐅᒋ ᐊᔭᓐ᙮’ ”

ᒋᔅᒐᔨᑕᑯᑕᒐᐅᓐ 18:15

“ᐊᓐᒡ ᒪᒃ ᐊ ᐊᑕᐛᒡ ᒐᒂᔪᐤ ᑲ ᐅᒋ ᐱᒪᒋᐅᒡ ᒋ ᐅᓱᓇᔭᓂᒥᐧᑲᑯᒡ ᐊᓂᔭ ᐅᑕᓇᔪᐤ᙮ ᐊᑯ ᒪᒃ ᐛᔪᐤ ᐊᓐᑕ ᒐ ᐅᒋᑲᐳᐅᒡ ᐛᔅ ᑯᔅᑕᒍᐅᒡ ᑭᔭ ᐎᔨᐛᐤ ᒐᒋ ᐊᓯᒡ ᓂᓇᐧᑲᑕᔨᒧᐊᑭᓄᐎᒡ ᑕᓐ ᐊ ᐃᓯ ᓂᓇᐧᑲᑕᔨᒧᐊᑭᓄᔨᒋ᙮ ᒋᑭ ᒪᐅᒡ ᑭᔭ ᒋᑭ ᓂᓇᐧᑲᑥᐅᑎᒧᒡ᙮